ZKIZ Archives


夕陽無限好孫道弘

2009-10-29 NM




數碼相機流行,手機鏡頭亦達一千萬像素,導致影相的人愈來愈多,偏偏晒相卻少之又少,傳統沖晒行業更被視為走向夕陽。今年三十一歲的孫道弘,繼承阿爺傳落的這門生意,反而認為夕陽無限好,只要肯靈活變通,沖晒業仍然有排玩。

四年前,孫道弘接手祖業中港照相,隨即大力替旗下快圖美搞數碼印刷精品,並帶來一線曙光。去年經歷金融海嘯,公司收入仍能有輕微增長,令他堅信這行仍有明天。孫道弘檔案

31歲已婚育有一女

00年美國康奈爾大學酒店管理學士

00-03年富士美國及日本分公司工作

05年美國康奈爾大學工商管理碩士

加入中港照相,任執行董事,負責業務發展

08年出任中港照相副主席

踏入數碼攝影年代,傳統菲林生意大受衝擊。柯達早前宣布,停產有七十多年歷史的Kodachrome菲林,全面進軍數碼沖晒。事實上,本港沖晒店的數目,近年正不斷萎縮,高峰期全港有逾千間,現已死剩一半。

代理富士產品四十多年的中港照相副主席孫道弘,亦大嘆生意難做,「近年菲林沖晒每年減少三至四成生意,數碼沖晒的增長好有限,以前好景就鬥開分店,而家無呢支歌仔唱。」

只 有三十一歲的他,四年前從父親孫大倫手中接管這間上市公司,「爸爸察覺到這行的轉變,已經無以前咁好搵,想我幫手起死回生。」中港照相於○一年收購快圖 美,現有八十多間分店,亦同時供應菲林及相紙予一百五十間富士加盟店。去年經濟不景,他即手起刀落,關閉了七間蝕錢的快圖美,反而增加自助晒相機,「慳番 唔少人手,上年生意好差,聖誕節後一般係旺季,但生意比以往跌咗八成,少了人旅行連帶無人晒相。」

喪失中國代理權

雖然生意額急跌,但孫道弘笑言情況「未算最壞」。回想○五年自己剛上任,富士日本總公司便決定收回中港照相的中國區代理權,令初出茅廬的他陣腳大亂,「我哋供貨俾全中國的富士加盟店,佔公司六成收入,直情係重創,當時好徬徨,無諗過有咁大難題。」

事緣當年數碼沖晒正在起飛,富士與柯達兩大沖晒巨擘在中國鬥開分店插旗,柯達的加盟店多達七千多間,較富士多出約二千間。富士日本總公司遂下令要拉攏柯達加盟店過檔,當時孫道弘身為中港照相的執行董事,負責處理這燙手山芋,「其實冇得揀,都要硬住頭皮照做。」

總 公司一句命令,令他相當頭痕。「內地流行裝修補貼,要俾十萬元裝修費補貼店家,佢哋先肯轉做富士加盟店。」惟總公司得個講字,沒有任何金錢資助,費用全由 中港照相負責。另一邊廂,柯達不惜以本傷人還擊,除了提供裝修補貼,更推出免加盟費利誘富士加盟店變節,孫道弘直言猶如鬥燒錢,「內地沖晒業已差不多飽 和,一條街有幾間沖晒店,睇落好有前景,但生意無形中攤薄咗。唔少店鋪做半年就執,等於開一間蝕一間。」更有加盟店乘機搏懵,表面掛上富士招牌,實質用其 他廉價相紙代替。

孫道弘看在眼內,多次和父親合力游說總公司停止擴充,卻不得要領,「日本人做生意太老實,無諗到內地好多蠱惑招,以為好輕 易能打入市場。」他最終認為制唔過,於○六年無奈將中國代理權交還總公司,但獲賠償一億四千萬元和解,「都係一個happy ending,大家方向唔一致,分開仲好。」

結果富士日本接手中國區後,最終亦難以擴充,「根本無咩新人入行,公司又唔肯出錢搵人過檔。」富士惟有諗計幫既有的分店轉型,「睇得出總公司做得好辛苦,要管理幾千間加盟店,唔係容易。」

夠膽批評,記者問他不怕得罪總公司,繼而收回富士在香港的代理權嗎?「外間都有咁傳,但唔擔心得咁多,明知蝕錢都仲做,仲難同股東交代。內地市場係有潛質,但唔應該發展得咁急。」

其 實孫家三代跟富士合作,彼此關係良好,早在六十年代,孫道弘的祖父孫建業,已在當時的富士香港代理任相機維修員。六七年暴動後,該公司負責人叫孫建業頂 手,他遂於六八年創立中港照相,成為富士港澳區的代理至今,八十年代起更得到中國代理權。「同富士合作了四十幾年,我哋已經好似係佢哋一個部門。」

