ZKIZ Archives


張名雅收新兵馬場狂咀

1 : GS(14)@2016-04-15 16:30:05

【連咀幾次】■張名雅前晚陪男友到馬場,本報讀者陳小姐透過「爆相爆片」指二人情到濃時更當眾咀嘴。


【爆相爆片】現年28歲的張名雅,挾張堅庭姪女之名參選2012年港姐,並成功奪冠,惜幾年來都被無綫投閒置散,跟同屆的亞軍黃心穎及季軍朱千雪相比,工作量冇得比,而且參選以來是非、緋聞亦多籮籮,除了被指整容及傳她曾墮胎,當年亦被指為了選美飛甩愛錫她的宅男男友Billy Tsang,觀眾緣欠佳。兩個月前張名雅忽然在Instagram上載與莊士集團太子爺莊家彬頭貼頭合照,傳緋聞後又聲稱已有追求者,指與莊家彬只是認識多年的朋友。



【Sweet爆自拍】■張名雅挨住男友玩自拍,男友則捉着她的手。

【緋聞一覽】■被指愛收兵的張名雅,曾在Ig上載與莊家彬的貼頭合照,緋聞男友多籮籮。資料圖片


■2012年港姐冠軍張名雅(中),工作量遠遠不及同屆的黃心穎及朱千雪。資料圖片

錫到彎晒腰

讀者陳小姐昨日透過本報的「爆相爆片」報料,指前晚約7時在跑馬地馬場欣賞賽事期間,發現張名雅與男友在餐廳撐枱腳。相片所見,悉心打扮的張名雅前晚着上印有菊花圖案短裙,與穿西裝打呔、gel頭露出美人啄的男友影合照,其中一張更見張名雅整個人挨住男友影,另一張則與男友甜蜜咀嘴。陳小姐說:「佢哋攞嘢食都要拖住手,仲見到佢(張名雅)有坐喺個男仔大髀度。」陳小姐續透露:「佢哋應該買咗第7場,見佢有走出露台睇,然後兩個人有自拍合照,個男仔有錫佢嘴,錫咗幾次,有次仲錫到佢彎晒腰,然後佢哋喺跑完第8場嘅時間就走喇!」曾被爆喜歡「收兵」的張名雅,過去幾年有不少緋聞,除了大隻落選港男吳雲甫、何君誠,還有「MK甘小文」的舞蹈員男友,前年本報影到她「晉級」,與駕駛200萬瑪莎拉蒂的舞蹈員男友在中環蹺手行街,未料感情原來只有兩年大限,張名雅身邊男伴已經換畫,感情生活多姿多采,難怪沒工開亦不愁寂寞。採訪:李察





來源: http://hk.apple.nextmedia.com/entertainment/art/20160415/19571547
張名 名雅 雅收 新兵 馬場 狂咀
PermaLink: https://articles.zkiz.com/?id=299360

【爆相爆片】靚爆姊妹團9.9陪出嫁張名雅叉腰掃家品 孕味濃

1 : GS(14)@2016-08-18 06:04:29

【叉腰慢慢揀】■上周五張名雅在沙田為婚後愛巢添置家品。讀者提供圖片



前港姐張名雅(Carat)和未婚夫律師蔡錦豪(Joe)下月9日結婚,喻意「長長久久」,一對新人將會在尖沙嘴洲際酒店筵開30多席,早前張名雅邀請姊妹和兄弟團飯聚,姊妹團名單包括陳庭欣、何傲兒、唐貝詩、《體育世界》前主持李靄璣、何佩珉、譚凱琪,還有張名雅圈外朋友Kelly、Angela和Vivian。



【平底鞋穩陣】■素顏的張名雅身穿背心牛仔褲,打扮樸素。讀者提供圖片

■張名雅和男友蔡錦豪將於下月9日在尖沙嘴洲際酒店擺酒。資料圖片

■張名雅跟拍拖半年的蔡錦豪結婚,有指他們是雙喜臨門。資料圖片

■張名雅早前邀請一班姊妹團開心飯聚。互聯網圖片

不怕被搶鏡

姊妹團中有部份是張名雅在加拿大認識10多年的朋友,亦有圈中好友,全部都是索女,問她找來靚爆姊妹團不怕被搶鏡嗎?張名雅回覆傳媒說:「我哋啲兄弟姊妹一定有番咁上下,最緊要係大家都靚,只不過大家都話結婚嗰日,新郎哥新娘子一定會係最靚嘅,主角嘛,都冇話搶唔搶,都唔擔心呢樣嘢嘅。」本報收到讀者Winnie透過《蘋果》「爆相爆片」,表示上周五見到張名雅一個人在沙田的大型日式百貨公司看家品。


