ZKIZ Archives


圈中肌男多彭于晏多女愛 張家輝奇蹟變大隻

1 : GS(14)@2016-09-01 06:12:07

圈中賣點係肌肉嘅男星越嚟越多,好似陳毓祥嘅囝囝陳安立,都係以一身肌肉見稱,但講到圈中嘅肌肉男,都有唔少。張家輝2013年嘅《激戰》,突然一身肌肉出現,即時帶起肌肉男嘅熱潮,雖然家輝嘅肌肉已經冇以前咁勁,但都仲好深刻。彭于晏同張家輝一齊拍《激戰》當時已經好大隻,可惜喺家輝隔籬,焦點放晒喺家輝身上,但彭于晏個身型keep到,到o依家喺好多電影都仲有佢一身肌肉睇。近年喺大台人氣急升嘅袁偉豪,一身肌肉吸引大家嘅視線,但點估到連佢公公都係一身肌肉,仲大隻過佢。42歲嘅DJ森美(梁志健),初初入行係一個肥仔,但到咗02年開始變瘦,依家仲做埋肌肉人,不時喺IG晒肌。張繼聰幫無綫拍攝劇集《老表,你好hea!》嗰時,晒肌晒出個名堂,演技又越嚟越好,真係有內又有外。




來源: http://hk.apple.nextmedia.com/entertainment/art/20160831/19754825
圈中 中肌 肌男 男多 多彭 彭於 於晏 晏多 多女 女愛 張家 輝奇 奇蹟 蹟變 變大 大隻
PermaLink: https://articles.zkiz.com/?id=306918

圈中父幹藝人「世界級港女」杜如風多瓣數

1 : GS(14)@2016-11-10 07:39:51

正所謂「成功需父幹」,有強勁後台支持住,已經「贏在起跑線」,(原則上)做咩事都事半功倍。好似關楚耀(Kelvin)咁,當年挾住「譚詠麟契仔」名義入娛樂圈,去到邊都有校長照住,加上Kelvin爸爸關維麟係唱片公司監製兼唱片公司高層,佢伯父係泰迪羅賓,牌面已經優先過好多人。圈中其實仲有唔少呢種幕後高層子女加入娛樂圈嘅例子,好似杜如風咁,大家除咗記得佢係「世界級港女」之外,其實佢係已故資深傳媒人杜惠東之女。喺外國讀完書後,獲父向英皇電影推薦做日本電影字幕繙繹,亦曾為無綫主持旅遊節目,人氣漸升,繼而轉為拍攝日本旅遊節目,再以外判形式賣畀電視台,同時亦係專欄作家。




來源: http://hk.apple.nextmedia.com/entertainment/art/20161109/19827452
圈中 中父 父幹 藝人 世界級 世界 港女 如風 多瓣 瓣數
PermaLink: https://articles.zkiz.com/?id=314733

【高伯新兵變】一個低迷馬房圈中靚太竟表示欣賞?

1 : GS(14)@2017-01-02 01:07:20

練馬師高伯新被多年戰友潘蘇通拉走四駒,雖仍待馬會在假期後公佈作實,但其馬房減持至40駒以下,卻是無可避免的事實。然而曹操都有知心友,更何況高伯新不是出名狡猾的曹操,而是一位贏過多項國際一級賽的練馬師。果然有馬主給他雪中送炭,靚太級馬主曾向欣表明將把名下在港未勝馬「無限欣賞」(現於告東尼馬房受訓),轉交高伯新馬房訓練,並希望可跟高伯新擦出火花。曾向欣說:「我們一家人與高伯新的關係很好,我的哥哥曾向東曾經有馬(日前退役的「東韻威威」)養在高廐,我的父親曾炳威向來都很欣賞高伯新,奈何練者今季的運氣麻麻,我們一家人對他的練馬手法有信心,所以我們把『無限欣賞』交付予高伯新,希望馬兒將來可有好表現。」「高伯新是一位很出色和優秀的練馬師,過往都贏過不少大賽,可能他近幾年的際遇差一點,所以贏少了頭馬,但在操馬方面,我和父親都對高伯新給予百分百支持,之前我都有過『大欣賞』(已退役)曾養在高伯新馬房,馬兒當時操得好好,並取得一些獎金,我和高伯新的關係好好。」




來源: http://hk.apple.nextmedia.com/sports/art/20170101/19883381
高伯 新兵 一個 低迷 馬房 圈中 中靚 靚太 太竟 表示 欣賞
PermaLink: https://articles.zkiz.com/?id=320959

