ZKIZ Archives


女生投資周記:逆市盈喜股值得觀察 王雅媛

2009-02-09  OrientalDaily


正 當上市公司紛紛公布盈利警告,掀起一陣盈警潮時,竟然仍然有一間內地的公司停牌發出盈喜,這間公司便是維達國際(03331 )。相信大家對它不會太陌生,因為於超市中都可以買到它的產品,如衞生卷紙及手帕紙等等。還記得去年不少朋友曾經問及此股,當時我的看法是,雖然集團產品 為日常生活用品,不太受全球經濟衰退影響,但是達20 多倍的市盈率實在是過於貴了。因此,我並不太建議朋友買入。

仔細研業務

不 過自從集團公布了盈喜之後,我便有另一種看法。集團於公布中指出,盈利大幅上升的原因是因為木漿價格下跌。據新聞引述公司人員所說,木漿比起去年高位時跌 了50% 。去年初木漿價每噸為600 至700 美元,年中升至700 至800 美元,年底回調至約400 美元。去年第4 季,木漿價開始急跌,跌至每噸400 美元水準以下,不少印尼、巴西供應商其實仍有錢賺。這意味,木漿價仍有下跌空間。

究竟木漿價格下跌對 集團盈利有多少幫助?木漿是維達的主要成本,這個成本佔了營業額的一半。簡單去算一算,如果原本營業額是100 元,而木漿成本佔營業額一半,即是50 元。現在木漿價格跌了一半,即是跌到了25 元。維達08 年上半年的淨利潤息為5% 左右,即是做100 元生意,最後是賺5 元。現在在木漿成本上竟然省了25 元!即使交了17% 的利得稅後,集團最後盈利還是會多了5 倍。現在集團○八年預期市盈率是20 多倍,只要○九年木漿價格維持在400 元以下,以上的情況是有機會出現的,屆時○九年其市盈率將會變成個位數字。

謀定而後動

上星期維達一復牌,股價已經升了不少,再加上我認為一門生意,當然不是那麼容易可以用簡單的算術計出它未來一年的盈利。因此Victoria 打算待它公布了○八年全年業績,有更多資料後,再決定買不買此股。
女生 投資 周記 市盈 喜股 值得 觀察 王雅 雅媛
PermaLink: https://articles.zkiz.com/?id=5844

點搵盈喜股 味皇


http://hk.myblog.yahoo.com/lgaim-foolman/article?mid=3589


不得不承認,味皇是古老石山,我只對工業股之類舊時代產業股票產生興趣,看著產品由生產線一個一個的造出來,看著瓜菜的成長,看著船隊的起航,一分貨一分錢,咁先係實際,而那些保險,證券,服務之類的行業,每日都賺著大錢,但賺錢的來源不是因為有出產,而是製造需求

在這兩類行業中,如果要結出一個總結,就是前者的根本是"物",後者的根本是"人"

物可以簡單地以一加一等於二咁理解,增加產能,增加肥料,增加船隊,就可以成比例地增加產出,投資了多少在有形資產上,就大致知道多幾多利潤

但人不可以咁理解,你出高薪也不一定能養廉,你打廣告人地可以唔睇,你搵人做媒又怕人識穿,你班員工嘴頭唔夠,諸如此類,有幾多利潤是取決於員工是否努力,客戶是否受落等不確定因素,雖然人偶有靈光,但同死物相比人太不可靠了

打個比方,有支舊AK同有把舊刀係你面前,雖然AK威力大,但你唔知會唔會卡彈,會唔會倒後射,相反把刀有冇崩有冇生銹就有眼你睇,所以都係用返把刀就算

今日就是講刀的鑑定,槍我一向都唔係咁在行



刀類公司,只要增加固定資產就能提高利潤,這是常識,但有個前提就是開工率

當開工率未滿時,原有的固定資產夠使用有突,隨著開工率上升,產量亦會上升,利潤亦會上升,如果開工率100%時,利潤會停滯,成長到此為止,如果開工率下跌,你可以估計其產量的上限去判斷景氣好轉的反彈潛力去撈底

當公司的開工率達100%時,公司就有必要購買固定資產,買機器,買商船等,但前提是公司要有現金,我見有很多熱門股,盈利連續提高,工作效率上 升,但冇現金,甚至欠債,此等公司的盈利多數在見頂後會因為冇現金而要儲錢,成長冇左,加上派息低,股價大跌,只有手頭現金充裕的公司才能增加資產,在我 眼中現金多的都是成長股

