學整啤酒雞迎新年家怡保怡諗計 賣劇撐奇妙
1 :
GS(14)@2017-01-27 07:40:391.【刨檸檬皮】■周家怡學煮雞，先將西芹及紅蘿蔔等雜菜切件再加檸檬皮撈勻。
林保怡與周家怡去年為ViuTV主演的開台劇《瑪嘉烈與大衛系列綠豆》叫好叫座，這對舊情人就趁今日年三十晚團聚，上演《瑪嘉烈與大衛之團年》，齊齊學「做雞」迎接雞年。
2.【雜菜釀雞】■保怡和家怡將調味後的雜菜釀入雞內，之後再榨小許檸檬汁。
3.【搽橄欖油】■二人將醃好的雞，用橄欖油搽勻全身。
「劇集深入民心」
家怡與保怡因合作《瑪嘉烈》成為好友，亦有一定默契，會否期望新一年再有合作機會？保怡說：「一定會，我哋會同兩位好前衞、思想好開放嘅導演25同FatBall合作，喺2017年做電視劇同電影，其實係做緊嘅，我哋係寫緊劇本……我哋好想將瑪嘉烈與大衛嗰個演法，呈現喺電視或電影上面，睇到大家更加夭心夭肺。」據悉保怡與家怡團隊有意將劇集賣給5月開台的奇妙電視，保怡未有否認，他說：「呢樣嘢真係未知，交畀佢哋（團隊其他人）傾緊。」二人分分鐘有機會掉轉槍頭，幫奇妙撼ViuTV。
ViuTV今年再開拍《瑪嘉烈與大衛系列前度》，僅廖碧兒有得留低，會否覺得唔開心？保怡說：「如果我係ViuTV，如果我要拍番《瑪嘉烈》，我搵邊個演員都係我個right，掉番轉頭我哋演員要順從或者配合番個遊戲，人哋唔搵你冇嘢㗎，希望佢哋收視再創高峯。我都想睇㗎，呢個世界冇話冇咗邊個唔得，我哋都做咗一個好獨一無二嘅瑪嘉烈同大衛，可能前度嘅瑪嘉烈同大衛會更加精采呢。」家怡則說：「劇集已深入民心，如果再擺番我哋落去做其他角色會好奇怪。」
4.【焗25分鐘】■將雞用企架放入焗爐以180度烤焗25分鐘，之後開高溫焗5分鐘即成。
5.【金黃美味】■家怡（右）和保怡在餐廳老闆娘杜貞貞全程教路下，順利炮製美味啤酒雞。
保怡：手感好正
訪問當日保怡和家怡跟餐廳老闆娘兼形象指導杜貞貞學整啤酒雞，保怡帶住手套醃雞，貌似當年他在《妙手仁心》的醫生造型，期間保怡還忍不住哼起《妙手仁心》主題音樂。原來啤酒雞要早一晚醃，又要以橄欖油搽勻雞皮，猶如為肥雞做按摩，保怡邊按摩邊笑住說：「手感好正。」待醃好後，將雞放在燒雞企架內，旁邊放上雜菜及加上啤酒，放入焗爐以180度焗25分鐘，到最後5分鐘再加大火力便大功告成。採訪：魯吉攝影：仇志德場地提供：TT Party Party服裝提供：Shanghai Tang、Ballin（周家怡）
來源:
http://hk.apple.nextmedia.com/entertainment/art/20170127/19909907
開拍自製劇 陳倩揚倒戈鵬哥豪語：搞旺奇妙
1 :
GS(14)@2017-02-11 18:37:59■鵬哥力撐奇妙電視，希望搞旺個台。
今年5月中，有線寬頻旗下的奇妙電視將啟播，該台近日籌備炮製一系列「入屋」節目。有線娛樂執行董事曾展章前晚跟盧海鵬、黎燕珊、朱潔儀、林芊妤（Coffee）、邵仲衡和陳倩揚等，在尖沙嘴出席奇妙電視春茗。奇妙電視宣佈將製作自家劇《100天Best Before》，綜藝節目有盧海鵬和趙海珠的《放試》、黎燕珊及曾美華的《朝拜傲媽》、邵仲衡的《香港事…香港是…》、Coffee的《吾男吾女》及朱潔儀的《餐桌商機》等。鵬哥前晚豪語說：「支持吓新電視台，大家幫手搞旺佢，唔通希望佢『釘』咩！」
■陳倩揚將為奇妙電視主持親子飲食節目。
■Coffee否認是港女要男友跪地，她又表示另一半將來求婚都不用跪。
■奇妙電視前晚舉行春茗，不少藝人出席。
