ZKIZ Archives


中環在線:內地八樣消費十年冇加價 李華華

2010-11-19  AD




 

大陸啲物價貴過 香港已經唔係新聞,正當CPI創咗25個月新高、「溫4招」又唔知幾時出台之際,有大陸網民就做咗個調查,發現原來大陸仲有8樣嘢係10年來都冇加過價, 甚至仲減過價o忝!

到底乜嘢冇加過價呢?其中一樣係公共交通工具──好似今年1月1日開始,廣州市公交優惠出台,公交、地鐵搭咗16次之後 打六折,BRT票價由原來嘅兩蚊至6蚊人仔改為一律兩蚊;更過癮嘅係,14年前,廣州市公交票價都係兩蚊雞咋!

六合彩10蚊大陸彩票冇加價

另 外就係報紙!好似《廣州日報》咁,10年前都係1蚊,o依家都仲係1蚊,但份報紙就厚咗好多,有讀者話呢個感覺好好!仲有彩票,正當香港六合彩每注由5蚊 加到10蚊嘅時候,大陸同胞買個希望博500萬,收費都只係兩蚊雞,好平呀!至於話食品方面,袋裝醬油同普通鹽,都係同10年前一樣,賣1蚊左右。

有 啲嘢仲勁,係減埋價o忝!好似電話費上網費咁,比起10年前平成一半,電腦、手機、相機呢類電子產品亦都平咗好多……寫到呢度,華華忽然好想加埋香港人啲 人工落去呢!

李華華

 


中環 在線 內地 八樣 消費 十年 年冇 加價 華華
PermaLink: https://articles.zkiz.com/?id=19376

朴海鎮6年冇拖拍

1 : GS(14)@2016-02-15 02:20:34

韓國人氣劇《奶酪陷阱》男星朴海鎮近日人氣火熱,日前他接受韓國傳媒訪問時大呻已經有6年沒有拍拖,未知是否因為臨近情人節,所以特別想有個情人陪伴身邊。朴海鎮受訪時表示:「比起變化更加喜歡安定,所以戀愛亦是保守型,內向及顧家的女人是我的理想型。」另外,《奶酪陷阱》另一男主角徐康俊將會接朴海鎮及南柱赫的棒,於後日舉行第二次送抱活動,回饋《奶酪陷阱》的粉絲。





來源: http://hk.apple.nextmedia.com/entertainment/art/20160214/19490073
樸海 海鎮 年冇 冇拖 拖拍
PermaLink: https://articles.zkiz.com/?id=295922

【好好戀愛】捱過七年冇問題?調查發現十年最癢

1 : GS(14)@2016-03-18 23:59:01

《七年之癢》是套戲,瑪麗蓮夢露主演,說的是一對情侶一段關係走了七年,越趨平淡,亦越來越多問題出現,去到樽頸位。如果可以度過,就會幸福下去,否則最後只會漸行漸遠。


既然七年之癢都捱得過,旁人看來,平平穩穩,無風無浪,為甚麼十年後會分手?原來根據研究,一段戀情的真正考驗,不在七年,而在十年?2014年,美國楊百翰大學(Brigham Young University)做了個調查,訪問了二千位女性,發現三分之二的女性,都在關係開始時感到最快樂,然後幸福感就會持續減少。隨時間過去,這樣的關係會在十年之後,去到谷底。調查發現,這樣的情況發生,因為女性要面對繁重的工作和家庭事務,實在非常疲累。內地調查:谷底在三至五年北京大學社會調查研究中心聯合百合網婚戀研究院,在2015年也做過相關調查,得出不大相同的結果。研究院搜集了超過八萬份樣本,發現七年之癢原來已經過時,現代人生活節奏急速,一段關係在三至五年後,幸福感已經跌到谷底,癢到不行,各樣問題亦會不斷浮現。而在一段失敗關係中,有過半數是因為第三者出現,而這個第三者,通常都會是生活圈子裏,「比較好」的人。不過兩個調查也有相同之處,就是在一段關係中,女性都是較快生厭的人,可能生活壓力實在太大。其實三年、五年、七年、十年,都只不過是藉口,難道兩年十一個月還恩恩愛愛,到第三年愛意就會插水式下降?一切都是日積月累。兩個人相處、交流、溝通,種種細節,構成一段關係的發展。所以與其害怕幾多年之癢,不如花時間想想如何可以在關係中做一個恰當角色,其他事就順其自然吧。記者:李聰





