ZKIZ Archives


自認加料Sell底褲 方力申狂操變爆肌男

1 : GS(14)@2014-05-14 00:59:34

http://hk.apple.nextmedia.com/entertainment/art/20140513/18718057'

                              又一個肌男胸降娛樂圈!現年34歲的方力申經4個月地獄訓練,成功搣脂激減30磅肥肉,操出41吋胸肌和6嚿腹肌,剝剩一條底褲拍廣告,超激凸的「小小方」浮誇到爆,方力申大方承認有裝假狗:「軟嘢硬嘢都攝吓!」得戚的小方揚言不介意接拍露股戲為藝術犧牲。

                前飛魚王子方力申曾代表香港參加2000年奧林匹克運動會,退役後火速加入娛樂圈做歌手,近年轉戰內地拍劇賺人仔的他,最近以過百萬人仔酬勞接拍內地品牌底褲廣告,由於要剝衫僅着底褲示人,小方由今年元旦開始苦練身材,跟轉行做健身教練的杜德智操弗,小方昨日接受電話訪問說:「自己一直有做開運動,由以前一星期三日變日日做,可能以前係運動員,更加事半功倍,由最肥169.5磅減到139.5磅,胸肌有41吋。」

汗水換腹肌

                然而,廣告相中的小方有點硬膠,身形線條更疑似造假,尤其是「小小方」超浮誇,小方坦言:「呢啲後期製作裝吓假狗,攝吓墊吓,軟嘢硬嘢都攝吓,但攝乜唔講得,係商業秘密。」問裝大了幾個size?他笑說:「大咗半個度啦,真係唔知。」小方承認有執相:「平常人影相都美圖秀秀,好在有拍片證明,唔怕畀人話身形唔係堅,終於明白男仔點解有腹肌鍾意自拍,因為用汗水換返嚟,梗係要show off。」
剝剩底褲拍廣告有否尷尬?他說:「唔尷尬,可能內褲好似泳褲好貼身,現場幫我整衫嘅女仔得23、4歲,佢攞嘢畀我攝,自己轉身變魔術。」問是否想挑戰碧咸的底褲廣告?小方說:「梗係冇,挑戰自己,呢個係好機會,希望有突破接多啲唔同戲,但性愛場面暫時過唔到自己,剝褲見八月十五都OK。」

                                                                                               
            ■小方今年元旦體重達169.5磅,拿着當日報紙做證展開瘦身大行動。            ■小方以7位數接拍底褲廣告,「小小方」浮誇激凸,他坦承有裝假狗。


節食斷六親

                  小方用4個月激減30磅,他公開地獄減肥秘笈:「多數做單槓、引體上升、sit up,亦同泰拳朋友跑步打拳踢腳,從來冇諗過可以有腹肌,去奧運嗰段時間都冇,我諗自己係游得最快但身材最唔好,因為食得多。」小方指最後階段的節食過程最重要,這期間他就斷六親:「同家人飲茶只係飲水,睇到腹肌線條出晒嚟,最後塊面凹得滯過咗龍,有段時間冇食飯仲變排骨仔,廣告出嚟都覺自己過瘦。」

                                                                                               
            ■年逾50歲的杜德智身形fit爆,難怪小方請他做健身教練。            ■小方接受健身教練杜德智特訓,操出胸肌和腹肌。


                節食減肥更令小方脾氣變得暴躁,他說:「烚嘢唔好地方係脾氣暴躁,媽咪成日引誘我食嘢.自己發脾氣,阿媽受咗我好多氣。」問女友鄧麗欣有冇讚他弗了?小方說:「有,佢話早就應該咁。」女友很滿意你身材?小方說:「但佢見唔到,嗰段時間佢喺內地拍嘢,自己更加專心節食,仲可以多啲時間做運動,拍廣告嗰日佢返嚟探班,都嚇一跳以為我病咗。」
拍完廣告後小方放縱飲食,8日後反彈16磅,他說:「夏天會再keep,估唔到人生可以做到咁樣,希望可以keep住鼓勵大家做運動。」
採訪:皓騫

操肌秘笈:兩星期地獄餐單

早餐

                  4條烚雞柳、西蘭花/椰菜花、4-6隻蛋白

午、晚餐

                  4條烚雞柳、西蘭花/椰菜花、4-6隻蛋白、一碗飯或2個番薯

小食

                  西芹、紅蘿蔔

運動

                  一星期三日跟杜德智健身,兩日打泰拳,兩日自己做運動

三日健身

                  操肌(一粒鐘)+跑步(50分鐘)
方力申跟健身教練杜德智狂操單槓引體上升、雙槓(dips)、sit up、風火輪等器材,場地沒受限制,有時在杜德智的studio,有時在維園做運動。