邵仲衡想試合作
邵仲衡這兩年拍勻港台和ViuTV，他說：「幕前人想試唔同合作方法。」問他接job重質還是重錢？邵仲衡說：「要平衡，唔玩錢唔刺激。」離開無綫即倒戈的陳倩揚，將主持親子飲食節目《細細Love》，她說：「當係新嘅學習環境，新人事新作風。」黎燕珊透露月底為主持的《朝拜傲媽》到日本訪問陳美齡，交流如何把囝囝培育成尖子。同場Coffee大呻男友跪地被嘲是港女，她解釋：「佢作狀跪低，當時男友挖苦我有乜嘢事都走咗去。」Coffee指男友將來求婚都不用跪，她說：「簡簡單單，拎隻戒指出嚟就OK。」
通訊局暫緩處理
另外，奇妙電視有限公司早前向通訊事務管理局申請，除使用固定網絡外，亦可使用頻譜作為新增傳送模式，以提供本地免費電視節目服務，通訊局昨公佈已應奇妙電視的要求，暫緩處理該項申請，直至奇妙電視於其免費電視服務啟播後，可重啟與通訊局的商討為止。換句說話安裝了有線電視固定網絡系統的大廈或物業，才可以於5月開台時看到奇妙電視節目。採訪：劉敏攝影：仇志德
來源:
http://hk.apple.nextmedia.com/entertainment/art/20170210/19923162
杜汶澤邵仲衡 奇妙講食講情懷
1 :
GS(14)@2017-05-13 01:56:27■杜汶澤為飲食節目搏到盡，每次都親自去挑選至靚食材。互聯網圖片
【奇妙駕到之後日開台】免費電視頻道奇妙電視將於後日開台，奇妙電視嘅免費電視牌由舊年5月31日正式發出，個牌有成12年長。奇妙電視主攻合家歡節目，重頭係杜汶澤主持嘅飲食綜藝訪談節目《杜汶澤食住上》，有食好西，也有試劣食；黎燕珊同曾美華喺《朝拜傲媽》中訪問多位叻媽分享貼士，而《帶阿媽去旅行2017》則賣母女情，邀李司棋同囡囡葉子青、李彩華母女、方健儀母女出埠旅行，仲有盧海鵬同趙海珠等測試香港人特質嘅《放試》，同埋邵仲衡同林二汶主持介紹香港情懷嘅《香港事．香港是……》，邵仲衡日前仲親身試整木製傢俬。
■邵仲衡（右）訪問老木匠，仲即場學整木傢俬。互聯網圖片
有《鬼怪》睇
劇集方面，攞到韓國男神孔劉主演嘅《鬼怪─孤單又燦爛的神》播映權，仲有方中信同林峯主演嘅內地劇《六扇門》，自家製作有鄭融主演嘅《100天》等。此外，奇妙電視77台透過固網傳送訊號，再經公共天綫入屋，只要係使用有線電視固定網絡系統嘅大廈，住戶就可以重新搜台接收奇妙電視嘅數碼同模擬訊號。
來源:
http://hk.apple.nextmedia.com/entertainment/art/20170512/20018339
阿澤鄭中基食牛歡喜谷奇妙開台
1 :
GS(14)@2017-05-13 05:34:07【奇妙駕到之群星撐場】奇妙電視明天開台，為帶給觀眾新鮮感，該台炮製了不少綜藝節目搶收視，重頭戲是由杜汶澤主持的《杜汶澤食住上》。該節目將於本月20日起，逢周六晚9時播出，一共12集，首集嘉賓有鄧麗欣，另外還有鄭中基和「神奇小子」拳王曹星如等。
自爆最冧陳嘉容
阿澤邀請「暴龍哥」鄭中基做嘉賓，兩人當然要試吃合演電影《低俗喜劇》中的「牛歡喜」。工作人員由元朗一間食肆買來牛三寶：牛鞭、牛歡喜和牛波子（即牛睾丸）。阿澤大膽試勻，但鄭中基淆底拒吃牛波子，卻嗜牛鞭。到底牛歡喜是甚麼味道？阿澤昨日接受本報訪問時說：「好難解釋你知，牛歡喜呢啲咁私人部位，可以講得上係每隻牛都唔同味，睇你食着邊隻。我比較好運，一生人食過嘅，都令我好歡喜。」問可會考慮用牛歡喜做食材？他說：「咁高興嘅嘢，應該唔會帶返屋企。」阿澤大讚眾嘉賓夠義氣到場力撐，他說：「最受幕後同事歡迎應該係拳王（曹星如），收工個個爭住合照。」阿澤與曹星如在節目中一齊燒雞翼，而他每集都會示範撚手菜，包括叉燒、麵包布甸和海南雞飯，嘉賓們均吃到舔舔脷，惟獨曾於《美女廚房》做評判的周中唱反調，彈阿澤的慢煮牛仔骨，阿澤說：「係佢一個話淡，我唔會介意。」他又自爆最冧陳嘉容：「始終係女神，暈晒大浪。」