來源: http://hk.apple.nextmedia.com/su ... t/20160318/19534300
好好 戀愛 捱過 過七 七年 年冇 問題 調查 發現 十年 年最 最癢
PermaLink: https://articles.zkiz.com/?id=298411

阿姐結婚7周年冇送禮

1 : GS(14)@2016-06-06 03:17:50

汪明荃(阿姐)昨日於九龍城出席保良局端午前夕探訪送暖活動,阿姐1988年擔任過保良總理,身為安老大使多年的她說:「最緊要老人家開心。」上月是她與家英哥結婚7周年,阿姐表示太忙沒慶祝也沒有送禮物:「我哋有視頻㗎。佢喺內地多活動,好似普通人一般,一放假就一齊,已經好開心,最緊要健康。」是否每日一電?阿姐說:「有時唔止,會睇吓佢同邊個食飯,唔想對方擔心。」她又透露明年入行50周年會大搞慶祝活動。採訪、攝影:羅慧敏





來源: http://hk.apple.nextmedia.com/entertainment/art/20160605/19641417
阿姐 結婚 周年 年冇 送禮
PermaLink: https://articles.zkiz.com/?id=302072

朱慧敏廿年冇睬老竇

1 : GS(14)@2016-07-17 16:01:45

朱慧敏日前接受有線訪問,談到兩歲時父母便離異:「有次我好困擾,點解媽媽同佢男朋友會拖手,我成日匿埋喊,內心有好多結,對我好大傷害。我同爸爸斷絕來往咗20年,有次鼓起勇氣約佢出嚟食飯,大家好和諧,終於解開咗好多誤會,溝通真係好重要。」至於跟彭懷安(Eddie)未能開花結果,她說:「以前我唔識表達愛,前度其實好錫我,但我想要更多,令對方透唔到氣。」





來源: http://hk.apple.nextmedia.com/entertainment/art/20160717/19697936
朱慧 慧敏 敏廿 廿年 年冇 冇睬 睬老 老竇
PermaLink: https://articles.zkiz.com/?id=304085

【人人可棟篤2】講足五年冇人識IT宅男:有人笑已經足夠

1 : GS(14)@2016-09-27 08:02:20

阿添2011年開始玩棟篤笑,已有五年經驗



一提起棟篤笑,相信十個香港人有十二個都會想起始祖黃子華。子華神的成功當然毋庸置疑,不過其實還有很多表演者正在默默地走上棟篤笑之路,包括一直從事IT工作的阿添(陳樂添)。記者:余傲芝 攝影:廖達燊



他笑言自己做過Vivek與卓韻芝的暖場嘉賓,卻沒有人認識

為練習棟篤笑,所以常常忍不住自言自語,亦會chok表情

雖然喜歡說笑,但私底下阿添卻是IT人,設計手機apps

「我係2011年棟篤笑冠軍」,城市大學所舉辦的棟篤笑比賽是阿添的第一次。他當時接到傳單時考慮了很久才決定參加,為此他努力練習了數十遍,亦叫了很多朋友到場支持,最後才知道只有他一人參加,但也無損他之後對棟篤笑的興趣。「我會成日忍唔住喺街想練習,好似坐地鐵會chok吓表情,自言自語,試過被其他乘客發現我咁樣,真係有少少尷尬」,這般努力令他曾與卓韻芝同場表演,而每個月亦會跟印度笑匠Vivek Mahbubani有棟篤笑演出。台上喜歡說笑,但私底下阿添卻是予人感覺沉悶的IT人。「我讀電子工程,依家做緊IT,依家自僱緊,幫人設計手機apps」,阿添坦言由小到大性格都是內向的,喜歡常常自己一個躲在家,活脫脫就是一個宅男。「如果我冇做棟篤笑,我生活應該好悶,因為一放工就返屋企,download吓咸片咁」,不過現在有了每星期都要寫笑話的目標,他甚至希望在下一年可以做到第二個ONE MAN SHOW。



