ZKIZ Archives


富豪大癦逐粒睇


2014-07-10  NM  
 

 

有錢有面,究竟有無樣睇?幾位富豪李嘉誠、李兆基、鄭裕彤及大劉等,都有一個共通點,就是面有大粒癦,只是位置不同。小宗找來麥玲玲師傅細心睇癦,搵出四款類型。

嗱,四叔粒癦喺眉頭,原來叫「禾稈冚珍珠」,算是正癦,為人聰明,仔女運亦唔錯。港交所行政總裁李小加嗰粒都生正眉毛位。不過兩位小心,隻手會較易整親。而誠哥嘴下面呢一粒,同前國家領導人毛澤東嗰粒屬「同系」,名堂叫「海底尋珠」,晚年運唔錯。玲玲師傅又說:「彤叔喺右邊面呢粒,叫『桃花癦』,女人就風騷,男人就風流!算唔算好癦見仁見智。」大劉面上嘅癦有四、五粒,最突出係兩條眉中間嘅「御龍珍珠」;無論錢銀、女人,都容易你爭我奪,易惹官非。大劉想甩身?可能要脫咗呢粒招牌癦噃!玲玲師傅話,除了睇癦,仲要睇命格、祖墳同面相。幾位富豪,外貌屬厚重,並不單薄,容易獲生意夥伴信任。咁邊個單薄?師傅即刻話CY,「佢叫做青雞面,講過嘅話唔算數。唔係話佢一定唔成功,但呢類相,佢得就全香港人唔得囉!」

職場秘笈找個好班底

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。我最近看了一本書叫《曹操的啟示》,說出班子和班底的分別,作為管理層一定要識分。有班子,不等於有班底。如團隊內,大部分人只會做崗位以內的事,其餘的事一概不負責,這只能說是「班子」。「班底」中人,則熱愛他的工作,崗位以內的事,固然做得好,崗位以外的事,亦會上心。看到其他人有不足,會主動出手,這就是班底的人才。若有項目做得不好,一般下屬的想法是:阿頭做得不好,與我無關。班子的想法是:自己有責任,但只限於自己負責的範圍。班底的想法:無論如何,責有難辭。班子的特點是:有限的職務,有限的擔當;班底的特點:有限的職務,無限的擔當。班底還特別有責任心,態度忠誠,經得起考驗,什麼事都放上心,會以大局著想,為團隊分憂。在職場上,找到班子容易,找到班底很難。如果有了班底,整個人會踏實起來,亦容易做到一個好的項目。我工作這麼多年,不敢說自己有個好的班底,最多只是有個好的班子。在往後的職場生涯,我仍要繼續尋找好的班底!

署長雙日軟?

七一授勳,新懲教署長單日堅榜上有名。七一係單日,而佢堅到得獎,足見其名應驗;但署長唔係日日都堅嘅咩?單日至堅,咁雙日又如何?

馮景禧個孫小登科

加拿大僑領譚馬士‧馮永發升呢為新老爺,佢個獨仔馮尚賢拉埋天窗。斯日也,成個溫哥華為之哄動,婚宴設喺會展中心,放埋煙花,確是全城盛事。譚馬士乃新鴻基馮景禧、郭得勝、李兆基三劍俠之後;三劍中兩劍已矣,故人之子辦大喜事,尚餘一劍四叔李兆基特登開私人飛機過去道賀,更加主持切燒豬儀式,足見兩家情誼深厚。郭氏兄弟本來亦打算去,但以佢哋現今之境況,點行得開吖。不過,除咗李、郭兩家人,香港唔少大孖沙都有道賀,當中梗係唔少得好似著‧蘇澤光、肥馬時亨等譚馬士伯爺一眾舊伙記;而黎姿同佢郎君馬先生則更加係稀客中嘅稀客。席間新老爺致辭,話個仔雖然含住銀匙出世,但絕非二世祖,佢三十二歲人,至今未坐過頭等機艙云云。心滿意足,溢於言表。恭喜曬!

銅鐵大王玩賽車

富利堡舊年搞咗個蓮花盃,搵潘炳烈重出江湖,對方意外爆紅(好大可能同佢老婆黃夏蕙有關)。 今年又搵來同樣鍾意賽車嘅郭富城……嘅前女友熊黛林落場,綽頭就十足,但小宗對另一參賽者更感興趣,佢就係開銅鐵廠嘅仇偉冠,聽聞間廠好多大客。仇偉冠愛賽車,當年同潘炳烈齊名o架。除了自己落場,亦籌備不少本地賽事。 頭髮斑白嘅佢,好耐無落場,舊年開始參加第60屆澳門大賽車大師挑戰賽,排第十六,今年要捲土重來咁話!

PermaLink: https://articles.zkiz.com/?id=106062

【積木砌機械人】app指示逐粒砌 識行識走任你玩

1 : GS(14)@2016-12-10 03:46:04

記者早前就砌了一款以前未砌過的積木,更砌成了一個機械人或機械車。



積木、Lego大家從小到大都砌得多,但記者早前就砌了一款以前未砌過的積木,更砌成了一個機械人或機械車。所說的是一個名為Jimu Robot的機械人,用家砌完之後可以用App去控制它的舞步,而記者就實試砌成一輛車。



先開箱,包裝內以不同顏色的盒子,載着不同部件,包裝上亦有指示不同盒子內會有甚麼零件。而所有說明、指示主要都會在名為「Jimu」的App,App內會有不同種類的機械人,就連同一盒車都會有三款,分別是兩輪、三輪及四輪,今次實試的就是四輪。記者跟着App內的指示,一直默默地砌,其實App內的指示相對都清晰,亦有動作示意用家如何砌上,記者亦發現一個巧妙位置,就是當有很像樣的零件不知道那一個才是,該如何做呢,原來App內會有指示指出該零件的編號,之後再從盒中找回相對零件,就能確保沒有錯。最後大約用了一個半小時,記者終於完成整個成品。



先開箱,包裝內以不同顏色的盒子,載着不同部件,包裝上亦有指示不同盒子內會有甚麼零件。

所有說明、指示主要都會在名為「Jimu」的App,App內會有不同種類的機械人,就連同一盒車都會有三款。

記者今次實試的就是四輪,所用的是KARBOT KIT。(售價:$1,388)

砌好後記者最喜歡App內的3D效果,如果不知是那個配件,就可以在App內做360度的旋轉,但最費時間的不是砌,反而是找零件。砌好後就可經藍牙配對iOS/Android,再叫它做動作。



可見所有零件都相對精細,而且砌好後亦可以遙控它做前後左右的動作。

記者認為最費時間的不是砌,反而是找零件。

如果嫌砌車太單調的話,亦可選擇其他款式,例如機械人,砌好之後亦可以叫它做不同動作,亦可透過App去設定不同動作。查詢:Lava Tech Hong Kong@ facebook



如果嫌砌車太單調的話,亦可選擇其他款式,例如機械人(BUZZBOT& MUTTBOT KIT),砌好之後亦可以叫它做不同動作。(售價:$1,588)

加些創意的話亦可做出其他形態。

記者:方健銘攝影:徐振國




來源: http://hk.apple.nextmedia.com/su ... t/20161209/19859342
PermaLink: https://articles.zkiz.com/?id=318959

Next Page

ZKIZ Archives @ 2019