ZKIZ Archives


工作量大成日OT 與范巧茹裸辭主播林小珍寸無綫:「留喺度需好大勇氣」

1 : GS(14)@2016-09-11 05:50:26

■資深財經女主播林小珍自覺工作量與回報不成正比,離職後希望有更多時間照顧9個月大囡囡Cosette。



無綫主播吹起一片離巢風,由體育台吹到財經台。無綫今年2月將「高清翡翠台」改為「J5」,主攻財經節目,有指近半年主播工作量激增,兩位工作逾10年的資深財經女主播林小珍與范巧茹均以湊B為由齊齊「裸辭」,分別在9月中和10月底離職。二人昨日在社交網貼與一班同事及股評人食飯相,透露前日是她們在幕前最後一天,非常值得紀念!



■育有一子一女的范巧茹,謂想找工時較短的工作。

■「裸辭」的林小珍和范巧茹,前日獲同事及資深股評人歡送。

■林小珍前日在Ig貼最後一次幕前出鏡相。


「人工不嬲微薄」

林小珍昨日在電話中直認工作好辛苦,她說:「因為好多節目要serve,未開台(J5)都知有少少……做落就真係非常之吃力。」據了解無綫財經部門台前幕後只有30餘人,但要負責翡翠台、J2、互動新聞台、明珠台及J5所有財經節目,在人手嚴重不足情況下,同事經常要超時工作,但每年人工僅加數百元,對此林小珍回應說:「我哋人工不嬲都微薄,我覺得我嘅工作量同回報係唔成正比。」問有沒有向上級反映?林小珍說:「有,但我諗真係資源有限。」她亦戥繼續留守的同事慘,笑說:「係㗎,留喺度真係需要好大勇氣呀!」林小珍的囡囡Cosette只得9個月大,她希望離職後可以重新出發。


「成日都想走㗎」

而傳媒資歷有21年的范巧茹亦於今年誕下B女千林,被問為何離職?她在電話中帶點嘆息說:「做工總會有好勞氣嘅時候,成日都想走㗎喇!而家有個辭職理由叫湊吓BB,我個仔而家讀三年班,個女8個月大,咪幫佢做吓功課。」並否認被迫退下,她說:「我係全台年紀最大嘅主持,唔係而家冇得做,過多幾年都冇得做,將來想搵一份冇咁長工作時間嘅工作。」採訪:嵐山




來源: http://hk.apple.nextmedia.com/entertainment/art/20160911/19766854
工作量 工作 大成 OT 與範 範巧 巧茹 茹裸 裸辭 辭主 主播 播林 林小 小珍 珍寸 寸無 留喺 喺度 度需 需好 大勇
PermaLink: https://articles.zkiz.com/?id=308607

網民:未來劏房或企喺度瞓

1 : GS(14)@2016-09-28 04:56:48

【本報訊】四叔李兆基化身「劏房大師」,旗下恒地(012)新盤劏到出神入化,話題性十足。


四叔連推三個奇則盤

四叔眼見現時樓價高企,市民難上車,新盤越劏越細,結果要包裝成每呎賣兩萬元的「豪宅劏房」出售。有網民慨嘆,未來的劏房可能會進化到只得幾十呎,「遲啲要企喺度瞓」不是夢。新盤火熱,四叔連推三個奇則盤出售。先是北角月園街尚譽,單位最細163方呎,是一手新例後港島區面積最細單位。全盤128伙,其中126伙開放式單位,大部份面積不足200方呎。



尚譽上周二開售的首批30伙,即日賣出24伙,恒地昨將首張價單賣剩的26伙全部加價,加幅劃一2%。這批單位166至170方呎,折實平均呎價24,589元,折實最平售價384.94萬元,本周六發售其中10伙。另一力作何文田加多利軒,單位最細161方呎,堪稱「劏房之霸」,其中190方呎示範單位內廁所「不能坐的馬桶」更成市場熱話。




來源: http://hk.apple.nextmedia.com/financeestate/art/20160928/19784112
網民 未來 房或 或企 企喺 喺度
PermaLink: https://articles.zkiz.com/?id=310356