阿添指如果自己沒有做棟篤笑,生活應該好沉悶,只會返工放工睡覺,但現在每星期都有目標

兩年前阿添媽媽意外離世,剛巧那星期有棟篤笑表演,他仍然堅持做下去

「其實喜歡見到有人笑,我覺得已經足夠。」

「見到有人笑已經足夠啦」,堅持了五年的阿添,從沒有想過透過笑話改變觀眾,不過到頭來被改變的原來是說笑話的自己。「每個人都有舒適區,你要不斷突破才會覺得自己做到」,兩年前阿添的媽媽突然因交通意外離世,剛巧那個星期他有棟篤笑表演,很多朋友叫他休息不要演出,但阿添卻堅持the show must go on。「我知道媽咪鍾意我表演,亦一路都好支持我,所以我仲邀請其他屋企人嚟睇,台下其實觀眾完全唔知道我發生咩事,呢啲就係我專業嘅表現」。*記得留意【人人可棟篤系列】另外兩位棟篤笑表演者:女記者MARY與音樂教授Kenneth




來源: http://hk.apple.nextmedia.com/entertainment/art/20160927/19782614
人人 可棟 棟篤 講足 足五 五年 年冇 冇人 人識 IT 宅男 有人 已經 足夠
PermaLink: https://articles.zkiz.com/?id=310282

捱足6年冇晒希望 更被追佣金

1 : GS(14)@2016-10-10 00:36:09

■事主夫婦去年購入單位不獲按揭,指美聯經紀隱瞞同層凶宅資訊。徐雲庭攝



【本報訊】葉先生及太太為了儲錢買樓結婚,足足捱了6年,才湊夠40多萬元雜費及首期,卻因誤墮凶層陷阱要撻定,除積蓄化為烏有,更被美聯地產向他追收約7萬多元的買賣雙方佣金,原業主亦暗示他日若賣樓價格偏低有權向兩夫婦追差價,令兩夫婦既憤怒亦憂慮。


促修例保障小買家

葉先生坦言現時感覺是「冇晒希望、冇晒出路」,但會堅持投訴,除了討公道,亦不想再有其他人如他們一樣被騙。葉太昨天激動地向記者說,這些年為了儲錢買樓,「有時煮條菜,或者食碗雲吞麵就解決一餐」,一個50元的特價手袋足足用了幾年,一切只為了買間屋結婚,但求「有瓦遮頭」,豈料竟會遇不幸。她嘆稱「狗都有狗屋,我同先生幾辛苦都冇樓住」。兩夫婦現時仍居於劏房,不知何時才有再次置業的機會。葉先生引述其他地產代理稱,業界早知道上址雅珊園低層有凶宅,但據悉年前已曾有買家受害,簽臨約後才得悉同層有凶宅,被迫撻細定。葉質疑現時法例有漏洞,制裁不到隱瞞資訊賣凶宅的行為,因隨時可「賣完樓殺定,之後再賣過」,他希望當局能加強保障小買家。■記者徐雲庭




來源: http://hk.apple.nextmedia.com/news/art/20161008/19794837
捱足 年冇 冇曬 希望 更被 被追 追傭 傭金
PermaLink: https://articles.zkiz.com/?id=311112

林嘉欣招牌笑容少女味15年冇褪色

1 : GS(14)@2016-11-16 05:10:14

林嘉欣02年第一套電影,就同張學友拍住上,演咗套《男人四十》,憑住呢佢個份獨特嘅甜美笑容,演一位17嘅學生,贏晒香港金像獎同台灣金馬獎嘅最住新演員同最佳女配角,當年佢只係23歲。轉眼間林嘉欣已經38歲,結咗婚生咗女,但呢一份純真嘅笑容,並冇褪色,仍然充滿少女味,好pure好天真,最佳例子就係今年佢再同張學友合作咗套《暗色天堂》,依然飾演嘅一位年青少女,就知佢keep得幾好。講到佢嘅笑容,就要講下佢連帶嘅小動作--掩嘴,林嘉欣笑起上嚟,其實好顧儀態,每次都好自動波咁,都會用雙手掩嘴,就係呢一下,令佢笑得嚟不失大方,仲多咗幾分美態添。