兩日泰拳

                  打泰拳(一粒鐘)+跑步(50分鐘)                                                        
2 : GS(14)@2014-05-14 00:59:51

http://hk.apple.nextmedia.com/entertainment/art/20140513/18718059


一向不介意剝衫的方力申,自小已經是香港泳隊代表隊成員,曾參加奧運,之後更殺入娛樂圈,由歌壇到影壇全部見到其蹤影,他更樂於在人前晒身材,但從未見爆肌出現。
童年圓碌碌

身形圓潤,非常可愛。
2000年俊飛魚

代表香港到悉尼參加奧運,身形雖健碩,但仍未見有腹肌。
2004年火炬手

雖然已經退役,但仍有機會擔任奧運的火炬手。
2006年晒泳褲

為南亞海嘯災民籌款,穿上泳褲替攝影師紀嘉良的寫真集任模特兒。
2007年勤練肌

開始邀杜德智任其私人健身教練。
去年戰娜姐

與周秀娜在內地拍攝劇集時,大晒胸肌。
3 : GS(14)@2014-05-14 01:00:03

http://hk.apple.nextmedia.com/entertainment/art/20140513/18718062


方力申爆肌拍攝內褲廣告,很多男星為演出,也曾花功夫鍛煉腹肌和人魚線。
張家輝

去年為拍攝電影《激戰》,不吃鹽、油、糖及澱粉類食物之餘,每天只吃2、30隻雞蛋白以增加體內的蛋白質;到要拍攝前3日狂食飯,靠澱粉質來爆肌。
杜汶澤

為拍攝電影《3D豪情》,開始「白烚人生」,既在社交網上載自己的大隻照,更分享操肌心得及食譜。
張繼聰

去年為配合新碟《無限可能》練6嚿腹肌,除了節食節水,他趁拍劇、錄歌空檔健身,有時深夜收工後也舉鐵及跑步3小時。
彭于晏

為拍《激戰》狂谷肌,接受三個月地獄式訓練,方法就是每天健身2-3小時,飲食上只吃由白水煮的蛋白和雞胸肉果腹。
周杰倫

去年為演唱會而鍛煉八嚿腹肌,他練肌期間堅持少油少鹽,連大夥出去聚餐,他都堅持只吃烚菜。
自認 加料 Sell 底褲 方力 力申 申狂 狂操 操變 變爆 爆肌 肌男
PermaLink: https://articles.zkiz.com/?id=284536

女賊扮賓館職員櫃檯偷錢塞入底褲

1 : GS(14)@2014-08-26 22:49:52

黑龍江哈爾濱女子苑立爽於當地一家賓館當服務員,上周五(22日)早上上班時,發現櫃枱內有1名年約20歲新女同事;2人交談感到十分投契。大約1小時後,有客人投訴無法開門,苑即上樓協助,惟回到櫃檯時,發現不見新同事蹤影,初時以為新同事去了洗手間,但苑到洗手間遍尋不獲,即查看櫃桶,發現1,300元人民幣現金不翼而飛,始知新同事其實是名女賊。苑立爽翻看閉路電視畫面,見新同事將櫃桶內取走的現金塞進內褲,然後即趕及離開。事後賓館老闆職員未有發現新同事有異樣,公司亦未有好好交代新同事上班安排,承認疏忽。賓館有關方面已報警求助。黑龍江電視台




來源: http://hk.apple.nextmedia.com/international/art/20140826/18845222
女賊 賊扮 賓館 職員 櫃檯 偷錢 塞入 底褲
PermaLink: https://articles.zkiz.com/?id=285218

