ZKIZ Archives


薛家燕X蕭正楠 做個快樂不倒翁 2015-02-27

1 : GS(14)@2015-03-01 10:14:25

http://www.skypost.com.hk/featur ... %92%E7%BF%81/170177
一代喜劇演員差利卓別靈有句名言:「人生近看是悲劇,遠看則是喜劇。」於薛家燕、蕭正楠,確實如此。一個被前夫拋棄,獨力養大三名子女;一個出道兩年,因誤說一句「邪不能勝正」成箭靶,被放逐北京。如今,前者笑得比誰都燦爛,後者事業、愛情得意。「沒有那些不開心的經歷,就不會有今天的我。」他們異口同聲。
二人最近合作賀歲劇《倩女喜相逢》,家燕姐飾演「發脹版」聶小倩,蕭正楠則飾演寧采臣。「蕭正楠可能有點失望,竟然搵我來演一個肥嘟嘟的倩女。」說完,家燕姐哈哈大笑。「劇集顧名思義就是為了搞笑,家燕姐一站出來就是開心的代表,她的感染力真的很大,好像有股力量,不管多累,她一定有笑聲和笑容,跟她開工,整班演員都很開心。」蕭正楠補充道。
他所言非虛,訪問現場,家燕姐笑聲不斷,動作多多,一點也不像就快65歲的人。「我的心理年齡是16歲。」她也毫無包袱,甚麼都肯扮。「因為我扮到嘛,哈哈哈。我是挑戰自己,人生這樣才多姿多采,做演員最開心就是我不止能做薛家燕,還能做很多人。」


將難關變成經驗


就算重提那位拋棄妻子、失蹤三年的前夫石保慶,及那段拍劇撲水養家的歲月,她仍是一副笑呵呵模樣。「每個人都有起有跌,每次跌都是一個機會,不跌倒,你如何感受爬起來那種成功?做人最重要就是開心、樂觀,及不斷增值自己,只有那樣,你才可以變成不倒翁。」她說到做到,這些年,她含辛茹苦養大三名子女,卻笑得比誰都燦爛。
蕭正楠也不忌諱談過去。說起那段避走北京的歲月,他直言不好過。「但望番轉頭,又會很珍惜那個過程。難關總會過,過了後就變成一個經驗,而這個經驗將來會幫助你面對其他問題。譬如,現在回內地拍劇或上節目,國語都算講得不錯,都是那段時間學的。我很感恩那段經歷,做人要知足,起碼我現在還在這一行。」


從《弟子規》學做人


除了演戲養家,家燕姐於11年前成立了家燕媽媽藝術中心,因此,她多了「家燕媽媽」這個稱號。訪問最後,問這位大眾媽媽有甚麼人生哲學跟大家分享,她語重心長地說:「大家不妨讀一讀《弟子規》,裏面有1,080個字,360句,你會從中學到做人的道理,譬如尊師重道、孝順父母、待人以誠等,小朋友三歲就能讀。現在的年輕一代,父母太過溺愛,想要甚麼就有甚麼,變成他們覺得一切都是應該的,若沒有或得不到,就是社會對不起他們。」
旁邊的蕭正楠一臉認真地聽着,說要跟家燕姐學習。「我在想,如果將來有子女,我應該會用一種比較鐵腕的方式來教導,這個《弟子規》,我一定會教子女讀的。」家燕姐忍不住補充說:「你要記得跟黃翠如說。」話音未落,二人捧腹大笑,笑得開懷。
撰文:黃艷
攝影:Lego
編輯:黃寶恩
設計:鄧俊明
家燕 蕭正 正楠 做個 快樂 不倒 倒翁 2015 02 27
PermaLink: https://articles.zkiz.com/?id=288080