指建制狂谷致選情一面倒 葉劉諷林鄭「瞓喺度都入到閘」

1 : GS(14)@2017-01-25 07:34:48

■林鄭月娥自稱參選是「上帝旨意」,其競選辦放有聖母像(箭嘴示)。



【特首戰開打】【本報訊】林鄭月娥宣佈參選特首以來,連番離地言論及表現頻頻失分,曾經因為特首梁振英讚揚林鄭有擔當而激動哽咽的新民黨主席葉劉淑儀,昨出席電台節目時「寸爆」林鄭,自稱「一定唔會唔識搭地鐵」、「冇廁紙會用紙巾」,更指盛傳獲西環支持的林鄭「瞓喺度都入到閘」,但票源過份集中只會拖累其公信力,向同樣有意成為香港首位女特首的林鄭重點進擊。記者:姚國雄



葉劉淑儀昨出席商台節目時暗寸林鄭,大讚自己是4位參選人中唯一有直選兼有政府工作經驗的人,「我有10年選戰經驗,一定唔會唔識搭地鐵」。她更拿出兩張八達通,指一張用來泊車,另一張是其長者八達通,強調自己懂得入閘,暗寸林鄭連以八達通入閘搭港鐵也不懂。


稱半夜無廁紙會用紙巾


林鄭日前發現「原來便利店係冇廁紙賣」惹全城嘲笑,葉劉被主持人問到若半夜沒有廁紙會如何應對時即說:「全屋都冇廁紙,咪用tissues(紙巾)囉。」她指即使沒有紙巾,也可到通宵營業的超市。葉劉強調部份傳媒鋪天蓋地支持林鄭,但此策略「害咗佢」,因為這導致選情過份一面倒:「對佢(林鄭)都唔係幾好,我諗佢自己都知。」葉劉又指近來少了選委轉軚支持林鄭,「(我)喊完之後少咗啲」。曾經在回應特首梁振英讚林鄭有擔當時激動哽咽的葉劉表示,料不到當日會激動,因當時有感世態炎涼:「我搵好多人都唔應,唔通我真係咁差?我唔係咁差吓嘛,唔通我唔算愛國愛港?我好早就放棄英籍護照,冇講條件,為咗過渡(回歸)。我係咪真係咁差呢?愛國愛港人士都唔騷我呢?當時有啲感觸,不過一時嘅箒,瞓一覺冇嘢。」她直言電影《亂世佳人》女主角的對白「Tomorrow is another day(明天是新一天)」是其格言。


指外界或質疑選舉遭操控

葉劉認為林鄭如今「瞓喺度都入到閘」,但林鄭也深知投暗票時是另一回事,指林鄭獲人大常委范徐麗泰、政協王國強及民建聯張國鈞等支持,為她帶來人大、政協、民建聯的提名票。但葉劉認為即使林鄭獲700提名票,「阻住其他人入閘」,未來管治也有問題:「市民會睇嗰700個人邊度嚟,如果太明顯有某啲組織畀你,靠嗰啲組織,你唔做嘢都攞到,選到對未來執政都有影響……如果係咁DQ對手,你唔好淨係諗當選,係要諗未來管治。」她甚至認為林鄭即使高票當選,未來5年也不一定有良好管治,因外界會質疑選舉結果有人幕後操控,特首公信力定受影響,而她至今仍有信心取得足夠提名入閘,強調會戰至最後一兵一卒,將與不少選委和團體會面,包括僱主聯合會、醫生、會計師、工程師、高教界選委。




來源: http://hk.apple.nextmedia.com/news/art/20170124/19907002
建制 狂谷 谷致 選情 一面 葉劉 劉諷 諷林 林鄭 喺度 度都 都入 入到 到閘
PermaLink: https://articles.zkiz.com/?id=323907

淪為林峯人肉佈景版張兆輝變陪襯:企喺度做乜

1 : GS(14)@2017-04-14 11:12:51

出道以來少緋聞

其實張兆輝自出道以來甚少緋聞,婚後育有一子一女的他,大仔張焯鏗(Edison)18歲,細女張卓姿(Twiggy)12歲,正是跟父親漫步海旁的妙齡少女。02年張兆輝離開無綫後從商。14年憑電影《恐怖在線》分別在聖地牙哥獨立電影節及《Accolade Global Film Competition》贏得最佳男主角獎,成為雙料影帝。




來源: http://hk.apple.nextmedia.com/entertainment/art/20170414/19989743
淪為 人肉 佈景 版張 張兆 兆輝 輝變 陪襯 企喺 喺度 度做 做乜
PermaLink: https://articles.zkiz.com/?id=330546

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019