平底鞋出巡

現場所見,素顏的張名雅戴上黑框眼鏡,穿背心牛仔褲,外披一件黑色外套,打扮樸素看似一個學生妹。張名雅當日穿上平底鞋,做出叉腰的動作,早前有報道指她因為懷孕,所以拍拖半年急急和男友成婚。張名雅回覆傳媒說:「嗰日難得放假冇化妝出去,等皮膚休息吓,睇吓有冇嘢啱新屋,竟然咁橋俾人見到。」對於被指是雙喜臨門,張名雅曾說過是因為愛而結婚,記者再追問是否雙喜臨門?她笑說:「呢條問題都答過啦,唔答喇,哈哈!」之後續說:「有心任何嘢都做到嘅,睇上天安排啦,哈哈哈!」採訪:非非、唐心悠




來源: http://hk.apple.nextmedia.com/entertainment/art/20160818/19740272
爆相 相爆 爆片 靚爆 姊妹 9.9 出嫁 張名 名雅 叉腰 掃家 家品 孕味 味濃
PermaLink: https://articles.zkiz.com/?id=306378

張名雅深水埗入貨

1 : GS(14)@2016-09-03 23:28:55

互聯網圖片



張名雅於9月9日,寓意長久的日子與律師男友Joe結婚,在尖沙嘴洲際酒店筵開三十多席。準人妻心情既興奮又緊張,昨日她在Instagram再晒婚照,張名雅說:「平時拍劇、拍廣告、出event都會穿婚紗,但這次卻不一樣,因為有你。」另外,姊妹團昨與張名雅到深水埗入貨,何傲兒貼相:「我最愛嘅準新娘,你越來越fit同靚靚呀,愛情嘅魔力實在難以抵擋!今日五人行一齊去深水埗行街買遊戲用品……諗起都刺激。」撰文:非非




來源: http://hk.apple.nextmedia.com/entertainment/art/20160903/19758157
張名 名雅 深水 入貨
PermaLink: https://articles.zkiz.com/?id=307339

張名雅晒3卡婚戒

1 : GS(14)@2016-09-04 18:03:47

張名雅、莊思明與楊思琦等昨日於又一城出席慧妍雅集慈善月餅義賣活動,張名雅與未婚夫Joe於下星期五在洲際舉行婚禮,昨日戴着3卡求婚戒指,閃爆全場!一直盛傳張名雅奉子成婚,但仍未見肚,她說:「呢個問題唔答,結婚係開心,遲啲有消息會公佈。我哋思想好傳統,結婚後想有個家庭,有自己BB。」至於莊思明男友楊明於微博留言:「你是我人生裏面最後一個女人,交給我吧!」思明說:「佢都未求,睇吓求婚有冇戒指同驚喜。」思明指對方是結婚對象,媽咪都喜歡他。採訪:羅慧敏攝影:仇志德




來源: http://hk.apple.nextmedia.com/entertainment/art/20160904/19759166
張名 名雅 雅曬 卡婚 婚戒
PermaLink: https://articles.zkiz.com/?id=307470

【馮仁昭四圍超】朱千雪冇份賀張名雅

1 : GS(14)@2016-09-06 22:51:23

朱千雪、岑杏賢同張名雅係同屆港姐,本月9日張名雅同律師男友Joe結婚,喺洲際擺酒,唔知佢哋有冇份去飲?噚日朱千雪喺尖沙嘴出席記者會時話:「冇收到對方邀請,可能地位唔夠,我哋一直好少聯絡,人哋結婚有權請邊個。」問朱千雪感情生活又如何?佢話有圈外追求者,不過想低調,佢啱啱讀完碩士,又想讀埋博士,但係年底要開劇,如果讀博士就要同公司再商量。撰文:馮仁昭




來源: http://hk.apple.nextmedia.com/entertainment/art/20160906/19761266
馮仁 仁昭 四圍 朱千 千雪 雪冇 冇份 份賀 賀張 張名 名雅
PermaLink: https://articles.zkiz.com/?id=307852

