ZKIZ Archives


孫慧雪33C少少肥

1 : GS(14)@2016-07-06 07:58:58

■孫慧雪加入寫真戰,大賣「笑女」feel。


宅男女神孫慧雪下周一34歲生日,近日在大台劇《純熟意外》彈出,她乘勢狙擊,為紀念入行10周年,會在生日前夕推出處女寫真集《Once》,雪雪邀得YouTube司徒夾帶操刀影相,寫真成本約6位數字,會推出數千本。


■寫真集中孫慧雪亦有性感晒身材照。


33C、25、35三圍的雪雪早前到台灣墾丁取景,20個造型中最激是半裸,全書盡顯「笑女」真面目,因為雪雪表示最滿意自己笑容,至於身材?她昨說:「我對自己身形唔係咁有自信,成日覺有少少肥。」為了令寫真拍出感覺,雪雪表示:「兩日我睇咗100本寫真攞感覺,綜合嚟講,我最鍾意係日本嗰啲。」採訪:陳杰





來源: http://hk.apple.nextmedia.com/entertainment/art/20160705/19681181
孫慧 33C 少少
PermaLink: https://articles.zkiz.com/?id=302568

34歲生日渴望真愛孫慧雪Dry足半年 谷胸徵婚

1 : GS(14)@2016-07-13 05:15:44

■孫慧雪(左)昨與Diva一身低胸裝出席活動,認真火辣辣。


宅男女神孫慧雪與ViuTV選美真人騷《美選D.n.A》參賽者許珮榆(Diva),昨日一身賽車女郎打扮出席荔枝角舉行的「PlayStation@動漫電玩節揭幕禮」,二人齊齊谷胸上陣,不時彎腰示範做小手工及玩賽車遊戲,惹火身材令人噴血。



■阿雪坐下玩遊戲時更凸顯逼爆上圍,但腰間有點肥肉。

■阿雪指攝影師要求自然,所以寫真未有執相。



唔執寫真Sell肉地

原來昨日是阿雪34歲生日,她揚言渴望找到另一半:「我都有一顆恨嫁的心,想搵個人錫我、錫我家人,夾得嚟嘅人,對上一次拍拖係半年前,而家冇人追。」阿雪近日推出寫真集,她指寫真集大賣將要加印,由於之前不少粉絲未能取得到簽名,所以考慮再舉行一次簽名會。對於有人批評她寫真未有執相,阿雪卻謂:「我話執瘦啲,師傅話要自然啲,sell肥肥哋。」



Diva自爆做媽咪

此外,負面新聞多多的Diva,被指曾生仔、入戒毒所、任職舞小姐及整容等等,對此Diva說:「我有心理準備,謠言止於智者,以前個男友有個小朋友,我哋一齊5、6年,小朋友都叫我媽咪,我哋關係好好,之後個男仔有外遇,個小朋友好可憐。我最青春嘅時間都畀晒佢,我哋16、17歲一齊,18歲一齊住,22歲分開咗。舞女?我冇做過,以前男友鍾意去夜場,我承認我成日去玩。」


■是非多多的Diva腋下有疑似疤痕,但她否認隆胸。


傳聞Diva曾到喜靈洲戒毒,問是否牽涉男友時,她說:「其他人唔方便透露,我最憎人吸毒,千祈唔好,take嘢衰硬。」Diva又透露,自2012年出過寫真後,曾轉型做保險行業,但最終發現自己適合娛樂圈發展。另外,昨日活動期間Diva被發現腋下有疑似疤痕,問是否曾做隆胸手術時,她否認說:「冇,我時大時細,減肥中。」採訪:張俊銘攝影:陳俊強





來源: http://hk.apple.nextmedia.com/entertainment/art/20160713/19692049
34 生日 渴望 真愛 孫慧 Dry 半年 谷胸 徵婚
PermaLink: https://articles.zkiz.com/?id=303546