公司在購入固定資產後,盈利不會立即上升,特別是一些大型投資,用番大航海做例子,向船廠比錢造船,要等幾十日,又要比錢改裝,又要招水手,再要入 第一次貨,在賣出賺錢之前多少都會有個時間差,其間的支出會令現金減少,是否計入損益表見仁見智,但其間的盈利必然令投資者失望

但當新船投入後,盈利立即會大升,因為事先是有需要先要加船,早有準備之下第一批貨總會輕易找到買家,股價自然爆升,因為船隊運力在一段時間內是夠用的,不再需要資本支出,派息也會鬆手,隨著開工率上升,一段期間內會被稱為成長股

因此最好的買入時機是船隻交付到起航之間盈利低迷的日子

作為例証,味皇在此大膽的打個賭,有間做五金的公司的新廠應該今年年底投產,下年盈利有機會變雙倍,估唔中最多面黃啫,此股我有持有中

有時公司的盈利受產品市場價格變化影響,但這是"人"的因素,不是公司本身能控制的,如果價格變化是人為的話,令價格上升而獲利最多的人亦會因為令 價格下跌而獲利,因為當價格變化是單向時人人都有能力得利,反而會不利於少數人的最大利益,所以價格變化的盈利長期來說不太可靠,除非公司本身就是少數人

這只是搵盈喜股的個人心得,靠物的公司多數是周期股,至少在短期內是周期股,如果不是無限金錢,長期成長只能靠人,到底信人心定係信死物,這應該是老巴同佢老師最大的分別
點搵 搵盈 盈喜 喜股 味皇
PermaLink: https://articles.zkiz.com/?id=14361

點評盈喜股

近日股市走勢佳,媒體出現很多看好後市的聲音。筆者不懂猜測恆指上落,主要看個股。除了財務狀況,亦學習進場時設定離場規矩(包括止損和收割),這未必附合長線價值投資者作風,卻可以提高自治權 - 個人對風險和回報預期的控制。長線投資(即投資期以年計算)主要應用基礎分析,而組合的中短線交易,除了基礎因素,亦會考慮其它技術指標。曹Sir 教落要有趁勢的智慧,既然並非與股票談戀愛,若能ride the wave 當然是好事,但要捕捉合適時機確實不容易。上週本欄提及筆者一直嘗試將分析方法系統化,希望電腦強大的運算能力有助統計,並提供回測結果供參考。

記得數星期前,部份公佈半年盈喜的公司,尤其是由主營業務帶動,有實際收益、盈利和現金流的公司,隔日股價錄得大升幅。週二早晨颱風妮坦襲港,全日無市。在此分享近日看到的盈喜通告,於本欄見報日,也許讀者還有足夠時間部署。免責聲明:筆者近來投放較多時間於系統化分析,未及仔細研究亦沒持有下述股票,讀者宜自行深入研究。


截至6月30日的半年業績:

(1) 新城發展(1030):合約銷售約人民幣280.5億(+144%),銷售建築面積269萬平方米(+112%),而物業銷售均價約人民幣10,366/每平米(+15.5%),淨利潤增加41%,而核心盈利增加121%。持有現金112億元,短期借款約40億元,長期借款約185億,而完工待售或在建銷售物業約384億。財務算穩健。

筆者過去兩年不碰內房股,主要擔心負債率高,而且房價飛升也許已成為泡沫。但去年底至今,房價逐步回升,而且不少地產商售出存貨有現金回籠,財務狀況稍為改善。筆者不熟悉新城發展,印象中其它內房股(包括早前分析過的碧桂園(2007))的半年業績亦大多不俗,讀者或可逐一比較,尋找價值被低估的。唯內地房價高企,需提防樓市泡沫,所以內房股未必適宜長線投資。

(2) 利民實業(229):溢利大幅增加約港幣965萬(+104%),主要原因是推出一系列利潤率較高的新產品,以及停止生產負利潤的舊產品。

集團主要生產家用電器,最大海外收益來自美國,其次是日本。現時市值僅約4.56億元,規模極小,但財務穩健 - 截至去年12月31日,持有現金約2.44億,沒有短期或長期負債。可是買賣不活躍,投資人需注意交投流動性的風險。

(3) 巨星集團(2393):集團綜合純利和母公司應佔綜合純利分別增長超過80%和55%。純利大增主要受惠於毛利率的體外診斷產品,以及收購上海安百達集團後將該公司業績計入綜合財務報表。

若細看2015年的全年業績,集團的營運收入和盈利皆錄得60% 和50% 增長,截至去年底持有約5億元現金,短期貸款2.5億元,長期貸款約1.7億元。主要業務是銷售體外診斷產品和醫學影像產品,包括醫用乾式、濕式膠片、齒科膠片、工業無損檢測X 射線膠片等。集團是富士膠片彩色相紙及工業影像產品在中國的唯一加工商及獨家經銷商。若以2016半年業績盈喜觀之,集團的主營業務持續增長,但現價市盈率超過35倍,並不便宜。

