📖 ZKIZ Archives

【馮仁昭四圍超】許廷鏗強調坤哥冇囂

1 : GS(14)@2017-01-09 08:11:36

許廷鏗噚日去到紅磡為新春派對擔任揭幕嘉賓，喺頒獎禮中大豐收，成績跟吳業坤不相伯仲，問到坤哥有冇送上恭賀？佢苦笑話：「嗰日講感謝時好多人都漏咗，只係坤哥個名較敏感。」佢強調坤哥並冇囂張。公司已經同佢入紙開演唱會，問到有心理準備開紅館騷未？佢話：「都要諗吓自己得未，最重要係我唔急，我一向都唔係一步登天，係穩打穩紮。」撰文：馮仁昭




來源: http://hk.apple.nextmedia.com/entertainment/art/20170109/19890618
PermaLink: https://articles.zkiz.com/?id=322057

【馮仁昭四圍超】許廷鏗笑吳若希變阿媽

1 : GS(14)@2017-01-21 03:36:52

許廷鏗噚日喺商台宣傳新歌《痛醒》，仲帶埋監製舒文同填詞嘅陳詠謙齊齊受訪，許廷鏗話：「原本首歌係一對，吳若希嗰首叫《麻醉》，係同一個愛情故事嘅兩個睇法。之前拍MV嗰陣原來佢已經有咗，我都唔知。」吳若希?家37吋肚，許廷鏗笑言佢唔方便宣傳，又笑自己冇BB，但腰圍差唔多：「我探過佢，性格真係唔同晒，好處之泰然，變緊阿媽咁。」撰文：馮仁昭




來源: http://hk.apple.nextmedia.com/entertainment/art/20170120/19902589
PermaLink: https://articles.zkiz.com/?id=323436

【吸金比拼】身價不及坤哥廷鏗

1 : GS(14)@2017-04-08 20:44:21

鄭俊弘被麥明詩封為「TVB首席男歌手」，但據悉《星夢傳奇》出身的他，現時出騷價仍不及《超級巨聲》出身的吳業坤和許廷鏗。以非節日出席商場活動計算，鄭俊弘約收7.5萬排第2位，吳業坤和許廷鏗則並列首位，騷價約8萬，由於二人每次出商場騷都獲大批fans到場支持，帶旺商場，因而深受客戶歡迎。至於今日跟鄭俊弘一同出席活動的麥明詩，則約收6.5萬。




來源: http://hk.apple.nextmedia.com/entertainment/art/20170408/19983216
PermaLink: https://articles.zkiz.com/?id=329690

【馮仁昭四圍超】許廷鏗欣宜食千元零食

1 : GS(14)@2017-05-01 11:58:06

許廷鏗噚日喺觀塘舉行29歲生日派對，佢話29號正日喺屋企同家人、朋友一齊度過，而踏入29歲嘅晚上，許廷鏗喺鄭欣宜屋企慶生，但否認二人世界，仲爆大家叫咗「好任性」嘅外賣，又去便利店掃咗四位數字零食，因為大家好少可以咁放肆地揀自己鍾意嘅食物。許廷鏗近日成為舅父，佢話暫時興趣都係維持玩階段，未有準備成家立室，但成為舅父後覺得成長咗，已經唔係家中最細成員。撰文：馮仁昭



難得生性暴龍哥創科眾籌夢，遭隱世肥報販秒殺！https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170501/20007021
PermaLink: https://articles.zkiz.com/?id=332180

欣宜懶理許廷鏗轉會

1 : GS(14)@2017-05-18 02:08:24

鄭欣宜和李拾壹為電影《29+1》合唱主題曲，二人昨日在商台宣傳，欣宜指最初聽到歌曲感動到哭：「我聽完喊到淚崩，好多人都鍾意呢首歌，我就係想要呢種純鍾意，好pure同innocent嘅感覺。」雖然二人從未合作，但一拍即合，李拾壹笑言二人內在都是「儍儍哋」。



許廷鏗

另外，許廷鏗約滿星夢有傳加盟華納，但不簽經理人約自組公司交歌，卻被拒絕，欣宜指未聽聞此事，更謂前天見面也沒傾過，她說：「唔會想聽佢嘅工作，我嘅工作都唔會同佢講。」暫時許廷鏗繼續做牙醫工作，欣宜笑說：「聽聞牙醫搵好多錢，以後食飯要佢請。」採訪、攝影：王連連




來源: http://hk.apple.nextmedia.com/entertainment/art/20170516/20022352
PermaLink: https://articles.zkiz.com/?id=333288

欣宜叫許廷鏗一哥

1 : GS(14)@2017-07-01 09:53:46

鄭欣宜昨日現身中環舉行的美食嘉年華活動，她與朋友合資的曲奇餅店也參與擺攤位，她見去年設計的雪糕三文治受歡迎，今次再出擊配合懷舊雪糕。她表示去年推出的曲奇雪糕三文治，其中幾款口味也是她喜歡的味道，她笑說：「我同拍檔都怕悶，所以會諗啲新口味。」問她可否一人食家庭盒裝雪糕？她說不能，自己只愛吃雪糕筒。另外，許廷鏗正式加盟華納唱片公司，欣宜指一早恭喜對方，她透露自己剛從加拿大返港，許廷鏗更約她打麻雀，問可會叫老友請食飯，她笑說：「好呀，叫一哥請食飯，一哥要睇住我。」採訪：王連連攝影：葉君海




來源: http://hk.apple.nextmedia.com/entertainment/art/20170629/20072032
PermaLink: https://articles.zkiz.com/?id=337217

許廷鏗做監製責任重

1 : GS(14)@2017-07-09 12:16:15

許廷鏗、Gin Lee（右）和顏卓靈昨日在港台出席「太陽計劃2017－太陽學堂開學禮」，對周柏豪離開華納，許廷鏗順理成章坐正做「華納一哥」，他說：「吓！唔係咁講，公司好肯同大家傾，我陣間都要入錄音室，大碟已經錄得七七八八，預計9、10月推出，今次係第一次做唱片監製，好驚，覺得責任重大，但係見到製成品就會超級窩心。」




來源: http://hk.apple.nextmedia.com/entertainment/art/20170709/20083358
PermaLink: https://articles.zkiz.com/?id=338761

【馮仁昭四圍超】許廷鏗轉會問過柏豪

1 : GS(14)@2017-07-29 03:40:59

許廷鏗噚日喺商台宣傳新歌《藍血人》，今次做埋執行監製嘅佢，兩星期內錄咗8首歌，搞到喉嚨發炎兼聲沙。講到同周柏豪對調唱片公司做一哥，許廷鏗話：「大家都係搵啱自己嘅空間，其實我哋一直有溝通，我入唱片公司前有同佢講，大家知外間會有揣測。我哋都做咗一段時間，會諗好唔好跳出安全網試吓，所以《藍》講當時迷惘。」撰文：馮仁昭




來源: http://hk.apple.nextmedia.com/entertainment/art/20170728/20103636
PermaLink: https://articles.zkiz.com/?id=339073
Next Page
ZKIZ Archives @ 2019