何傲兒私伙比堅尼玩新郎張名雅花球遮肚嫁律師

1 : GS(14)@2016-09-10 13:54:37

【金器逼人】■張名雅昨日戴上約19對龍鳳鈪及金豬等金飾出嫁,至少有幾斤重,認真誇張。



9月娛圈喜事浪接浪,繼何潤東、舒淇和朱孝天後,2012年港姐冠軍張名雅昨日與律師男友蔡錦豪舉行婚禮。姊妹何傲兒昨借出私伙比堅尼泳衣作玩新郎兄弟之用,但張名雅出嫁時身上的金豬頸鏈及約19對龍鳳鈪更為搶眼奪目。張名雅昨不時以花球遮肚疑似有喜,對此笑謂:「今日唔講。」似是默認。



現年28歲港姐冠軍張名雅,於昨日9月9日與律師男友蔡錦豪(Joe)舉行婚禮,取其意長長久久。新娘子昨接新娘時穿上傳統裙褂,由陳庭欣、何傲兒、唐貝詩、譚凱琪及上市公司執董林珈莉等九位美女任姊妹團,其中何傲兒更借出私伙三點式泳衣,要新郎及兄弟團穿上行石春路,最終新郎過關斬將成功娶得美人歸。由於新郎哥親戚朋友眾多,新娘收金飾收到手軟,見張名雅除掛大金豬頸鏈外,手及頸上更有約19對龍鳳鈪,估計至少有幾斤重。



【父母祝福】■張名雅與新郎哥及雙方父母見傳媒時不時以花球遮肚疑似有喜。

【做足禮節】■一對新人依足傳統跪地斟茶給長輩。

【連咀三次】


鑽飾逾百萬

一對新人昨晚於尖沙嘴洲際酒店註冊及擺酒,筵開40席。婚禮前,張名雅換上白色婚紗與老公Joe接受傳媒訪問,雖然她穿上5吋高踭鞋,但見她腹部微隆,拍照期間又不時以花球遮肚,疑似有喜。記者問新娘子是否有BB,張名雅未有否認,只笑說:「今日唔講呢啲,之後有嘅就交畀老公。」再追問是否懷孕,張名雅仍是同一答覆:「今日都唔講,今日係結婚大好日子,唔講呢啲住,大家恭喜我新婚快樂啦!」答案似是默認有身孕。問到二人預計生多少個小朋友?新郎搶着謂:「越多越好。」嚇得身旁的張名雅眼凸凸說:「等我哋大家夾吓啦。」問到與Joe拍拖多久,張名雅亦不肯透露,揚言是秘密。記者指張名雅昨日滿身金飾出嫁,新郎Joe搶着解釋說:「屋企好多親戚,都係大家心意,唔係似土豪。」張名雅昨戴上三卡求婚鑽戒及逾七位數字鑽飾現身,她指父母送她鑽石耳環作嫁妝,婚禮上會佩戴當年港姐后冠出場,她說:「今晚婚禮會戴埋當年后冠,首飾都係嗰間珠寶公司贊助,計埋超過七位數,婚紗係朋友設計贊助。」她並表示完成香港婚禮後,將再飛往溫哥華與親友食飯慶祝。擔任姊妹的何傲兒昨拒絕透露開門利是多少,又笑言可能問題太易,新郎Joe在問答環節目輕易過關,她又指昨日接新娘儀式場面十分感動:「特別係女方父母將名雅交畀男方嘅時候!」



【泳衣上身】■何傲兒借出私伙比堅尼玩新郎及兄弟。

【省鏡姊妹】■陳庭欣、何傲兒、唐貝詩等好姊妹昨日陪張名雅出嫁。


麥明詩到賀

而昨晚婚宴,出席圈中人不多,與林作分手的麥明詩到場時揚言未有留意新聞,免影響自己心情。伍允龍逗留約一小時便離開,問到女友劉佩玥有否前來時,他說:「張名雅應該有請,不過可能唔得閒嚟唔到。好恭喜佢哋,覺得佢哋好襯。」他表示送人情作賀禮,笑問何時輪到他結婚,他笑說:「呢啲等神安排啦。」翟威廉去到時,剛巧緋聞女友陳庭欣下來,但陳庭欣否認接翟威廉。採訪:張俊銘攝影:沈健程