Facebook 專頁:www.facebook.com/trendalysis
點評 盈喜 喜股
PermaLink: https://articles.zkiz.com/?id=229311

操盤手札記:大市回調 低吸盈喜股

1 : GS(14)@2016-03-11 00:49:57

香港真係越來越荒謬,民居附近出現泥頭山,當局竟然係叫業主加固,而唔係移走泥頭。舊年9月新學年以來20名學生自殺身亡,唔得掂局長竟然係叫學校、老師、家長加把勁,而唔係檢討教育制度。公立醫院病房爆滿,病人要喺急症室滯留3晚,特首唔去諗辦法解決,反而去諗IFC一帶興建岸邊泳棚,荒謬到令人O嘴!鬚刨頭建築物IFC,係香港作為國際金融中心嘅標誌,好多國際金融機構喺度駐紮,喺度返工嘅,我諗無乜邊個lunch hour夠時間食完晏去游水。畀你真係游20分鐘,維港海水每百毫升含1,702個大腸桿菌,睇怕游完要入醫院,而醫院已經爆滿。有錢起泳棚,不如擴建醫院啦!言歸正傳,講番股市。中國外滙儲備繼續減少、外貿數據差過預期,加上商品價格回吐,拖累港股本周表現,恒指昨收19996,跌15點,已連跌3日。港股上周反彈皆因跌過龍,下一階段反彈,要由有盈利增長嘅實力股帶領。今日焦點係中國2月CPI及PPI,以及歐洲央行議息。



通達放榜有睇頭

踏入業績期,我比較留意盈喜股,近日心水係下周三放榜嘅通達(698)。通達係電子產品外殼一站式服務供應商,日前預告2015年度純利將按年增加35%至40%。按2014年賺5億元計,即2015年約賺7億元,以此推算,市盈率約10倍,相對其他手機及平板電腦零部件生產商如瑞聲(2018)、舜宇(2382)等平均16倍估值,折讓近四成。通達純利大增,皆因營業額及毛利率相應增加,令綜合毛利持續提升。營業額增加主要來自手機業務引入金屬外殼產品,以及其中一位主要客戶貢獻大增。集團手機業務主要客戶包括:華為、中興(763)、聯想(992)、酷派(2369)、TCL通訊(2618)、諾基亞、小米、OPPO等。最大客戶華為管理層預計,今年智能手機出貨量將按年增加三成,又期望3年及5年後市佔率分別超過蘋果及三星,成為全球最大智能手機供應商。小米亦不甘後人,隨即推出旗艦手機「小米5」應戰。客戶有作為,通達生意有支持。此外,通達提出分拆手提電腦及平板電腦外殼製造業務上市,有助釋放價值。睇走勢圖,股價一路守住2013年12月至今長期上升軌底部之上,昨收報1.31元,呈現區域上軌突破利好訊號,可趁低吸納,睇1.5元,穿1.2元止蝕。割柑人本欄逢周四刊出





來源: http://hk.apple.nextmedia.com/financeestate/art/20160310/19522729
操盤 手札 大市 回調 低吸 吸盈 盈喜 喜股
PermaLink: https://articles.zkiz.com/?id=297459

魚樂無窮:兩招尋找盈喜股

1 : GS(14)@2017-01-19 08:06:58

業績好股價升,此乃自然不過的定律,無怪乎盈喜股表現亮麗,好似中升控股(881),消息公佈後升足1蚊,夠膽追貨贏咗九成。點樣發掘到盈喜股?今日教你兩個方法。第一個,向中期已發盈喜嘅股份埋手。除非下半年業績大倒退,或者基數有重大轉變,否則全年再報喜嘅機會高唱入雲,買定等好消息一定沒錯,如果下半年業績有驚喜,升勢必定會更勁。第二個,搵有特殊收益股份,今日推介嘅百盛集團(3368)係其中一個例子。集團去年9月宣佈北京朝陽區物業,總代價23.2億人仔,交易剛於上月底完成,9億人仔特殊收益袋袋平安,相比2015年狂蝕近2億人仔,發盈喜已無懸念。「一次性收益唔長久喎!」係,所以畀多兩個賣點你。第一,扣除銀行借貸後,集團由淨負債轉為淨現金,唔排除有派特別息的機會。第二,最新阿里巴巴私有化銀泰商業(1833),證明百貨股有價有市,百盛大股東持貨逾五成,市賬率只得0.5倍,無論從私有化抑或併購角度出發,都係肥豬肉一件。以上是旦一個好消息出現,爆炸性可以大到你唔信。唐牛
http://www.fb.com/tongcow88本欄逢周二、四刊出