萬南 二五中環 好多人想睇亞視條底褲

1 : GS(14)@2015-01-18 02:33:15

http://www.metrohk.com.hk/index.php?cmd=detail&id=262509&search=1
關於亞視風暴,萬南過往一粒字都冇寫過,原因係小弟搵唔到新角度落筆。直至最近德勤獲高等法院委任做亞視經理人,有「金牌清盤人」之稱嘅德勤中國華南區主管合夥人Derek黎嘉恩宣布幫A記搵白武士,其中一着係將亞視一成股權進行招標,有興趣買家要先科水50萬按金,不設退款。消息一出,即刻畀人鬧德勤獅子開大口,旨在掠人50萬,有劫富濟貧之嫌。萬南想幫Derek平反,喺做M&A世界,帳簿就好似女人條底褲,唔係咁容易揭開,想睇當然要畀誠意金,睇完冇興趣都總算有所安慰。事實上香港好多疊水八卦公,都想一睹A記盤帳有幾爛(亞視股東之一嘅旺旺老闆蔡衍明,之前都冇得睇),Derek惟有焗做Upper hand,趕走諸事八卦公。何況傾得成呢單刁,50萬又可以扣番嘅。
萬南 二五 中環 好多 人想 想睇 亞視 條底 底褲
PermaLink: https://articles.zkiz.com/?id=287249

佳兆業債券 當埋底褲都要買 周顯

1 : GS(14)@2015-01-19 11:56:19

http://www.mpfinance.com/htm/fin ... mnist/en30_en30.htm

【明報專訊】不久前,我在福臨門喝茶,碰到一名上市公司主席,是一家老牌飲食業公司,因為已上市多年,所以我有理由相信,他十分疊水。不過我和他並不相熟,只是有共同好友,也互相留有手機號碼,如此而已。


我們打了招呼,我到他的桌子,寒暄了幾句,插番幾張飛先。他則叫我去查一下佳兆業(1638)的狀﹕「D債券十幾厘yield,好吸引!」不過他有點害怕這公司不穩陣,所以才叫我去查。

叫我去查一家公司,即係有位入,可能有生意。只可惜,當時正值聖誕期間,拍檔梅偉琛去了新西蘭享受人生,我當然也懶得研究股票,因為研究垃圾股需時甚短,但研究佳兆業這種中型公司就得花些時間。拍檔不在,我自然不會親手去做這些煩瑣工作。

與湯文亮食飯 又食又拎

梅偉琛度假回來後,我還未來得及和他見面,佳兆業已經出事。我們自然也已經沒有研究它的必要了。

但在上星期,我和湯文亮博士也是在福臨門吃午飯,又說起了佳兆業這家公司,現時它的債券回報率已經去到了60幾厘。根據湯博士的意見﹕「這公司的資產都是在優質地區,估計資產是負債的130%。」

我馬上說﹕「如果係咁,當埋底褲都要去買它的債券呀!」

同湯博士食飯,永遠由他埋單,兼有學,真是又食又拎,非常之爽的事。只是我現在又要想辦法找回那名上市公司主席,看看能不能廉價買到這債券了。

[周顯 投資二三事]
2 : waisinglau(3738)@2015-01-19 18:07:35

姨個家令平時已害人、生仔無春X、江湖險信人更險!真不明白有咁多地盤、可能比錢?資深些股友不會中槍、我就他的呼喚當投資教材看。財演信一成都死、E位100%都唔信、擺明皆燒頁已死路一條、有朋友問我都會提醒小心眼、條粉陽重叫人.......乜。以后認定依隻【鷹】
3 : 太平天下(1234)@2015-01-19 22:12:56

如果真係咁買法,隨時under 都輸埋
佳兆 債券 當埋 埋底 底褲 褲都 都要 要買 周顯
PermaLink: https://articles.zkiz.com/?id=287354

爆華爾街性騷擾:電腦貼爛底褲 飲同事母乳

1 : GS(14)@2016-02-03 14:43:20

美國華爾街的性別歧視問題一直為人詬病,曾在投行當董事總經理謝里(Maureen Sherry)出書大爆華爾街內幕,指業界大男人主義,又有性騷擾問題,她曾在育嬰室泌乳後將母乳存放在公司雪櫃,竟被男同事喝掉。51歲的謝里是四子之母,自90年代起在現已倒閉的投行貝爾斯登(Bear Stearns)任職董事總經理(managing director)11年,上班第一天便收到放有避孕套的薄餅。結婚渡蜜月後回到公司,發現有人把一條撕爛了的內褲貼在她電腦。有一次她正值哺乳期,當她拿着吸奶器走去哺乳室時,有男性便會向她發出牛叫聲騷擾她,當她泌乳後,附近都會有男同事起哄怪叫,甚至一次有人將她放在辦公室雪櫃的乳汁喝掉。謝里形容,當時投行內性別歧視問題非常嚴重,有女生在面試前甚至會被問到她們是否已婚、或會否打算結婚,有人更要承諾永不要生孩子。謝里在1990至2000年代在貝爾斯登工作,她離開之後在哥倫比亞大學修讀藝術創作碩士,目前是一位作家,在新小說《Opening Belle》中詳述工作經歷,此書將改拍成電影。英國《每日郵報》