■麥明詩昨晚獨自到場,表示沒有看前度林作的新聞。

■翟威廉到場時碰到陳庭欣。

■伍允龍揚言何時結婚等神的安排。



來源: http://hk.apple.nextmedia.com/entertainment/art/20160910/19766296
何傲 傲兒 兒私 私夥 夥比 堅尼 新郎 張名 名雅 花球 遮肚 肚嫁 律師
PermaLink: https://articles.zkiz.com/?id=308493

張名雅否認出手低「利是五位數」

1 : GS(14)@2016-09-29 08:05:38

■本月初出嫁的張名雅(右四),近日被唱開門利是只有三千八百元。資料圖片



2012年港姐冠軍張名雅今個月初風光嫁作人妻,跟律師老公蔡錦豪於尖沙嘴洲際酒店大排筵席,三十多對龍鳳鈪戴到上頸,還請了唐貝詩、何傲兒、陳庭欣等做姊妹陪嫁,惟有報道指近日有無綫人爆料,當日開門利是僅得3,800元,九位姊妹每人只分到422元,一對新人被唱出手低。報道還指張名雅派帖白鴿眼,不相熟的胡定欣、陳凱琳及蔡思貝等都收到帖,反而合作拍劇的奀星阮兒和周麗欣就被拒諸門外。張名雅昨日回應傳媒並否認傳聞:「點解結咗婚咁耐先有新聞嘅?開門利是係五位數字。」有份做姊妹的何傲兒亦力撐說:「呢啲嘢本來係一件開心嘅事,我唔回應錢嘅問題啦,總之係開心價!」採訪:皓騫、非非




來源: http://hk.apple.nextmedia.com/entertainment/art/20160929/19784721
張名 名雅 否認 出手 利是 是五 位數
PermaLink: https://articles.zkiz.com/?id=310584

被唱開門利是出手低 張名雅開group捉鬼

1 : GS(14)@2016-10-01 13:19:50

結婚,原本係一件值得恭喜同祝福嘅事,但因為一組銀碼——$3,800,引發茶杯風波,當事人張名雅同律師老公蔡錦豪,被指喺接新娘環節所封嘅開門利是,同姊妹期待嘅有啲啲落差!眾所周知,開門利是嘅銀碼,除咗新郎新娘外,就只有新娘一班好姊妹會知。撇除兩位新人,剩番落嚟嘅,就只得張名雅陪嫁嘅9位姊妹。而呢件新聞嘅源頭,係來自一份周刊爆料,照推斷,爆料姊妹好大機會係平時同傳媒有接觸嘅藝人。望番張名雅當日陪嫁姊妹陣容,身為藝人嘅,總共有6位:唐貝詩、何傲兒、譚凱琪、陳庭欣、節目主持李靄璣同動作演員何佩珉。而據當日有份在場嘅人透露,張名雅老公接過新娘後,有人目睹有位姊妹,偷偷企埋一邊,輕輕打開利是封,瞄咗一瞄……喺結婚前,張名雅早將兄弟姊妹團加入WhatsApp group chat,方便傾婚禮細節。日前新聞一出,一眾兄弟姊妹即喺WhatsApp中,抽絲剝繭討論「捉鬼」,更已鎖定目標。對於「捉鬼」一事,張名雅回覆傳媒時,語氣平靜咁話:「其實我都好搲頭,新聞點解會咁講?其實除咗開門利是,我嗰日都有俾佢哋(兄弟姊妹)啦,我哋爸爸媽媽都有俾,我覺得唔好講錢啦,講錢傷感情,但實情唔係$3,800,係五位數!而我亦都好相信我班姊妹,或者新聞想有好收視,先會咁報道啦!」至於被指人紅先派帖,張名雅就一口氣澄清話:「我12年加入公司,做過主持、司儀、拍劇、唱歌同綜藝節目,同我合作過嘅同事好多,親戚、朋友、平時拍完劇會約出嚟嘅,要請我都盡量請,但老實講,如果要請晒,有少少難。「其實有啲朋友我有請,但當日嚟唔到嘅,大家唔會知,好似黃心穎咁,佢有事嚟唔到,但佢好好,有嚟俾人情;至於胡定欣,佢嗰日生日,都專登嚟俾人情我,我同佢連續做過3、4套劇,覺得好有緣份,所以先請佢,絕對唔係乜嘢人紅先請、唔紅唔請囉!」




