ZKIZ Archives


安仔勁吞4底蘿蔔糕

1 : GS(14)@2015-02-22 12:56:15





許志安、蔣志光、韋綺姍昨日在沙田馬場為農曆新年賽馬日擔任表演嘉賓,安仔壓軸坐高球車出場獻唱,但他出場前,司儀朱凱婷卻說:「呢個人準備好多利是畀老婆派。」事後安仔說:「我都唔知司儀會咁講,其實佢冇諮詢過我㗎,我嘅反應同你哋一樣,不過冇所謂啦,新年流流大家開心。」安仔表示新年不斷食,吃了四底蘿蔔糕,日前與家人食開年飯,全家一起上磅,他竟是全家最肥一個,現在要即時進行地獄式減肥,安仔表示有信心在演唱會前減磅,他又透露日前有入戲院捧女友鄭秀文的新戲。


■蔣志光拖住韋綺姍唱經典歌。


而蔣志光及韋綺姍打頭陣出場,唱新年歌及經典歌《相逢何必曾相識》,又在現場大派利是,大受歡迎,韋綺姍表示新年沒有登台吸金,並大讚蔣志光說:「佢好照顧我,不過後生時冇咁細心,
安仔 仔勁 勁吞 蘿蔔
PermaLink: https://articles.zkiz.com/?id=287918

【壹週刊】安仔開騷狂操許太Sammi素顏跟到實

1 : GS(14)@2015-04-24 08:51:14

【壹週刊】除咗陪許志安排舞,自認係『減肥達人』嘅Sammi,更日日陪老公跑步、健身,再加埋Sammi私人減肥餐單,幫安仔減咗12磅。想知更多?記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150424/19123029
週刊 安仔 仔開 開騷 騷狂 狂操 操許 許太 Sammi 素顏 顏跟 跟到 到實
PermaLink: https://articles.zkiz.com/?id=289880

後台默默做背後女人安仔攬Sammi完騷晒恩愛

1 : GS(14)@2015-05-05 22:56:19

■前晚安仔完騷後,在後台攬着為他打點一切的Sammi,大晒幸福。微博圖片


一連四場「Come On許志安演唱會」前晚完滿結束,縱使觀眾千呼萬喚鄭秀文(Sammi)的名字,Sammi仍安份守己做安仔背後的女人,在後台為愛郎打點一切。安仔在台上識趣地兩度感謝Sammi,還將嘉賓林憶蓮(Sandy)叫Sammi,十分搞笑。雖然Sammi未有在台前現身,但戴上黑框眼鏡及束髮的她,大方在後台與安仔拖手攬腰恩愛合照,賀安仔完成個唱。二人的合照被好友放在微博公諸同好,BoNe12321留言:「COME ON恩愛後台照(徇眾要求)手拖手,黐到實!」



■安仔吊高半空獻唱情歌。

■安仔與Sammi在後台大方與眾人合照。

■演唱會落幕,安仔(右二)與一班高層及工作人員等開心慶功。


■安仔邀得Sandy做嘉賓,不過叫錯對方做Sammi。

叫錯憶蓮做Sammi

安仔與Sandy拖手合唱《至少還有你》,反應熱烈,安仔說:「好耐冇聽過Sandy唱歌,係一個福氣,不過,我唔應該拖咁耐。十幾年前好鍾意呢首歌,我去過好多地方唱,可以一齊唱係夢想成真,我覺得Sammi嚟咗……係Sandy嚟咗,冇理由唱一首歌。」對着Sandy叫Sammi真是超尷尬,之後憶蓮和安仔再合唱兩首快歌《灰色》和《傾斜》,勁歌熱舞令場館升溫。


■安仔(左)與杜德偉扮咀嘴影相。微博圖片

約老婆旅行度假

演唱會完畢,安仔接受訪問,被指在台上感謝太太Sammi時說話好似「鬼食泥」,他解釋說:「唉!要留力嘛!呢啲唔通大聲講咩,梗係溫柔啲講。」安仔表示稍後會放假,等Sammi完成手頭上的工作後,會一起去旅行度假。另外,有報道指一班華星新秀會組織華星同學會,安仔說:「係呀!華星朋友有個group chat,以文佩玲為首,等大家可以多啲機會聚吓,多啲人加入嘅時候,可以做嘢回饋吓社會。」採訪:馬建華攝影:陳俊強