薛家燕擺大壽眼濕濕

1 : GS(14)@2015-04-01 09:00:36





薛家燕前晚在黃埔擺壽宴慶祝65歲生日,3子女及范振鋒夫婦、王梓軒等到賀,家燕姐哽咽說:「諗起當年復出第一餐生日飯,得仔女同安德尊,因為環境唔好,仲要安德尊請。」有傳衞蘭(Janice)想與妹妹衞詩重投樂壇,有意找有財力的王梓軒幫手,王梓軒說:「冇傾過呢件事,如有音樂上嘅合作都會幫手,不過目前冇把握做老闆。」採訪、攝影:譚倩宜





來源: http://hk.apple.nextmedia.com/entertainment/art/20150401/19097081
家燕 大壽 濕濕
PermaLink: https://articles.zkiz.com/?id=289192

新城派30大信封家燕姐Bob全職變兼職

1 : GS(14)@2016-01-13 08:33:51

■(左起)思敏、關嘉美、范振鋒、薛家燕、Jackie、Bingo和Bob主持的《開心家天下》昨日最後開咪,之後僅餘一周一次新節目《開心大派對》。


新城電台大地震!昨日是新城高層朱明銳和黃紫盈在電台工作最後一天,傍晚有節目主持人及辦公室文員(幕後)各15人,合共30人收「大信封」,據悉包括出道23年的DJ路芙(曾潔)、董敏莉、科林、陳禮賢等,薛家燕、林盛斌(Bob)和范振鋒則由全職變兼職,一直主持的《開心家天下》停播,只能轉做每周六下午新節目《開心大派對》。另外,昨日亦是港台《晨光第一線》元老級DJ羅啟新和程振鵬最後一日開咪,大氣電波瀰漫一片愁緒。早前暗示「被退休」的銳哥昨日在返工前於facebook寫了一篇千字文,直言心情悲喜交集:「我這麼多年親手在電台培育的一班有夢想年輕人、今天跟我一齊離開這個夢工場!宿命如此、大家且快樂時要快樂、等到落幕人盡寥落!」


■路芙(左)和董敏莉無得留低,路芙嘆見盡人情冷暖,見到好多「偽人」。

路芙:預咗喺list度

傳聞是裁員名單之內的路芙亦在fb跟大家說再見,並指今次事件見到好多「偽人」,她做完節目後說:「預咗喺list(裁員)度,老闆都走咗,咁我點啫。」她承認一朝天子一朝臣,問是否看盡人情冷暖?她說:「係feel到某啲同事突然間陌生咗,但呢個世界係圓,你自己蝕底啫。」路芙拍檔董敏莉則說:「之前(陳)少寶哥冇機會,但我認為作為一個主持人係有責任同聽眾道別。」 科林傍晚亦收到大信封,連夜晚節目都立即被out,他直言好難受:「好多行動鬼祟,私下唔畀同事講,又冇被人通知過,前幾日仲要喺牆上poster全部消失,講聲先都冇所謂啦。」


■Bob要由全職變兼職,部份DJ同事更被裁走,新城電台一片愁緒。


家燕姐、Bob和范振鋒都有安慰離職同事,家燕姐認為係資源問題,精簡人手在所難免,但會盡力幫被裁同事,她說:「都會爭取番喺出面做活動時請番嗰啲同事幫手,因為大家都好有默契。」而傳是下任副台長的林柏希表示未收到通知,新城管理層回應指基於資源共用情況下,才有今次節目改革,但人手精簡後,新節目表難免要學亞視,滾筒式重播節目。採訪:盧妹攝影:陳俊強





來源: http://hk.apple.nextmedia.com/entertainment/art/20160109/19444648
新城 30 大信 家燕 Bob 全職 兼職
PermaLink: https://articles.zkiz.com/?id=294138

