【動畫】花8萬買頭版廣告示愛！兵仔「U先生」真身就係佢
1 :
GS(14)@2017-02-11 18:56:51情人節就到，正當唔少兵仔度緊點樣可以同女神示愛之時，今日竟然有人喺《都市日報》頭版落廣告示愛，仲話「大家都說我是兵，我說我是屬於你唯一的司機。」喂！呢位阿生，阿「U」生，你竟然唔單止認自己係兵，仲要係一隻「運輸兵」！據廣告業探子回報，《都市日報》一個頭版8萬銀！喂！你好市儈，講錢？一段驚天地、泣鬼神嘅愛情，從來都係無價。正當全世界笑緊呢位「U」生係傻仔之時…神探C上身！冇理由！真係冇理由！成封表白信，由「天涯海角」、到用Eason嘅歌詞「不說一句的愛有多好」，再加埋好似吳三桂引嗰啲清兵咁，講咩心口有個勇字……總之所有elements加埋就係好典型…真係好典型，典型到一個位叫老土，而呢種老土似乎太刻意。更令人可疑嘅係，喺咁老土嘅情信入面，又好刻意地講到「司機」，講「兵」，好唔夾，你可以話係我多疑（咁女人多疑係天生架啦），你亦可以話係直覺！喺好奇心驅使下，我真係打咗去Uber公關問，「喂喂，阿U係咪你哋呀？」Uber公關一聽，然後笑咗出來，「哎呀！我唔答得呀！哈哈哈哈！你哋自己估啦！」聽到呢度，在下無眼鏡都忍唔住扮托一托眼鏡，「我係咪好聰明呢！」公關又笑「哈哈哈哈！總之你自己估啦。」「咁E係咩呀？Eat呀？Uber愛呀Eat呀？」公關姐姐又話，「總之你自己估啦，哈哈哈哈…你又幾聰明呢。」如是者，在下又由其他渠道問到，Uber為咗呢個Campaign，買咗三日廣告，即係今日，下周一、2月14日情人節。至於阿U先生真身，官方會喺最後一日先揭曉！呢個時候，要起歌了：情人節不要說穿……強調！利申！非廣告！本人一毫子都冇收到Uber
by千頌C@堆填區
http://fb.com/winbigwok
來源:
http://hk.apple.nextmedia.com/financeestate/art/20170211/19924722
政治就係要睇人 方卓如
1 :
GS(14)@2017-02-11 23:50:232016-02-07 HJ
薯片出咗政綱，唔同人總可以搵到一兩項措施去攻擊。政綱係選舉承諾，講咗要做，唔做會俾人算賬，唔可以立亂開空頭支票。如何討好所有人而又唔會做唔到俾人鬧？美國總統特朗普其實做咗一個政綱最好嘅示範，唔使討好所有人，集中討好buy你嘅人，任由憎你嘅人繼續憎你。只要buy你嘅人多過憎你嘅人，咁你就贏。
政綱比併只係紙上較勁，將來會唔會走數冇人知，做唔做得足又冇人知。政綱唔可以冇，至少要俾人睇到你係乜嘢人，同埋白紙黑字將來可以搵你找數。但係5年之後嘅今天，香港人領教過，原來政綱講得如何天花龍鳳，邊個去實行政綱先最攞命。
擁有自由意志嘅人，响呢場唔太真嘅選舉，唯一應該依靠嘅選人準則，只可以係呢個人會唔會有好多政治債要還，係唔係某勢力嘅扯線公仔，有沒有往績同惡人對抗而仍然能夠屹立不倒。好坦白，有點對人唔對事，因為過去4年幾我們發覺，壞人可以搞喎好事，對事不對人是書呆子行為，政治就係要睇人。
近距離接觸過4名參選人，各有長短，無人完美。你可以稱為lesser evil，但沒有完美化身之下，次完美還是lesser evil，虛名啫，無意思。要比較，只可以拿最重要嘅一樣來比較，否則你永遠覺得十五十六，揀唔落手。最重要係乜？係下屆政府唔可以同今屆政府作風一樣，以強為剛，以鬥為樂。強人政府，唔一定為你開山劈石，掉轉頭可以令你頭破血流。4年幾以來大家打得性起，而家要唞唞，要hea吓，要休養，好事。
從良心出發，唔理追魂call，唔去西瓜靠大邊，我選擇薯片。有什麼承諾要他應承？好簡單，要佢承諾千祈唔好表裏不一，選舉前後兩個樣。上屆經驗，選舉工程可以呃人，但選舉完就現形。一個有跡可尋嘅人，一個可以擁有基本智慧嘅競選班底嘅人，一個可以俾眾人真金白銀支持嘅人，我相信自己唔會揀錯。
如果他日香港重蹈覆轍，又出現個騙子，我當然要為自己缺乏眼光負責，隱居求去不再獻世，同時哀嘆香港運數如此，接連受害。但到目前為止，我相信是最好、最合理、最對得住支持者嘅選擇。
#方卓如 #港股分析 #方如玉帥 - 政治就係要睇人
【親子關係】囡囡定仔仔？研究：爸爸就係偏愛自己個囡
1 :