■安仔前晚自彈自唱《不要驚動愛情》。

唱《不要驚動愛情》甩嘴

2011年「牛脷文」和「豬髀安」太平館約會被撞破,同期鄭秀文推出《不要驚動愛情》,一語道破世紀復合,《不要驚動愛情》是繼《唯獨你是不可取替》許志安和Sammi的愛情故事後,另一首值得紀念的經典歌。為了細味愛情,安仔特別前晚的演唱會尾場自彈自唱《不要驚動愛情》憑歌寄意送給後台的愛妻Sammi,怎料安仔竟然不記得歌詞,彈吓唱吓甩吓,幸好台下歌迷萬人大合唱力撐他完成表演。安仔被指忘詞時,他說:「事前未練過,只是以前曾經彈過,彈到咁大家先鍾意睇。」





來源: http://hk.apple.nextmedia.com/entertainment/art/20150505/19135742
後臺 默默 背後 女人 安仔 仔攬 Sammi 完騷 騷曬 恩愛
PermaLink: https://articles.zkiz.com/?id=290172

我Q你答問會:Sammi日日見豬髀 想翻唱安仔《爛泥》

1 : GS(14)@2015-06-10 08:39:56

■鄭秀文指keep fit靠恒心同自律。攝影:郭賢興


為慶祝《蘋果日報》創刊20周年,將連續一星期刊登《我Q你答問會》,首日邀請到榮升人妻的鄭秀文(Sammi)作客!她接受記者於銅鑼灣找來的13名市民的提問,鬼馬的她暗笑屋企已有兩條豬髀,所以自己鍾意食牛脷多些。採訪:皓騫、魏嘉琳



■Sammi透露去太平館,除了食牛脷,還愛梳乎厘,明言會再去,未知安仔會否同行。

■Sammi愛短髮,但長髮可以有更多形象上的變化。




1.林小姐:你點解keep得咁fit,可以share餐單嗎?

Sammi:要就得㗎啦,keep fit首要條件係你要夠想fit,咁你就會搵到方法去做,我嘅方法其實好簡單,食要自律,做運動要自律,好似每日set半個鐘做運動,風雨不改完成,事業、愛情、幸福都唔係公式,但減肥真係純粹公式,用多過食一定會瘦,一個字恒心。




2.馬先生:假如你唔係artist,仲會唔會keep fit?

Sammi:其實我唔係因為做artist keep fit,最初嘅原動力真係純為減肥,而家唔係好多減肥需要,但我鍾意自己健康同體能好,因為工作需要大量體能;如果唔係做呢行都會㗎,去到而家40幾歲更加會做運動,因為呢個係唯一可以令自己身體好嘅方式。




3.金小姐:仲多唔多去太平館食嘢?有乜其他特別推介?

Sammi:最近要keep fit冇去太平館食嘢,但去親就好鬼鍾意佢嘅牛脷,因為整得好腍,除咗牛脷仲有好多嘢好食,好似焗到頭咁大嘅梳乎厘,每次捧埋嚟都好開心,食極都唔完,遲啲會再去,因為老闆好好人,會畀折頭我食嘢。




4.王先生:你會考慮同邊個開crossover演唱會?

Sammi:其實過去一年有諗過一啲人選,上年做Touch Mi演唱會時衍生過呢種諗法,但好似有啲人選但唔係好啱,諗到再話你聽,不過絕對有可能做。




5.盧小姐:你通常禮拜六定禮拜日去教會?安仔有冇陪你?

Sammi:我係星期日嘅,不過有啲教會星期六嘅6點幾都有,最近一次返教會就係星期六,仲聽埋一堂好好嘅道㖭。




6.廖小姐:你最重時幾多磅?最輕時幾多磅?

Sammi:最重讀書時候138磅,最輕時候拍緊《高海拔之戀II》,大概95、6磅,每個人上到咁高海拔自然會瘦,當然我會繼續keep fit,我係瘦得比較厲害嗰個,以我差唔多5呎6,嗰時係好瘦,凍到着8層底衫、6條褲都唔覺大隻,就知自己瘦到太離奇,有少少病態瘦。




7.林小姐:你鍾意長頭髮定短頭髮嘅自己?

Sammi:長頭髮嘅自己摟休啲,短頭髮就輕鬆啲,如果論個性絕對覺得自己係短頭髮,但有時做嘢嘅變化就長頭髮多啲嘢玩,見我而家摟摟休休,就知道我留緊長頭髮啦,其實我內心好鍾意短頭髮,唔知點解留長頭髮。




8.鄧先生:平時跑步跑開邊一頭?好想捕獲你!