圈中星級契媽舒淇有半打契仔女 王菲契趙薇乖女

1 : GS(14)@2017-01-12 08:08:29

上契呢回事,真係好講緣份,唔係話識得嘅就有得契,都要人哋阿媽想契畀你,或者阿「契媽」想契個細路至得。而喺圈中,有唔少藝人都係契媽級,而做得佢哋啲契仔女嘅,當然都有番咁上下。王菲平日寡言嘅天后王菲,私底下其實有好多知心友,好似演而優則導嘅趙薇咁,同王菲勁好姊妹,而趙薇所生嘅囡囡黃新(小四月),更順利成為王菲契女,據知,王菲仲不時會送禮o氹契女開心。劉嘉玲影后劉嘉玲交遊廣闊,同大陸男星胡軍更係老友鬼鬼,胡軍育有一子皓康,嘉玲睇住康康大,加上佢覺得康康好有親切感,於是喺前年設宴正式同康康上契。嘉玲向傳媒表示,自己向來唔係好受小朋友歡迎,但康康就鍾意黐佢同嗲佢,加上佢覺得同康康有種前世今生嘅感覺,於是就上契。舒淇影后舒淇舊年嫁畀馮德倫升呢人妻,但佢仲做女嗰陣已經係契媽級,據佢所講,佢至少有契仔契女各3個,其中包括劉燁同法籍妻子Anais Martane所誕嘅混血BB劉諾一。唔知係咪契仔契女太多,所以好姊妹林熙蕾同林心如生B,佢都冇再上契。
Twins(鍾欣潼、蔡卓妍)娛圈萌B之一、鄭希怡(Yumiko)個女梁子柔(梁浸浸)極得網民及班uncles aunties寵愛,當中最正嘅係佢有Twins做佢契媽,鍾欣潼(阿嬌)同蔡卓妍(Sa)錫到梁浸浸燶,送禮之外,見到契女又抱又錫,恨死好多人㗎!何超蓮、G.E.M.何超蓮同鄧紫棋(G.E.M.)呢對好姊妹,雖然尚未出嫁,但佢哋就已經係另一好姊妹李蘊個寶貝女紫晞嘅契媽,呢兩個契媽仲不時去探小紫晞,母愛氾濫。而李蘊亦曾帶過小紫晞去探身在廣州開工嘅G.E.M.契媽班,當時G.E.M.仲留言話「看到她(小紫晞)就覺得世界很美好」,係咪sweet到爆先?




來源: http://hk.apple.nextmedia.com/entertainment/art/20170112/19894272
圈中 星級 契媽 舒淇 有半 半打 打契 契仔 仔女 王菲 趙薇 乖女
PermaLink: https://articles.zkiz.com/?id=322322

圈中駙馬靠自己 布志綸慳家 吳家樂打工廿年

1 : GS(14)@2017-01-24 03:00:17

黎諾懿前年同富家女友拉埋天窗,成為「五億駙馬」,不過知慳識儉,開飯都係食平民餐,前日仲雙雙去咗睇BB用品o添。而夫憑妻貴嘅娛圈例子,都仲有唔少㗎。


布志綸@Mr.

Alan喺14年同玩具公司太子女陳雪瑩結婚,成為咗「十億駙馬」!不過唔代表佢好食懶做,其實佢依然係落力工作,自己養自己,佢喺專訪中就講過,唔會貪圖物質,最開心嘅事係有得繼續玩音樂就夠。


劉威煌

劉威煌係第一屆《超級巨聲》嘅參賽者,之後喺大台發展,直到前年先加入唱片公司,仲同拍拖7年嘅女友Sandy結婚。而女友家族就喺大陸有礦業生意,劉威煌太太仲持有多個物業、公司。


陳子聰

上年底因病入院激瘦嘅子聰,康復之後積極做運動,成個人精神番晒!全賴有你咋何超儀!陳子聰老婆超儀,即係賭王何鴻燊個女,喺丈夫入院期間,轉過醫院,出院之後又物識過兩個地方俾丈夫休養,有指總共花咗逾千萬。


吳家樂

喺大台工作超過20年,吳家樂都算係資深藝人同主持人。佢2006年同其士集團太子女周蕙蕙結婚,同年尾大月Naida就出埋世,不過咁多年嚟吳家樂都係努力工作,就知佢為咗頭家付出好多啦。




來源: http://hk.apple.nextmedia.com/entertainment/art/20170123/19906247
圈中 駙馬 自己 布誌 誌綸 綸慳 慳家 家樂 打工 廿年
PermaLink: https://articles.zkiz.com/?id=323821

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019