ZKIZ Archives


老公怕生女做呷醋外父41歲車婉婉陀B四個月

1 : GS(14)@2016-10-30 14:35:56

■婉婉笑指老公現在已開始擔心一旦生女,將來識男朋友的問題。微博圖片



現年41歲的車婉婉與中澳混血兒老公Jonathon Quinlan結婚3年,昨日傳來喜訊,婉婉證實懷孕4個月,預產期在明年4月。婉婉接受本報電話訪問說:「老公知道我有咗之後,第一個反應係好怕佢生女,係驚到爆嗰隻,未出世已諗定識男朋友嘅問題。」婉婉又笑說:「都冇辦法啦!由於時間關係,都已經整好咗喇,咁係上天嘅恩賜嚟嘅,係仔係女都會欣然接受,但自己好大預感係囝囝。」



■車婉婉結婚3年,終得償所願成功懷孕,預產期於明年4月。微博圖片

■年尾便42歲的婉婉屬高齡產婦,她承認剛陀B時很緊張。

■婉婉上月和老公去紅館欣賞郭富城及鄭秀文演唱會,當時仍未知自己懷孕。資料圖片


狂食養胎

婉婉自爆婚後一直有造人計劃,但過往計錯經期日子,一直都不成功,直至今年7月看首映後又屙又嘔,血壓又跌至低水平,女友人知道她月經遲了,替她買驗孕棒驗孕才發現真的懷孕。她透露:「本來都諗住放棄,聽完醫生講啲數字都好灰,因為知道40歲懷孕機會都好低,冇乜太大期望,最好笑係老公見到驗孕棒之後,即刻上網查吓嗰個牌子精準度有幾高。」問婉婉陀B後生活最大改變是甚麼?她表示以前沒有吃早餐習慣,但現在又吃生果,又飲果汁及湯水,老公就經常逼她吃東西。她說:「唔知係咪怕我太瘦,養唔到入面嗰位公子或者公主啦!」婉婉又謂她是刻意不問醫生胎兒性別,她說:「我想12月公佈嗰時自己先知,老公而家好矛盾,好怕生女但又估佢生女。我同老公講,如果係女就叫『BB車』,如果係仔就叫『BBQ』,不過我就覺得係『BBQ』,但其實仔女都唔緊要,最緊要健康。」採訪:小米




來源: http://hk.apple.nextmedia.com/entertainment/art/20161030/19816524
老公 怕生 女做 做呷 呷醋 醋外 外父 41 歲車 車婉 婉婉 婉陀 四個 個月
PermaLink: https://articles.zkiz.com/?id=314115

車婉婉陀B換大Bra

1 : GS(14)@2016-11-18 17:56:34

楊千嬅、車婉婉、諸葛紫岐、林保怡、鄺美雲、羅霖、溫碧霞和筱靖等,昨晚到跑馬地馬會出席雜誌周年派對。懷孕4個月的車婉婉,昨日仍穿3吋厚底鞋到場,她說:「係做嘢先至着箒,我都係喺車度換,平時就着平底鞋。老公知我着有踭嘅鞋就話『I'm very angry』。」她指懷孕後身材變化很大:「所有bra都要換過晒,有部份都大咗,呢啲要慢慢適應,但呢啲係開心事。」至於千嬅被問有否留意林丹偷食新聞時,她說:「嘩,呢單嘢好震撼、好突然!」問她陀B時有否擔心過老公偷食?千嬅說:「咁又冇,因為我陀B時要做演唱會,又成日去街又客串電影,差啲小產,所以老公仲緊張過我,我哋就係咁樣度過嘅。」採訪:曹家誠攝影:陳順禎


■諸葛紫岐聖誕會出trip。

■千嬅驚訝林丹背妻偷食。



來源: http://hk.apple.nextmedia.com/entertainment/art/20161118/19837448
車婉 婉婉 婉陀 換大 Bra
PermaLink: https://articles.zkiz.com/?id=316115

車婉婉公佈陀B仔

1 : GS(14)@2017-01-05 08:01:09

■車婉婉貼與老公合照,宣佈一索得男。互聯網圖片



現年42歲的人妻車婉婉已懷胎六個月,前日在社交網公佈BB性別,一索得男!婉婉還貼了跟中澳混血老公Jonathon Quinlan的合照,兩夫婦着彩藍色情侶裝恩愛滿瀉,Jonathon一手擁着婉婉,一手放在老婆的大肚上,兩人笑得很燦爛。婉婉昨日接受電話訪問表示:「之前一直陀住BB時,好多朋友都問我係仔定女,一路都冇揭盅,本來自己都唔想知住,但應承咗大家2017年公佈,我覺得1月1日係好日子,希望大家都身體健康,BB都身體健康,我?家陀得都OK,冇乜唔舒服,越嚟越重,食咗好多嘢,希望養到佢肥肥白白。」採訪:皓騫