來源: http://hk.apple.nextmedia.com/entertainment/art/20161114/19833334
林嘉欣 招牌 笑容 少女 15 年冇 褪色
PermaLink: https://articles.zkiz.com/?id=315661

生娘不及養娘大鍾嘉晴自爆7年冇見章小蕙

1 : GS(14)@2017-01-27 07:40:35

章小蕙爸爸喺加拿大多倫多創辦中文電視台,所以章小蕙都擁有加拿大國籍,而佢同前夫鍾鎮濤(阿B)就喺加拿大認識,再喺88年拉埋天窗,先後生咗阿仔鍾嘉浚同阿女鍾嘉晴。不過章小蕙同阿B呢段婚姻,只係維持咗11年,兩人喺99年離婚,阿B仲痛斥章小蕙揮霍,敗盡身家。而章小蕙之後同商人「白頭陳」陳曜旻拍拖,阿B就同范姜結咗婚,而嘉晴喺4歲時就開始同范姜一齊生活,感情仲非常好,之後范姜為阿B生咗兩個女,待嘉晴亦視如己出。父母離婚,對子女難免留下心理陰影。阿B同章小蕙離婚之初,嘉浚嘉晴對母親的離開耿耿於懷。2011年,范姜與同住麥當奴道半山樓的章小蕙胞妹章小婉狹路相逢,兩人在大堂嘈交,最後更鬧上警署。嘉浚嘉晴在事件中極力維護范姜,嘉晴更稱已7年冇見過生母章小蕙:「我媽說她回港保護我???…我現在16歲,我諗我不需要她任何保護,我至少7年沒見過我媽,她又怎樣會突然為我回來?」。對於有人暗示范姜打她,嘉晴當時回應傳媒就說:「冇件咁嘅事發生過,佢對我好好,不嬲好錫我。」章小蕙與女兒關係疏離,但與嘉浚關係就較好。現年26歲的嘉浚跟章小蕙生活;至於鍾嘉晴,之後喺活動上話其實冇嬲過媽咪,仲貼過哥哥同媽咪嘅合照上社交網,證明親情係可以化解晒啲芥蒂㗎。




來源: http://hk.apple.nextmedia.com/entertainment/art/20170127/19910282
生娘 不及 養娘 娘大 大鍾 鍾嘉 嘉晴 晴自 自爆 年冇 冇見 章小蕙
PermaLink: https://articles.zkiz.com/?id=324424

【馮仁昭四圍超】20年冇唱廣東歌譚耀文推戲再執咪

1 : GS(14)@2017-02-03 03:10:36

譚耀文係第7屆新秀歌唱大賽金獎得主,但已經有20年冇唱廣東歌,最近為4月演出嘅《風雲5D音樂劇》再唱廣東歌《慾望面前》,日前佢喺中環接受專訪坦言:「呢個真係慾望,自己鍾意嘅唱歌同做戲擺埋一齊,覺得好親切。」咁多年冇唱有冇擔心唱功?佢笑話:「冇喎,有少少輕敵㖭。」阿譚為咗呢部音樂劇,推咗一部電影同一部內地劇,佢話:「20年先唱一次,梗係值得。」



■早前譚耀文(右三)同成班演員一齊宣傳《風雲5D音樂劇》。

■譚耀文(中)係第7屆新秀歌唱大賽冠軍,銀獎係何國星,而鄭秀文就得銅獎。

■認為做咁多年賺到最珍貴係家人嘅譚耀文,一有空檔就陪老婆同囝囝。資料圖片


「有白手興家感覺」

十多年前轉戰內地拍劇,捱咗咁多年嘅阿譚表示:「呢行好得意,今年係咁,明年可能唔係咁,冇永遠肯定感覺畀你,尤其我呢啲自由身,冇大公司支持。咁多年我賺到最珍貴嘅係家人,有幸福家庭,有白手興家感覺,太太照顧屋企好偉大,令我好放心工作。」喺內地有冇受過引誘?阿譚坦言:「自己有穩定感情冇諗呢啲嘢,其實我係一個幾悶嘅人,唔會風花雪月,做好工作一定有回報。」問到有乜嘢實質回報?阿譚笑笑口話:「唔係好多,咪就係住緊嗰層樓,都有三、四個商廈舖位投資,做咗30年嘢有啲揸拿,?家樓價癲到太離譜,我冇買樓好耐,諗到啲人冇樓住好慘。」鍾意香港定內地嘅生活?佢話:「香港因為媽咪喺度,仲有好多責任,一定係香港,工作就全世界都得,不過呢排唔敢拍古裝怕甩頭髮,已經冇乜喇,再冇埋就大鑊。」撰文:馮仁昭