■阿澤指曹星如（右）受歡迎，被幕後同事爭相集郵。
【《帶阿媽去旅行2017》】■李司棋與女兒葉子青破冰後結伴旅行。
李司棋母女遊日
至於以溫馨做賣點的《帶阿媽去旅行2017》，星級母女結伴出埠，其中李司棋與女兒葉子青獲邀去日本福岡，她們早年曾決裂，後來才破冰，這次母女結伴出遊等足40多年，旅程中拉近彼此距離。採訪：陳杰
【話你知】奇妙5.14開台對無綫威脅有幾大?
http://bit.ly/2q884TB
來源:
http://hk.apple.nextmedia.com/entertainment/art/20170513/20019556
主打財經 外購劇 學者：吸引唔到眼球奇妙無驚喜難威脅TVB
1 :
GS(14)@2017-05-14 10:44:39■杜耀明表示，奇妙電視節目內容吸引不到眼球，亦看不出有何賣點，認為收視取勝的機會較微。朱永倫攝
【77開台】【本報訊】香港上世紀七十年代曾出現三間免費電視台鼎立，惟佳藝電視因經營不善，三年便倒閉。相隔30多年後，新免費電視台奇妙電視於今晚正式啟播，本港再次進入免費電視三國時代。有學者認為，奇妙電視節目無驚喜，TVB將繼續一台獨大；資深廣告人則預料，因近年本港廣告市場萎縮，三台的廣告競爭將更加大。記者：張文鈴
無綫、麗的（後改名為亞洲電視）和佳藝於70年代曾同期服務港人，但佳藝因經營不善3年便倒閉，TVB後期一直壟斷至今。對於奇妙電視即將開台，浸大新聞系助理教授杜耀明說：「奇妙電視（節目）內容吸引唔到眼球，睇唔到有新嘢。」以平日日間節目為例，由早上9時至下午5時，除了中午12時半至1時外，其餘均是清一色播放財經節目；黃金時段晚上8時半至10時半亦只是以兩部外購劇應付，坦言難以打破TVB一台獨大。他指出，從表面看來奇妙日間的財經節目，就如「Now財經台、TVB J5台，節目內容方向好接近」，又指「除非（財經）節目做到其他台（同類節目）冇嘅嘢，可能搵到陳德霖、任志剛嚟主持，仲要有十八般武藝先得，呢樣值得留意」，但認為「機會微啲」。他又提到，奇妙電視在黃金時段，以兩部外購劇迎戰TVB和ViuTV，由於不了解該劇集的受歡迎程度，但相信「外購劇好難同本土電視劇比，始終本土劇集多人睇啲」。杜耀明稱，奇妙的節目種類與其他電視台大同小異，「通訊局同行會審批嗰時有冇留意個（節目）內容，如果奇妙係用呢啲節目申請，咁明顯有啲過份」，認為不能為市民提供更加多元化的電視節目選擇，反問主張本地製作的香港電視為何沒有發牌？他又指，即使ViuTV和奇妙電視先後開台，TVB並沒有因此而將節目進行大改革，反映新免費電視台加入市場未有對TVB造成威脅。
或令廣告競爭更激烈
資深廣告人曾錦強則表示，相信奇妙電視開台，會令本港電視廣告造成激烈的競爭，「奇妙（廣告費）一定係平啲，三間電視台競爭一定會好大」。他又稱，本港近年廣告市場收縮，續而轉投數碼媒體，令電視廣告收入下跌，「TVB由高?期到?家跌咗兩成，今年應該會繼續跌」。他指，作為新免費電視台都希望有廣告，但終需視乎節目收視。他指，廣告商落廣告着重成本效益，若收視表現差，即使廣告費便宜也未必吸引到他們。【話你知】奇妙5.14開台對無綫威脅有幾大?