家燕姐揀仔忌囉唆

1 : GS(14)@2016-02-18 23:33:02

薛家燕、吳夏萍和鄭世豪前晚在土瓜灣為和音天王譚錫禧的演唱會綵排,剛在澳洲登台回港的家燕姐,被問是否因不滿轉做兼職而缺席新城團拜,她說:「係趕唔切去,我一早同佢哋講咗。」家燕姐亦透露兩個囡囡有向她拜年,問到大女有否帶男朋友出現?她哈哈大笑地說:「佢都未有男朋友,我仲祝佢早日搵到如意郎君㖭!不過我自己都未搵到!」其後大家笑指家燕姐不要太揀擇,她又笑說:「我一定會揀,揀男朋友一定唔可以咁囉唆,就算成個星期見唔到都唔會投訴。」不過家燕姐笑稱不用其他人介紹:「我有好多,我要啲鍾意睇戲、唱歌同跳舞,但係錢唔係最重要,我唔係好使錢。」採訪、攝影:盧妹





來源: http://hk.apple.nextmedia.com/entertainment/art/20160218/19494855
家燕 姐揀 揀仔 仔忌 囉唆
PermaLink: https://articles.zkiz.com/?id=296236

全城悼念:薛家燕:好唔捨得佢

1 : GS(14)@2016-03-06 03:14:29

藝人

薛家燕:前晚去醫院探過佢,當時佢瞓咗,佢太太叫醒佢,我同David講要加油好快會冇事,聽到佢離開,真係估唔到,好意外,真係好唔捨得佢。





羅蘭:《歡樂今宵》都有同David聚頭,佢係一個好開心嘅人,一見到人就鍾意講爛gag引人發笑,同肥姐(沈殿霞)一樣係開心果!佢而家上天家都係一個解脫!





夏韶聲:同佢識咗好多年,以前我喺河內道唱餐廳酒廊,佢晚晚都嚟好開心一齊唱歌,扮我唱《凶櫈》都好經典,好似講打麻雀,佢不嬲都好開心。



網民

Jacky Tan:啲出色嘅藝人走咗一個又一個。馮克安啱啱走咗,喺家又輪到盧David。
Leung Kwan:懷念他為香港人送上的歡樂,我們要珍惜前輩們為現在香港建立的一切。
Janeleefa Kahwa Kim:感激上天在3年前給我在工作中間接認識了盧大偉,他的人很好,沒有架子,如今他因病逝世,我真的心感難過。





來源: http://hk.apple.nextmedia.com/entertainment/art/20160305/19516924
全城 悼念 家燕 好唔 捨得
PermaLink: https://articles.zkiz.com/?id=296930

家燕遭藝人媽媽拖數

1 : GS(14)@2016-03-06 16:12:16

薛家燕昨日在馬鞍山出席反賭波活動,她表示十幾年前有位藝人的媽媽因為賭錢而欠債纍纍:「佢問我借咗兩萬,不過呢位太太好似已經忘記咗,都冇還畀我。」家燕媽媽藝術中心成員的一位童星莊錠欣(Elkie),近日進軍韓國並成為泫雅師妹,家燕姐謂Elkie都有向她查詢意見:「我叫佢放膽去試,最重要去到當地搵間好學校繼續讀書。」





來源: http://hk.apple.nextmedia.com/entertainment/art/20160306/19518222
家燕 藝人 媽媽 拖數
PermaLink: https://articles.zkiz.com/?id=297041

生日月疑遇家賊家燕失8萬珠寶 禁家傭離港

1 : GS(14)@2016-03-15 16:07:56

■家燕姐前晚提起失竊及菲傭離職事件,一臉心煩。


薛家燕、羅嘉良、范振鋒和太太李思欣、丁羽及林盛斌(Bob)等,前晚在銅鑼灣出席新城電台舉辦的《開心大派對》晚宴。於本月30日踏入66歲的家燕姐,本應開心迎接生日,但最近卻為菲傭及家中失竊等問題而心煩不已,她透露新來的菲傭於兩個月前聘請,新上任已工作表現欠佳,既懶散又沒禮貌,由於自己工作太忙沒即時處理,拖到最近決定解僱工人之同時,就發現共值約8萬元的珠寶不翼而飛,家燕姐說:「想戴珠寶搵唔到先至發現唔見,唔知係咪自己搵唔到。工人話趕住走,我話搵唔到珠寶唔走得,否則我就報警。」