孫慧雪循環比堅尼

1 : GS(14)@2016-10-13 08:09:34

孫慧雪、鄧佩儀和林秀怡昨日在海灘拍攝新劇,她們為了配合劇情,需要穿上三點式泳衣上陣。穿上黑色三點式,下身綁上一條黑色透視絲巾的雪雪,比起早前拍攝個人寫真時胖了一點,她為了劇集犧牲,以三點式亮相螢光幕前,問男友會否干涉?雪雪表示男友不會干涉她的工作和性感程度,她又自爆身上穿上的黑色比堅尼,就是早前拍攝寫真集的私伙泳衣,為了響應環保,所以拍劇重用。另外,唐詩詠和王浩信在海灘,卻不用穿泳衣,唐詩詠表示不介意泳裝出鏡,直言另一半是否圈內人,無論是穿泳裝或演親熱戲,都要明白她的工作。撰文:非非




來源: http://hk.apple.nextmedia.com/entertainment/art/20161013/19798991
孫慧 雪循 環比 堅尼
PermaLink: https://articles.zkiz.com/?id=311842

孫慧雪飲醉搵人咬

1 : GS(14)@2016-10-21 05:28:08

■孫慧雪昨透露之後播出的劇集,每件衫都是性感Deep V。



孫慧雪和何紫綸昨日在北角出席日本清酒活動,孫慧雪穿上吊帶露背裝,她指最近會較密實,因之後播出劇集性感尺度更大,每件衫也是Deep V,但男友沒干預她的工作。對於鄭嘉穎不滿女友陳凱琳拍亂倫戲,雪雪說:「男友冇理我工作,佢唔夠關心我。」早前雪雪跟男友買大床:「嗰日只係幫朋友買枕頭,我好慳唔使買。」問她可會調酒,她說:「我只會淺嚐,我飲醉會咬人。」



■孫慧雪(右)昨日活動結束後,與助手到筲箕灣食飯。

活動後,雪雪跟助手到筲箕灣Soho東一間餐廳開餐,其間她不停撳電話,發現在場有記者影相,她更主動向記者打招呼,雪雪要了一碟飯,不夠10分鐘,整碟飯已經一掃而空,之後她們坐多一陣,由雪雪埋單,然後一齊折返嘉亨灣寓所。採訪:王連連攝影:仇志德




來源: http://hk.apple.nextmedia.com/entertainment/art/20161021/19807187
孫慧 雪飲 飲醉 醉搵 搵人 人咬
PermaLink: https://articles.zkiz.com/?id=313031

孫慧雪傳愉景灣海濱白教堂行禮嫁有米男友?

1 : GS(14)@2016-10-27 06:02:40

咩話,雪雪BB結婚?冇錯,早喺8月嗰陣畀本報影到佢同有米男友Edwin Lo去咗銅鑼灣買戒指,仲一連行咗三間名店,最後由男友埋單,不過當時雪雪BB以WhatsApp回覆就話:「都冇買到,我哋拍拖係有咁嘅方向,如果係結婚,我會同大家宣佈。」而昨日有讀者爆料,指孫慧雪昨日喺愉景灣結婚行禮,咁突然?《蘋果》仲即刻搵嚟雪雪BB了解,原來只係一場誤會啫!雪雪BB回覆《蘋果》話:「o依家係城大,七點會去柴灣去青年廣場出席903活動!」之後佢再補充話昨日全日都喺城大,仲有好多學生見到佢,之後佢仲喺城大自拍做證明o添!原來只係一場誤會!




來源: http://hk.apple.nextmedia.com/entertainment/art/20161027/19813313
孫慧 雪傳 傳愉 愉景 景灣 海濱 教堂 行禮 嫁有 有米 男友
PermaLink: https://articles.zkiz.com/?id=313685

孫慧雪嫌老催婚

1 : GS(14)@2016-11-16 05:47:58

孫慧雪、曾淑雅(Jumbo)及Kellyjackie等,昨日在油塘出席「香港最受歡迎品牌巡禮」,阿雪獲頒最具人氣大獎,她說:「唔覺自己人氣好犀利,不過今年收入係十年嚟最好,比舊年賺多六位數。」問到有否計劃和男友Edwin結婚?她自言有這個意思,決定好就會公佈:「我都34歲,要追趕歲月,我同佢講過年紀大生B唔好,佢只話:『我知』。」
Kellyjackie昨被問到好友吳若希傳懷孕一事,她說:「如果係我唔會唔知,噚晚先同佢食飯,佢仲好苗條,依然好瘦,唔覺肚凸凸,冇異樣喎!我仲逼佢食嘢,等我哋身形唔好咁懸殊。」採訪:卓寶花攝影:陳俊強