http://bit.ly/2q884TB
來源:
http://hk.apple.nextmedia.com/news/art/20170514/20020843
新免費電視登場 無綫舊將齊撐奇妙今開台 傲兒：有競爭更好 河國榮：賺口碑
1 :
GS(14)@2017-05-14 10:50:54■（左起）河國榮、何傲兒、邵仲衡和何傲芝四位無綫舊將過檔奇妙電視主持節目。攝影：沈健程
【奇妙駕到之頻道77】主打合家歡節目的全新免費電視奇妙電視今日母親節開台，港人繼無綫、港台31和ViuTV後再多一個選擇。有份為奇妙主持節目的無綫舊將何傲兒、何傲芝、河國榮及邵仲衡日前出席本報「奇妙飯局」預祝開台成功，傲兒表示有競爭才會進步，河國榮則謂：「我哋拍緊廣東話節目，多唔多人睇就要睇吓香港人支唔支持！」揚言寧要口碑不要收視！
繼去年4月ViuTV開台後，另一個全新免費電視奇妙電視將於今晚8時於數碼頻道77台開台。奇妙電視屬有線寬頻旗下，由於永升亞洲注資入主有線寬頻交易仍有待本月29日特別股東大會表決通過，若議案被否決，有線電視不但要熄機，就連奇妙亦難以營運，估計因前路未卜，奇妙今日開台沒有任何慶祝活動，只於晚上8時播出早前錄影的半小時特備節目《星匯奇妙77》作開台慶典。
■奇妙電視選擇在今日母親節開台，並於晚上8時播映開台慶典。資料圖片
■（左起）傲芝、傲兒、邵仲衡和河國榮日前出席「奇妙飯局」預祝新電視台開台成功。
尋港特色
奇妙主打合家歡節目，所以選在母親節開台，並請來一班曾為無綫效力的藝人主持節目，包括河國榮主持《香港有寶證》尋找香港奇寶、邵仲衡主持《香港事．香港是…》尋找香港特色行業，而何傲芝和何傲兒主持《何家姊妹何家餐》，與不同文化背景名人藝人開餐食家鄉菜等。日前本報邀請四人於尖沙嘴出席「奇妙飯局」，預祝開台成功。問為何不做無綫而撐新電視台？邵仲衡笑說：「我唔係唔拍，係佢哋冇搵我。我好鍾意傳統手工藝，佢哋開個節目畀我講呢啲，好似講紙紮、龍頭獅頭，我覺得好奇妙。」他直言節目帶出香港一種傳承精神，了解一班老師傅何以仍堅持理想，內容夠晒本土。傲兒則謂：「我拍過劇、飲食節目又拍過，同家姐拍飲食節目係第一次。」至於傲芝亦表示：「我係由ATV、TVB、now到奇妙，每一個都係學習機會，最吸引係我同妹妹合作，我覺得會畢生難忘。」
【《香港有寶證》 今晚9:30pm首播】■奇妙自家炮製的節目都以本土為主，希望港人睇得有親切感。
【《杜汶澤食住上》 20/5 9pm首播】
【《香港事．香港是···》 播出日期待定】
食三家禮
河國榮覺得時代改變，藝人不用簽死一間電視台：「邊度有好嘅節目拍咪去嗰度囉。」目前河國榮與邵仲衡同時為奇妙、ViuTV及香港電台拍節目和劇集，食三家禮，邵仲衡說：「電視台都係請出面製作單位去做，所有方式都唔同咗，好多新嘢，同傳統台格唔同。」眾人均認同科技進步令「電視撈飯」觀眾越來越少，一家幾口各自拿手機選看喜愛節目，令一個新電視台吸納家庭觀眾有一定困難。河國榮就寄望：「冇人知將來多唔多人睇新開電視，惟有盡量拍到最好。我哋拍緊廣東話嘅節目，網上好多都唔係廣東話節目，所以多唔多人睇就要睇吓香港人支唔支持，會唔會睇番廣東話覺得好舒服！收視同口碑，我寧願要口碑。」傲芝和傲兒就認為新電視台讓觀眾多一個選擇，傲兒說：「選擇多咗，觀眾又要求高啲，有競爭先可以做到更加好嘅嘢。」傲芝亦認同：「最緊要有得揀，買菜都會格價，正如我哋都會用時間選擇睇一個好嘅節目。」採訪：魯吉、黃曉妍場地：圓山台灣料理