來源: http://hk.apple.nextmedia.com/entertainment/art/20170103/19884496
車婉 婉婉 公佈
PermaLink: https://articles.zkiz.com/?id=321246

大肚車婉婉兩度情緒低落

1 : GS(14)@2017-01-26 18:22:21

陀着7個月B仔的車婉婉昨日到商台受訪,她說:「我冇嘔同甩頭髮,BB喺我肚腩碌卡咁,不過我好好瞓,反而我老公俾佢郁到瞓唔到。」婉婉笑謂連「走佬袋」都未準備好,日前被弟婦及朋友拉去買嬰兒用品。她透露懷孕期間,只試過兩次突然情緒低落:「覺得好委屈狂喊,我平時都唔會咁,我老公都呆咗。」



■貝安琪與男友Simon早前拍大肚寫真留念。

此外,劉香萍女兒、混血模特兒貝安琪(Ankie)去年9月宣佈與外籍男友Simon今年結婚,其後更宣佈有喜,雙喜臨門。準父母已身在德國慕尼黑迎接BB出世,而劉香萍亦到了當地照顧女兒。早前二人拍了一輯寫真留念,Ankie身穿黑色上衣同內褲,大騷巨肚。據知她今胎生仔,昨日她以英文回覆本報表示會自然分娩,但未知會是猴B定雞B,更透露今次懷孕重了近40磅。採訪、攝影:盧妹




來源: http://hk.apple.nextmedia.com/entertainment/art/20170126/19908690
大肚 車婉 婉婉 兩度 情緒 低落
PermaLink: https://articles.zkiz.com/?id=324300

《會過去的》橫掃頒獎禮車婉婉轉型拍戲keep曝光

1 : GS(14)@2017-03-04 00:34:45

今年42歲嘅車婉婉,2013年嫁俾澳洲藉游泳好手Johnathan,快將成為人母嘅佢,預產期係下個月。相對組織家庭,車婉婉喺事業上算係較早起步。92年,車婉婉參加無綫電視及華星唱片合辦嘅第11屆新秀歌唱大賽,憑著《我不得不放棄》一曲獲得冠軍入行。隨後無綫安排車婉婉參與電視劇演出,但大多屬客串或閒角,到95年約滿無綫後離開,專心做個全職歌手。6年後重返無綫演出長壽處境喜劇《皆大歡喜(古裝版)》,劇中飾演毒辣貴妃「萬貴妃」一角,無心插柳竟成演技上嘅代表作。不過一直恨做番歌星嘅佢,始終留戀舞台。2000年車婉婉終於扑中首hit歌,同許志安合唱《會過去的》唱到街知巷聞。呢首歌亦令佢橫掃當年各大頒獎禮,包括奪得無綫十大勁歌金曲頒獎典禮「最受歡迎合唱歌曲」金獎。可惜,呢首hit歌之後,車婉婉嘅歌曲同專輯產量都每況愈下,幾乎等幾年先出到一隻專輯,而且歌曲上榜次數亦不及當年勇,反而近年佢轉型拍電影,每年都有一至兩套作品,keep住曝光率。




來源: http://hk.apple.nextmedia.com/entertainment/art/20170303/19946205
過去 橫掃 頒獎 禮車 車婉 婉婉 轉型 拍戲 keep 曝光
PermaLink: https://articles.zkiz.com/?id=327607

車婉婉臨盆喝凍飲

1 : GS(14)@2017-03-04 00:34:46

■車婉婉下月臨盆還喝凍飲。



車婉婉於42歲才懷第一胎,她跟中澳混血老公Johnathan都好緊張,日前下午4時許,婉婉在老公陪同下現身跑馬地,下月臨盆的她與老公戴口罩自保,兩人到體育館的food court開餐。



■兩人吃飽,車婉婉搭着老公離開。

兩人坐低後點了意粉醫肚,初時都沒傾偈,只掛着做低頭族撳手機,直至食物上枱,婉婉才除下口罩,她更破戒喝凍飲。可能肚餓,婉婉吃得頗快,其後食剩就由老公「包底」,老公更細心遞紙巾給婉婉抹嘴,照顧周到。搭自動電梯離去時,婉婉搭着老公表現恩愛。採訪、攝影:梁繼光、朱志聰




來源: http://hk.apple.nextmedia.com/entertainment/art/20170303/19945622
車婉 婉婉 臨盆 喝凍 凍飲
PermaLink: https://articles.zkiz.com/?id=327610