■范振鋒夫婦及阿Bob等人前晚齊齊撐電台節目。


家燕姐直言因工人急於離港才惹起懷疑,上一任傭人聘用多年,從未試過遇上這種事情。問到如何善後?家燕姐說:「而家個工人已經唔喺屋企住。佢問我攞錢,我話買機票畀佢,佢都話唔使,其實我都未諗清楚點處理。我有問佢住邊,因為我仲要畀多一個月人工佢,我都有同agent講唔可以畀佢走住,希望件事快啲解決。生日願望係萬事開心,唔好咁多麻煩事。」採訪:盧妹攝影:仇志德





來源: http://hk.apple.nextmedia.com/entertainment/art/20160314/19528192
日月 疑遇 家賊 家燕 珠寶 禁家 家傭 傭離 離港
PermaLink: https://articles.zkiz.com/?id=298030

馮仁昭四圍超:家燕姐母親節忙

1 : GS(14)@2016-05-08 01:56:25

薛家燕噚日到石籬探訪安老院,佢話今年母親節唔可以同仔女慶祝,因為要同米雪、關菊英、李司棋去新加坡登台,不過已經提早食咗飯,亦都收到香薰味頸鏈加耳環嘅禮物。家燕姐仲話之前飛多倫多登台,當地落大雪,之後再轉飛馬來西亞做宣傳,兩地溫差大加上休息唔夠,所以患感冒,但因為忙到連睇醫生時間都冇,惟有靠喺新加坡買止咳止感冒藥粉。撰文:馮仁昭





來源: http://hk.apple.nextmedia.com/entertainment/art/20160505/19598056
馮仁 仁昭 四圍 家燕 母親節 母親
PermaLink: https://articles.zkiz.com/?id=299887

馮仁昭四圍超:家燕姐翻跳《食神》舞

1 : GS(14)@2016-05-21 13:13:47

薛家燕噚日以電影《食神》中嘅角色造型,去到北角為月餅廣告拍攝,家燕姐嘅仔女都有參與製作。家燕姐話《食神》已經係廿年前拍攝,噚日佢要跳番其戲中嗰part舞蹈,但家燕姐動作依然敏捷,家燕姐回想說:「當年拍《食神》,星爺問我開心會做啲乜,我話跳舞,佢就即場打拍子叫我跳咗廿分鐘,佢好識採納演員長處,佢好有天份。」撰文:馮仁昭





來源: http://hk.apple.nextmedia.com/entertainment/art/20160518/19616021
馮仁 仁昭 四圍 家燕 姐翻 翻跳 食神
PermaLink: https://articles.zkiz.com/?id=300578

家燕姐被批俾兩男追

1 : GS(14)@2016-09-03 23:28:57

薛家燕邀請李居明加入新城電台合作做節目《家燕大師行運騷》,由今個月開始為期一年,昨日兩人在新光戲院拍攝宣傳照。李居明批家燕姐2019年會有兩大追求者出現,家燕姐笑言:「我冇諗,而家快樂人生,好豐富多采多姿。」李居明又指家燕姐抱孫同時會有真命天子出現,家燕姐表示長女石祐珊未拍拖,要帶女兒見師傅指點迷津。採訪、攝影:卓寶花




來源: http://hk.apple.nextmedia.com/entertainment/art/20160903/19758150
家燕 姐被 被批 批俾 俾兩 兩男 男追
PermaLink: https://articles.zkiz.com/?id=307349