來源: http://hk.apple.nextmedia.com/international/art/20160203/19477448
華爾街 華爾 性騷擾 電腦 貼爛 爛底 底褲 同事 母乳
PermaLink: https://articles.zkiz.com/?id=295160

《EU》底褲發圍王浩信焗加監4年

1 : GS(14)@2016-04-15 04:34:04

2016-04-14 NM
剛播完的無綫劇《EU超時任務》大結局,收視最高錄得30點,劇中做圍頭仔的王浩信,著老底出場更成熱話,被媽咪網民大讚做得入型入格。小生近乎走清的大台即時做嘢,要求仍有三年約的他再加簽四年,唔應承等於自動入雪櫃做凍肉,要養家的王浩信,惟有乖乖就範,即時動筆加監。師奶嗒糖

現年三十二歲的王浩信,一一年跟陳自瑤結婚生埋個女,人氣不跌反升。在無綫八年,做「兜巴信」先後在電視劇被劉松仁及謝雪心狂摑後,網民加晒分。有話題,王浩信在《EU超時任務》又有新突破,著底褲當街逃跑。「Vincent(王浩信)剝淨底褲喺條街周圍走嗰幕出街後,Baby Kingdom幾乎洗版,好多師奶睇完都嗒晒糖,大讚佢身形弗,又話佢愈嚟愈有戲,結咗婚都keep得咁好,一晚多咗好多fans。」一名無綫人說。

有機攞獎

網民力撐,更有影響性是得到高層留意,曾經在《法外風雲》被謝雪心狠摑二十四巴而突然人急氣升,王浩信更因此奪得一三年「飛躍獎」。「外面人覺得呢啲獎冇乜用,但攞完獎後,其實無綫幫佢哋接出面啲job都會乘機加價,變相多咗收入,所以就算係豬肉獎,點都好過冇。好似今次Vincent喺《EU》做圍頭仔,公司搵咗人教佢講圍頭話,聽得出佢有做功課,講出嚟似模似樣,啲阿頭都有讚佢,隨時又有機會攞獎。」

冇得唔簽

囤兵打仗,無綫亦不敢怠慢,要求人氣有上冇落的王浩信加簽四年,連同舊約餘下的三年,未來七年,王浩信都被大台揸住。「公司走咗咁多小生,Vincent肯搏又聽話,班老細梗係要加佢監,Vincent明知唔續約冇運行;好似馬明,佢到而家都唔肯續約,公司抵制佢根本冇劇開俾佢,不過撞正搵唔到個較成熟嘅小生襯阿佘(詩曼),佢先有機會拍《賭王》。Vincent要養家,公司又講明嚟緊會俾佢做男一力捧,所以點都走唔甩。」一名無綫人說。

自己友自己捧

無綫一直奉行只捧自己友的規條,就算近幾年逃亡潮冇人用,但如非必要,也不會重用外人,所以只要稍有潛質,例如劇接劇的陳凱琳,都被十年約綁死,被點中力捧要求加簽長約的藝人,大多會妥協唔say no。

李佳芯有線舊人李佳芯,早前在《潮流教主》演繹落泊闊太被力讚,大台即打蛇隨棍上,一七年才滿約的她,上月被公司要求提早加簽五年。

吳若希吳若希一直是何哲圖的頭寵,大台上下當佢寶,有指一八年才約滿的她,去年尾由主席「殼王」陳國強親自傾加監,底薪由二萬變四萬。

鄭俊弘13年參加大台《星夢傳奇》唱紅自己的鄭俊弘,即被公司加簽十年長約,當時他與大台仍有三年經理人約未完,長命約,有排還。

撰文、攝影、攝錄:娛樂組
EU 底褲 褲發 發圍 王浩 信焗 焗加 加監
PermaLink: https://articles.zkiz.com/?id=299268

《變態超人2》掉400條底褲

1 : GS(14)@2016-05-19 02:23:04

真人版電影《變態超人2》前日在日本開畫,主角鈴木亮平率領清水富美加、片瀨那奈及新加入的柳樂優彌到戲院謝票,有粉絲學足片中主角笠內褲捧場,現場400名觀眾更齊齊拋女裝底褲。柳樂優彌在活動上自爆拍攝時,遭鈴木亮平兩度用下體使出絕招「腐皮壽司」,令他十分難忘。同時,「變態超人」最近淪為GV(同志色情片)主角,並老翻其角色上演男男肉搏。