Sammi:啊!平時我就跑開……長洲啦、離島啦,哈哈哈!油麻地啦、深水埗啦,你咪得閒去撞吓我囉,你好彩嘅話,睇你信唔信啦,嘻嘻嘻!




9.廖先生:你鍾意食牛脷定豬髀呀?

Sammi:我鍾意食你呀,問埋啲咁嘢,嚴格嚟講我鍾意牛脷多啲,因為豬髀肥得滯冇本事食,同埋成日喺屋企都對住兩條豬髀,哈哈哈。




10.余先生:如果你一定要翻唱許志安嘅歌,你揀邊一首?

Sammi:其實好多隻試唱都幾好聽,《爛泥》囉,女仔唱感覺幾得意。





來源: http://hk.apple.nextmedia.com/entertainment/art/20150609/19177034
答問 Sammi 日日 見豬 豬髀 翻唱 安仔 爛泥
PermaLink: https://articles.zkiz.com/?id=290742

我Q你答問會:人人問Sammi 點分安仔與Alex

1 : GS(14)@2015-06-10 08:40:17

■網友認錯杜德偉(左)是安仔,Sammi笑言:「如果我分唔到就枉為人。」


為慶祝《蘋果日報》創刊20周年,將連續一星期刊登《我Q你答問會》,首日邀請到榮升人妻的鄭秀文(Sammi)作客!對於曾有網友認錯杜德偉是許志安,Sammi抵死地說:「夜晚返嚟嗰個係邊位,我都分唔出,就真係枉為人囉!」採訪:皓騫、魏嘉琳




11.李小姐:你覺得許志安同杜德偉似唔似樣?

Sammi:嘩!如果我連佢哋都認唔到,就真係枉為人囉,夜晚返嚟嗰個係邊位,我都分唔出就好大件事,所以對我嚟講係冇困難。




12.王小姐:如果你可以隱形,最想做乜?

Sammi:我會潛入人哋屋企,睇吓人哋喺廁所做乜,係咪每個人嘅步驟都一樣,尤其啲大人物,因為我越大越覺得每個人都係平等,無論幾高幾有錢幾靚,入到廁所做嘅都係一樣,可能好雍容嘅女士,去到廁所有鮮為人知嘅一面,棟高隻腳唔知點,好想睇吓人哋呢啲私密狀態,係咪好八卦呢!




13.暨小姐和陳小姐:許志安做過令你最感動嘅事係乜?你做過令許志安最感動嘅事係乜?

Sammi:冇喎,如果你識得欣賞一個人,其實佢做少少嘢都好感動,可能煮杯奶茶或學識整一樣嘢,對方就覺得好開心。





來源: http://hk.apple.nextmedia.com/entertainment/art/20150609/19177663
答問 人人 Sammi 點分 分安 安仔 仔與 Alex
PermaLink: https://articles.zkiz.com/?id=290743

我們的20年:陪《蘋果》齊突破Sammi讚安仔易教

1 : GS(14)@2015-06-18 08:37:08

■Sammi接受本報專訪時自爆鍾意洗碗,而且現在已懂得煮好多菜式。 攝影:郭賢興


天后鄭秀文(Sammi)過去20年來登上《蘋果日報》娛樂頭版不計其數,但讀者最開心始終是她與許志安復合嘆豬髀的新聞,更為她帶來牛脷文的新花名。突破從來是《蘋果》的宗旨,近年很少做專訪的Sammi為慶祝《蘋果》20周年,也來一次突破自己框框,試試面對不一樣的問題,拋出不一樣的答案。結果她在BIG FOUR四子中選最佳老公,竟然沒有許志安份!還認為大男人杜琪峯可挑戰同志角色,跟古天樂玩斷背山。撰文:余燕儀



記者:記 鄭秀文:Sammi記:有人出錢搵你做導演,杜琪峯係男主角,你會搵佢做乜角色?
Sammi:我想佢飾演同志,因為杜琪峯喺我認知世界裏面,大男人得好緊要,電影應該完全搣甩佢呢樣嘢,飾演好深情、對愛情好忠貞嘅男同志,最好佢身邊伴侶由古天樂去做,古仔簡直係後生版杜Sir,無論處事、背影,去到片場講嘢方式,咦!點解成個杜Sir咁!所以飾演一對同志伴侶都幾有趣,唔需要加《春光乍洩》親熱戲,呢啲點到即止啦,希望呢部戲帶出對愛嘅一種意味,唔需要太過激情。