GS(14)@2017-06-10 13:10:37有人說「女兒是爸爸前世的情人」，所以爸爸對自己的女兒特別好，雖然這種說法並不科學，但爸爸對待兒子和女兒的方式的確有分別。根據最新一期美國心理學會（APA）刊下學術期刊《Behavioral Neuroscience》，一份有關父女的研究指，相比兒子，爸爸一般都會對自己的女兒比較好。美國埃默里大學（Emory University）和亞利桑那大學（University of Arizona）學者調查了美國30對父女和22對父子，雖然研究對象中的部分人父有多於一個子女，但研究只會集中他們其中一個。每對研究對象都會被要求帶上一部微型錄音機兩日，每9分鐘會隨機錄音50秒，記錄他們的互動情況。而結果發現，與父子相比，爸爸對女兒的關愛多60%，而爸爸對女兒唱歌和吹口哨的時間是兒子的5倍。在談話內容方面，爸爸與女兒比較多提到情感上的事，如悲傷和孤單的話題，在用字上，爸爸比較常用「所有」和「很多」等字眼，而爸爸和兒子比較經常玩粗暴的遊戲，交談時爸爸比較常用「驕傲」、「勝利」、「頂尖」等字眼。52位爸爸都有參與一次功能性磁振造影（fMRI），相比看到兒子開心笑照片的人父，看到女兒開心笑的爸爸，在大腦負責獎勵和情緒管理的區域有更多的反應。研究人員雖然未能解釋爸爸偏愛女兒的原因，但爸爸在兒子面前的確比較壓抑情緒。資料來源：
Jennifer S. Mascaro, Kelly E. Rentscher, Patrick D. Hackett, Matthias R. Mehl, James K. Rilling. Child gender influences paternal behavior, language, and brain function.. Behavioral Neuroscience,2017;131(3):262 DOI:10.1037/bne0000199記者︰盧逸文2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170608/20048333
走入老夫子懷舊市集 傳統賀歲就係咁滋味
1 :
GS(14)@2018-02-04 23:56:32【特約報道】距離農曆新年還有不夠半個月，又是時候辦年貨。時至今日，有很多傳統辦年貨的習慣和一些賀年食物始終不變，你又知道多少﹖
年糕 年年高
中國人過年吃年糕的習俗，據說源於周代。由於禾穀成熟一次稱為一年，所以後世每逢過年吃年糕時，都有祝賀五穀豐登的意思。另外，年糕的同音「年高」亦寓意成年人工作上步步高陞，小朋友快高長大。除了年糕，近年亦興起賀年棗皇糕，由於紅棗有滋陰補陽、補血的功效，既煙韌又養顏，難怪越來越受歡迎。
北風起 曬臘味
所謂「臘」，本為歲終的祭祀，而人們習慣將農曆十二月稱為「臘月」。由於古時沒有雪櫃，中國人便把肉調味、風乾，保鮮同時也釀出風味獨特的臘味。一般來說，豬、牛、羊、雞、鴨皆可臘，醃料也以酒、鹽、醬油、糖為基本。而傳統上，曬好的臘味是過年必備的食物，除了留待一家人享用，更是親友間互相饋贈送禮的心意。時至今時今日，臘腸臘味等依然是送贈親友的賀禮之一。
利是錢 利利是是
對於小朋友來說，農曆新年最開心的事，莫過於收到長輩們的利是錢，而許多爸爸媽媽就把握機會教導小朋友學習儲蓄。在四五十年代，錢罌是用缸瓦去做，而且沒有取錢開口位，每次都要「爆缸」才可以取得裏面的金錢。到六七十年代，就衍生了可愛的豬仔錢罌，因為中國傳統上肥豬是「富貴」的象徵。
懷舊賀歲市集 感受傳統滋味
說起六七十年代的經典卡通人物，一定要數老夫子！今個新年，九龍灣德福廣場就聯乘老夫子，以老香港為主題，於商場1期舉辦了「德福港式懷舊賀歲市集」，當中有各式傳統賀年食品、懷舊零食及物品，更特別開設老夫子期間限定店。另外商場2期亦設有「老夫子經典手稿真跡展覽」，展出「王澤父子」近50幅真跡作品，並設有有「老夫子互動遊戲」，讓你變成老夫子漫畫中的主角。
德福港式懷舊賀歲市集日期：即日起至3月2日時間：上午11:00至晚上10:00地點：九龍灣德福廣場1期中央展場老夫子經典手稿真跡展覽日期：即日起至3月2日時間：中午12:00至晚上10:00地點：九龍灣德福廣場2期中庭
傳統年糕以至近年大熱的棗皇糕，寓意成年人工作上步步高陞，小朋友快高長大。
傳統上，臘味是過年必備的食物，除了留待一家人享用，更是親友間互相饋贈送禮的心意。
六七十年代流行的豬仔錢罌，除了是「富貴」的象徵，更可教導小朋友學識甚麼叫「積少成多」。
除了懷舊市集，更有展出「王澤父子」經典《老夫子》手稿真跡作品的展覽。
