ZKIZ Archives


棄志雲投麗全 崔建邦6萬翻生


2011-8-18  NM




一而再自毀前途的崔建邦今年五月 收無綫大信封後,得陳志雲相助,轉職無綫幕後,由低做起。不過,貴人又豈止陳總一個,還有曾經是上司之一,現任NOW TV首席副總裁的何麗全。當紮司儀淪落到做PA(助導),日曬雨淋,都係搵得萬三蚊,日子唔易過,崔建邦透過曾志偉四圍放風,撞啱NOW全新娛樂頻道九月 啟播,用人之際,何麗全開出六萬一集利誘崔建邦過檔,雙方一拍即合。據了解,崔建邦已向無綫請辭,稍後將會同王賢誌拍檔,為NOW做主持。陳志雲優先

無綫前「非戲劇製作總監」何麗全,過檔NOW的首要任務,是為新的娛樂頻道埋班搭棚,主要向無綫一班再無約或滿約在即的藝人埋手,至於和他一向關係友好, 因為當時同無綫尚有三年合約的崔建邦,故未在考慮之列。直至今年五月底,崔建邦被無綫炒魷後,何麗全即時「做嘢」挖角,不過,當時已經斷糧零收入幾個月的 崔建邦,私底下氹掂陳志雲,搭路安排他返無綫轉職幕後。「Amigo俾無綫炒咗無耐,何生已經搵佢傾過檔,雖然嗰陣無話落實做咩節目,但個價都唔差o架, 斟咗幾次,最後何生話Amigo應承咗陳總,傾唔到,後來睇報紙先知佢返去無綫做PA。」一名NOW的員工透露。

自責大使

陳志雲落難,崔建邦曾一度變節,但陳總不計前嫌,安排他轉職幕後,雖然PA辛苦兼頂薪人工得萬三蚊,但對何麗全的好意,崔建邦也不敢貿然接受。到新劇 《ATF反恐》開拍,搵埋唔夠交租的崔建邦,忍唔住向一班好友包括曾志偉呻到樹葉落。「而家嗌親Amigo食飯,佢都話無錢唔出嚟,又怪自己以前大使慣, 搞到日子好難捱!」崔建邦好友說。

志偉碌卡

朋友有難,路數多又鍾意做「中間人」的曾志偉,自然義不容辭,親自碌卡,代崔建邦再向何麗全投石問路。天時地利,撞正NOW娛樂頻道大搞等人用,何麗全開 出六萬一集高價,將崔建邦收歸旗下。據了解,崔建邦將會與昔日有過牙齒印的王賢誌及梁思浩合作主持節目。但礙於梁思浩已為有線電視的《怪談‧靈異直播》埋 位,所以他對何麗全的提議即使表示興趣,亦先搞掂同有線的手尾。至於王賢誌,他回應說:「我都好期待同有興趣同佢(崔建邦)合作,相信會擦出火花,可能佢 喺TVB做完PA,會過嚟(NOW)!」有關過檔NOW及在本月正式向無綫請辭,至截稿前,崔建邦仍未回覆。

屢錯屢犯

近年崔建邦衰完一次又一次,打女友、醉駕、停牌駕駛,司儀形象插水。今年5月,屢勸不改的他被無綫提早解約,之後回巢做PA,打雜一腳踢。

打女友

09年12月,中巴混血兒鄺敏慧報警,指被男友崔建邦毆打,事後更公開二人的親密照和SMS,又指被對方施以叉頸兼鉸剪腳險窒息。崔建邦被警方落案控以 「襲擊以致造成身體傷害」罪名,最終獲撤銷控罪,判守行為1年。

醉駕

10年10月,崔建邦收工駕車離開電視城,被警方截停「吹波仔」,被發現體內酒精超標一倍,因為在守行為期間犯案,被判停牌9個月及罰款6,000元。

停牌駕駛

11年1月,崔建邦停牌期間,被雜誌拍得在西貢寓所附近駕車,有相為證,但他接受記者訪問時,仍堅持否認。

背女偷食

崔建邦與唐詩詠關係糾纏不清,男方多次被踢爆背女友偷食。10年10月,崔建邦帶索模郭思琳返家過夜。兩個月後,崔建邦又搭上俄羅斯索模Mavina Vovobeva。

紅眼症

07年,約滿無綫的王賢誌決定離開娘家後,接受雜誌訪問時,發火斥陳志雲偏幫崔建邦,當時僅入行四年的Amigo火速上位,無綫各大小節目,包括《娛樂直 播》、《勁歌金曲》、《東張西望》等,全由他做主持,王賢誌在訪問中更直指崔建邦未出名,已擔任大騷主持,「只要高層鍾意你就點都得!……TVB會有更多 『崔建邦』出現。」