來源: http://hk.apple.nextmedia.com/entertainment/art/20161001/19787742
被唱 開門 利是 出手 張名 名雅 雅開 group 捉鬼
PermaLink: https://articles.zkiz.com/?id=310856

張名雅開門利是風波陳庭欣:內鬼唔係我

1 : GS(14)@2016-10-01 13:19:50

■張名雅於本月初風光嫁律師,近日卻有指姊妹爆出開門利是僅得3,800元。資料圖片



張名雅上月初下嫁律師蔡錦豪,戴上30幾對龍鳳
張名 名雅 開門 利是 風波 陳庭 庭欣 內鬼 鬼唔 唔係 係我
PermaLink: https://articles.zkiz.com/?id=310857

張名雅馬場啜爆 嘉欣亨亨拉馬場常客

1 : GS(14)@2016-10-10 16:14:32

W(王灝兒)周六同新歡Tarzan Ip(葉韋彤),拍拖去馬場睇男友嘅愛駒「一支梅」出賽,雖然「一支梅」最後未能勝出,JW未有機會同Tarzan一齊拉頭馬。不過唔緊要,來日方長,相信JW一定有機會好似好多女藝人咁,同愛侶一齊入馬場,睇愛駒出賽,然後拉頭馬。李嘉欣本身係馬主嘅許晉亨,曾先後擁有多匹愛駒,但好多都已經退役,好似「一寶」、「快意」咁,所以佢都係馬場常客,周不時會同老婆李嘉欣入馬場睇愛駒出賽。張名雅今年4月張名雅就俾《蘋果》讀者爆料,同律師男友蔡錦豪喺跑馬地馬場啜爆睇賽事,佢哋上月仲結埋婚!黃婉曼黃婉曼嘅老公係會計師兼馬主馮柏基,入馬場是常識吧!楊千嬅千嬅去年大年初三就同老公丁子高抱住囝囝丁進諾(Torres),入沙田馬場,當日千嬅奶奶黃淑貞名下的馬匹「野孩子」,就係頭場勝出,一家人去拉頭馬,好開心。




來源: http://hk.apple.nextmedia.com/entertainment/art/20161010/19796169
張名 名雅 馬場 啜爆 嘉欣 欣亨 亨亨 亨拉 常客
PermaLink: https://articles.zkiz.com/?id=311387

【馮仁昭四圍超】張名雅33咪高炒自拍

1 : GS(14)@2016-10-13 08:09:35

互聯網圖片





張名雅上個月同律師男友蔡錦豪(Joe)結婚,佢戴咗30幾對龍鳳鈪出嫁,但婚後卻爆出只有3,800蚊開門利是,大殺風景。不過張名雅同老公Joe懶理是非,佢哋近日去咗泰國蘇梅島度假,人妻張名雅着住火辣噴血三點式,高炒自拍照貼Instagram,谷爆33咪咪,肚平平唔似傳聞有孕,深坑事業線頓成靚相焦點,佢仲單眼放電,勁呃網友送like。撰文:馮仁昭




來源: http://hk.apple.nextmedia.com/entertainment/art/20161013/19798794
馮仁 仁昭 四圍 張名 名雅 33 咪高 高炒 自拍
PermaLink: https://articles.zkiz.com/?id=311848

港姐鬥爭停不了 張名雅與陳庭欣反目升級

1 : GS(14)@2017-01-02 17:02:12

2016-12-14 EW

近期港姐特別多是非,早前,陳法蓉與梁小冰因一件外套事件,搞到連日來隔空罵戰,而最近又有另一對港姐姊妹反目升級。

今年九月,一二年港姐冠軍張名雅與律師蔡錦豪舉行婚禮,當日,她身上掛滿金飾行頭十足,事後竟傳出開門利是不足五位數。當時,張名雅坦言已知誰是「二五女」;而嫌疑人物,盛傳是姊妹團之一的一〇年港姐冠軍陳庭欣,事件更令兩人在背後暗戰連連。