GV(同志色情片)





來源: http://hk.apple.nextmedia.com/entertainment/art/20160516/19613258
變態 超人 400 條底 底褲
PermaLink: https://articles.zkiz.com/?id=300262

底褲晾露台1個暑假驚變巨型蜂巢

1 : GS(14)@2016-09-06 04:41:53

粗心的人可能有過這種經驗,不小心將食物或飲料遺忘在角落,等到發現時,早已長出「可怕的東西」。一名內地網民開學回宿舍時,就發現朋友在暑假前忘記將晾在露台的內褲收回屋裡,結果經過一個長假過後,竟然長出了一個巨型「蜂巢」。照片PO上網後,嚇得一眾網民大呼:「太惡心了!」該名網民投稿到新浪微博認證為「知名搞笑幽默博主」的「曝猛」,並指「朋友晾在陽台外的內褲忘了收的結果......長見識了......」,隨附的照片中可見,蜂巢掛在藍色內褲上,將布料都給扯破了,足見它不只巨大,還挺重。仔細一看,蜂巢表面的線條彎曲細密,上頭停着2隻黃蜂,果然「羅馬不是一天造成的」!其他網民看後紛紛留言驚呼:「嚇死我了」、「這到底是甚麼」、「看得我全身都起雞皮疙瘩了」、「為甚麼馬蜂(黃蜂)會把巢築在內褲上」、「你就說放了幾年了吧」!還有人分享經歷:「我學校有個人內褲曬了一個暑假,回來也是這樣!」新浪微博




來源: http://hk.apple.nextmedia.com/international/art/20160905/19760810
底褲 褲晾 晾露 露臺 暑假 驚變 巨型 蜂巢
PermaLink: https://articles.zkiz.com/?id=307619

【今日笑一笑】偷主人底褲斷正 貓貓懶理唔驚

1 : GS(14)@2016-09-17 17:32:44

家中驚現偷內褲賊,主人調查後發現,變態小偷竟是她最愛的小貓咪!主人拍下罪證,並上載片段到影片分享網站「公審」貓咪。片中見到貓咪將小爪伸入抽屜,顯然一早已有目標,不消一會已抓出一件紅色內褲,隨即又舐又嗅,非常享受。當人贓並獲的小貓咪見到主人正在拍下牠的惡行,貓咪面無懼色,冷冷瞧一瞧主人後,便繼續和內褲玩遊戲,無視主人不滿。
YouTube




來源: http://hk.apple.nextmedia.com/international/art/20160916/19772560
今日 笑一 一笑 主人 底褲 褲斷 斷正 貓貓 貓懶 懶理 理唔 唔驚
PermaLink: https://articles.zkiz.com/?id=309366

Sammi嘲鎮宇濕過條底褲

1 : GS(14)@2016-09-27 07:14:43

■吳鎮宇為Sammi練唱《歲月如歌》,獲讚非常認真。



鄭秀文(Sammi)前晚繼續在紅館開騷,請來台灣歌手蕭煌奇和吳鎮宇擔任嘉賓,Sammi大爆鎮宇瘀事:「唔好睇佢而家扮晒老定,其實隻手濕過條啱啱洗濕嘅底褲。」首度開金口唱歌的鎮宇獻唱《歲月如歌》,Sammi繼續玩踢爆:「佢一聽到我請佢做嘉賓,好快答應,仲馬上練歌,請老師練咗6堂。我仲要爆多個秘密,佢本來想整埋Sam哥蛋撻頭同着飛機師制服,佢真係好認真。」其間有歌迷大叫「Sammi你好索」,她自信地說:「我44但似34,邊有人44歲好似我咁弗?」她又透露綵排時有驚喜:「有位男dancer向女dancer求婚,真係好感動,我明明好靚,但喊到隻眼腫晒。」撰文:陳以晴




來源: http://hk.apple.nextmedia.com/entertainment/art/20160926/19781581
Sammi 嘲鎮 鎮宇 宇濕 濕過 過條 條底 底褲
PermaLink: https://articles.zkiz.com/?id=310127