棄誌 誌雲 雲投 投麗 麗全 崔建 建邦 萬翻 翻生
PermaLink: https://articles.zkiz.com/?id=27144

情侶檔崔建邦話事唐詩詠同台搵水

2014-03-06  NM
 
 

 

早前(二月二十一日)HEC CAPITAL(中南融資)在四季酒店舉行春茗,負責做司儀的崔建邦幫手吹雞,搵來謝安琪、RubberBand、吳雨霏及台灣的A Lin、黃小琥等歌手為主人家贈興外,還孖住多年來糾纏不清的唐詩詠,情侶檔同台做司儀,有錢齊 齊搵。做埋搞手

每年春茗活動都大陣仗的中南融資,今年在六星酒店設宴外,再豪花二百萬搞節目製作,令公司春茗變成TVB騷一樣。「今年單係負責表演嘅單位已經有十個,香港台灣都有。聽講公司其中一個董事同崔建邦好熟,所以個製作幾乎都係佢一手包辦。」一名公司員工透露。肥水不流別人田!撈埋節目製作策劃的崔建邦,更加益埋分手復合N次的唐詩詠,以情侶檔姿態同台做 司儀。「其實唐詩詠已經連續三年做公司春茗司儀,更何況今年公司搵咗崔建邦做統籌,唐詩詠無理由冇份囉!」除了崔建邦出面聯絡的表演嘉賓,與公司股東相熟的莫少聰,亦專程由內地返港出席春茗,並上台唱了兩 首歌。

陳文媛單拖

當晚成為大眾焦點的還有陳文媛(BoBo),卻不見男友金紫耀。「自從Philip(金紫耀)○一年辭咗唔做威利國際董事總經理後,都好少見佢同莊友堅(有細股股神的中南董事)一齊,不過BoBo間美甲店係莊友堅投資,所以BoBo同佢仲有往來。」知情者說。現場所見,當晚與女友一齊出席的林國斌,兩杯落肚後,拉住女友滿場飛,又走到台前,等RubberBand表現完,向台上的主音六號敬紅酒,六號亦十分俾面,點都飲番啖。

情侶 檔崔 崔建 建邦 邦話 話事 唐詩 詠同 同臺 臺搵 搵水
PermaLink: https://articles.zkiz.com/?id=92218

同翻版千語閃婚?崔建邦:了解中

1 : GS(14)@2015-03-14 11:30:33





傳與二十二歲廣州
翻版 千語 語閃 閃婚 崔建 建邦 了解 解中
PermaLink: https://articles.zkiz.com/?id=288452

郭思琳等崔建邦派帖

1 : GS(14)@2015-03-15 15:20:02







曾與崔建邦(Amigo)傳緋聞的郭思琳喜歡陽光海灘,早前到峇里旅行,問可有艷遇?她說:「呢次冇,但遊船河就試過對面遊艇嘅人都嗌過嚟。」對Amigo戀二十二歲
思琳 等崔 崔建 建邦 邦派 派帖
PermaLink: https://articles.zkiz.com/?id=288500

【壹週刊】靠古天樂背後發功崔建邦咸魚翻生

1 : GS(14)@2015-05-20 08:46:35

因為打女人、醉駕,搞到形象插水嘅提到崔建邦,搞到要做PA,挨咗一輪,終於可以撈番做幕前,兼且搞製作公司,事業有番起色,同Mandy Lieu師妹Kelly又拍咗大半年。事業愛情兩得意,趁住有空檔,崔建邦當然要同女朋友出去拍下拖。但係唔講知知,原來靠古天樂係背後發功!想知多啲?記住留意《壹週plus》,免費㗎!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150520/19153292
週刊 古天樂 後發 功崔 崔建 建邦 鹹魚 翻生
PermaLink: https://articles.zkiz.com/?id=290502