■2011年Sammi與安仔復合嘆豬髀的新聞,是讀者最開心見到的,更為她帶來牛脷文的新花名。

■Sammi指BIG FOUR中張衞健最愛家庭,最適合做老公。



重選老公揀健仔

記:BIG FOUR邊個最適合做情人、老公、朋友、囝囝?
Sammi:嘩!好難講喎,真心話又唔講得,講啲假話啦!老公揀Dicky(張衞健),因為佢好鍾意家庭,放工就一支箭飆返屋企,佢唔鍾意玩,有時去卡拉OK都唔願意,佢好愛佢嘅家庭同媽媽,呢樣嘢好難得,相信如果同佢結婚,都會好愛我嘅爸爸同媽媽。情人我覺得Edmond(梁漢文)幾好呀,因為佢好鍾意玩嘛,喺朋友裏面佢好帶到歡樂畀大家,我覺得情人某程度上要有一種funny,好識得搞情趣好幽默,我覺得Edmond幾做到情人,同埋佢body shape好,做情人body shape要講究。朋友會揀康仔(蘇永康),因為康仔人緣好好,雖然講嘢好率直,但感覺完全冇機心,頂到佢率直就冇事,佢個人好善良,好鍾意佢善良呢part。囝囝揀許志安,因為佢個人好簡單,食飽飯就好開心,仔都係整飽佢就搞掂啦,我觀察佢唔係有反叛個性,都幾尊師重道同念舊,個性又比較平衡,唔會活潑好動到不得了,又唔會好靜到不得了,作為一個細路仔會易教。記:最後一餐想食乜,自己煮定出街食?
Sammi:最後一餐即係臨死前,仲煮,出街食啦,同鍾意食嘅人一齊食日本嘢,臨死都要瘦嘛,食啲唔好咁油嘅嘢。係咪同安仔食?全部我愛嘅人,同知道佢錫我嘅人,越多人越好。記:想同20年前嘅自己講乜?
Sammi:一早叫你減肥囉,唔使食到自己138磅出咗事先減肥。記:想同20年後自己講乜?
Sammi:一早叫你唔好減肥啦,20年後咪又係肥到咁,減嚟做乜呢,哈哈哈。



■Sammi認為極大男人的杜琪峯可挑戰同志角色,同古天樂玩斷背。

■拍電影《長恨歌》的經歷,令Sammi體會到快樂及身體健康的重要。



拍《長恨歌》啟發人生

記:覺得自己婚前婚後有乜唔同?
Sammi:而家識煮嘢食好多,因為有咁嘅需要,對方要食惟有自己識煮,因為識煮嘅工人好少,一係你就有錢到請大廚,而且廚房嘢我會爭住做,我特別鍾意洗碗,我哋有分工,燈油火蠟嘅嘢就佢管,好似單據。記:你認為一對夫婦生兒育女係咪好重要?
Sammi:睇吓呢個係咪佢哋人生目標?係咪透過做爸爸媽媽角色畀到自己價值?所以人人唔同,生育係好重要,但我唔係嗰批人。記:睇番以前嘅作品,有冇邊部想轉台?
Sammi:咁樣講會得罪導演喎……冇!部部睇完都百看不厭。記:睇番自己部電影《長恨歌》,而家有乜嘢感覺?
Sammi:好好,都係一個人生歷程,冇《長恨歌》都可能冇而家嘅自己,如果冇嗰段經歷,睇唔到快樂嘅重要性,身體健康嘅重要性。記:揀一首自己嘅歌曲,希望全世界都記得,會揀邊首歌?
Sammi:《上帝早已預備》,因為我覺得呢個係我而家唱歌或者工作嘅使命,就係將我認識上帝一樣咁好嘅嘢同人分享。服裝提供:Flea Madonna絲質上衣
Black Orchid褲、Jimmy Choo靴造型:Tang Lai化妝:Ricky Lau from Aing Makeup School髮型:Joey from Hair Culture



蘋果20年 企硬我敢言
http://20.appledaily.com





來源: http://hk.apple.nextmedia.com/entertainment/art/20150618/19188007
我們 20 蘋果 突破 Sammi 讚安 安仔 仔易 易教
PermaLink: https://articles.zkiz.com/?id=291062