■傲芝（左）因為首度和傲兒姊妹檔合作做節目而動心。
■河國榮認為節目有口碑比高收視更重要。
話你知：需重新搜尋77台
今晚開台的奇妙電視，使用數碼頻道77台及模擬電視播放，並非使用大氣電波傳送，而是透過有線固網傳送訊號，再經由公共天線入屋，只要使用有線固網系統大廈住戶，就可重新搜台接收奇妙數碼及模擬訊號。不過，有線固網並非覆蓋全香港所有地方，住戶可在奇妙官網內的「查核奇妙電視網絡覆蓋範圍」搜尋所住大廈有沒有該系統。另外，觀眾亦可透過有線電視07及277高清台收看奇妙電視。
【話你知】奇妙5.14開台對無綫威脅有幾大?
http://bit.ly/2q884TB
來源:
http://hk.apple.nextmedia.com/entertainment/art/20170514/20020471
自爆煎嘢似火燭傲兒認地獄廚神 奇妙顯神威
1 :
GS(14)@2017-05-18 02:14:20【奇妙駕到】全新免費電視頻道奇妙電視昨晚8時開台，何傲芝（Gigi）與何傲兒（Lily）兩位無綫舊將力撐奇妙，主持飲食節目《何家姊妹何家餐》，並安排在逢星期一晚10時半《喜出望外》節目中播出。日前兩人到九龍塘錄影，訪問了被喻為飲食界黃秋生的居港瑞士菜大廚Jacky Kagi，看Jacky樣貌跟黃秋生似到十足十。
「欣賞家姐組織力」
當日的拍攝地點正是Jacky擔任廚藝課程導師所在地，何家姊妹在「秋生」面前煮食時顯得雞手鴨腳。Gigi說：「導演為咗唔想我哋太出醜，今日特別邀請咗幾位Jacky嘅學生嚟畀我哋，我哋做助手。」講起廚藝，兩姊妹都自認地獄廚神，Gigi笑說：「我係來自地獄嗰隻廚神，Lily係凡間嘅地獄。」Lily就表示：「我本來以為今日嚟煎兩隻蛋，好細個時煎嘢煎到家姐以為屋企火燭，因為唔記得咗開抽氣扇，成屋都係煙。」雖然今次是兩姊妹首次合作做節目，但兩人表現有默契。Lily更大讚家姐組織能力強，她說：「我好欣賞佢做主持，我喺側邊學。」
■何家姊妹日前訪問有飲食界黃秋生之稱的瑞士廚師Jacky Kagi（中）。
■林作與林媽媽日前在豪宅接受何傲芝和何傲兒節目訪問。
■側田為奇妙電視《同Sing同戲》打頭陣，盡訴心中情。
林作媽要靚新抱
另外，何家姊妹日前到林作家開餐，雖然林作是潮州人，但他自言是個小男人，並謂：「外表好嘅女仔好多，不過始終唔長久，有內涵先係最重要。」其時身旁的林媽媽說：「唔得，我選新抱一定要靚女，起碼食飯望住都會開心啲。當然仲要入得廚房，出得廳堂，服侍得老公貼貼服服。」林作指媽咪要求太高，令他很大壓力。此外，奇妙另一節目《同sing同戲》邀得側田做首集嘉賓，披露早年避走北京原因：「當日喺錄音室錄歌，我係咁望住手表想快收工，有呢種心態，我知道自己唔得啦，所以第二日即刻買機票走！」採訪：曹家誠攝影：仇志德
【話你知】奇妙5.14開台對無綫威脅有幾大?
http://bit.ly/2q884TB
來源:
http://hk.apple.nextmedia.com/entertainment/art/20170515/20021336
Next Page