【馮仁昭四圍超】家燕姐三年內兩團圓

1 : GS(14)@2016-09-13 08:04:30

薛家燕、范振鋒同吳剛等噚日喺九龍城出席慈善探訪活動,席間吳剛贊助送出100盒月餅畀現場長者。家燕姐表示向來都好重視中秋節,今年係咪人月兩團圓?佢話:「李居明話我2019年先有,咁我唔等。」仔女有冇催促快啲搵番個伴?家燕姐笑住話:「前幾年都有催我,但而家我會反問佢哋『咁你哋呢?』,之後大家就唔再提。」撰文:馮仁昭




來源: http://hk.apple.nextmedia.com/entertainment/art/20160913/19768933
馮仁 仁昭 四圍 家燕 姐三 年內 團圓
PermaLink: https://articles.zkiz.com/?id=308934

薛家燕自薦幫陳寶珠驗胸

1 : GS(14)@2016-10-11 08:11:58

陳寶珠、薛家燕、廖碧兒及琦琦,昨日在山頂為「乳健同行2016」步行籌款擔任大使。強調每月定期自我檢查乳房的寶珠姐說:「早啲知道並接受治療就有機會復原,我每個月都會自我檢查,每年接受一次檢查。」家燕姐笑謂如果寶珠姐忘記,可以代勞為她做乳房檢查。家燕姐指乳癌屬婦女頭號殺手,不容忽視:「要定期自摸,睇吓有冇異狀物體,唔好食過量激素,大閘蟹我都係食一隻。」廖碧兒正計劃花七位數字歐元再收購酒莊,她說:「預算近千萬,而家睇緊,有好消息會宣佈,裝修成本都大,要儲耐啲錢。」採訪:張俊銘攝影:陳順禎




來源: http://hk.apple.nextmedia.com/entertainment/art/20161011/19796753
家燕 自薦 幫陳 寶珠 驗胸
PermaLink: https://articles.zkiz.com/?id=311552

梁朝偉入市賺半億家燕姐死城舖勁蝕九成

1 : GS(14)@2016-10-30 14:35:58

賭王四太梁安琪之前豪花13億買咗4個大宅俾超盈超欣,話想俾個機會兩個女學投資。既然要學,可以試下跟于文鳳咁睇千呎舖位,又或者向以下呢班藝人做功課,分分鐘賺夠可以買番幾個單位送番俾四太:古巨基資深投資者羅家寶12年以1.228億元買入中環擺花街22及24號兩個地舖,三個月後交吉摩出,接手嘅正係古巨基。基仔入貨後冇轉手,選擇放租回本,今年6月以8萬數租金,租咗俾一間化妝品店。謝霆鋒同樣都係擺花街,不過比古巨基更早入市,喺05年開始以1.2億買咗3個地舖,12年楊受成再用9120萬元買咗28號地舖,轉送咗俾霆鋒。不過貴為「擺花街舖王」冇收手,霆鋒再喺13年以1.17億買入26號舖。梁朝偉梁朝偉除咗係影帝,投資都有一手。佢08年首次以私人名義入市,買入中環威靈頓街73號地舖連閣樓,當時作價係2880萬元。偉仔等咗四年之後,以7950萬元沽出舖芝,賬面億超過半億。薛家燕投資有賺有蝕,家燕姐就試過失利,佢92年以250萬買入咗佐敦廣場兩個舖位,雖然喺旺區,不過商場管理不善,又搵唔到其他業主,結果想翻新商場唔成功,變咗做一代死場。佐敦廣場喺10年俾財團睇中,家燕姐乘機賣舖,但加埋只係收得番約27萬,總共蝕咗226萬,賬面勁蝕9成咁多。洗米華買舖可以做投資,亦都可以當做禮物咁送俾人。太陽娛樂揸弗人周焯華(洗米華)經常四圍飛,陪完Mandy又要o氹番洗米嫂。洗米華今年就試過購入七千萬澳門地舖,送俾洗米嫂,非常大手筆。




來源: http://hk.apple.nextmedia.com/entertainment/art/20161030/19817079
梁朝偉 入市 賺半 半億 家燕 死城 舖勁 勁蝕 蝕九 九成
PermaLink: https://articles.zkiz.com/?id=314123