來源: http://hk.apple.nextmedia.com/financeestate/art/20170119/19901294
魚樂 無窮 兩招 尋找 盈喜 喜股
PermaLink: https://articles.zkiz.com/?id=323192

魚樂無窮:蔗渣價錢盈喜股

1 : GS(14)@2017-06-10 13:07:53

森信紙業(731)日前報喜,預計截至今年3月底止全年盈利,增幅將不少於七成。嗱嗱聲拎部計數機出嚟撳,上年度盈利4,668萬銀,即今年起碼賺7,936萬銀,又今年中期盈利2,771萬銀,即下半年盈利達5,165萬銀,較上半年狂彈86%。業績靚爆鏡,原因係乜?公司表示,受惠紙品業務下半年錄得可觀增長及零售業務虧損減少,理由非常紥實,絕無水份!「盈喜後衝咗上去喇喎,仲買得?」繼續用數字說服你︰森信紙業預測市盈率7倍,比起同業玖紙(2689)及理文造紙(2314)平均9倍平一截,森信卻有re-rate空間;每股NAV高達1.49元,與現價0.48元比較,市賬率只得0.3倍,變相三折大平賣;最新市值5.5億銀,連殼價都未夠,眼前卻是一盤正在turnaround嘅生意,八個字總結︰蔗渣價錢燒鵝味道。森信大股東岑氏家族持股74.5%,CCASS首十大券商持股九成,從兩個角度出發,均反映貨源極度歸邊,集團將於月底公佈業績,呢段期間齋炒憧憬,結果肯定超乎你想像!唐牛
http://www.fb.com/tongcow88本欄逢周二、四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170608/20048004
魚樂 無窮 蔗渣 價錢 盈喜 喜股
PermaLink: https://articles.zkiz.com/?id=334922

操盤手札記:盈喜股高追蝕章

1 : GS(14)@2017-07-29 03:21:59

終於見到27000!恒指朝早衝上27007,但屠熊開餐後掉頭,收26941,升88點。闊別兩年嘅27000關,係2015年6月下跌裂口阻力,初試破關遇阻回調,屬於正常套利操作,並唔代表大市轉弱。期指結算在即,好友已連贏6個月,今個月贏多鋪冇走雞,挾死淡友之餘,後市有力再上。港股連日創兩年新高,不過越係升市,越要有戒心,要留意上市公司業績係咪配合。重磅股友邦(1299)、滙控(005),分別會喺本周五、下周一放榜。業績當前,大批公司發盈喜,過去一個月,有112間,當中26間預告中期多賺超過一倍,不過,唔係隻隻盈喜股都升,中煤(1898)就畀「摩笛」吹跌。追盈喜股前,記緊留意市場睇法。揀股向來要睇盈利、派息等,揀有業績或盈喜支持嘅股份始終係王道。盈喜股通常消息一出即炒高,炒一陣又回調,所以冇貨唔緊要,可趁回吐吸納。上述26隻倍賺盈喜股,包括吉利(175)、舜宇(2382)等強勢股,不妨候低吸納,例如高位調整一成。港股連續21周錄得資金淨流入,北水一直掃貨。睇近期滬深港通資金流向,大戶正在收緊A+H股差價,部份內銀、內險A股出現淨賣出,相關H股則出現淨買入。北水已成為港股主流動力,冇被納入滬深港通範圍嘅股份,變晒蜑家雞。喺倍賺盈喜股中,兼俱A+H股及滬深港通概念嘅有5隻,包括中石油(857)、海螺水泥(914)、中煤、濰柴(2338)、新華製藥(719),當中3隻嘅A股更喺「入摩」名單上,就係中石油、海螺、濰柴,我嘅心水係預告中期多賺90%至110%嘅海螺。內地水泥價格由舊年3月起低位反彈,皆因基建投資及房地產投資回升,為水泥帶嚟穩定需求。多隻水泥股已先後發盈喜,包括華潤水泥(1313)、西部水泥(2233)、中材(1893)、台泥(1136)、亞洲水泥(743)等。海螺作為行業龍頭,自然睇高一線。該股現價28.25元,走勢上,呈現區域突破利好訊號。



割柑人本欄逢周四刊出




來源: http://hk.apple.nextmedia.com/financeestate/art/20170727/20102419
操盤 手札 盈喜 喜股 股高 高追 追蝕 蝕章
PermaLink: https://articles.zkiz.com/?id=338870

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019