ZKIZ Archives


中環在線:街市偉巡場保安沿途敬禮 李華華


2011-2-25  AD




 

澳門賭場有幾門禁森嚴,華華終於見識到。噚日奧瑪仕(959)請一眾傳媒去參觀佢哋喺氹仔個希臘神話娛樂場,就算副總裁高瀚喺度,保安一樣無面畀,唔畀傳媒入賭場。

不 過,喺濠江打滾多年、奧瑪仕單一大股東吳文新(又名吳偉,人稱街市偉)一到場,保安嘅態度就180度改變。不但通行無阻,沿途仲係咁敬禮,大佬級果然非同 凡響。奧瑪仕行政總裁黃利平話,賭場由做開「中場」散客生意,轉型專做大客,家陣有成60個貴賓廳,周末假期仲好旺場o忝。

o依家澳門博彩業競爭咁激烈,高瀚就話,中小型賭場要殺出條血路,一定要夠特色。希臘神話地方唔夠金沙、威尼斯嗰啲咁大,好難搞成綜合娛樂場,日後都係純做賭博同大客,係咪行啱路,就要睇吓3月尾派成績表先知。


中環 在線 街市 偉巡 巡場 保安 沿途 敬禮 華華
PermaLink: https://articles.zkiz.com/?id=22704

【電腦巡場】1TB外置硬碟 400元有找

1 : GS(14)@2015-07-23 01:21:33

暑假還剩個半月,代表要開始為新學年做準備,記者近日在黃金腦場發現有平貨,1TB外置硬碟賣$399,2TB都只係$699,啱晒一眾慳錢的書生買來儲起功課。


做緊特價的是Silicon Power D05,用USB3.0作傳輸,標籤防割花,適合「粗用」,而且有3年保養,相信足夠應付大半個大學年代。店員表示此乃台灣新品牌,品質不錯,相信這個價錢應可打進學生市場。查詢:大一(深水埗黃金商場地面34號)記者:方健銘





來源: http://hk.apple.nextmedia.com/su ... t/20150717/19222161
電腦 巡場 1TB 外置 硬碟 400 元有 有找
PermaLink: https://articles.zkiz.com/?id=291682

【電腦巡場】OTG三用記憶體手指 iOS/Android/PC三用

1 : GS(14)@2015-09-22 02:32:21

OTG產品,可以話近年IT界最偉大發明,哪管你用緊抽獎返嚟的16GB iPhone,又或忽然改制冇得換電、冇得插卡的Note5,記憶容量都可因而加大起來。不過問題來了,須知好多機王級手機玩家,都是雙系統、雙手機齊用的,好彩本周新返了一款雙系統的OTG型記憶體手指--Gmobi iStick Pro,機身兩頭,分別一邊為對應Apple產品的Lightning,另一頭為Full Size USB插頭,而這個USB頭還內藏玄機,只要稍加用力一推,尖端部分還會伸出一節microUSB插頭,這樣就可以iOS、PC及Android系統三方兼容,及向對方互傳資料,新機開賣價是32GB/$490,64GB/$790。查詢:展昇有限公司記者:朱崇德



USB頭使用兩段式設計,前端為microUSB,收起來後,就變成Full Size USB。

Lightning頭還取得了Apple認證,可以隨時軟件升級,不會有對應問題。



來源: http://hk.apple.nextmedia.com/su ... t/20150918/19299796
電腦 巡場 OTG 三用 記憶體 記憶 手指 iOS Android PC
PermaLink: https://articles.zkiz.com/?id=292439

【電腦巡場】278蚊買120GB SSD 可能係黃金史上最平

1 : GS(14)@2015-11-02 00:10:20

SSD係一個大家都好想掂的界別!好多人都成日睇住佢幾時有大落價,巡黃金發現又有一款做大落價,對唔住,未到256GB版本!