安仔請Sammi去旅行

1 : GS(14)@2016-02-24 07:28:22

許志安昨日在W酒店出席樂視體育項目記者會,前晚有份在澳門出席太陽娛樂春茗的安仔,提到老闆洗米華與洗米嫂陳慧玲婚變後,首度公開合體兼同枱合照,問安仔有否見到老闆及老闆娘同坐,安仔說:「好似見唔到喎,呢啲嘢問番老闆喇,我唔識答。佢咁大紅人,紅過晒我哋所有藝人,自己簽自己搞掂。」問到會否覺得老闆生活多姿多采?安仔亦只說:「我唔識答呀,不如你哋問番老闆。」安仔又坦言忘記了前日的元宵節,但稍後會和太太鄭秀文(Sammi)補祝:「我會請Sammi食嘢同去旅行,今次唔會去熱帶地方,改去天氣凍嘅地方。」採訪、攝影:卓寶花





來源: http://hk.apple.nextmedia.com/entertainment/art/20160224/19502868
安仔 仔請 Sammi 旅行
PermaLink: https://articles.zkiz.com/?id=296264

陳慧嫻向安仔求婚失敗

1 : GS(14)@2016-03-09 16:26:02

陳慧嫻前晚舉行紅館騷尾場,邀許志安及草蜢擔任嘉賓,陳慧嫻自爆曾向安仔求婚:「我哋喺同一間髮型屋整頭,嗰時唔太熟,有次我叫佢娶我,安仔望住我擰頭。黐線㗎以為我講真。」隨後她和草蜢合唱,蔡一傑上前扶她,陳慧嫻笑問:「你哋係咪古時太監?」尾聲時,陳慧嫻介紹擔任音樂總監的何韻詩胞兄何秉舜時主動示愛:「兩個字『傾心』,靚仔、有才華,你落嚟錫我!」但遭對方拒絕。陳慧嫻多次重提遇上一位傾心攣男,問此人是否何秉舜?她說:「唔係,唔好講邊個,係一個秘密,得我知。」採訪:馬建華攝影:陳俊強





來源: http://hk.apple.nextmedia.com/entertainment/art/20160309/19521370
陳慧嫻 陳慧 向安 安仔 求婚 失敗
PermaLink: https://articles.zkiz.com/?id=297371

全城熱話:安仔:打咗個突

1 : GS(14)@2016-03-18 23:56:04

許志安


方力申與鄧麗欣宣佈分手結束10年情,消息傳出後,不少藝人及網民均表示震驚,為他們緣盡一事感惋惜。許志安:我都係今日先知,聽到都打咗個突,識咗佢哋兩個好耐,好可惜,大家平時私底下都會聚會,又同一間公司,希望佢哋會好啦,但我哋作為外人唔會明。小肥:我喺早幾日已經知道,不過我冇搵佢哋,感情係佢哋兩個人嘅事,公司亦都交代咗,佢哋兩個分手梗係覺得可惜,真係冇諗過會分手,但係呢個係佢哋決定,希望大家畀啲空間佢哋,亦唔需要猜測太多。唐寧:我都係啱啱知,尊重佢哋嘅決定,旁人唔應該講太多嘢,相信呢段時間佢哋需要空間,始終拍咗拖咁長時間。洪天明:覺得可惜!但係冇得為佢哋難過,佢哋本身有乜問題唔知道,起碼睇到佢哋唔係嗌晒交反晒面,好和平理智有共識分開,我未同小方溝通,希望佢哋冇嘢,始終佢哋係大人,朋友好難加入意見。



網民

Justman Ling:拖咗人十年都唔結婚就應一早分手,女人光陰冇幾多㗎咋,俾人浪費咗十年光陰,可悲!
Crystal Siu Toutou:我一直都想他們結婚的,不過公平點說,點解一定係個男唔想結,係個女都唔出奇。Stephy好耐之前都話自己唔太相信愛情,因為佢係單親家庭。不過原因只有他們兩個才知道。
Shirley Chan:完了吧,如無意外、從今開始應好好戀愛。





來源: http://hk.apple.nextmedia.com/entertainment/art/20160318/19534432
全城 熱話 安仔 打咗 咗個 個突
PermaLink: https://articles.zkiz.com/?id=298379

【馮仁昭四圍超】子華爆肚整蠱安仔

1 : GS(14)@2016-07-06 08:11:36

許志安早前請嚟黃子華演出新歌《芝士》MV,齊齊扮保安員,子華臨場爆肚攞安仔同老婆鄭秀文做話題。今次子華畀足面,安仔話會請好嘴刁嘅子華食餐好報答,子華即駁嘴:「即係起碼有碗雲吞麵啦!我唔係第一次幫安仔,我呢世人未試過做演唱會嘉賓,又幫佢做嘉賓,MV又客串埋,但我要鄭重聲明,我係唔客串,唔好搵我客串,我一定係前世欠咗佢。」撰文:馮仁昭/p>





