ZKIZ Archives


中環在線:共度時艱?彤叔父子齊減薪 李華華

2008-10-31  AppleDaily

彤叔鄭裕彤父子薪酬縮九成!新世界發展(017)噚日公佈最新年報,彤叔同純官鄭家純08年度薪酬大縮水,彤叔由上年度2.2億銀,大減99.9%,至今年只收30萬銀董事袍金,原因?之唔係彤叔冇再好似舊年咁,收到價值2.2億銀嘅購股權。

購股權大幅縮水

經 濟不景,今年新世界冇再送咁多購股權醒班董事,一眾高層收入即時大縮水。純官由舊年2.4億銀薪酬,縮85%至今年只攞3580萬,皆因當中嘅購股權價值 由2.2億減至1040萬;不過,撇除購股權價值唔計,基本人工連花紅實際都加咗26%。老臣子梁志堅收入亦唔見咁截,購股權價值由舊年2.2億,縮剩至 今年10萬銀;總薪酬就縮水97%至680萬銀。

嫡孫人工加一倍

一眾董事中,總薪酬有加到嘅,就只得彤叔長子嫡孫,即純官大仔鄭志剛(Adrian),今年510萬薪酬,當中購股權價值增加88%至150萬銀,整體薪酬大升一倍。話晒Adrian作為公司第三代接班人,出面咁多應酬,開支咁多,彤叔又點會待薄呢個嫡孫呢呵。
中環 在線 共度 時艱 叔父 子齊 減薪 華華
PermaLink: https://articles.zkiz.com/?id=2972

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019