毛記主播晒冷 敢言新一代崔建芒扮魚上位

1 : GS(14)@2016-01-18 00:57:41

「第一次出鏡要做《人魚樂毛窮》,因為嗰陣時唔係好夠魚,所以出咗鏡而家好瘀!」爛gag!聞說老細林日曦好孤寒,這些日子只宴請過同事一次老麥。崔建芒忍唔住說:「佢一啲都唔孤寒,仲好唔吝嗇咁畀啲工作我做,好闊綽㗎!聽日咪有30篇稿擺喺你面前,等你寫囉!老實講,入嚟之前三個老細中,我最驚佢(林日曦),不過共事過之後發覺佢係外冷內暖,尤其佢外表咁冷,做少少嘢你已經好暖!」雖然工作上得到滿足感,但崔建芒仍要過女友和家人一關。「至於呢段時間,有返工冇收工,女友都好耐冇見囉!」真名:真.Kyle(27歲)毛孩之前身:雜誌copywriter毛孩之育成:原負責公司廣告部,因唔夠人出鏡,找他湊夠數毛孩之特色:扮Tree根極有神髓,每周數《勁曲金曲》榜一樣出色





來源: http://hk.apple.nextmedia.com/entertainment/art/20160116/19454602
毛記 記主 主播 播曬 曬冷 敢言 新一代 崔建 建芒 芒扮 扮魚 上位
PermaLink: https://articles.zkiz.com/?id=294350

與崔建邦甩拖七年 男伴輪住上中巴 斯文新歡 拍拖搵水煙壺

1 : GS(14)@2016-09-28 05:04:24

【新歡登場】■中巴日前被發現孖斯文新歡遊銅鑼灣,薄施脂粉的她頗清純。




【銅鑼灣】7年前被崔建邦打到要報警的鄺敏慧(中巴),一打成名,3年前中巴急流勇退結婚,但去年她再被爆暗交人夫。日前中巴被本報拍得與一名打扮斯文的四眼男拍拖買水煙壺,繼而該四眼男被本報讀者起底,英文名叫Harris的他曾與ViuTV《美選D.n.A》佳麗歐家裕相戀,恰巧歐家裕日前受訪時揭舊愛偷食風流史!



現年26歲的鄺敏慧因為擁有中國及巴西血統,因而被稱為中巴,2009年她被崔建邦毆打而揭出小三身份,到2013年中巴與建築工程師Kit結婚後,便專心做人妻,惟去年12月,她被爆背夫暗交年長自己21年的有米已婚男「粗哥」Edward,在尖沙嘴諾士佛台蒲吧又攬又啜。事隔大半年,情路精采的中巴原來已經「換畫」。日前正值放工時間,中巴被發現與一名年齡相若及打扮斯文的新歡現身銅鑼灣鬧市。中巴的打扮亦配合四眼男,反璞歸真穿上粉紅色裙配上白恤衫,不忘展示美腿,臉上亦是薄施脂粉,顯得頗為清純。他們先到利園商場一帶閒逛,而中巴行在人群中完全沒有被人認出,她亦樂於低調。之後二人邊行邊講,徒步行到位於總統戲院附近的銅鑼坊,直入一間經營水煙壺及配件的店舖,四眼男看來是熟客,與店員有傾有講。



【跟得女友】■中巴陪新歡到商場內的水煙壺店購物。

【無聊自娛】■新歡與店員吹水,無聊的中巴就不時玩手機及周圍行。DV圖片

【撇低男友】■中巴發現記者後速逃,男方被撇下一臉無奈。DV圖片


男友無奈被撇低

男友在店內吹水,百無聊賴的中巴自顧不停玩手機,男方在店內約逗留10分鐘,中巴就行去鄰近的店舖看泰國佛牌。其間中巴發現有記者,即時返回水煙壺店並且提高警覺,扮打電話在商場內兜圈巡視兼探路,又主動行近記者身旁視察。當男友付錢後準備離開,欲與中巴交談時,中巴即時向他打了個眼色,男友仍未領會女友心意,他開口問:「你唔係要睇佛牌咩?」中巴即一時間喝止:「行喇!」中巴與四眼男急步落到樓下,行到去銅鑼灣廣場二期的十字路口時,中巴先企在一個廣告牌後,再以極速逃離現場,只留下四眼男不知所措,呆站在路口找女友。在等過馬路時,仍未知發生甚麼事的四眼男拿着電話不停按,相信是想與中巴聯絡。



