ZKIZ Archives


fb寸盡何君堯楊偉雄網民like到爆鄭中基

1 : GS(14)@2016-12-24 10:42:40

鄭中基(Ronald)近年活躍facebook,不時喺fb發言,仲發揮佢抽水本色,上至政畀人物,下至大陸節目都俾佢抽到盡。「不懂X叫」話說去年初陳潔儀參加《我是歌手3》,不過得嗰兩集就比人out咗,有網民就話因為佢唱歌技巧唔符合「國情」而俾人out,而鄭中基就喺fb留言:「為何小弟多次拒絕參加這類型的節目?皆因小弟自問五音不全,亦不懂X叫。」明寸大陸嘅唱歌比賽只要識_叫就羸到!「我愛麒麟」又係去年,當時仲係立法會議員嘅葉劉淑儀喺年初二同新界鄉議局主席劉皇發一齊去車公廟為香港運程求籤,點知入廟嗰陣,門前嘅麒麟突然舞動,將行緊嘅葉劉淑儀撞飛,史稱「麒麟事件」。而當時鄭中基就好有心咁為大家介紹「麒麟」呢種傳說中嘅神獸:「麒麟是中國古代神話傳說中的神獸,常與龍馬混淆。公獸為麒,母獸為麟,據說能活兩千年。性情溫和,身上雖有可攻擊敵人的武器,但不傷人畜,不踐踏昆蟲花草,故稱為仁獸。」而鄭中基仲係最後咗句「我愛麒麟。」「超級市場做嘢嘅人=超人?」去年5月,「新界關注大聯盟」發言人何君堯喺《城市論壇》自稱係社會工作者,佢自辯「社會工作者」係指「社會上工作的人士」,而唔係話自己係註冊社工。鄭中基就喺fb話:「何律師話喎,社會工作者=社會上工作,咁超級市場做嘢嘅人咪=超人?」仲引起唔少網民討論!「冇人聽得明嘅創科局局長」今年初,創科局局長楊偉雄同特首梁振英一齊出席一個創新科技論壇,與多名年輕科技企業家見面,其中局長爆咗句:「有邊個見過Steve Jobs?未呀?我見過!我真係見過﹗」之後仲成為熱話o添!而鄭中基又點知放過呢個機會呢,佢係fb post相,而張相上面寫住:「你哋有冇見過一個人講嘢唔經大腦,因為佢冇腦、onX無極限、X到漏汁,又話講緊廣東話,但冇人聽得明嘅創科局局長?我見過。我真係見過。」絕對係抽到盡呀!




來源: http://hk.apple.nextmedia.com/entertainment/art/20161223/19874391
fb 寸盡 何君 楊偉 網民 like 到爆 鄭中基 鄭中
PermaLink: https://articles.zkiz.com/?id=319884

財爺一po寸盡奶媽葉劉撐港卧虎藏龍 唔使妄自菲薄

1 : GS(14)@2017-01-08 18:59:50

早前表明「積極考慮」選特首的財政司司長曾俊華,宣佈辭職接近一個月,仍未獲中央批准,其「紅燈論」近日被炒得火熱之際,財爺在facebook出post,疑似向盛傳下周辭職參選的政務司司長林鄭月娥和已宣佈參選的新民黨葉劉淑儀「挑機」,力撐本土專才,讚揚「香港地卧虎藏龍,香港人實在毋須妄自菲薄」。由林鄭代表港府與深圳簽署落實興建的落馬洲河套區「創新及科技園」,雖由港方負責所有發展和管理成本,但原來將來在該幅香港土地聘請的內地人,可多於港人,更會設天橋連接深圳,方便內地人直達河套區。財爺在facebook上載照片,指自己到訪理大,了解校方近年在創新科技、科技應用等發展,讓他上了一課「香港創科」,直言「我們的學院有最優秀的腦袋,只要能夠釋放當中的力量,無論是本地、國家以至世界其他地方的問題,我們都有能力處理」,更謂「香港地卧虎藏龍,香港人實在毋須妄自菲薄」,有如隔空回應林鄭日前為吸納內地人而推展的「創新及科技園」。而由林鄭擔任主席的西九董事局,亦被指繞過公眾諮詢和立法會審批,突然拍板由馬會出資35億元,在西九加建故宮博物館,更欽點曾設計梁特僭建大宅的建築師嚴迅奇負責。財爺則在facebook疑似「抽水」,指其參觀的理大創新樓,則出自著名建築師Zaha Hadid手筆,同獲馬會出資興建,內裏的社會創新設計院,亦由馬會慈善基金出資成立,以解決香港社會問題來定位。至於葉劉曾批評他「hea做」財爺,曾俊華亦在借理大之行連消帶打,指他在2012年,「見證波音公司和理大合作開設航空服務研究中心。4年過去,中心發展迅速,成功提昇香港國際機場的維修運轉率,一些由它們研發的全自動維修程序,獲得國際採納,成績驕人」。




來源: http://hk.apple.nextmedia.com/news/art/20170108/19890320
財爺 爺一 po 寸盡 奶媽 葉劉 劉撐 撐港 港臥 臥虎 虎藏 藏龍 唔使 使妄 妄自 菲薄
PermaLink: https://articles.zkiz.com/?id=321817

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019