來源: http://hk.apple.nextmedia.com/entertainment/art/20161116/19834874
孫慧 雪嫌 嫌老 老催 催婚
PermaLink: https://articles.zkiz.com/?id=315827

孫慧雪拒未婚懷孕

1 : GS(14)@2016-11-18 17:56:37

孫慧雪(雪雪)、黎燕珊前晚去圓方出席電影首映禮,早前雪雪表示會給予男友結婚壓力,但男友反過來指她工作忙,表示待她有時間再計劃,她表示:「而家都係努力工作先,男友未有表示,如果真係結婚會同大家講。」雪雪指女仔要有矜持,不會主動求婚,亦不會未婚懷孕,希望婚後始生B,她說:「而家科技先進,40歲仲可以生,同埋一定唔會意外懷孕,我好安全嘅!」另外,黎燕珊指近日公私兩忙,除了為舞台劇《我和春天有個約會》綵排,因家傭放假,她要兼顧家務,她說:「舞台劇十場門票已爆滿,會再加開十場,囡囡同囝囝會去上海捧場,到時會同囡囡慶祝埋生日。」採訪:張俊銘攝影:陳慧安




來源: http://hk.apple.nextmedia.com/entertainment/art/20161118/19837183
孫慧 雪拒 未婚 懷孕
PermaLink: https://articles.zkiz.com/?id=316131

孫慧雪嫁富二代

1 : GS(14)@2016-12-01 00:01:27

■雪雪與Edwin下月23日在愉景灣行禮。互聯網圖片



宅男女神孫慧雪秘嫁做人妻,跟富二代羅天彥(Edwin)拍拖四年拉埋天窗,兩人於8月31日入紙婚姻註冊處登記結婚,至今天剛好三個月,相信已完成簽紙儀式,正式升呢做羅太,據知一對新人將於下月23日在愉景灣舉行浪漫婚禮。



■本報前日在金鐘婚姻註冊處,發現雪雪和Edwin於8月31日已入紙登記。

迪士尼求婚

擁33C驕人身材的雪雪被私有化,在兩人的擬結婚通知書上,報稱的居住地址均一樣,在北角共賦同居,資料顯示Edwin36歲,比雪雪只大兩歲,兩人年紀相近。昨日雪雪回覆傳媒表示:「多謝晒大家嘅關心同祝福,我嘅心情都冇乜特別,係今日突然好多人問候我,先開始有少少緊張,其實本來我諗住平安夜先公佈,但而家大家都知道,都唔緊要啦,將開心同大家分享,多謝晒大家。」


不做少奶奶

雪雪透露男友於7月11日,她34歲生日當天在迪士尼求婚,房內掛了寫着「marry me」的氣球,其中一個小魚仙氣球有戒指,雪雪感動到哭了,邊笑邊喊答應男友求婚。問到婚後會否退出娛樂圈做少奶奶?她說:「我結婚之後都會如常努力工作,唔會結婚之後退出,多謝晒大家。」採訪、攝影:黃曉妍




來源: http://hk.apple.nextmedia.com/entertainment/art/20161130/19849666
孫慧 雪嫁 嫁富 二代
PermaLink: https://articles.zkiz.com/?id=317658

寫真隱藏另一個雪雪孫慧雪處女作Sell黑絲

1 : GS(14)@2016-12-01 00:01:27

■入行十年的雪雪今年靠處女寫真彈出。資料圖片



「雪雪BB」孫慧雪喺今年7月書展出佢嘅處女寫真,仲話係出道10年嘅一個紀念,不過似乎今次寫真係佢第一擊,亦都係婚前最後一擊。講番今次寫真,真係夠晒gimmick,因為佢搵嚟另一個「雪雪」客串,講緊嘅係林雪,喺寫真入面,有一輯相係雪雪BB除緊西裝,而喺中間隱藏住嘅拉頁,入面就係林雪,都咪話唔搞笑!而整體嚟講雪雪BB呢本寫,sell健康性感得嚟又恰到好處,而其中最性感嘅就係佢一輯着住黑色睡衣加黑絲嘅靚相,真係冇得輸!另外,喺寫入面,雪雪BB仲有着住婚紗嘅圖片,現在睇番,唔通雪雪BB係想暗示畀大家知佢就嚟做人妻?