今次大劈價的是FUJITSU F200 SSD,硬碟容量係120GB。我知好多人都已經買咗隻呢個容量嘅SSD,不過價錢超吸引,由$330直插至$278,sales表示這是黃金有史以來最低價位。要知在這個容量,好多不同牌子都係做緊$300至$400呢!機身行2.5吋7mm薄身設計,接駁介面行Serial ATA III(6Gb/s),至於讀/寫速度報稱達500/500(MB/s),不過要留意,這可是最高的讀/寫速度,用落可能未必能夠每一刻都去到咁盡。記者:朱崇德





來源: http://hk.apple.nextmedia.com/su ... t/20151031/19354317
電腦 巡場 278 蚊買 120 GB SSD 可能 黃金 史上 上最 最平
PermaLink: https://articles.zkiz.com/?id=293693

【電腦巡場】紅米Note 2現貨落場 微炒$1,150

1 : GS(14)@2015-11-16 08:43:46

紅米Note2在星期三的光棍節,於香港正式開賣,原本買機只有兩個途徑,一為小米香港官網,二為攬大貨的CSL,不過在深之都巡場時,竟然發現有小量現貨開賣!機身使用八核心處理器,配2GB RAM加16GB ROM,5.5吋屏幕使用1080p全高清格式,畫面質素都相當高,配合1,300萬像素鏡頭,以及4G雙卡雙待,講功能的確算幾齊全。儘管官方價格定在$1,099,不過由於市面一般舖頭較少有現貨情況下,機價輕微炒上$1,150,唔算太過份,如果心急出機者可以留意。記者:朱崇德查詢:麗達屋數碼專門店(深水埗深之都商場1樓29-30號舖)





來源: http://hk.apple.nextmedia.com/su ... t/20151114/19372317
電腦 巡場 紅米 Note 現貨 落場 微炒 150
PermaLink: https://articles.zkiz.com/?id=293850

【電腦巡場】智能手機互傳資料 極細WiFi手指

1 : GS(14)@2016-03-15 15:10:31

有冇用開OTG手指?用過的真係返唔到轉頭,抄資料、抄相、交換資料,一邊是microUSB專插手機,另一邊是USB2.0或USB3.0大頭,又可以對應電腦,真係非常方便。不過世事無絕對,嚟緊好快又有改朝換代的問題!事關今年旗艦級Android手機專享的Snapdragon820,除咗畀到你高速的新體驗外,更對應傳輸及叉電速度更快的USB Type-C插頭,每次一轉插頭位,又要買轉換頭、又要買過隻新款色OTG手指,咁咪好煩?
SanDisk最近新返了一款Wireless Stick,簡單講佢只會留低最普通的USB2.0大頭設計,至於連接手機或其他智能裝置方面,佢就改行了WiFi設計,所以需要互換資料時,可以作隔空傳送,唔需要受不同插頭的形式所規限。而且機身還內置有儲電池,每次叉滿電後可以使用4.5小時,而每當你插上USB傳輸資料時,又會為機身自動叉電,操作上叫幾簡便。由於傳輸資料使用了WiFi制式,所以基本Android及iOS手機雙對應,不過使用前要先安裝專用app,操作介面亦尚算簡易。不過價錢方面,就會比一般OTG手指為高,始終是對應雙系統,而且硬件及軟件技術上,都遠較一般OTG手指為高,16GB($195)、32GB($295)、64GB($395)及200GB($950),驟看64GB好似相對較實用,200GB冇錯是性價比較高,但上200GB的抄寫內容,不是太多人有實際需要吧!查詢:展昇(深水埗黃金商場地面42至44號舖)記者、攝影:朱崇德





來源: http://hk.apple.nextmedia.com/su ... t/20160315/19529330
電腦 巡場 智能 手機 互傳 資料 極細 WiFi 手指
PermaLink: https://articles.zkiz.com/?id=297966