來源: http://hk.apple.nextmedia.com/entertainment/art/20160706/19682590
馮仁 仁昭 四圍 子華 爆肚 整蠱 蠱安 安仔
PermaLink: https://articles.zkiz.com/?id=302730

【馮仁昭四圍超】安仔買禮物送老婆

1 : GS(14)@2016-08-16 06:11:28

剛過49歲生日嘅許志安,噚日以代言人身份現身灣仔美食博覽,安仔話未試過同老婆鄭秀文(Sammi)行美食節或年宵之類嘅人多地方,反而印象深刻係同梅艷芳行過年宵。安仔話:「當年梅姐想行花市,佢戴住口罩,然後我同譚耀文、草蜢圍住佢行,由入口逼到出口,但咁先有氣氛。」今個禮拜五係Sammi嘅44歲生日,安仔話當日要登台,陪唔到老婆,但已準備好禮物。撰文:馮仁昭




來源: http://hk.apple.nextmedia.com/entertainment/art/20160815/19736190
馮仁 仁昭 四圍 安仔 仔買 禮物 老婆
PermaLink: https://articles.zkiz.com/?id=305964

【馮仁昭四圍超】石詠莉見安仔變小粉絲

1 : GS(14)@2016-08-19 06:55:55

許志安唱嘅《世紀末煙花》唱到街知巷聞,最近石詠莉翻唱佢呢首歌,全新改編外,仲改咗做首合唱歌,更搵來原唱許志安一齊唱,噚日石詠莉喺商台接受訪問,話佢本身都好鍾意安仔:「真係難能可貴,讀書時佢係我好喜歡男歌手之一。」石詠莉講到當日同安仔一齊錄音:「第一次見到安仔見到好似一個小粉絲,好想表露我好喜歡佢,但又唔敢同佢講嘢,好似一隻小鳥,佢就叫我唔使咁緊張。」撰文:馮仁昭




來源: http://hk.apple.nextmedia.com/entertainment/art/20160819/19741746
馮仁 仁昭 四圍 石詠 詠莉 莉見 見安 安仔 變小 粉絲
PermaLink: https://articles.zkiz.com/?id=306534

【馮仁昭四圍超】安仔五花大綁整爛凳

1 : GS(14)@2016-09-07 21:46:23

許志安最近為新歌《非安全地帶》拍MV,請咗Dear Jane主音阿Tim做導演,安仔被五花大綁喺木凳上面,要做痛苦同掙扎嘅表情,仲要拎起手槍,表達不滿情緒。原來拍攝當日撞正打風,大家都想趁未掛8號風球之前收工,所以安仔盡量配合做好每個表情,最後都比預期早收。安仔話:「今次好用心做新碟,希望大家支持本地band壇。」撰文:馮仁昭




來源: http://hk.apple.nextmedia.com/entertainment/art/20160907/19762648
馮仁 仁昭 四圍 安仔 五花 大綁 綁整 整爛 爛凳
PermaLink: https://articles.zkiz.com/?id=308016

雄風畢現 安仔着白色三角泳褲療情傷

1 : GS(14)@2016-09-10 13:54:43

林作同麥明詩嘅情海翻波,結局如何,就要留待下回分解。而人紅自然就會多人留意,林作就俾《蘋果》讀者爆相爆片話佢着住粉藍色泳褲,喺淺水灣嘅露天酒吧俾女圍,雖然唔係三角泳褲,但見佢露出一身白滑嘅肌膚,展現雄風!其實唔單止林作,過往都有好多男藝人都試過以泳裝示人,吸睛指數同女星着比堅尼一樣爆燈!黎明96年,「明福俠」黎明去越南拍電影,被拍到着住三角泳褲游水。咦,睇番明福俠當年同o依家嘅身形都好fit喎!許志安2002年,安仔當時就同o依家嘅許太鄭秀文情海翻波,咁佢就約埋班老死去咗布吉度假散心,當時安仔着住白色嘅緊身泳褲喺酒店泳池曬太陽,雄風畢現。陳小春2003年,張栢芝同陳小春一齊去泰國度假,小春就着住三角緊身泳褲,同着住比堅尼泳衣嘅栢芝酒店泳池享受日光浴,當時栢芝仲幫小春搽太陽油添!鄭伊健2006年,伊健喺泰國拍攝電影《鹹蛋超人》時,身穿三角泳褲喺酒店泳池游水。馬德鐘2013年,馬神就自己喺微博上載咗一張着住三角泳褲同朋友出海游船河嘅相,真係fit到爆呀!