來源: http://hk.apple.nextmedia.com/entertainment/art/20161130/19849657
寫真 隱藏 一個 雪雪 孫慧 處女作 處女 Sell 黑絲
PermaLink: https://articles.zkiz.com/?id=317660

孫慧雪算最紅粥粉麵糖水去晒邊

1 : GS(14)@2016-12-01 00:01:28

■孫慧雪與Edwin拍拖四年,今年8月被影到揀戒指,原來雪雪7月已答應男友求婚。資料圖片



入行十年的雪雪,簽約無綫後在綜藝節目《美女廚房》擔任助手「飯」,多年來在娛圈發展平平,演出劇集多是做閒角,直至今年推出處女寫真集《Once》,憑33C巨咪成為宅男女神,還被爆有富二代男友Edwin,雖然期間兩人離離合合,但今年8月本報影到二人拍拖行銅鑼灣名店睇戒指,傳出結婚消息,當時雪雪表示:「我哋拍拖係有咁嘅方向,如果係結婚,我會同大家宣佈。」




來源: http://hk.apple.nextmedia.com/entertainment/art/20161130/19849843
孫慧 雪算 算最 最紅 紅粥 粥粉 粉麵 糖水 去曬 曬邊
PermaLink: https://articles.zkiz.com/?id=317661

孫慧雪認老趕生仔

1 : GS(14)@2016-12-11 14:12:52

準人妻孫慧雪和剛結婚的吳日言(Yan)昨日到尖沙嘴出席「IQ博士35周年反斗狂歡派對」,被盛傳懷孕的雪雪以連身長褲現身,更與粉絲玩求婚遊戲兼唱歌。近日雪雪頻頻在網上貼文稱失眠,她說:「係㗎,呢兩晚一瞓覺就好多嘢諗,又諗吓到時要講啲乜嘢,又唔知有冇嘢做漏。」有報道稱雪雪想嘗試人工受孕,對此她表示:「哎呀!呢啲咁私人嘅問題唔答喇!不過係有計劃想要小朋友,我年紀都唔細啦。」是否未婚懷孕?她斬釘截鐵稱:「一定唔係,我冇BB。」
Yan則表示計劃明年在港補擺喜酒,問有否造人計劃?Yan說:「想過吓二人世界一排先,都想要小朋友嘅,順其自然啦!」採訪:曹家誠攝影:陳順禎




來源: http://hk.apple.nextmedia.com/entertainment/art/20161211/19861678
孫慧 雪認 認老 老趕 趕生 生仔
PermaLink: https://articles.zkiz.com/?id=319214

孫慧雪急生女同夫嗌交

1 : GS(14)@2017-01-02 11:51:16

孫慧雪、吳雨霏(Kary)、袁偉豪、高海寧及韓國男團2AM成員鄭珍雲等,前晚在上水廣場出席倒數活動,雪雪明顯肚凸凸孕味濃,但她否認有孕,但直言心急造人:「仔女都OK,不過老公鍾意女,我鍾意仔,所以成日嗌交。」問她倒數後是否要進行生仔活動?雪雪笑說:「冇呀,做完嘢都好攰啦!」



■袁偉豪透露難得單身,想一個人去旅行。

■之前小產的吳雨霏,暫不多想懷孕問題。

之前不幸小產的Kary表示為養好身體,習慣早睡早起,暫不多想懷孕問題:「我人生目標唔只係生仔嘅,好多嘢可以做。」剛與岑杏賢分手的袁偉豪則透露想一個人去旅行:「難得單身,可以隨心揸電單車去玩。」單身是否多了異性坐車尾?他說:「我唔係咁容易載人,車得都係女友。」採訪:盧妹攝影:沈健程




來源: http://hk.apple.nextmedia.com/entertainment/art/20170102/19883817
孫慧 雪急 急生 女同 夫嗌 嗌交
PermaLink: https://articles.zkiz.com/?id=321067

擁逾7,000萬物業 孫慧雪富貴未婚夫揭秘

1 : GS(14)@2017-01-02 17:07:07

2016-12-07 EW

今年書展推出噴血寫真集的孫慧雪,雖然人氣急升,晉身為新一代「宅男女神」,銀色旅途露出新曙光,但她卻在八月,靜悄悄地與分手後復合數個月的富二代羅天彥,秘密入紙申請結婚,而婚禮則定於十二月二十三日。