現場更有老夫子互動遊戲，讓大家變成老夫子漫畫中的主角。
來源:
https://hk.lifestyle.appledaily. ... e/20180202/20292499
【西遊記】我話我係好人我就係個好人
1 :
GS(14)@2018-03-19 04:48:06【文化籽：西遊記】據在電影公司工作的朋友透露，如今為荷李活電影改個香港用的中文片名，自由度越縮越細。就算未去到大陸級爆笑程度，《The Day After Tomorrow》唔叫《明日之後》要叫《後天》，也不要期望回到七十年代之前，《Gone with the Wind》可以改成《亂世佳人》，《Lolita》可以改成《一樹梨花壓海棠》；或者九十年代，《The Usual Suspects》叫《非常嫌疑犯》，《Eyes Wide Shut》叫《大開眼戒》，改到意思相反都仲得。否則，《魔盜王》（Pirates of the Caribbean）也不用在第二集開始易名《加勒比海盜》。
創意被局限了。《The Shape of Water》叫《忘形水》，《Lady Bird》叫《不得鳥小姐》，畢竟看得出香港人最擅長在狹縫中掙扎求存。可惜，《Molly's Game》還是要直譯成《莫莉遊戲》。莫乜嘢莉箒？識佢老鼠咩？最驚將冇乜意義的英文名字照搬一次便算，更不用說乜乜遊戲隨時會湮沒在《權力遊戲》（Game of Thrones）或《飢餓遊戲》（The Hunger Games）的洪海之中。叫《撲克女王》甚至學台灣叫《決勝女王》都應該更有吸引力。僵化的制度真會殺死傑出的人。莫莉其實即係Molly Bloom。出身背景跟《冰之驕女》（I, Tonya）的Tonya Harding有點相似，又是自小被怪獸家長強迫訓練成奧運級選手。Tonya玩花式溜冰，Molly滑雪。同樣失敗收場。Molly後來轉行開賭，唔抽水唔做莊齋靠打賞都致富，因為服侍班富貴客仔服侍得貼貼服服，張清單除了有黑社會有富二代仲有Leonardo DiCaprio、Ben Affleck、Tobey Maguire等荷李活巨星。電影在奧斯卡隱形，可以理解。即使這是金牌編劇Aaron Sorkin人生第一次執導。應該是由《白宮群英》（The West Wing）開始留意Aaron Sorkin。不是太多電視劇創作人可以成功征服電影圈，但Aaron Sorkin寫了《社交網絡》（The Social Network）便贏得奧斯卡最佳改編劇本。太成功有害？自此的《魔球》（Moneyball）和《時代教主：喬布斯》（Steve Jobs）已經交給兩大名導Bennett Miller及Danny Boyle，但總似逃不出《社交網絡》的陰影，也超越不了David Fincher。繼續改編同類型的《莫莉遊戲》，Aaron Sorkin今次不假外求，自編自導。《社交網絡》的色彩更濃。這幾年間，如果計Aaron Sorkin的出品，反而是回歸電視圈，叫好不叫座的《新聞室風雲》（The Newsroom）叫我最有驚喜。如不信，請看第一季第一集的第一節，便知道甚麼叫大師級。可能是改編自傳惹的禍。說到自己，人類總會隱惡揚善。《冰之驕女》以偽紀錄片形式將襲擊隊友的魔女美化成無辜受害者，《莫莉遊戲》也將單憑個人才能便操控天文數字賭本的奇女子，打造成觀世音一樣的菩薩心腸。明明窮到快死，也不收出版社高價酬金開名爆料，因為怕影響別人家庭。有街數又唔收，因為陌生的債仔好似比自己更可憐。不說，你會以為她是快將選戰的議員。偏偏，如果你有看過《新聞室風雲》，Aaron Sorkin的最強項，其實在於對世界的無情批判。回想《社交網絡》，激到Mark Zuckerberg嬲到震，才證明Aaron Sorkin發揮正常。地球上已經有太多建基於不同原因，例如不想得罪朋友、不敢得罪權貴、不屑得罪網絡暴民，所以日日客客氣氣真話說七成的「大好人」，我們其實更需要勇敢指出國王新衣的「壞人」。我就嘗試做一次：方俊傑呀，你明明打算寫Jessica Chastain，結果，一句也沒有。你究竟識不識字的？
Profile：方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。
facebook:方俊傑編輯：謝慧珊
來源:
https://hk.lifestyle.appledaily. ... e/20180316/20332858
Next Page