轉攻數碼精品開源

失 掉中國代理權,收入唔見一大截,中港照相的股價亦由○七年高位暴跌近六成,拿了大筆分手費的孫道弘唯有變招求存,「沖晒行業的黃金時期已過,無可能咩都唔 做,要與時並進。」於美國讀書多年的他,發現外國流行用相片印製數碼精品如日曆、相冊及記事簿,「一個月曆大約百多元,比街買的貴少少,但可以加自己張 相,當禮物送俾人都唔會嫌貴。」

其實香港早已有印刷公司引入這種技術,但這類公司只做批發生意,零售層面認識不深,他遂疊埋心水大搞數碼精品,更花了數百萬元添置機器,「公司已經有技術人才,數碼印刷係我哋老本行,點解唔做吖?」

他 首先將旗下的快圖美大翻身,裝修全部改用暖色調,希望一改以往老式沖晒店形象,「我想將間鋪設計到好似精品店,令個客留耐啲,唔似以前晒完相就走。」他認 為以往這類數碼精品,給人感覺「老土」,遂設計了一套軟件,供客人按自己喜好,挑選圖案及款式來編制相簿及月曆;此外,為吸引年輕人注意,他又與 Sanrio及迪士尼合作,客人自製精品後,可加入卡通人物在側,售價約數十元至數百元不等,「一本相簿約五百元,生意額大好多,等於一個客晒幾百張 相。」

孫道弘又豪言,任何物品都可做數碼印刷,「我哋同郵政局合作,推出印有自己相片嘅郵票,真係可以寄出,起初好多客都唔信,以為只係一張普通相。」憑着這些新搞作,即使去年經歷金融海嘯,晒相數量下跌一成,但數碼精品的生意額卻有三倍增長。

說起得意之作,孫道弘趁機揶揄對手柯達,「柯達都想抄我,但我有快圖美帶頭,又送試辦俾其他富士加盟店,佢哋見我做得好自然會跟。柯達的分店各自經營,群龍無首,一定做唔起。」現時快圖美生意額約佔市場三成半。

惟經營了富士沖晒三十多年的譚先生,卻狂踩變招對他們毫無幫助,「我哋家庭式經營,最緊要回本快,做一本相簿工序太繁複,又要拎去富士工場沖晒,寧願晒多幾張相好過。」他直言最能令他們受惠,是停止擴充快圖美,「佢哋知道邊區旺,就開一間喺附近,鬥搶生意。」

人棄我取搞即影即有

穩 定了快圖美的生意,孫道弘下一步是落力替富士相機打開市場。他眼見寶麗萊於○六年停產相機,於是人棄我取,力推即影即有相機。「香港年輕人鍾意有特別效果 的LOMO,就算用菲林都冇所謂,證明好受歡迎,所以我堅持搞落去。」根據GFK市場調查,○七年香港銷量最高的菲林相機,是富士一部很cute的2R即 影即有相機,每年約售出一萬部。

為繼續吸引o靚仔注意,他又主動向迪士尼建議,將卡通人物印上即影即有相機及相紙,成為獨有的香港特別版,結果好評如潮。DC FEVER負責人韓志成也大讚有橋,「女仔客好揼本買相紙,貪佢唔使用軟件慢慢執,都有特別效果。」

去 年寶麗萊更停產菲林,孫道弘順勢搶到警隊這個大客。原來警隊過往沿用寶麗萊,拍攝案發現場的環境證物,自從寶麗萊停產菲林,便遇上有機無菲林用的問題,因 此要大手購入二百部富士即影即有相機,每年還耗用數十萬張菲林,「數碼相機照片可被改動,不可作為呈堂證物,要用即影即有相機拍攝。」雖然寶麗萊將於明年 復產,但價錢走高檔路線,孫道弘謂不怕有威脅。

中港照相一直有經營溢利,只有○四年沙士後,錄得六千多萬元虧損,現時收入已谷底反彈,即使 去年經濟不景,生意額仍然企穩,更有百分之一的輕微增長,孫道弘坦言已相當滿意,更雄心壯志,準備出擊搞學校及新婚市場,「每年都有人畢業同結婚,佢哋都 好肯花錢印製相簿留念。」問他父親如何看待公司轉型,「爸爸唔會特別開口讚,不過見佢印咗幾本相簿收藏,我諗佢心入面都好支持。」

 


夕陽 無限 好孫 孫道 道弘
PermaLink: https://articles.zkiz.com/?id=17579

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019