阿婆底褲大受歡迎1萬日圓搶購一空

1 : GS(14)@2016-11-16 05:47:09

去日本旅行,遊客最愛購買「日本製造」、「人手製作」的產品,最近有一款舒適好穿的「阿婆底褲」就成為搶手貨,即使賣到1萬日圓(720港元)兩件也立即沽清。阿婆底褲不一定只是給長者穿,由於舒適又健康,不少年輕女性也喜歡。熱賣的這款「阿婆內褲」,設計師就是年僅31歲、曾在東京從事護士工作的福山順子,她十分喜歡這類有益健康、款式寬鬆的內褲,但市面上卻沒有她喜歡的可愛設計,於是決定自己生產。福山順子嘗試自己親手製作,但縫紉手工效果卻不如理想,她想起了家鄉島根縣出雲地區雲南市善於手工縫製的一班老奶奶。她自去年夏天起,向雲南市政府職員表示︰「希望由年長女性縫製(內褲),肯定有人想要,我也希望把商品銷往全國。」政府隨即引介協助年輕人創業的組織「Occhilabo」幫助福山。獲得資金和創業建議後,福山負責採購布料,再請來兩位65至69歲的女士幫她縫製內褲,給她們每件的手工費為1000日圓(72港元)。終於製成品今年9月起在網上發售,一套兩件內褲分別是真絲和純棉質料,售價1萬日圓,想不到88件商品在兩周內銷售一空。除了標榜健康,這款「阿婆底褲」還結合了當地出雲地區「結緣」的好意頭,稱為「結緣內褲」,再加上「老奶奶手縫」傳統手藝等等宣傳口號,令這項商品順利吸引到消費者掏腰包。日本《朝日新聞》




來源: http://hk.apple.nextmedia.com/international/art/20161116/19835809
阿婆 底褲 褲大 大受 歡迎 日圓 搶購一空 搶購
PermaLink: https://articles.zkiz.com/?id=315799

【馮仁昭四圍超】小齊踩單車唔着底褲

1 : GS(14)@2016-12-07 08:01:08

任賢齊同陳嘉寶噚日以單車裝束現身尖沙嘴,為下年3月喺青衣舉行嘅單車百萬行做呼籲,因為謝安琪大肚關係,今次換上陳嘉寶拍小齊做宣傳,小齊分享踩單車心得時話:「唔可以着底褲,會磨損大髀。」旁邊嘅陳嘉寶即刻尷尬話會聽小齊建議盡量配合。講到蘇永康就嚟做老竇,小齊話會傳授湊仔心得。會唔會叫康仔唔好太多留言惹紛爭?佢就話康仔賬戶被入侵。撰文:馮仁昭




來源: http://hk.apple.nextmedia.com/entertainment/art/20161207/19857084
馮仁 仁昭 四圍 小齊 單車 唔著 著底 底褲
PermaLink: https://articles.zkiz.com/?id=318641

【韓國怪談】鬼怪底褲好污糟? 傳「香港婆婆」專捉細路

1 : GS(14)@2016-12-24 10:55:38

韓劇迷最近都忙住煲《鬼怪》,究竟孔劉飾演嘅鬼怪係神定係鬼呢?



【三個粉絲追韓劇】各位韓劇迷最近都忙住煲《孤單又燦爛的神-鬼怪》,除咗睇孔劉同李棟旭搞笑鬥氣,唔少人都問究竟孔劉飾演嘅鬼怪係神定係鬼呢?도깨비(鬼怪)係韓國傳統故事嘅角色,連童話書都有談及,形象唔算恐怖,當中亦分好多類,例如巨人怪、火怪、風怪、海怪、半神半妖等,而孔劉應該屬於物件怪,因為佢依附住一把劍。



도깨비(鬼怪)係韓國傳統故事嘅角色,當中分好多類,例如巨人怪、火怪、風怪、海怪、半神半妖等。

而孔劉應該屬於物件怪,因為佢依附住一把劍,但事實上,普遍韓國人認為物件怪都係依附喺掃帚。

鬼怪喺韓國人心目中有好、有唔好,有啲識妖術,會整蠱人,有啲有神力,人類會向佢哋許願。

普遍韓國人認為物件怪都係依附喺掃帚,韓女Jung Joo Eun就話嫲嫲曾經同佢講過鬼怪嘅故事,「行山嗰時覺得好似有人摸你,當佢第二次摸你嘅時候,你一手捉住佢,一睇就發現原來係掃帚,係鬼怪入咗掃帚,整蠱人類。」鬼怪喺韓國人心目中有好、有唔好,有啲識妖術,會貪玩整蠱人類,有啲就有神力,人類會向佢哋許願。劇中孔劉就擁有神力,會聽到人類向佢誠心許願,未必幫手,不過佢一時心軟,救咗恩倬同佢媽媽一命。劇中地獄使者李棟旭唱咗首關於鬼怪嘅童謠,笑鬼怪從來唔洗底褲,所以底褲污糟有陣味,激到孔劉紮紮跳。呢首童謠非常出名,連宋一國嘅可愛三胞始之一萬歲都唱過。韓國民間對鬼怪有唔少傳聞,而佢哋竟然有個都市傳聞同香港有關。