日前,本刊發現張名雅及陳庭欣,在無綫飯敍活動上被安排坐同一席,但兩人卻完全零交流;席間,記者要求合照,陳庭欣更立即攞袋走人,似乎昔日的好姊妹已達沒彎轉的地步。

派頭十足

一二年港姐冠軍張名雅,今年九月與律師蔡錦豪拉埋天窗,本來是開心的喜事,但卻鬧出是非風波。出閣當日,她邀請了九位伴娘、九位伴郎,取其「長長久久」之意;而新娘子身上孭着的金飾斤両十足,戴滿一對手外,身上還有一大串足金龍鳳鈪,再加上大大隻金豬牌,以及新娘子手上的三卡鑽石婚戒,估計總值逾八十萬,氣派十足。

可是,事後有人向傳媒爆料,當日開門利是只得三千八百元,九個姊妹每人分到不足五百元。張名雅看到報道後,在微博嬲爆留言﹕「人在做,天在看。」另外,她又重申﹕「姊妹團都清楚知道個數(開門利是)有五位數,因大家確確實實分咗開門利是嘅!我都係嗰句,冇所謂,最重要係開心事;我都冇嬲,只係覺得身邊仲有好多好好朋友。最緊要做好自己,謊言一定會自破。」口中雖說不憤怒,但言詞中卻甚有「捉鬼」的味道。

至於,爆料者的最大嫌疑人物,矛頭直指是當日姊妹團之一、一〇年港姐冠軍的陳庭欣,而自覺清者自清的她,對於事件就淡淡然的說:「知道一定唔係自己,其他唔想猜測,就算真有此人,可能冇心或唔小心講出嚟,況且又唔係事實嘅全部,由得佢!」據本刊收到的獨家消息,爆料者其實另有其人並非陳庭欣;可惜兩個「冠軍級港姐姊妹」的感情自此不再。

勢成水火

上周四(十二月八日),本刊就發現張名雅與陳庭欣,在無綫的「職藝員聯歡晚宴2016」活動上,被公司安排坐同一席;可是,陳庭欣見到張名雅同場,就刻意坐開。期間,即使陳庭欣的緋聞男友翟威廉嘗試做和事老,拉攏她們坐在一起,陳庭欣一樣冇面畀。席間,兩女縱然同桌而坐,但完全零交流兼且面左左;而當記者要求她們合照時,反應甚大的陳庭欣,更立即攞袋走人,令一眾人為之驚訝。

上周五(十二月九日)中午時份,記者在銅鑼灣希慎廣場、譚凱琪開設的西餐廳,又發現張名雅與一班好友飯敍。據悉,已經將事件放下的張名雅,為答謝一班姊妹團,在婚禮當日仆心仆命地照顧她,於是搞了這餐慰勞宴。同時,亦希望藉此與陳庭欣重修舊好;可惜,事與願違,被邀的陳庭欣婉拒出席。兩屆冠軍級港姐,昔日攬頭攬頸,如今形同陌路人,確實無奈。

撰文☆武儀 採訪☆娛樂追蹤組 設計☆蔡宛真
港姐 鬥爭 不了 張名 名雅 雅與 與陳 陳庭 庭欣 反目 升級
PermaLink: https://articles.zkiz.com/?id=321108

【馮仁昭四圍超】大肚張名雅呻冇人讓座

1 : GS(14)@2017-01-31 03:13:38

張名雅今年陀住個B過年,呢位準媽媽接受傳媒訪問話:「親戚都話派埋畀Mario,所以阿仔未出世都已經開始?利是。」講到近況,佢話:「上星期上磅重咗13磅,唔算重好多,醫生話size正常,?家仲諗緊開刀定順產,如果BB唔太大,順產會易啲生。」佢話個肚越嚟越大,呢排冇揸車:「因為一戴安全帶,Mario就係咁踢我,所以我去咗搭港鐵,原來真係冇乜嘢人會讓座㗎!」撰文:馮仁昭




來源: http://hk.apple.nextmedia.com/entertainment/art/20170130/19912573
馮仁 仁昭 四圍 大肚 張名 名雅 雅呻 呻冇 冇人 讓座
PermaLink: https://articles.zkiz.com/?id=324730