來源: http://hk.apple.nextmedia.com/entertainment/art/20160910/19766623
雄風 畢現 安仔 仔著 白色 三角 泳褲 療情 情傷
PermaLink: https://articles.zkiz.com/?id=308502

安仔陪外父外母紅館睇老婆Sammi閃眉紅番打頭陣

1 : GS(14)@2016-09-17 17:52:52

■Sammi的造型展現性感,尤其大晒雙腿。



鄭秀文(Sammi)於紅館舉行共8場演唱會,昨晚揭開序幕,這次開騷門票早已售罄,一票難求。Sammi父母、吳雨霏、羅霖母子、黃又南和車婉婉夫婦等昨晚均有捧場。演唱會於8時50分開始,燈光轉暗,Sammi老公許志安坐到嘉賓席,陪外父外母。


抱恙聲沙

Sammi以紅番頭晒長腿出場,非常吸睛,第二套衫時,她在台上除頭盔及外套,內裏是短裙,身邊有舞蹈員伴舞。Sammi曾表示有點不舒服,抱恙開騷的她喉嚨有些發炎,獻唱時聲音有少少沙啞。向來愛玩新意的Sammi,這次大玩閃石眉,十分有型,跟着唱出《Fabulous》、《螢光粉紅》及《煞科》等歌曲。



■Sammi在舞蹈員伴舞下,華麗登場。

■安仔(左)昨晚傍實外父外母欣賞Sammi演唱會。

第三套衫為水晶長裙,Sammi說:「我都好期待part II演唱會,用咗兩個月刻意操練,有少少肌肉。」Sammi又學港姐般繞場一周,向觀眾晒靚腿,她續說:「早兩日開唔到聲,噚日仲走音,今日突然心中湧現一句福音說話,把聲開咗,醫生又畀咗藥我。」她笑言這晚會勁走音,希望觀眾不要介意,但現場所聽,Sammi只是說話走音。



■劉德華在拜神儀式開始前到達紅館。

華仔到場

昨午Sammi一直留在場館綵排,其間劉德華到過紅館,並逗留約一小時離開。至於天后背後的男人許志安,也親自駕車到場,看到歌迷時笑笑口揮手。到傍晚6時半左右素顏的Sammi戴上眼鏡去到後台拜神,歌迷大叫偶像,心情靚靚的Sammi也打招呼兼鞠躬。有歌迷關心問沙聲的Sammi是否好了一點,她攤大手板示意一般。由於Sammi是虔誠基督徒,當工作人員拜神上香和化寶時,她都站在一旁唸唸有詞,估計是在祈禱。可是現場大煙,Sammi咳了幾聲,參與切燒豬後,即返回後台準備。而成龍、張學友、蔡卓妍、鍾欣潼、郭富城和謝霆鋒等昨晚都有送花籃到賀。採訪:王連連攝影:陳俊強




來源: http://hk.apple.nextmedia.com/entertainment/art/20160917/19772901
安仔 仔陪 陪外 外父 父外 外母 母紅 紅館 館睇 老婆 Sammi 閃眉 眉紅 紅番 打頭陣 打頭
PermaLink: https://articles.zkiz.com/?id=309455

Sammi讚安仔照顧周到

1 : GS(14)@2016-10-01 13:19:55

鄭秀文(Sammi)、林作、陳嘉寶及莊思敏等,昨晚在天際100觀景台出席YSL派對,剛完成個唱的Sammi表示生病期間得到老公許志安噓寒問暖非常窩心,她笑言:「結得婚都係想咁。」
Sammi說:「未好番晒,加感冒,之前食西藥,而家轉食中藥,把聲要休息一個月,所有唱歌演出都做唔到,好在主辦商搵第二啲歌手頂住。目前食得好清,唔可以勁擦一餐,只可食粥同米粉。」她透露原本有意開300、400人的演唱會,不過一提出就被公司反對。她大讚生病期間,安仔做足老公本份有餘:「佢服侍好OK,有幫我冚被,得閒仲整杯暖水畀我,伴侶有嘅關懷都有,佢好緊張我嘅身體。」採訪:盧妹攝影:仇志德


