ZKIZ Archives


中環在線:岳少懶理基金狙擊 李華華


2009-02-11  AppleDaily


 

噚日香港影視娛樂博覽搞記招,自然唔少得當代影壇嘅無間大亨、貿發局影視娛樂業諮詢委員會主席岳少林建岳。

豐德麗冇計劃集資

除 咗講電影,大家更有興趣八吓佢檔豐德麗(571)之前俾對冲基金Passport Capital增持,又入稟禁止公司配股單嘢。岳少話,單嘢入咗法院,唔方便講下一步會有乜行動喎。咁,佢係咪好似傳聞咁講,諗住再接再厲批股集資?岳少 話暫時冇咁嘅計劃。咁俾人狙擊完之後,有冇諗過點樣去鞏固自己喺公司嘅股權呢?岳少竟然話:「從來冇諗過!」佢仲好公式化咁,話遲啲有消息自然會話畀大家 知。岳少嘅三句話,當然唔可以為大家解開豐德麗同Passport大戰之謎,咁大家惟有放長雙眼(斷估唔使等完3年又3年啩),睇吓最後到底係咪鬼子佬生 擒大「鱷」囉!
中環 在線 嶽少 少懶 懶理 基金 狙擊 華華
PermaLink: https://articles.zkiz.com/?id=5836

忽然爆出持有5%麗新國際俠女徐楓真金白銀撐岳少 李華華




2010-9-14  AD


 

一個係麗新國際(191)大老闆林建岳、人稱岳少,一個係湯臣(258)女當家、拍過俠女所以有一代女俠美譽嘅徐楓姐姐,兩個睇落可能風馬牛不相及,但實際上呢,又可能係非常、極度有淵源!

徐 楓姐姐同兩個寶貝仔湯子同、湯子嘉,上個禮拜三(8號)以湯臣名義增持咗116.9萬股麗新,平均每股作價0.66元,埋單都只係77萬蚊,對女俠嚟講當 然係濕濕碎,但亦都係因為使咗呢77萬蚊,暴露咗原來佢地三仔乸之前揸嘅麗新,值成5200萬銀,o依家增持完,持股量就啱啱過咗5%,按例要披露,大家 先知道女俠原來唔嘢小……

至於女俠點解會揀中麗新國際,根據華華同坐華華後面幾位駐將軍澳分析員推斷,理由應該有3個;第一,女俠同岳少N 年前個紅顏知己聶小倩(sorry,係王祖賢至真!)係老友,當年小倩同岳少之間嗰啲咩情變或者情未變,女俠係代言人嚟o架,有幾friend應該唔使問 啦!第二,岳少系內麗新發展(488)俾南豐老闆陳廷驊係咁掟貨,徐楓姐姐可能想發揮下俠女本色撐下老友。

而最後一個原因嘛,咪就係岳少一向同台灣女人好有緣囉!

李華華

LiWaWa@AppleDaily.com

 


忽然 爆出 持有 5% 麗新 國際 俠女 徐楓 真金 白銀 撐嶽 嶽少 華華
PermaLink: https://articles.zkiz.com/?id=18134

岳少名醫延命三年白龍王預知大限


2013-08-22  NM  
 

 

被視為泰國生神仙的「白龍王」周欽南,上週六(八月十七日)因支氣管病情惡化,在位於芭堤雅春武里府是拉差縣的白龍王廟病逝,終年76歲。

其實白龍王早在二○一○年七月,便因支氣管問題,被弟子劉偉強及梁朝偉安排送院,並入住深切治療部長達一個月,有指林建岳更搭通天地線,安排中南海名醫為白龍王診症,雖然病情一度好轉,但身體已大不如前。據稱,白龍王自知大限將到,兩年前在白龍王廟內興建以其名命名的「欽南堂」墓園,為自己的後事作好準備。長期咳嗽

擁有不少港、台藝人信眾的白龍王,據知十多年來氣管一直出問題,經常咳嗽,尤其在二○一○年,因肺部受到感染,一度要入住康民醫院(Bumrungrad International)的深切治療部。據知白龍王入院前,劉偉強跟還未轉軚信大寶法王的梁朝偉,知道師傅病情不妙,於是馬上安排入院,劉偉強更親自飛到泰國探病。

留醫一個月後,白龍王雖然獲准回家休息,卻未能親自主持年度的「師尊常年拜師法會」,要由其妻代勞,當日專誠由香港飛到泰國參拜的阿叻、秀姑、王晶等人,均未能見到白龍王一面,唯獨毛玉萍,獲安排入內見師傅。

明星生神仙

原名:周欽南出生日期:1937年6月19日祖籍:潮州,泰國出生

身世之謎

有指白龍王年輕時曾任電器維修員及幫人維修單車,亦有指他在街邊擺檔售賣飲品。稱在13歲見過太上老君身邊的白龍王顯靈後,40歲終於得上天開示,知道自己是白龍王轉世後,從此便開始替人指點迷津。