來源: http://hk.apple.nextmedia.com/entertainment/art/20170202/19914932
馮仁 仁昭 四圍 20 年冇 冇唱 廣東 歌譚 譚耀 耀文 文推 推戲 戲再 再執 執咪
PermaLink: https://articles.zkiz.com/?id=325145

征服焦慮症5年冇外遊黃?瑩韓國陪玩李珊珊腦瘤受控

1 : GS(14)@2017-02-12 15:43:03

2017-02-09 NM

多年來厭病收埋自己,直至去年傳出患上腦瘤及在家中暈倒,外界始知李珊珊情況。經過一年時間努力,加上身邊朋友包括黃?瑩、林保怡,還有晨曦太子爺周志豪鼓勵,助她積極面對病魔及克服焦慮症,接受中醫治療,跑步強身;已五年無外遊的她,上月更與黃?瑩結伴去韓國旅行。

活躍不少的李珊珊,更征服了對群眾的恐懼,日前在林保怡陪同下,到中環玩歐陸嘉年華,玩離心力驚人的Atmos Fear機動遊戲,被360度狂fing至披頭散髮,李珊珊一樣冇有怕,腦瘤受控,心理身體同時回勇!有番信心

被爆有腦瘤後,深居簡出的李珊珊去年中出關,被本刊拍到與好友林保怡在赤柱敍舊,真身曝光,原來已閉關六年的她,並無走樣。

「俾人影到反而係好事!有腦瘤嘅傳聞真係令識珊珊嘅朋友都好擔心,見到佢咁精神,大家先放心啲,好多朋友都WhatsApp或者微信問候佢,又讚佢仲好靚女,令珊珊多番自信心!」身邊密友說。

過去大半年,珊珊變得積極面對自己的健康狀況,身邊閨密包括九七年合作《鑑證實錄》的林保怡、已婚的晨曦太子爺周志豪和黃?瑩,均居功不小。

「呢幾年嚟,珊珊幾乎同啲朋友斷晒聯絡,加上有焦慮症,出街去遠啲,都會感到不安有壓力,仲成日頭痛,身體好虛弱,搞到佢成日匿喺屋企唔願見人!」

睇Big Bang

如今李珊珊不再收埋自己!今年一月中,她與黃?瑩及周志豪夫婦結伴到韓國首爾六天遊,令已經五年沒有離港外遊的珊珊,邁出另一大步。「因為焦慮症,珊珊呢幾年都冇去旅行,不過自從開始籌備賣后冠嘅事,精神有咗寄託,珊珊開始多咗同以前啲朋友聯絡,好似?瑩,都係近幾個月先見番!?瑩本身都喜歡低調,所以特別啱傾!「呢次韓國旅行係志豪安排,日日由朝行到晚,又一齊睇Big Bang演唱會,珊珊真係好開心,仲plan緊再去旅行添!」男仔性格的李珊珊熱愛足球,更一直是晨曦擁躉,跟球隊太子爺周志豪識了十多年,感情要好。「珊珊同志豪好老友,乜都可以講,之前傳有個人夫揸車陪珊珊去睇醫生,嗰個咪係志豪囉!佢哋冇拍過拖,珊珊當佢自己細佬咁,同志豪老婆Karman(鄭嘉雯)一樣咁friend。其實唔只志豪成日陪珊珊睇醫生,Karman都係!」李珊珊密友說。