懷孕8個月張名雅IG突然上載烏雲相

1 : GS(14)@2017-03-24 17:08:01

已懷孕8個月嘅前港姐冠軍張名雅(Carat),昨日突然喺Ig貼咗張烏雲密佈嘅相,留言話:「難忘的一個晚上,從未見過這樣的自己,卻停不了下來。」跟住寫咗一大堆hashtag「i will never forget tonight」、「very disappointed」、「love me or leave me」。由於張名雅留言頗負面,唔少擔心佢嘅朋友,都喺佢Ig留言問佢發生咩事,但張名雅都冇再覆好友。《蘋果》亦試過聯絡佢,但一直未有回覆。再睇張名雅律師老公蔡錦豪個Ig,5日前曾更新狀況,上載兩公婆一齊喺蛋糕面前影嘅合照。相中二人流露笑意,依然未見異樣。其實張名雅上年9月嫁俾男友蔡錦豪後,曾有指結婚當日,姊妹利是被爆金額,有傳張名雅因此同陪嫁姊妹有心病,不過事件好快雨過天清。到11月張名雅同老公宣布成功陀B,更透露呢胎係男B。成為準媽咪後,張名雅心情明顯靚爆鏡,不時喺Ig分享懷孕點滴,除貼出為即將出世嘅初生B,準備嘅嬰兒用品外,更上載兩公婆嘅BB照,問朋友邊個可愛啲,日前兩公婆更孖住去影大肚寫真,處處流露準爸爸媽媽迎接新生命嘅喜悅。而直到昨日下午約3點,張名雅忽然刪去早上喺Ig貼嘅烏雲密佈相。好多人話大肚婆心情起伏變化大,未知臨近生B嘅張名雅,情緒係咪因此受影響呢?到咗傍晚六點半左右,張名雅終於出現喇,雖然唔係真人,只係喺ig貼咗一張新相,留言話:「耍花窗完畢。大肚媽媽係特別麻煩嘅」,哦!果然係大肚婆情緒易波動,真係嚇死死呀!




來源: http://hk.apple.nextmedia.com/entertainment/art/20170324/19968704
懷孕 個月 月張 張名 名雅 IG 突然 上載 烏雲
PermaLink: https://articles.zkiz.com/?id=328647

【港姐是非】張名雅爆整容疑雲

1 : GS(14)@2017-06-25 10:11:16

歷年來不少港姐候選佳麗在參選期間,被指整容和爆事非。


張名雅

2012年港姐冠軍,參選期間被指曾墮胎及整容,有讀者爆料指舊相中的她單眼皮和闊面,跟參賽時雙眼皮和瘦面很大差別。



歐陽巧瑩

2013年參選時,被爆在中環夜場工作,更被指整容及隆胸,更有整容前單眼皮、豬膽鼻、面闊、嘴唇薄、胸細的照片為證。


龐卓欣

跟麥明詩同樣成為2015年的港姐焦點,兩人屢傳不和。龐卓欣被指性格開放,流出她與不少男性朋友攬攬錫錫相。


代蓮曦丹美

2016年蒙古佳麗被指性格豪放,在Ig內貼有大量泳衣照,而且鼻形跟參選時有出入,惹整容疑雲。




來源: http://hk.apple.nextmedia.com/entertainment/art/20170623/20065402
港姐 是非 張名 名雅 雅爆 整容 疑雲
PermaLink: https://articles.zkiz.com/?id=336897

張名雅囝囝哭鬧百日宴

1 : GS(14)@2017-07-09 12:16:08

張名雅和餅碎楊愛瑾(Miki)同於今年3月底榮升媽咪,兩人都誕下囝囝。張名雅去年嫁給律師老公蔡錦豪,前晚兩公婆為B仔蔡浚鏗(Mario)辦百日宴,還貼相Instagram晒溫馨,張名雅昨回覆傳媒分享派對上的趣事:「現場好熱鬧,大家親友傾偈好開心,可能有啲嘈,囝囝要抱住,但一企定佢就喊,要行番個圈?佢。」



■Miki大讚囝囝Luken是甜心寶貝。互聯網圖片

而Miki前晚在Instagram貼出抱着囝囝Luken肉緊錫臉相,公告Luken已一百日大,她稱讚囝囝是甜心寶貝,Luken躺在床上,笑到擘大口,雙眼變成線形,Luken長得勁似爹哋、永安太子爺郭永淳。採訪:陳杰




來源: http://hk.apple.nextmedia.com/entertainment/art/20170709/20083392
張名 名雅 雅囝 囝囝 哭鬧 百日
PermaLink: https://articles.zkiz.com/?id=338741


ZKIZ Archives @ 2019