【馮仁昭四圍超】薛家燕買磚頭賺千萬

1 : GS(14)@2016-11-23 07:53:29

薛家燕、胡孟青同可嵐等噚日喺觀塘出席智能工作空間示範單位記招,原來家燕姐好鍾意買磚頭保值,喺7年前用300萬買咗個2千呎單位做教育中心,而家值千幾萬。有3個工廈單位嘅家燕姐,大把銀彈繼續投資,至於住宅單位,家燕姐笑話:「唔好數啦,買磚頭可以儲錢、保值,就算當年金融風暴,我都冇損手,喺國內都有朋友叫我買。」撰文:馮仁昭




來源: http://hk.apple.nextmedia.com/entertainment/art/20161123/19842368
馮仁 仁昭 四圍 家燕 磚頭 賺千 千萬
PermaLink: https://articles.zkiz.com/?id=316688

家燕姐拍騎馬戲險傷頭

1 : GS(14)@2017-01-22 02:17:19

薛家燕、曹永廉及梁烈唯前晚在荃灣出席仁濟慈善晚宴,家燕姐主動向傳媒問及劉德華的最新情況,她說:「我諗係裂咗,尾龍骨要小心啲,做藝人同動物拍嘢都危險,自己十幾歲拍騎馬戲,本來慢慢行,突然間佢亂跑,俾棵樹勾咗個古裝髮髻,如果低啲我個頭都冇咗。」另外,陳百祥昨在上水出席慈善球賽,他希望華仔吉人有天相,他說:「受傷都係我哋職業一部份,大難不死必有後福,可能佢之後生個慈姑椗。」他認為華仔應休息一段時間,希望不會影響行動。採訪、攝影:曹家誠、王連連




來源: http://hk.apple.nextmedia.com/entertainment/art/20170121/19903708
家燕 姐拍 拍騎 馬戲 險傷 傷頭
PermaLink: https://articles.zkiz.com/?id=323574

家燕姐爆大王女友好Nice

1 : GS(14)@2017-01-26 07:44:02

■薛家燕約安德尊辦年貨,還叮囑對方不要辜負女友。



薛家燕早前相約安德尊在鑽石山辦年貨,家燕姐指辦年貨是中國人習俗,寓意由年頭好到年尾,她還大爆安德尊很快就有人為他辦年貨,又指他與女助手12年感情,叮囑不要辜負對方,在旁的安德尊即時閃開,並說:「唔好吹到咁大!」家燕姐未有理會他,續說:「同佢女朋友(S小姐)識咗好多年,好幫手,好nice,又靚女,不過大王(安德尊)否認係女朋友,只係佢助手,其實佢哋傾得埋都係時候。」問家燕姐催婚,安德尊立即否認,強調對方只是女助手,亦沒有私有化,他說:「不嬲冇結婚計劃,冇拍拖,俾人影咗出嚟,搞到大家誤會。」採訪、攝影:黃曉妍




來源: http://hk.apple.nextmedia.com/entertainment/art/20170124/19906429
家燕 姐爆 大王 女友 Nice
PermaLink: https://articles.zkiz.com/?id=324002

薛家燕藝術中心擴充

1 : GS(14)@2017-02-05 10:48:33

薛家燕、鄭俊弘和菊梓橋(Hana)等昨日在黃埔出席新城團拜,家燕姐新年獲內地朋友招待,與子女放煙花甚開心。新一年她所創辦的家燕媽媽藝術中心會有很多計劃,她說:「之前有十幾個內地大企業傾加盟藝術中心,相信2017年內地發展應該好好。」現時藝術中心約有十間分店,今年預計再開三間。另外,Hana新年與老闆到泰國旅行,剛加盟新唱片公司的她與鄭俊弘同公司,二人希望在音樂上合作,她亦想有桃花運:「有幾年冇拍拖,想物色男友可廝守一輩子。」問公司可會批准拍拖?她說:「又唔係細路,會識分寸。」採訪:王連連攝影:陳慧安




