自家創作涉抄襲潮牌 馬天佑:時裝嘅嘢好主觀
1 :
GS(14)@2016-12-31 10:18:07今年28歲嘅馬天佑,係林峰老死、千語BB閨蜜,亦係近年冒起嘅星級形象指導,最近佢仲踩過界,殺入樂壇做歌手,又開自家品牌賣埋衫,瓣數多多。不過人怕出名,有讀者向《蘋果》報料,話佢嘅品牌「SUGAR005」設計,有抄襲Vetements,以及G-Dragon個人品牌PEACEMINUSONE之嫌。《蘋果》聯絡過馬天佑,佢就話:「我自己的確好留意呢兩個牌子(自己都有買)。但時裝嘅嘢好主觀,好似神級街牌Fear Of God,開頭都俾人話好似Rick Owens,但係佢做到人人都想擁有,人人都想着,並唔係容易嘅事。」馬天佑又潮流教主上身,舉例話:「今季興長袖oversize tee,Vetements用歌德式設計,代表如Chrome Hearts,再演變成Oversize。我自己覺得每一個設計師都會崇拜某一位設計師,做一個品牌設計固然重要,但亦唔能夠忽略價格定位,尤其係街牌應該係大多數人都負擔得到。」馬天佑話:「好似Supreme一件Tee抄到3、4千蚊,係有大把人買,但我哋o依家係賣300蚊一件tee,希望大部份鍾意品牌嘅粉絲都能夠負擔得起。」
來源:
http://hk.apple.nextmedia.com/entertainment/art/20161231/19882558
天佑貪玩延遲返港避劫
1 :
GS(14)@2017-06-16 01:47:55徐天佑昨日到商台宣傳新歌《我們沒有不期而遇》,他表示籌備三年的新專輯會在暑假推出,新歌MV則是去年12月到冰島拍攝,他說:「本身諗住同老婆去玩,但後來決定拍MV,於是帶齊架生,老婆有幫手揸機同背脊出鏡。」太太可有投訴?他說:「咁又冇,不過遇着天氣唔好嘅時間,佢就唔落車,叫我哋自己拍,當老婆睇到完成品後,都覺得辛苦係值得。」天佑上月和太太到荷蘭及瑞士旅行作補償,而早前有班機從荷蘭返港時,途中遇氣流令乘客受傷,天佑說:「原本我哋就係坐嗰班機,但後來決定喺荷蘭留多幾日,先冇搭到,好彩冇發生重大受傷。」採訪、攝影:曹家誠
來源:
http://hk.apple.nextmedia.com/entertainment/art/20170614/20054834
Next Page