據密友透露,羅天彥的家族是專營木材、夾板批發的生意,並已有四十多年的歷史,其擁有的物業市值逾七千萬;此外,未婚夫為人勤奮,還自立門戶搞生意。所以,縱使阿雪的事業正值起飛,也決不能錯過這個 盤,始終她已經三十有四了。

女神急嫁

現年三十四歲的「宅男女神」孫慧雪(Snow),為紀念入行十周年,今年七月就推出處女寫真集《Once》,引起莫大回響。當時,阿雪還自稱已單身半年,令宅男們有無限遐想;不過八月,她又突然改口風,坦承與富二代舊愛羅天彥(Edwin)翻撻。她不僅大讚男友值一百分,還向傳媒表示視對方為結婚對象。其實,她與Edwin 在八月已經秘密入紙申請結婚。

據密友透露,Edwin的家族專營木材、夾板批發及出入口貿易的生意,其寫字樓及地舖都是早年已經買下,加上其他物業,總市逾七千萬,身家不菲。雖然Edwin有個富貴老竇,但他從不靠父蔭,早年已開始自立門戶,曾經做屋宇設計工程,近期就轉營與韓國人搞跨國貿易。「Edwin唔係一般富二代,佢想白手興家;而阿雪亦不似一般港女,非常慳家,甚少名牌上身,行街都只係逛加連威老道,男友唔得閒管接送,佢就自行搭地鐵。分手之後,Edwin還是覺得阿雪最好,所以一復合就求婚。」

提到求婚過程,阿雪仍歷歷在目,「當日係我生日(七月十一日),佢喺迪士尼book咗間房,一早布置好,我入去佢就話要求婚,我以為講笑,但望到氣球寫住Marry Me,同埋有個氣球係我最鍾意嘅小魚仙攬住隻戒指,我就喊咗出嚟,應承咗!」雖然事業正值起飛,但阿雪一樣照嫁,因為想有仔趁嫩生,「我覺得對身邊人都要負責任,唔可以只為自己嘅工作,打亂另一半嘅人生計劃,組織家庭都係我想做嘅事,咁人生先會圓滿,我年紀都唔細!」

慳妹上身

婚禮已定於十二月二十三日,為了慳家,阿雪不會飛去外國舉行,兩人將會在一樣有陽光與海灘的愉景灣行禮兼擺埋酒,為免張揚又要使錢,整個婚禮將會低調處理。

早前,本刊就發現在港島東區共賦同居的兩人,拿着大袋、細袋的衣服到跑馬地的洗衣店;現場所見,他們的臉上皆流露着幸福的笑容,好不溫馨。另一天,在筲箕灣東大街,記者又碰到兩人身穿街坊裝搵食。而為了揀選價廉物美的餐廳,阿雪捉住Edwin幾乎走勻整條食街,用了約半小時格價,才決定光顧食海南雞飯的餐廳,果然精打細算。

而為箍實這位慳家「女神」,日前,本刊再拍到不用開工的Edwin,專誠駕車到將軍澳電視城接她放工;而心急見未婚夫的阿雪,戲服都未更換,就已急急腳離開。婚禮在即,兩人如膠似漆,羨煞旁人。

羅家七千萬物業大盤點

孫慧雪的未婚夫羅天彥(Edwin),家族專營木材、夾板批發及出入口貿易的生意,該公司已經超過四十年歷史,而旗下的辦公室及零售的商舖都是自置物業,加上自住的相連單位,手持物業逾七千萬。

手持物業 市值(約)

屯門海慧花園相連單位及兩個車位  1,500萬

灣仔駱克道一地舖  4,500萬

北角木星街澤盈中心一單位  1,250萬

總市值約7,250萬

撰文☆武儀 攝影☆娛樂追蹤組

設計☆林文俊
擁逾 000 物業 孫慧 富貴 未婚夫 未婚 揭秘
PermaLink: https://articles.zkiz.com/?id=321111

孫慧雪拋胸唔問老公

1 : GS(14)@2017-01-19 08:08:04

■孫慧雪面圓胸大孕味濃,笑言有好消息會公佈。



孫慧雪、唐詩詠、林盛斌(Bob)、麥玲玲及岑日珈前晚在旺角出席賀歲片《我要發達》首映禮,雪雪面圓胸大孕味濃,她表示有好消息會公佈,問到衣着性感是否要問准老公?她笑說:「唔使理佢,都唔係好性感。」岑日珈則坦言三個月內增肥二十多磅:「拍戲成日食消夜,仲係食兩個老麥餐。」