驚被偷拍

去年六月,李珊珊宣布拍賣后冠,一度令人誤以為她健康出現大問題,事實上,賣后冠做慈善已是五年前的構想,但李珊珊一直冇信心去執行;直至同志豪兩公婆提起,同樣選過港姐的Karman,對珊珊這個想法大表支持。「Karman○六年參加香港小姐,同陳茵媺同一屆,亦做過無綫藝員,佢同珊珊有好多共同話題,兩個好似親姊妹咁。珊珊籌備后冠拍賣,志豪同Karman都係團隊成員,已經開過無數次會。舊年珊珊發現有人偷影屋企,心情又變得好緊張,志豪兩公婆為咗令佢放心,即刻去咗珊珊屋企住咗幾日。」有了朋友陪伴鼓勵,李珊珊對個人健康問題,亦變得更加勇敢。除了西醫,又透過可靠的朋友介紹看中醫,雙管齊下。「睇咗中醫一個月,珊珊已經冇再頭痛,個人精神咗好多,所以佢已經持續治療咗大半年;另外Bowie(林保怡)就鼓勵佢做多啲運動,半年前珊珊開始跑步,但之前因為整親腳,停咗一輪,呢排又開始跑番。」

走進人群

克服了焦慮症的李珊珊,日前在林保怡及其好友陪伴下,一齊走入人群中。知道她愛玩刺激機動遊戲,林保怡更提議飯後去中環歐陸嘉年華。一行人十點幾到達中環海濱,買飛入場後,第一時間去玩過山車;排隊時有人認出李珊珊撩傾偈,她亦笑晒和陌生人傾了幾句;但對影相仍有點抗拒的她,一見人多,便戴番口罩,其間有人搵林保怡影相,她也只負責揸機。玩完過山車,李珊珊望住離心力驚人的Atmos Fear機動遊戲躍躍欲試,反而林保怡膽怯,最後珊珊與同行友人一齊玩,只見她被360度左轉右轉,fing來fing去,玩到頭髮亂飛,不停狂嗌;玩完,李珊珊更興奮到扎扎跳!之後三人再去掟公仔,玩到凌晨十二時多,由林保怡駕車送返屋企。

有心無力

96年以大熱姿態成為四料港姐冠軍的李珊珊傳腦生瘤,近幾年深居簡出。去年她突然在微博宣布拍賣價值過百萬的后冠,並將所籌得善款,全數捐予慈善機構,因而一度令外界揣測她身體情況堪虞。

宣布拍賣去年是李珊珊成為港姐的20周年紀念,6月她在微博宣布義賣港姐后冠,並表示有此構思已五年,所得善款將全數捐予六間慈善機構,可惜社署未有批出籌款許可,令有心無力的她十分沮喪。

積極籌備宣布拍賣后冠後,李珊珊積極展開籌備,邀請攝影師好友葉青霖的首徒Martin合作,推出純影集宣傳,並在fb開設個人賬號,直播拍賣過程,但反應只屬一般。

籌款細節李珊珊擬在旺角行人專區進行自拍活動,每位合照人士只需捐一元,時間為朝九晚五,當日籌得的善款將是拍賣后冠的底價。

社署唔批去年11月,李珊珊在微博留言,指得到社會福利署回覆,籌款許可證不獲批,令籌款活動要煞停。

撰文、攝影、攝錄:娛樂組
征服 焦慮 年冇 冇外 外遊 遊黃 韓國 陪玩 玩李 珊珊 腦瘤 受控
PermaLink: https://articles.zkiz.com/?id=326602

入行26年冇拍拖 轉幕後愛心教學51歲袁鳳瑛自購婚紗 問天若有情

1 : GS(14)@2017-04-28 00:54:31

■51歲的袁鳳瑛憑《天若有情》一曲成名,26年沒拍拖的她不怕寂寞,恨着婚紗就自己買。



【《蘋果》專訪】經典電影《天若有情》不只主角劉德華和吳倩蓮令人難忘,袁鳳瑛演繹的主題曲同樣繞樑20多年,在破碎家庭長大的她,出了三張唱片便悄然離開樂壇。現年51歲的袁鳳瑛仍未找到她的「華Dee」,穿上婚紗的她說:「當然恨啦,所以自己買嚟着!」