劇中李棟旭唱咗首關於鬼怪嘅童謠,笑鬼怪從來唔洗底褲,底褲污糟有陣味,激到孔劉紮紮跳。

韓國民間對鬼怪有唔少傳聞,韓男Kim Ma Young話有個都市傳聞同香港有關。

在街頭訪問中,韓男Kim Ma Young講開鬼怪同鬼故事,就記返起細個聽過人講,「細路喊嘅時候,大人就會話,『如果再喊,홍콩할매(香港婆婆)會嚟捉你!』」韓女Kim Ji Sun就話只係睇戲睇過有「香港婆婆」,形象恐怖,個樣係半人半貓!「香港婆婆」嘅傳聞發生喺80年代,話有個韓國婆婆坐飛機飛香港途中,遇空難身亡,因為當時佢帶咗愛貓上機,死後就變成半人半貓嘅鬼。有傳「香港婆婆」可以10秒跑100米,喺韓國專捉走細路,甚至喺學校廁所殺學生。



喺細路喊嘅時候,大人就會話,「如果再喊,홍콩할매(香港婆婆)會嚟捉你!」

Ruby話好少聽韓國嘅都市傳聞,只係覺得韓國人好迷信。

咁誇張嘅傳聞都有人信?的確,當年連媒體都大肆報道!原來因為當時發生連環子女綁架同販賣人口案,搞到家長人心惶惶,傾向相信傳聞。事實上,當年根本無空難,亦唔輕易帶寵物上機。至於點解韓國人嘅都市傳聞會同香港有關?可能因為當時流行睇港產片,韓國人鍾意睇《倩女幽魂》呢類鬼片,所以鬼故都同香港有關。睇韓國嘅綜藝節目,主持有時都會提到「香港婆婆」,好似劉在石曾經喺《無限挑戰》取笑過朴明秀似「香港婆婆」。主持:動主播阿仙、viu韓劇導賞員Ruby記者及繙譯:卓惠媛(Joyce)攝影:陳家文、李錦鏵《鬼怪》片段由Viu提供:
https://goo.gl/nVkiGe【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161224/19875496
韓國 怪談 鬼怪 底褲 褲好 好汙 汙糟 香港 婆婆 專捉 捉細 細路
PermaLink: https://articles.zkiz.com/?id=320005

鬧章小蕙破壞人家庭陳小韻馬莎偷700蚊底褲留案底

1 : GS(14)@2017-01-12 08:03:22

今年40歲嘅陳小韻,曾做過model,年輕時有過一段輕狂歲月,當年更因老父陳曜旻(白頭陳)之名,無可避免成為新聞人物。1997年,白頭陳喺57歲高齡下,對當時仍係B嫂嘅章小蕙一見鍾情,為咗同章小蕙一齊,不惜同第二任太太鍾璧澤離婚,二人譜出一段不倫黃昏戀。最後陳曜旻同章小蕙分手,男方破產收場,落得人財兩空,結果要轉戰上海經商,重新開始。當時陳小韻接受傳媒訪問時,鬧爆章小蕙破壞人哋嘅家庭。陳小韻喺專訪中話:「佢(章小蕙)嘅出現,累到我屋企有好多事發生。我爹哋係唔好彩,佢話有好多嘢係整定,但我見到佢突然間老咗好多,破產,身邊嘅嘢冇晒!」父親戀章小蕙搞到一身蟻,陳小韻亦自身難保,曾經同關之琳前男友黃家諾拍拖嘅佢,99年涉嫌喺馬莎百貨偷咗8條共值700幾蚊嘅女裝底褲被控盜竊罪,當時陳小韻自稱食咗藥,魂遊太虛。但目擊過程嘅保安員,就話見到陳小韻將底褲搓成球狀,塞入褲袋。最後罪名成立要留案底!經此一役後,陳小韻變得低調,逐漸淡出社交圈,長駐上海打理爸爸嘅生意,之後又返港做朝9晚5嘅童裝工作。戒夜蒲同戒煙,09年仲同任職銀行界嘅現任老公Kin Chan結婚,仲幫老公生咗兩位公子。