【先達巡場】LG G5再插水 $3,680買水貨機王

1 : GS(14)@2016-05-24 10:47:22

水貨版LG G5今個星期又插水!其實說穿了還是由行貨價格所帶動。


雖然行貨版G5官方定價為$5,698,不過上周好些先達細舖,行貨賣街價已見$4,480,不過今個星期再下一城,行貨版低見$3,980-$4,080;水貨哪邊當然亦緊接着出手,水貨機價亦由上周的$4,080,下試本周新低價$3,680。問三禾電氣老闆Simon:「今年有個怪現像,好多旗艦機都插水非常快!須知LG G5只推出一個月多,咁快就跌破三千元大關,的確令人相當側目。其實當中絕非無跡可尋,如果對比歷代LG G系列旗艦機,這是咁多代銷量最差一部,如果比較G3與G4,佢頭一個月的銷數是差了近8至9倍,行貨提早出手『做嘢』、刺激銷量,其實無可厚非。」老實說,機價跌穿三千關口,的確帶動了G5的銷情;以往G5予先達場內人感覺,比較乏人問津,今周開始多人入手了!「銷數是之前的幾倍,以中階機價錢買到最新機王級手機,的確引來了不少愛試新機的玩家。」暫時在先達場內收風,G5未見有重大的缺憾問題,而且亦未見有客需要走來整機;而Snapdragon820處理器的發熱問題,如果不是長煲遊戲的用家,應該都不會構成重大問題。不過大家買機前要留意一點,就是水貨與行貨的配件,有用家發現有互不兼容問題,三禾Simon:「有客向我們反映,水貨的模組式配件,例如B&O的音樂插件與相機模組插件,不能對應於行貨手機之上;雖然模組配件的大小與插位設計,『行』、『水』基本完全一樣,但插入後會出現『不能兼容』的字句,而顧客在細閱韓版說明書時,發現書中列明不同國家的配件,會有不兼容的問題。」須知最多人愛玩的B&O的音樂插件,行貨售價約$1,998,而水貨版售價只是$1,000。記者、攝影:朱崇德





來源: http://hk.apple.nextmedia.com/su ... t/20160523/19623230
先達 巡場 LG G5 再插 插水 680 水貨 機王
PermaLink: https://articles.zkiz.com/?id=301380

【電腦巡場】Note 7如箭在弦 Note 5水貨價迫降$3,380

1 : GS(14)@2016-07-12 03:22:15

Note7已經如箭在弦!儘管大家對佢個名還存在深深芥蒂,不過為咗9月份的改朝換代,好多手機舖頭已經開始做落價清貨了!今次被落價的是Samsung Note5水貨,32GB版機價由上周的$3,880直插落$3,380,下調價格是$500,以一次性的減價幅度來說,可謂非常之高,須知它還是現役的機王級手機。


另一部被借勢下調價格的,是上代機王S6 Edge,不過留意這部機可是行貨呢!S6 Edge32GB版上周價格為$4,200,最新調整價格為$3,580;至於64GB版,價錢亦由$4,998下調至$4,080。查詢:泡菜屋(深水埗桂林街141A高登電腦廣場新翼1樓33號)記者、攝影:朱崇德





來源: http://hk.apple.nextmedia.com/su ... t/20160711/19689438
電腦 巡場 Note 如箭 箭在 在弦 水貨 迫降 380
PermaLink: https://articles.zkiz.com/?id=303312

【電腦巡場】小型投影機都要行Android 當小盒子睇電視

1 : GS(14)@2017-02-02 02:34:37

今日可能有人仲放緊年假,不過深水埗腦場同旺角先達,都已經從新走入正軌,絕大部份舖頭已正常開門營業。



新一年新希望,想不到咁快又有新產品玩了,就是這一部小型投影機--Home LED mini HD Projector。呢部機最大不同處,就是一般同類產品,都要接駁手機或平板電腦,先可以取得畫面資訊及播片;這部Home LED mini HD Projector就更進一步,因為佢機身內置有Android系列,所以需要連上Wi-Fi,佢就可以直接裝App來打機、上網又睇片。話說有腦場Sales新年期間,攞咗部機做測試,試過在機身內安裝「小盒子」軟件,咁就可以在家中長播賀年音樂了,以$999價錢,感覺幾抵玩又免麻煩。至於機身硬件規格方面,投影機液晶體顯示部分解像度達800 x480,投放影像最高解像度達1080p,背光燈使用LED,最長使用時間達20,000小時;投放距離為1.07m至3.8m,投放影像尺寸為32吋至120吋(16:9/4:3)。查詢:訊達科技(深水埗福榮街146-152號黃金商場地面54號舖)記者、攝影:朱崇德


機頂有基本按鍵,方便進行裝機設置。

機背除基本HDMI及TF卡插位外,更重要是有天線插位,可以睇埋電視;另外機身內置有一枚2W喇叭,在未接駁音響系統情況下,都可以獨立操作。

跟機有遙控器,方便你操控投影機之餘,還可簡單操作Android系統。



來源: http://hk.apple.nextmedia.com/su ... t/20170201/19913302
電腦 巡場 小型 投影機 投影 都要 要行 Android 當小 盒子 電視
PermaLink: https://articles.zkiz.com/?id=324997

【電腦巡場】$13,500買記憶手指?2TB超高容量值唔值?

