ZKIZ Archives


四太嫌猷亨未夠好

1 : GS(14)@2016-04-15 16:30:12

賭王四太梁安琪前晚現身灣仔君悅,支持大仔猷亨再做保良局總理,同場還有馬德鐘、何超瓊、太子鐘錶老闆鄧鉅明夫婦等。四太甫到達會場,即示意傳媒不要再追問三太陳婉珍胞妹陳婉玉與馮永業的醜聞。對於猷亨做總理成績,四太說:「我要求好高㗎,我覺得唔夠囉,希望佢再努力,多啲參與,幫助有需要嘅人。」問到大女超盈早前在哈佛大學演講,會否覺得光宗耀祖?四太即笑言:「唔係,係佢自己搞,去得都幾急,係交流文化藝術。」問會否覺得囡囡叻女?她表示:「唔係,學吓嘢啫,咁啱開中佢興趣。」記者問到超盈拍拖未,她表示感情事要問回超盈本人。採訪:羅慧敏攝影:陳順禎





來源: http://hk.apple.nextmedia.com/entertainment/art/20160415/19571416
四太 太嫌 嫌猷 猷亨 亨未 未夠 夠好
PermaLink: https://articles.zkiz.com/?id=299380

元秋靜雞雞改Po因為「酸誓」唔夠好?

1 : GS(14)@2016-11-13 11:27:25

民記「元秋」蔣麗芸早前立法會宣誓就職時搞搞新意思,用普通話宣誓,事後仲喺facebook出post認叻,話自己原本打算用粵語發言,最後決定以中國官方語言普通話宣誓,不過發音仍未達標,依家就畀長洲「覆核王」郭卓堅拎住佢發音唔正提司法覆核,點知元秋竟然學小學雞網民咁,低調改post,以為咁就代表冇發生過!話說元秋原本個post寫明,「雖然練習了多次,看來發音仍未達標,請大家賜教」,原來佢係宣誓後兩日、即係建制派開始鬧香港眾志羅冠聰讀歪音宣誓,就低調地將原本個post改咗,將承認自己普通話「未達標」內容刪去,變成「因為很多朋友認同我的普通話說得很好,在這莊嚴場合值得用普通話宣誓」!有人質疑元秋係咪知咁寫會瀨野,所以先偷偷地改咗嗰幾句文,以為可以當冇寫過。不過元秋似乎唔知facebook有樣嘢叫「編輯紀錄」,只要㩒一個掣,就睇到元秋於10月15日編緝咗原先個post,將佢改post行為現形!八方問元秋為乜無端端要改post?佢就話自己當初喺facebook咁講,完全係出於「謙虛」,後來有朋友話佢咁寫法,可能會畀人話佢連宣誓都講錯,所以就決定事後改post,仲講笑話以後都係唔好咁謙虛嘞!之後元秋又自爆,佢的繼母係台灣人,都有讚佢普通話宣誓講得好好喎!




來源: http://hk.apple.nextmedia.com/news/art/20161113/19832352
元秋 秋靜 靜雞 雞雞 雞改 Po 因為 酸誓 唔夠 夠好
PermaLink: https://articles.zkiz.com/?id=315270

【喇叭試聲】潑水射水浸水照播歌 Bose微型藍牙喇叭夠好聲

1 : GS(14)@2017-10-09 03:10:03

Bose剛推出旗上最輕巧的藍牙喇叭SoundLink Micro。



Bose藍牙喇叭越出越細,由SoundLink、SoundLink Mini出到最新產品SoundLink Micro。這款新喇叭SoundLink Micro除了夠細之外,從全機機身到底部多用途便攜帶都用上矽膠製造,具備防撞、防刮以及防水性能。雖然規格上標明喇叭具備IPX7防水性能,但官方表示其實SoundLink Micro防水能力已超越這個標準。



到底防水性能有幾高?記者首先將用水潑向SoundLink Micro,當然難度太低,絕對考驗不到喇叭;之後再用水喉不斷向喇叭射水,水珠不斷從單元出聲位跳動,但操作上都沒有問題。最後一關,將SoundLink Micro浸入水中一會,拎出水後一樣照播無誤,但當然因有水滴填滿出音位而令音色有些走樣,但防水表現確實出色。官方更指用海水浸喇叭都無問題,但使用後要用清水沖洗,以防留下鹽粒。



Cato Mak試用Bose SoundLink Micro及UE Wonderboom防水喇叭。

用水喉向SoundLink Micro射水,同樣考驗不到喇叭。

Bose SoundLink系列向來機細但好聲,機身最細小的SoundLink Micro又可否保持水準?記者另外亦借來定位接近亦具備防水性能的UE Wonderboom防水喇叭,交由《Lyra》音響雜誌主編Cato Mak試聽。Wonderboom是一款能360度發聲的喇叭,Cato指不用考慮擺位問題,而且低頻保留了細節外,中高頻表現亦算突出,人聲及電結他聲表現亦清脆。



SoundLink Micro在浸水後,都一樣能夠播放。

SoundLink Micro底部設便攜帶,方便掛在背囊或其他物件上使用。

UE Wonderboom以360度發聲設計,同樣具備IPX7防水性能。

本是SoundLink Mini用家的Cato再試 SoundLink Micro,驚訝這款新防水喇叭的音量可以做到如此之高,另音色表現亦有驚喜,「SoundLink Micro可以重現到中低頻的密度,打擊感及力度非常充足,聽搖滾樂時結他聲相當實淨。」Cato試完將一對SoundLink Micro以立體聲方式連接播放,更以震撼來形容。測試完成後,Cato為SoundLink Mini打上4分評分,至於Wonderboom其實也不算輸蝕太遠,都值3.5分。
Bose SoundLink Micro售價:$999(一隻)
UE Wonderboom售價:$849(一隻)記者:布偉倫攝影:劉永發2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20171004/20171783
喇叭 試聲 潑水 水射 射水 浸水 照播 播歌 Bose 微型 藍牙 夠好 好聲
PermaLink: https://articles.zkiz.com/?id=342044

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019