來源: http://hk.apple.nextmedia.com/entertainment/art/20170204/19917115
家燕 藝術 中心 擴充
PermaLink: https://articles.zkiz.com/?id=325442

薛家燕預告娶新抱恨抱孫

1 : GS(14)@2017-04-17 07:20:10

薛家燕早年被前夫石保慶拋棄,母兼父職養大兩女一子。家燕姐現年30歲的二仔石耀庭,前晚在家人見證下,向拍拖兩年的女友Zoe成功求婚,家燕姐即將升呢奶奶,可謂苦盡甘來。



■家燕姐兒子石耀庭,前晚在家人見證下成功求婚。

石耀庭前晚搞了神秘求婚派對,Zoe以為到九展看王梓軒綵排,原來她才是女主角。家燕姐昨日接受訪問,大讚準新抱100分。一對新人的婚期,有待雙方家長揀日子,但家燕姐下半年工作都排滿,她說:「訂酒席、婚宴會場同籌備都要時間,可能婚禮一年後搞,我都未有時間約親家佢哋傾。」家燕姐計劃豪花七位數字娶新抱,還會送上家傳之寶,問心急抱孫嗎?她說:「睇佢兩個,但都差唔多時間,順其自然。」採訪:陳杰




來源: http://hk.apple.nextmedia.com/entertainment/art/20170417/19992074
家燕 預告 娶新 抱恨 抱孫
PermaLink: https://articles.zkiz.com/?id=330863

【惋惜哀悼】薛家燕:靚女又打得

1 : GS(14)@2017-05-18 01:10:50

一代俠女于素秋上周在美國肺炎病逝,昨日死訊傳出後,曾合作過的圈中人都惋惜不已。


薛家燕:

佢好多武俠片同曹達華一齊拍,又靚女,又打得,當年好紅,影壇個個讚佢。觀眾睇番佢嘅戲,可以對佢有另一番懷念。


黃夏蕙:

我當年跟鳳凰女玩,成日去片場,見到于素秋有傾偈,佢好靚,好豪爽。我見過于素秋同麥炳榮喺片場拍拖,佢哋好sweet。


胡楓:

大家都好熟,無言呀,聽到呢個消息真係好唔開心。


【生平軼事】


創雙飛踢槍

于素秋擅打脫手北派,與著名京劇武生父親于占元創出「雙飛」踢槍前、後、側踢槍招式,不少後輩相繼模仿。


現場代配音

資深配音員丁羽指于素秋是外省人,廣東話不純正,拍粵語片時只是口噏噏,由黎坤蓮為她現場配音。


閒時打麻雀

羅艷卿指于居於美國甚少出街,只圍着仔女過日子,唯一興趣是打麻雀。




來源: http://hk.apple.nextmedia.com/entertainment/art/20170517/20023468
惋惜 哀悼 家燕 靚女 又打 打得
PermaLink: https://articles.zkiz.com/?id=333149

薛家燕開紅館處女騷

1 : GS(14)@2017-05-21 13:17:40

薛家燕(中)和兒子石耀庭、彭家麗昨日在九龍灣出席「健康快車廿載光明行」,家燕姐透露明年是入行60年,適逢《流行經典50年》好收得,有主辦單位邀請她做紅館騷,她說:「華仔(劉德華)因為受傷而騰出紅館檔期,娛樂商即刻入紙申請,但我聽講楊千嬅同側田都係攞嗰個期,我諗攞兩、三日冇問題,佢哋會讓吓啲前輩,我第一次處女紅館騷嘛!」




來源: http://hk.apple.nextmedia.com/entertainment/art/20170521/20027844
家燕 開紅 紅館 處女
PermaLink: https://articles.zkiz.com/?id=333903

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019