袁鳳瑛的歌聲在樂壇失蹤了20多年,「原諒話也不講半句 此刻生命在凝聚」這首由她主唱的《天若有情》,成為電影主題曲的經典,日前她應本報邀請着婚紗扮吳倩蓮,坐電單車演出一幕搞笑版,化傷心為笑聲。袁鳳瑛看過這部戲五次,迷戀過戲中的「華Dee」劉德華,她說:「佢做《龍在邊緣》已經幾迷,認識咗佢真人,佢做好多社會貢獻,其實勁佩服佢。」



【搞笑版】■扮吳倩蓮的袁鳳瑛與動主播CK玩搞笑版《天若有情》經典一幕,令她一嘗着婚紗的心願。

【原裝版】■演華Dee的劉德華在《天若有情》最終死去,跟吳倩蓮演的JoJo陰陽永隔。劇照


自稱好多愛心

問到是否想做吳倩蓮的角色?袁鳳瑛坦言:「其實恨㗎,好多謝《蘋果》畀我實現夢想。我覺得最經典係吳倩蓮喺天橋跪低,好傷心,自己好希望係happy ending,華Dee返嚟扶起吳倩蓮。」問生命中有否出現過華Dee?她感慨說:「雖然我做歌手日子唔長,但嗰幾年,幾靚仔又見過,幾有才華又見過,自己比較要求高,反而我係追求人生意義,愛情遇到有就有,如果冇唔好強求!」隨緣的袁鳳瑛多久沒拍拖?她瀟灑說:「由我入行做歌手,已經冇拍拖,20幾年,91年到?家,做完歌手做教育,超級忙,?家對住咁多學生,可以將我嘅愛發放出去,唔一定要有愛情生活。」恨着婚紗嗎?袁鳳瑛坦言:「當然恨啦,所以自己買嚟着,好似今日咁,幾滿足,又有華Dee。」她不擔心孤獨終老:「我唔怕寂寞,enjoy一個人空間,當你要熱鬧,有學生知己,都好開心。我咁多愛心,梗係分晒畀學生,如果得一個愛情對象,會浸死佢囉。」



■袁鳳瑛於86年參加第5屆新秀歌唱比賽,結果由文佩玲、許志安及黎明分別奪金銀銅獎。

■離開樂壇後,袁鳳瑛曾開音樂中心教唱歌,後因欠租倒閉。資料圖片


讀心理學幫人

當年《天若有情》紅歌唔紅人,袁鳳瑛淡然說:「其實係冇感受嘅,因為當隻歌紅嘅時候,我未係真正入行,仲係返工嘅OL。我唱嘅時候首歌唔係叫《天若有情》,係叫《心裏的聲音》,到我唱完已經唔記得呢件事,反而Beyond嘅插曲我有印象,所以知道自己唱嘅歌變主題曲,有啲喜出望外。」然而,她只推出了三張唱片,就悄然離開樂壇:「我覺得幕前工作係人生一部份經歷,同埋當年嘅文化,我覺得自己唔係太適合,但?家性格就可能適應啲,所以?家積極啲,開心樂觀啲去面對,最緊要係我開始摸索到,喺娛樂圈點同人相處、遊戲方式係點。」袁鳳瑛離開樂壇後修讀心理課程,近年主力做德育、演藝教育和心理輔導,還有教人唱歌,她說:「讀完心理同輔導,首先會幫助自己,我都好鼓勵藝人朋友,首先了解自己,你會幫到自己好多,調節咗之後,你對於身邊人同生活助力會好大。」採訪:余燕儀、趙永傑攝影:林德雄化妝、髮型、婚紗:So So Bridal Makeup難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002564
入行 26 年冇 拍拖 幕後 愛心 教學 51 歲袁 袁鳳 鳳瑛 瑛自 自購 婚紗 問天 天若 有情
PermaLink: https://articles.zkiz.com/?id=331560