■林作昨晚單拖出席活動。

■莊思敏裙子太鬆,要經常夾實。



來源: http://hk.apple.nextmedia.com/entertainment/art/20161001/19787116
Sammi 讚安 安仔 照顧 周到
PermaLink: https://articles.zkiz.com/?id=310869

憶蓮安仔飯局傾唔停

1 : GS(14)@2016-10-16 08:20:05

■林憶蓮等三人十分好傾,到食肆關門才離去。



林憶蓮上周三晚上與許志安及倫永亮在中環九如坊大班樓飯敍,她是胡楓(修哥)的契女,當晚修哥太太離世,相信她當時未知契媽死訊。憶蓮淡妝現身飯局,平時該食肆11時清場,但三人當晚大概11時20分才離開,傾足幾個小時,要食肆關門才走。憶蓮行出門口依然雞啄唔斷笑笑口,安仔扶實倫永亮,再和憶蓮抱抱告別。安仔發現有傳媒影相立即告訴憶蓮,憶蓮即收起笑容急步上車,倫永亮則似略有醉意,見他腳步浮浮尾隨,登上憶蓮的座駕,安仔就坐另一輛七人車走。採訪、攝影:徐錦池、黃柏倫




來源: http://hk.apple.nextmedia.com/entertainment/art/20161016/19801992
憶蓮 蓮安 安仔 飯局 傾唔 唔停
PermaLink: https://articles.zkiz.com/?id=312271

安仔想康仔龍鳳胎

1 : GS(14)@2016-12-01 08:06:51

許志安將與四隊男子樂隊舉行「許志安與17安士音樂會」,眾人昨日在商台記者會,其中RubberBand指六年前與安仔合作時很緊張。安仔對於蘇永康太太懷孕,自爆數月前已知,笑謂阿公生公仔或公女,最好是龍鳳胎。問到Big4會否上契?他說:「睇阿公肯唔肯,怕話我哋教壞,一歲就畀佢睇性教育電視。」採訪:王連連攝影:陳俊強




來源: http://hk.apple.nextmedia.com/entertainment/art/20161201/19850713
安仔 仔想 想康 康仔 龍鳳
PermaLink: https://articles.zkiz.com/?id=317848

【馮仁昭四圍超】歐倩怡呻安仔拍劇苦

1 : GS(14)@2016-12-10 03:45:29

資料圖片





早前有報道話郭晉安因為拍劇集《致命復活》搞到抑鬱,要暪住太太歐倩怡食安眠藥。噚日歐倩怡以電話回覆話唔覺老公抑鬱,佢話:「佢拍劇呢段時間真係忙到不得了,比平時拍喜劇辛苦3、4倍。」問到兩公婆係咪冷戰過?倩怡話:「連見面時間都少呀,其實入得劇組每日都起碼佔20-22個鐘,有時間都畀佢休息。」倩怡專心照顧好仔女,有船牌嘅倩怡話養船貴,反而想考飛機牌揸飛機。撰文:馮仁昭




來源: http://hk.apple.nextmedia.com/entertainment/art/20161209/19859443
馮仁 仁昭 四圍 歐倩 倩怡 怡呻 呻安 安仔 仔拍 拍劇 劇苦
PermaLink: https://articles.zkiz.com/?id=318921

【翻撻夫婦】Sammi兜轉嫁安仔

1 : GS(14)@2016-12-18 11:04:23

Sammi(左)許志安(右)



緣份的事相當玄妙,有人分手後不再是朋友,有的別離後會翻撻,更會結成夫婦。


Sammi 許志安

91年拍拖,04年宣佈分手,之後安仔分別與助手及圈外女友Michelle拍拖。11年,本報撞破鄭秀文(Sammi)與安仔撐枱腳食豬髀,之後公告復合,傳兩人於13年在峇里秘婚,去年Sammi公佈成為「許太」。


吳雨霏 洪立熙

與網球王子洪立熙三離三合,13年分手後,吳雨霏與余文樂拍拖數個月,掟煲後翻撻洪立熙,去年7月在意大利完婚。


王陽明 蔡詩芸

05年王陽明與中文班同學蔡詩芸拍拖,兩年後戀情就無疾而終。二人分開8年,前年復合,去年底在澳洲完婚。


莫文蔚 Johannes

莫文蔚09年重遇16歲時的德籍初戀男友Johannes,兩人於11年10月返回意大利北部相識地結婚。




來源: http://hk.apple.nextmedia.com/entertainment/art/20161218/19868807
翻撻 夫婦 Sammi 轉嫁 安仔
PermaLink: https://articles.zkiz.com/?id=319479

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019