1 : GS(14)@2017-03-04 10:19:55

在如今數碼年代,記憶體可以用多多都唔夠使來形容;以往好多人說當USB手指唔夠使,不如換隻外置HDD吧!不過這樣的情況,可能要改寫了,因為記憶體大廠KINGSTON最近推出了一款Ultimate GT的USB手指,容量由早幾個月前的1TB升級上2TB,據稱這款新到的2TB,是現存市場上最高容量的USB手指。



價錢都可以用非常嚇人來形容,1TB索價$7,500,2TB「只需要」$13,500,打落條數每MB係平啲,而且傳輸的速度,還使用了極速的USB3.1制式;不過歸根都係一句,如非有特別需要,大家都唔會買佢吧?如果換一個角度嚟睇,1TB及2TB的USB手指,雖然非常天價,而廠方製造佢哋出嚟,都係為咗展示自己生產技術居多;不過跟據電腦產品進程,要先有呢類「展示性」產品推出,然後再隔上一、兩年,才可成為價格低廉的用家產品;好期待呢一日的到臨,因為以TB作單位計算的USB手指,隨時可以取代2.5吋Notebook HDD的地位,對於經常需要大容量作存取的用家,出街又可以帶少幾両了。查詢:展昇(深水埗黃金商場地面42至44號舖)記者、攝影:朱崇德2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170304/19946682
電腦 巡場 13 500 記憶 手指 2TB 超高 量值 唔值
PermaLink: https://articles.zkiz.com/?id=327795

【電腦巡場】4K裸視3D電視 屏幕前激凸半呎

1 : GS(14)@2017-05-06 11:39:30

exceptional3D EX3D4K-559,約$45,000。



裸視3D都靜咗好一段時間,原因無他!技術感覺予人一直不太成熟,真係好容易睇到人頭暈;如果大家記得幾年前的裸視3D手機,假若有親身用過,大家都應該記憶猶新。最近裸視3D電視又一次再戰江湖,不過今次加入了4K的超高畫質,這是同類產品中首見;今次為我們帶來新產品的,是德國品牌exceptional3D;據稱他們對3D技術開發已經有70年歷史,當中裸視3D技術,更在九十年代開始已投入研發。這款新一代裸視3D電視,最特別之處是使用了精密的3D雙凸透鏡技術進行顯影,記者就現場所見,4K電視屏幕的前方,有一塊幾近1cm厚度的玻璃片,就是它做成光的折射效果,從而模擬出3D效果。



現場測試的屏幕達55吋,而且影像畫質達4K;比肥通以往所測試的裸視屏幕,3D凸出效果明顯容易來得強烈。

近看屏幕前的「3D雙凸透鏡」,會見到起魚網紋;只需要有近兩呎的屏幕距離,就會做出裸視3D效果。

如果說到此機的裸視3D效果,記者感受最深者,是比較以往舊式的裸視3D屏幕,一般的立體感都只能停留在「屏幕表面」,但exceptional3D新開發的裸視3D技術,可以做到凸出屏幕以外「近半呎」的效果,感覺已更貼近需配戴「3D眼鏡」的3D電視了。據知新的裸視3D技術,可視角度更高達178度,而且視點亦達16點,相對已往舊式設計只有8點,感覺可觀性更高;不過假設未能「對正位」,會出現壜影的問題,與同類裸視3D電視一樣,暫時仍未能解決。
exceptional3D暫時到港的,就只有 EX3D4K-559一款中階型號;機身行LED背光技術,解析度達3,840 x2,160、對比度4,000:1、光亮度650cd/m2。據知同系列產品,會由10.1吋/2K裸視3D平板屏幕,以至最高階的84吋/4K裸視3D電視都會推出。查詢:facebook@數碼生活情報記者:朱崇德攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170506/20012142
電腦 巡場 4K 裸視 3D 電視 屏幕 前激 激凸 凸半 半呎
PermaLink: https://articles.zkiz.com/?id=332318

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019