「BBQ」剛滿一星期大新手媽媽車婉婉變大熊貓

1 : GS(14)@2017-04-05 23:56:50

車婉婉喺愚人節當日公佈咗佢上月28日,為中澳混血老公Jonathon Quinlan順產誕下8磅9安士嘅混血巨B「BBQ」。昨日是BBQ一星期生日,婉婉喺微博上載咗BBQ嘅新相,兼且就係分享吓佢呢7日嘅媽媽日記。一個禮拜人仔,BBQ已經表情多多,相中佢就好鬼馬咁伸脷,好似有說話想同大家講咁,而婉婉就以最美麗的第七天來形容過去一星期湊B經歷:「不能相信上星期BBQ仍然在我肚皮裏,今天你會看着我還用小手把我捉住,太surreal...」。婉婉仲話呢個星期佢嘅平均睡眠時間係4至5小時,而餵B嘅平均時間就係2至3小時一次,但黑眼圈嘅指數就非常高,就係全日都黑眼圈喇,但婉婉依然好開心。




來源: http://hk.apple.nextmedia.com/entertainment/art/20170405/19980497
BBQ 剛滿 滿一 星期 大新 媽媽 車婉 婉婉 婉變 大熊貓 大熊
PermaLink: https://articles.zkiz.com/?id=329283

【馮仁昭四圍超】林淑敏羨慕車婉婉生B

1 : GS(14)@2017-04-08 19:39:57

林淑敏噚日喺柴灣工業城拍攝維特健靈健康食品廣告,6年前患乳癌嘅佢,?家已經好番。林淑敏話:「今年產品再搵我,都擔心自己身體狀況,於是去咗body check。」現時服用嘅藥物係五年一個療程,林淑敏話:「原本想生小朋友,身邊好多同事都懷孕,亦好羨慕車婉婉42歲可以生小朋友,不過?家食緊荷爾蒙療程,同老公傾過放棄生育計劃。」撰文:馮仁昭




來源: http://hk.apple.nextmedia.com/entertainment/art/20170407/19982192
馮仁 仁昭 四圍 淑敏 羨慕 車婉 婉婉 婉生
PermaLink: https://articles.zkiz.com/?id=329583

婉婉巨B表情多多鄭秀文探BBQ散發母愛

1 : GS(14)@2017-04-16 14:41:12

42歲車婉婉喺上月28日,為中澳混血老公Jonathon Quinlan順產誕下混血巨B仔「BBQ」,正在坐月嘅婉婉,不時喺社交網絡中,同大家分享吓佢嘅高齡日誌,昨日佢係instagram又貼咗新相喇,原來係Auntie Sammi(鄭秀文)前日去咗探「BBQ」,婉婉留言話:「高齡日誌之Auntie Mi和Lo Sam相交相知歷史悠久,感恩路上有您,我們大家一起成長,回想起來,有好多一頁頁的美好回憶。昨天你來探訪,分享我這新的一頁,很是感動,謝謝老友一直給我鼓勵以及禱告」,婉婉仲代BBQ留言話:「Nice to meet you靚靚Auntie Sammi,送上見面禮了」,相中見到Sammi抱住BBQ,笑得好開心,唔知佢會唔會探完BBQ後,都效法吓婉婉咁,升呢做人母呢!另外,除咗Sammi去探BBQ外,雷頌德(Mark)都去咗探蘇永康嘅囝囝Jazz,蘇康就喺佢嘅facebook上載一段短片,短片入面見到已為兩子之父嘅Mark,戴住口罩好熟練咁抱住Jazz,仲幫Jazz掃風,蘇康就留言話:「音樂、室內設計、琴棋書畫無所不精,連『掃風』都有一手!雷兄的博學在下實在甘拜下風」。




來源: http://hk.apple.nextmedia.com/entertainment/art/20170416/19991770
婉婉 婉巨 表情 多多 鄭秀文 BBQ 散發 母愛
PermaLink: https://articles.zkiz.com/?id=330755

「米芝蓮」巨B車婉婉囝囝精靈又肥嘟嘟

1 : GS(14)@2017-05-27 00:06:53

42歲車婉婉喺3月尾為中澳混血老公Jonathon Quinlan,順產誕下巨B「BBQ」,眼大大勁可愛,似足「米芝蓮」公仔。婉婉更將寶貝仔封為「小情人」,不時於IG晒相。




來源: http://hk.apple.nextmedia.com/entertainment/art/20170526/20034020
米芝 芝蓮 車婉 婉婉 婉囝 囝囝 精靈 又肥 嘟嘟
PermaLink: https://articles.zkiz.com/?id=334065


ZKIZ Archives @ 2019