【打牌治瘀傷?】衛詩雅三年冇工開畀唔出家用「好羞恥」

1 : GS(14)@2017-05-14 10:50:59

■3個仔女中,衛媽最錫詩雅,因為佢最貼心,不過有時都好激心。



32歲衛詩雅(Michelle)早前拍攝電影《失眠》演慰安婦,拍到成身瘀傷(新聞連結:http://bit.ly/2qq1CbY),當時佢唔敢話畀屋企人知,怕佢哋擔心,但紙點會包得住火吖,最後咪俾細心嘅衛媽媽發現,詩雅話:「我好唔開心都會見屋企人前先吸一啖氣,跟住入門口就笑。」對住呢種乜都自己孭晒上身所有嘢嘅女,衛媽有乜方法?衛媽話:「我有陣時會偷睇佢電話囉,哈哈!趁佢沖涼就睇佢有關工作上嘅事,因為佢乜都唔講囉!」



■詩雅話同媽媽關係似情侶。

■情侶到…成日互Check行蹤。

■打牌唔可以醫病,不過對衛家嚟講,喺麻雀枱上係一碗心靈雞湯。

衛媽除咗煲湯同幫詩雅執靚間房去支持個女,衛媽同一家人仲有殺手鐧:「支持佢咪我哋得閒打吓麻雀呀、玩吓大富翁!」佢哋仲同工作人員即場開枱打牌,即時生猛晒,詩雅又搞笑話媽媽呢幾年變晒、好情緒化:「唔知係咪更年期?!」而衛媽轉頭就話因為自己年紀大有啲情緒病喇。



■佢兩個仲會玩呢樣「竹簽」聯誼感情。

■詩雅(右)細細個對眼就好大好得意,同父母姐姐合照。(被訪者提供圖片)

■詩雅(右一)懂事開始就要做姊(左一)弟(左二手抱)中最強嗰個,希望可以照顧晒全家人。(被訪者提供圖片)

屋企有家姐同細佬嘅詩雅,由細就已經想做最強嗰個,指嘅係要分擔父母嘅責任,衛媽話:「三個仔女入面,佢都係最乖、好貼心。以前屋企最艱難時,佢就話要出去做嘢,嗰陣佢做一個鑽石Sales(銷售員)有幾多錢啫,佢都可以攞6千蚊返嚟,我哋嗰陣時真係靠嗰6千蚊生活。」詩雅之後慢慢學做珠寶批發,喺22、3歲嗰陣已經每月平均賺到大約4萬蚊,不過佢都選擇咗一份明知冇穩定收入嘅工作——演員。一入行雖然擔正劇集同電影,但點會咁順風順水吖,詩雅:「接近兩三年係冇電影拍,又冇乜任何工作,不過對我嚟講最難過係我冇錢畀屋企。我竟然我為咗追我嘅理想,我有幾個月竟然畀唔到錢佢哋,甚至乎要佢哋照顧番自己,覺得好羞恥。」



■阿女拍《失眠》受傷唔出聲,衛媽見到都心痛。(資料圖片)

■衛媽講到當年冇辦法供詩雅去外國讀書…佢哋都忍唔住…

■衛媽仲同詩雅講對唔住…

而衛媽又憶起詩雅中學時嘅難過事,就係供唔到詩雅去外國讀書:「我睇過佢個日記,佢每一頁,寫完佢嗰日嘅嘢就寫住『我好想去外國讀書』,當年我睇到嗰本日記嗰陣,眼淚係咁流、係咁流。」衛媽媽都忍唔住喊咗出嚟,「我覺得我好揼心,點解周邊嘅朋友啲仔女話去外國讀書,可以去到嘅?!但點解我唔可以呢,我當時唔知點樣去面對,所以好對唔住!」呢個時候傍邊嘅詩雅邊喊邊安慰媽媽。媽媽嘅心願只想一家人,尤其三個子女平安健康快樂,而詩雅話:「媽咪,我知道我嘅脾氣唔係好好,有陣時可能會唔小心講咗啲難聽嘅說話,同埋你成日都好就我,我知道嘅。如果有下一世,我做你媽咪,我照顧番你!」服裝:Michael Kors場地:Our Place採訪:懷鈺攝錄:馮峰、Neo




來源: http://hk.apple.nextmedia.com/entertainment/art/20170514/20020430
打牌 治瘀 瘀傷 詩雅 三年 年冇 冇工 工開 開畀 畀唔 出家 羞恥
PermaLink: https://articles.zkiz.com/?id=332972


ZKIZ Archives @ 2019