■Bob和唐詩詠前晚在首映上合作整心心。

唐詩詠表示會要求男友洪永城買飛捧場,她在戲中演妓女,沒有親熱戲,但魚網絲襪和低胸造型是必須,她笑言不介意性感,有人找拍戲便沒問題。首次擔任男主角的Bob和麥玲玲演夫婦,他笑說:「佢床戲非常好,好瞓得,更難得每次到片場都請大家食鮑魚、燕窩。」採訪:張俊銘攝影:沈健程




來源: http://hk.apple.nextmedia.com/entertainment/art/20170119/19901170
孫慧 雪拋 拋胸 胸唔 唔問 老公
PermaLink: https://articles.zkiz.com/?id=323251

孫慧雪工作狂俾老公鬧

1 : GS(14)@2017-02-07 05:16:01

宅男女神孫慧雪新婚兩個月,甜蜜放閃,婚後工作接踵而來的她,日前就幫MaBelle影靚相,戴着靚靚鑽飾回憶起結婚時浪漫時光,她說:「?家比未結婚前仲sweet,覺得佢對我好過之前,以前我哋成日嗌交,?家會諗要對一世喎,我就忍吓你。」自認工作狂的雪雪婚後會繼續工作,但因曾被老公話工作狂太黐線,所以會減輕一些沒興趣的工作,她說:「佢話我連旅行都去唔到,所以嚟緊已計劃去巴黎度蜜月,揀呢個地方係因為我覺得呢個地方好浪漫,要留畀同最重要嘅人去。」之前有指佢肚凸凸似有孕,問到係咪已經準備好生BB?雪雪就話:「因為想生BB所以結婚先,?家努力中。」採訪:羅慧敏攝影:陳慧安場地提供:ClubONE Harbourfront服裝提供:Alca& Co.




來源: http://hk.apple.nextmedia.com/entertainment/art/20170207/19919868
孫慧 工作狂 工作 老公
PermaLink: https://articles.zkiz.com/?id=325872

孫慧雪晒三個月孕肚上圍再升cup

1 : GS(14)@2017-02-19 13:59:55

34歲宅男女神孫慧雪舊年8月底註冊,12月行禮,今年情人節半夜宣佈有咗,陀B三個月,為富二代Edwin Lo生雞BB。目前粗身大細嘅雪雪BB,宣佈咗懷孕呢個喜訊後,亦唔介意同網民分享懷孕點滴,昨日佢喺Instagram貼出大肚相,仲見到雪雪BB豐滿33C上圍兼晒事業線,佢留言:「讓我做個紀錄,這是剛搭正三個月的肚肚是這麼個大小,朋友都說算大,我覺得可能加了自己的肉肉,但醫生說小BB比正常size大了一週數寶寶要繼續健康成長。」就連同樣係大肚婆嘅吳若希都有like個post,互相鼓勵。




來源: http://hk.apple.nextmedia.com/entertainment/art/20170219/19933028
孫慧 雪曬 三個 月孕 孕肚 肚上 上圍 圍再 再升 cup
PermaLink: https://articles.zkiz.com/?id=327029

孫慧雪嫁圈外男友兼人母陳宛蔚做「天使」識老公

1 : GS(14)@2017-04-06 07:41:38

錢國偉被視為大台綜藝節目嘅王牌監製,而佢嘅節目有一個特色,就係主持人有非常多女助手,就好似《美女廚房》有「粥粉麵飯」、《味分高下》就有「味之天使」、《耳分高下》就有「Sing之天使」,佢哋有唔少成員o依家都變晒做人妻。「飯」孫慧雪第一輯嘅《美女廚房》做「飯」嘅孫慧雪,入行十年不過喺大台都只係做配角。佢喺去年底同拍拖6年嘅圈外男友Edwin結婚,喺今年初仲宣佈陀B3個月,絕對係幸福人妻。「啤梨」張韋怡《味之天使》嘅「啤梨」張韋怡有份拍唔少電視劇,不過都係戲份非常少嘅角色,而佢喺14年未婚懷孕生咗囝囝,翌年先潘姓男友補擺酒兼幫阿仔擺百日宴。「梳打」賈曉晨06年參加過《美女廚房》做「美少女廚神冠軍」喺翌年仲成為「味之天使」,佢喺2012年同樊少皇拍拖,拍拖3年佢哋仲喺前年結婚。「雜果賓治」陳宛蔚參加過07年港姐嘅陳宛蔚,入到24強落不過就加入大台,仲被安排喺《味分高下》擔任其中一位「味之天使」,因為咁仲識到錢國偉,佢哋嘅緋聞傳到2012年先認拍拖,仲係2015年拉埋天窗。