聞名香江

在八十年代,泰國華僑、前精工球隊班主黃創山是首個邀請白龍王來港的信徒,由於歸信後財運兩旺,於是介紹給當時的愉園班主余錦基及南華班主林建岳認識。到九十年代初,年產多部電影的向氏兄弟,也曾得白龍王指點迷津,港星如成龍、譚詠麟、阿叻陳伯祥、余文樂、舒淇等都慕名朝拜,更有指白龍王特別愛錫劉德華和梁朝偉,偉仔更有幸成為白龍王的契仔。

神跡

雖然白龍王為信眾祈福的方法花款甚多,含蠟燭、剪頭髮、扑頭、「捐」枱底,但能夠成為明星眼中的生神仙,全靠「開口中」的神跡。梁朝偉:白龍王吩咐偉仔不要拍跳樓戲,否則會有生命危險,而緊記訓示的他,由替身代拍跳樓戲,替身最終出意外,偉仔此後對白龍王深信不移。林建岳:03年香港受沙士影響,影圈市道低迷,林建岳請白龍王來港,為新戲主持開鏡祈福儀式,有指電影原名為《無間行者》,但白龍王揀了另一戲名《無間道》,結果電影逆市下票房高收6,000萬元,成為本地電影業神話。苗僑偉:三哥認識白龍王二十八年,當年與三嫂婚後誕下長女,白龍王叫三哥繼續生,下一胎必定係仔,果然言中。

岳少薦名醫

此後,白龍王健康情況一度反覆,咳嗽持續,有傳他曾來港入住養和醫院求醫,而林建岳更特別安排國內名醫來港,為白龍王診治。「無論你去搵白龍王指點迷津,抑或想消災祈福,佢從來都唔會逐樣去收你錢,都係靠善信出心捐獻,聽講唔少一線紅人搵師傅問嘢,都會預備一個塞滿錢嘅公文袋,捐俾白龍王廟,岳少信咗白龍王好多年,雙方嘅關係好密切,白龍王久不久嚟香港,岳少一定安排好,照呼周到。既然師傅有事,佢當然仆心仆命幫手啦!」知情人說。據了解,這位曾專程來港為白龍王治病的,是中南海高幹御用醫師,偶然也會來港,不少圈中人包括舒淇,都找他調理身體。

興建墓穴

經名醫打救後,白龍王病情雖然好轉,但有指已預計到「時日無多」的他,兩年前於白龍王廟內興建以自己名字命名的「欽南堂」,做好 準備。「裡面連墓碑都整好,師傅可能一早就預計到自己要歸天,乜都為自己準備晒。」一名白龍王的信眾說。至於白龍王的繼任人,盛傳在大病後發現自己是「黃龍王」轉世的白龍王女兒Pet,但本週一(十九日),白龍王遺孀、女兒、女婿、弟子等二十多人舉行記者會,白龍王弟子盧師兄一再澄清:「其實冇繼任人,白龍王只有一個,將來白龍王廟星期五六日會繼續開放俾善信。」至於由誰負責日後的法事儀式,盧師兄表示,一切等九月一日,處理好白龍王喪禮後才決定,更深信上天自有安排,到適當時機便會跟信眾交代。

群星送別

白龍王祖籍潮州,九月一日出殯當日,靈堂布置以中式為主,喪禮會以佛教形式進行,現時遺孀正草擬扶靈名單。剛從泰國回港的曾志偉,表示白龍王家人心情還未完全平伏,至於他本人會否出席喪禮,則要同無綫商量,因當日是香港小姐決賽。至於被指是白龍王契仔的梁朝偉,即使已跟太太劉嘉玲改信藏傳佛教,但十多年來得對方提點,有指偉仔已即時致電慰問白龍王家人,雖然未知能否出席喪禮,但偉仔表示會抽空到泰國,探望白龍王家人。本週二(二十日)下午,苗僑偉與戚美珍亦趕到白龍王廟,三嫂見到師母後泣不成聲,三哥回想白龍王多年來的教誨,不禁悲從中來:「識咗師傅二十八年,佢教我好多做人道理,將來我都會多啲飛嚟泰國,陪吓師母。」

泰國人唔信

泰國人滿天神佛,佛廟分分鐘多過便利店,但在港、台甚至星馬擁有大批信眾的白龍王,偏偏在泰國名不經傳,本刊訪問了多位泰國本地人,即使聽過「白龍王」大名,也對中國神仙認知有限。

 
嶽少 名醫 延命 命三 三年 白龍 預知 大限
PermaLink: https://articles.zkiz.com/?id=73946

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019