來源: http://hk.apple.nextmedia.com/entertainment/art/20170111/19893392
章小蕙 破壞 人家 庭陳 陳小 小韻 馬莎 700 蚊底 底褲 褲留 案底
PermaLink: https://articles.zkiz.com/?id=322181

妻夫木聰縫底褲謝票

1 : GS(14)@2017-02-19 14:00:02

日本男星妻夫木聰主演新片《愚行錄》昨日上映,他今次飾演追尋一宗冤案的記者角色,拍檔包括有曾合演《惡人》的滿島光及去年9月榮升人母的市川由衣等,眾星現身東京戲院謝票。妻夫木聰在活動上被要求自揭秘密,他大方表示當日穿着一條帶來運氣的鯊魚底褲,他說:「屁股位有鯊魚圖案,由於成日着,所以着到穿窿。」聰仔對這條開運底褲情有獨鍾,日前更自己縫補穿窿位,全場聽到時捧腹大笑。




來源: http://hk.apple.nextmedia.com/entertainment/art/20170219/19932759
妻夫 木聰 聰縫 縫底 底褲 褲謝 謝票
PermaLink: https://articles.zkiz.com/?id=327049

【動畫】遺失底褲都要報警大懵男條褲有乜咁勁?

1 : GS(14)@2017-04-08 20:44:04

河南一名遊客,向雲南昆明旅遊當局投訴,因為導遊向他說天氣變冷,應該改穿保暖秋褲,沒想到這名遊客竟忘記穿回他的防盜內褲,藏在裏面的1,500元人民幣因此遺失了,只好報警處理。這男子一行4人到雲南昆明旅遊,上周四(上月30日)入住當地一間酒店,當時有人稱導遊發短信稱天氣會變而改穿保暖秋褲,但他忘記穿回藏了1,500元的防盜內褲,直至他返回河南、坐的士時才發現內褲還留在雲南,於是報警,同時向雲南的旅遊機構投訴。遊客的投訴文件在網上廣傳,涉事的旅行社稱已經通知遊客曾下榻的酒店,希望協助尋回,但酒店則稱至今仍未找到內,但會繼續留意,一旦找到內褲便會通知旅客領回。上海澎湃新聞網




來源: http://hk.apple.nextmedia.com/international/art/20170408/19983899
動畫 遺失 底褲 褲都 都要 報警 大懵 懵男 男條 條褲 褲有 有乜 乜咁 咁勁
PermaLink: https://articles.zkiz.com/?id=329670

【馮仁昭四圍超】王宗堯陳炳銓 三角底褲比雄風

1 : GS(14)@2017-05-18 01:11:00

男神王宗堯同李佳芯男友陳炳銓主演嘅ViuTV劇集《賤民20》,大前晚喺沙田拍外景,劇情交代王宗堯有着底褲跑步嘅怪癖,陳炳銓就為賭氣先着底褲出去買豬脷,佢哋巧合喺街頭相遇,為添搞笑效果,兩人即場仲加插?籮動作。王宗堯同陳炳銓來回拍咗多次,自稱未有打底兼做安全措施嘅王宗堯,疑似有生理反應,佢話:「噚晚拍完跑山,多蚊到得人驚,成身好痕。有一班發燒友玩航拍,好在落雨啲機唔濕得水,佢哋走晒我哋就拍。」王宗堯自爆習慣着平腳底褲,所以着三角款感覺較「牙煙」,佢話:「拍時要跑要跳,都幾危險。」



■王宗堯冇打底,疑有生理反應。

打孖底似尿片

問到陳炳銓拍攝呢場露肉戲前有冇跟女友李佳芯商量?佢話:「我有同身邊嘅朋友講,佢話好,睇吓點!」問到女友有教佢做安全措施?陳炳銓話:「我私下打孖底,因為唔知條底褲有幾厚。」王宗堯即取笑:「佢有啲似着咗尿片,我就唔得。」撰文:馮仁昭




來源: http://hk.apple.nextmedia.com/entertainment/art/20170517/20023316
馮仁 仁昭 四圍 王宗 宗堯 堯陳 陳炳 炳銓 三角 底褲 褲比 雄風
PermaLink: https://articles.zkiz.com/?id=333173

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019