ZKIZ Archives


撐《蒙面歌王》巫啟賢搞氣氛克勤:都係一個騷啫

1 : GS(14)@2015-09-23 02:18:59

■李克勤前晚否認上內地節目《蒙面歌王》收750萬酬勞,強調價錢合理。


出道快滿30年的李克勤,早前代表香港參加內地的江蘇衞視《蒙面歌王》歌唱比賽節目,戴面罩扮「白棱鏡」出戰贏得首集冠軍,不過,身為評判之一兼曾為克勤作歌的巫啟賢,竟然在節目中認不到克勤的歌聲,被網民狠批扮嘢,前晚克勤出席母校華仁書院校慶,笑說:「《蒙面歌王》呢啲嘢唔使咁認真,唔使去挑剔啲環節,其實好多嘢仲要改善。」



■克勤撐巫啟賢(小圖)已成功為節目製造話題。資料圖片

■王敏德兒子躍穎(左)是華仁學生,兩父子更上台合唱籌款。



「冇攞過750萬」

對於能夠製造話題,克勤認為節目已成功,他說:「唔知佢真唔認得或假唔認得,其實都係一個騷啫,或多或少都營造觀眾有得估嘅氣氛,坦白講如果我同佢調轉崗位,我都冇可能第一眼見到佢就話:『嘩,嗰個咪邊個邊個!』咁咪好冇癮。」克勤坦言沒有後悔,將會繼續參加節目。克勤並主動否認收750萬酬勞的傳聞,他說:「我要澄清冇攞過750萬,不是傳聞中嘅價錢,揼石都有人工,地盤都有人工,總之合理,幾多錢唔係主要,之前都有節目搵過我,都係講緣份。」對於有網民指他去內地搵銀,少了專注在香港,他說:「其實我基本都係喺香港,如果要晉身決賽,都會撞咗9月演唱會,不過到時先算,見步行步。」此外,專程由日本返港擔任嘉賓的陳美齡表示,兩個姐夫和姨甥都是在華仁讀書,當年自己未做歌手前,華仁都邀她去唱歌,問到那些年是否很受男學生歡迎?她說:「當時好多人話鍾意我,試過有男仔跟我返屋企,自己都好驚。」採訪:張俊銘攝影:陳慧安





來源: http://hk.apple.nextmedia.com/entertainment/art/20150803/19241060
蒙面 歌王 巫啟賢 氣氛 克勤 都係 一個
PermaLink: https://articles.zkiz.com/?id=292513

黑絲人妻杏兒唱《叉燒包》 送外賣冧巫啟賢

1 : GS(14)@2016-07-12 03:19:31

如果你入到去一間酒樓,有個囧樣知客rap住問你鍾意你食咩包,蓮蓉包、豬肉包、玉薯包、豆沙包,應有盡有……你正想掉頭走嗰時,佢捉住你話廣東包唔啱呀?仲有上海包喎!你想食邊款呀?真係頂佢……唔順呀!講緊咩?就係胡杏兒喺大陸節目《跨界歌王》又一力作,佢打扮到好似酒樓知客咁,着住黑絲大唱《叉燒包》,其實就咁聽落就冇咩問題嘅,但問題首歌真係好長,好煩呀!聽完之後成個腦就係叉燒包,廣東包,上海包,想點呀!放過我啦!好啦,雖然首歌好長,但係睇畫面應該可以平衡一下……點知胡杏兒喺個台到推住架點心車喺到行嚟行去,烏前個身兩手揈揈咁,就算有dancer喺側邊佢都係keep住係兩手揈揈,最多間唔中有少少交流咁,到底做緊咩呢?





來源: http://hk.apple.nextmedia.com/entertainment/art/20160711/19690144
黑絲 人妻 妻杏 杏兒 兒唱 燒包 外賣 巫啟賢
PermaLink: https://articles.zkiz.com/?id=303279

一句㷫網民巫啟賢稱香港樂壇放棄側田

1 : GS(14)@2016-10-27 06:02:40

大陸節目《蒙面唱將猜猜猜》(即《蒙面歌王》第二季)真係冇得輸,為唔少歌手提供平台唱人哋嘅歌,就好似李克勤、楊丞琳同最近嘅側田咁,都成為網上熱話。不過大家都知,識睇嘅一定係睇評判,尤其係巫啟賢,曾經喺香港發展嘅佢竟然認唔出李克勤把招牌靚聲。今次輪到側田出招。鏡頭前化名「童話裡不是騙人」以「小王子look」上《蒙面歌王》嘅側田,節目中坦然自剖:「因為小王子是完美的,但是,側田並不完美!」側田喺10月23日嗰集公開身份,評審之一巫啟賢就謂:「其實你已經走出了香港地區,來到這麼廣闊的一個天地,我覺得你再拘泥以前的形象的話,你太小看你自己了。」呢番話真係完全乎合國情!不過咁都未夠,巫啟賢仲話:「這幾年的時間,我覺得是香港的樂壇離棄了你,但現在你重新站在一個這麼好的舞台上,也許是你的人生的另一個巔峰的音樂生涯的開始。」嘩!聽到人熱血沸騰!不過就沸騰到辣㷫網民,有唔少網民仲留言鬧爆巫啟賢,話香港人冇離棄側田!側田接受《蘋果》電話訪問表示:「我呢幾個禮拜都有留意social media,見到好多網民支持我嘅說話,我想同佢哋講,好多謝佢哋,咁多年都咁錫我,我都係好錫佢哋,我係冇忘記過。」側田話因為節目要保持神秘感,所以之前唔講得係自己參賽:「呢個禮拜喺街好多人問我,感覺好warm,好開心,多謝!12月新歌出嚟,希望大家留意啦。」




來源: http://hk.apple.nextmedia.com/entertainment/art/20161027/19813399
一句 網民 巫啟賢 香港 樂壇 放棄 側田
PermaLink: https://articles.zkiz.com/?id=313688

巫啟賢籲助才華藝人

1 : GS(14)@2016-10-28 06:24:20

巫啟賢和邰正宵早前到多倫多和溫哥華參與慈善演唱會,呼籲大眾認養小孩,巫啟賢說:「我都認養咗十幾年,希望有能力嘅朋友可以幫忙。」而李婉華和雷安娜亦有到場支持,李婉華說:「巫老師一頭白髮好型,做評審又敢講嘢好厲害!」早前巫啟賢在內地節目《蒙面唱將猜猜猜》中對參賽者側田說:「我覺得是香港的樂壇離棄了你。」引發網友熱議,他又希望媒體應該多幫忙一些有才華的人,不應只針對藝人的緋聞是非,令到娛樂圈不健康。撰文:嵐山




來源: http://hk.apple.nextmedia.com/entertainment/art/20161028/19814166
巫啟賢 籲助 才華 藝人
PermaLink: https://articles.zkiz.com/?id=313849

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019