ZKIZ Archives


何柱國寸嘴載特首無錯

1 : GS(14)@2012-02-28 23:44:01

http://hk.apple.nextmedia.com/te ... 104&art_id=16109345


何柱國昨日出席智經研究中心論壇時,被記者追問邀請曾蔭權上遊艇一事時直認:「係,咁有乜錯呢?」他表示旗下只有報社業務,沒做地產或其他生意。向來寸嘴的他說:「我架船返嚟時,我唔係為咗佢(曾蔭權)開,我隻船係唔係都要返嚟。即係我見到你,請你搭我順風車,是否係犯法呢?」「所以我唔認為利益輸送囉!我同佢有乜利益輸送先,佢可以畀到乜嘢我先?」
對於曾蔭權夫婦只繳付 500元船費坐遊艇,價錢是否合理,何柱國以其「獨特」的邏輯解釋:「你坐隻水翼船過去,嗰隻水翼船幾錢?唔係一千萬、唔係幾百萬,都億㗎啦,好簡單一件事。係你點衡量,點睇件事,一件普通嘅事,你可以做到好醜陋都得㗎。」
傳媒揭發事件後,曾蔭權曾表示在船上只吃過水果、豬骨粥和豉油 麪,但何柱國卻曾向傳媒稱吃過葡國雞和豬扒飯,兩者似乎有出入。對此何說:「裏面有幾餐飯,佢食嘢唔係我日日跟住佢,唔通我要陪實佢呀?咁佢去廁所我使唔使要跟埋佢去?」

指曾唱 K會似落雪

他又否認曾蔭權在船上唱卡拉 OK,「嗰日澳門天氣好唔好?幾好呀,我諗如果曾生唱卡拉 OK,出面會落雪!係唔係呀,我諗佢唱聖詩就好。」
何柱國又表示對被稱作「富豪」反感,再三追問圍着他採訪的記者:「你哋邊一個老闆唔係富豪?答我吖!」又說:「香港一個商業城市,商人同政府官員有交際,唔係犯法。」對於旗下報刊立場支持政府,他說:「踩冧政府對你哋各位好咩?」認為支持政府沒有錯。
何柱國 寸嘴 嘴載 特首 無錯
PermaLink: https://articles.zkiz.com/?id=277996

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019