■當年中巴被「散打王」崔建邦當沙包打而為人認識。資料圖片

■三年前,中巴嫁給工程師Kit。


美選舊愛爆偷食

四眼男昨日被本報讀者爆料起底,指他是今年ViuTV《美選D.n.A》1號歐家裕的舊愛Harris,Harris與歐家裕前年認識,拍拖8個月,其間Harris被指多次背着歐家裕識女仔及在朋友面前奚落她,最後二人分手收場。日前歐家裕在商台接受《公子會》訪問時,大爆舊愛偷食,當着她面前與前度女友咀嘴,更跟歐家裕說:「聽聽話話就會攞到你想要嘅嘢,唔好出聲,唔好反駁!」據知歐家裕所講的正是Harris。歐家裕昨以WhatsApp回覆本報:「我唔想講太多佢嘅嘢,總之我而家生活得好開心。」採訪、攝影:吳耀輝




來源: http://hk.apple.nextmedia.com/entertainment/art/20160928/19783684
與崔 崔建 建邦 邦甩 甩拖 拖七 七年 男伴 輪住 住上 中巴 斯文 新歡 拍拖 搵水 煙壺
PermaLink: https://articles.zkiz.com/?id=310422

月入萬一崔建邦寫悔過書要拎八達通按金開飯

1 : GS(14)@2017-01-02 01:05:38

曾經被視為陳志雲頭號愛將嘅崔建邦,當日因為志雲捲入涉貪事件被無綫停職後,一度為保飯碗而離棄,再加上涉打前女友鄺敏慧及醉駕搞到形象插水,之後有傳喺志雲回歸無綫後,不計前嫌幫佢搵到份PA,俾佢由低做起,好彩最後佢可以復出幕前。昨日有周刊報道話,人生經歷大喜大跌嘅崔建邦,喺訪問上直言呢段間感受到好多人情冷暖,以前賺大錢嘅時候,生活過得好揮霍,見到鍾意嘅嘢,諗唔到諗就會買落嚟,直到做咗PA,每個月$11,000人工,開工食飯盒,收工就返屋企,但就算冇乜娛樂,經濟好快陷入谷底,試過日日計住自己剩返幾多錢,最窮嘅時候,連八達通嗰50蚊按金,都要拎番出嚟用,真係感到窮嘅滋味。阿邦仲話本來一直同媽咪喺清水灣住村屋,但係因為有一次媽咪俾狗咬,所以佢決定要搬走,但係資金唔多,最後媽咪搬咗去天水圍住,阿邦就住喺旺角嘅小型酒店。及後阿邦寫咗封悔過書俾媽咪,佢話好多問題都係由自己引起,佢唔單止自己照顧唔到,連家用都負擔唔到,所以佢要同媽咪講對唔住,仲承諾一定會接佢返屋企一齊住。佢又話呢段時間得到好多朋友支持,好似化妝間啲同事,鄭秀文亦都成日鼓勵佢,阿邦話仲有一個古姓藝人,但係佢唔想開名住,希望到事業有成先公開。至於同林珊珊個女野人拍拖,阿邦話0依家了解中,雖然有成家立室嘅打算,不過覺得好多嘢都未係時候,等經濟有能力先可組織家庭。據阿邦身邊友人透露:「經過呢次經歷,阿邦份人都生性咗,佢o依家都接返媽咪一齊住,仲住咗有好幾年啦,不過做父母幾時擔心啲仔女,所以阿邦下個月參加拳賽,都叫咗媽咪嚟睇,希望等佢知道,阿邦有決心同勇氣面對困難!」




來源: http://hk.apple.nextmedia.com/entertainment/art/20170101/19883391
月入 萬一 崔建 建邦 邦寫 悔過書 悔過 要拎 八達 按金 開飯
PermaLink: https://articles.zkiz.com/?id=320927

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019