來源: http://hk.apple.nextmedia.com/entertainment/art/20170406/19981791
孫慧 雪嫁 嫁圈 圈外 男友 人母 陳宛 宛蔚 蔚做 天使 老公
PermaLink: https://articles.zkiz.com/?id=329432

谷奶上圍暴升孫慧雪:人生中身材最好的時候

1 : GS(14)@2017-04-17 07:20:07

結婚、生仔,呢兩件事絕對係人生里程碑,梗係要同人分享同記錄呢個過程啦,楊洛婷昨午喺ig宣佈陀B四個月,至於今年2月宣佈陀B成功嘅孫慧雪,今日都有更新ig,記錄佢嘅陀B經過。其實上個月雪雪已經影過幾張晒幸福巨肚相,佢話陀B仲陀得好小心,又要戒口、比以前更注意衞生,各方面都要小小心翼翼。計番條數,雪雪個肚已經有五個月,昨日佢再將陀B生活照放咗上網,但呢次唔係晒肚,而係影咗一張谷奶相,佢寫道:「懷孕的時候,大概是人生中身材最好的時候。」就咁睇張相,雪雪谷奶情況好嚴重,佢之後喺留言再補多張相,解釋:「大家不要太吃驚,其實是角度問題,高炒會比較正常,剛才那張是水平線正面拍,只是營造水著女郎效果,我要去游泳了。」




來源: http://hk.apple.nextmedia.com/entertainment/art/20170417/19992504
谷奶 奶上 上圍 圍暴 暴升 孫慧 人生 身材 最好 時候
PermaLink: https://articles.zkiz.com/?id=330853

孫慧雪巨肚寫真留念

1 : GS(14)@2017-05-18 01:10:53

■孫慧雪日前影了一輯性感大肚寫真,讓BB大個時翻看。



人妻孫慧雪昨日在網上晒大肚寫真,她去年12月嫁圈外老公羅天彥,今年8月就升呢做人母,肚大如籮的她拍了輯性感寫真留念,阿雪接受傳媒訪問時表示:「我覺得有BB係人生一個重要時刻,以前未有BB嘅時候,已經諗住如果有BB一定要影一輯留念,將來畀BB睇番佢未出世就喺個肚入面。」



■阿雪趁未生前影少女風相留念。

其中有張相是半身赤裸,只有花束遮掩乳房,問到老公有否詐型?阿雪笑說:「影大肚相個個都係咁㗎喇,要露到個肚嘛!所以老公唔會鬧。其實我都鍾意花,之前都未影過啲咁fancy嘅相,做咗媽媽之後會成熟啲,更加難有機會影啲咁少女風嘅相啦!」採訪:嵐山




來源: http://hk.apple.nextmedia.com/entertainment/art/20170517/20023435
孫慧 雪巨 巨肚 寫真 留念
PermaLink: https://articles.zkiz.com/?id=333156

巨肚孫慧雪緊張發噩夢

1 : GS(14)@2017-06-25 11:26:59

孫慧雪今年2月和老公羅天彥成功造人,預產期在下個月。剪了短髮、挺着大肚子的雪雪,昨日於銅鑼灣到賀友人的新店開張,同場還有丁子高父子和麥子樂等。麥子樂一見雪雪便笑說:「好脹,你好似肥咗好多喎。」雪雪表示待產心情緊張,常發噩夢:「夢見醫生唔幫我打止痛針、無端端穿羊水。」她直言希望生一個像譚芷昀(Celine)一樣有天賦的小孩。




來源: http://hk.apple.nextmedia.com/entertainment/art/20170625/20067521
巨肚 孫慧 緊張 噩夢
PermaLink: https://articles.zkiz.com/?id=337011

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019