ZKIZ Archives


中環在線:利豐搵唐唐堂弟入局 李華華


2009-02-04  AppleDaily


 

近期負面新聞纏身嘅利豐(494),噚日宣佈,搵咗唐裕年做獨立非執行董事,董事袍金每年盛惠17萬港銀。大家或者會問,唐裕年係乜水?最直接嘅答法,之唔係當今政務司司長唐英年嘅遠房堂細佬囉!間接啲嘅講法,就係同利豐主席馮國經再續前緣。

出任獨立非執董

實 情為人低調,年屆59嘅唐裕年,背景大有來頭,佢係南海紗廠唐炳源之孫、唐驥千之子,三代都係喺美國麻省理工(MIT)畢業。唐裕年畢業後,曾經喺花旗國 嘅美國銀行打工,之後返家族企業幫手,到咗80年代中期,就拍住馮國經同埋梁家鏘,創立創業基金投資公司Techno Ventures。後來,唐裕年轉職去獵頭公司Spencer Stuart,仲做埋亞洲區掌舵人,呢家美國公司專門為高級行政人員職位揀蟀,思捷(330)副主席鄭明訓同埋港鐵(066)主席錢果豐,都曾經喺度打 工。今次俾老友邀請做獨董,唔知退而不休嘅唐裕年,會提供乜嘢寶貴意見,幫利豐化解近排嘅不利新聞呢?
中環 在線 利豐 搵唐 唐唐 堂弟 入局 華華
PermaLink: https://articles.zkiz.com/?id=5578

中環在線:唐唐細妹唔裁員撐政府 李華華


2009-02-26  AppleDaily





 

政 務司司長唐英年細佬唐慶年揸弗嘅美維控股(3313),舊年裁員兼減薪,俾尊貴嘅議員狠批有錢賺都咁刻薄。噚日唐唐個妹、美維副主席唐英敏主持業績記者 會,為裁減咗近百名本港員工解畫,話全因間積層板廠房喺上世紀80年代起嘅,設備太殘舊,冇辦法之下惟有併入大埔廠房,o依家本港員工得番600人左右, 冇諗住再裁人咁話。咁又係,唐唐最近密密走出嚟叫企業要有良心,保住員工飯碗,如果美維仲喺呢個風頭火勢cut人,唐唐乜面都冇晒啦!所以美維舊年全體董 事減薪一成,慳番二百幾萬,至少肯擺個姿態同員工共度時艱。

不嬲請展翅學生

適逢噚日財政預算案公佈,唐英敏話,自己全日開董事會會議,仲未有時間留意細節。至於美維會唔會響應用公帑津貼企業聘請大學生實習,就要了解吓先,之但係佢話,公司不嬲都有請展翅計劃學生喎!
 



中環 在線 唐唐 唐細 細妹 妹唔 裁員 政府 華華
PermaLink: https://articles.zkiz.com/?id=6213

唐唐識揀時辰 左丁山


2011-8-2  AD




 

三位疑是特首候選人之一,唐英年之時辰八字居然見報(「蘋果」,七月二十二日),不知是否可信,但既然講到似層層,我地又冇甚麼證據話此八字係偽作,唯有信住先。

據 講唐英年生於一九五二年九月六日辰時(早上七至九時),於是八字就係壬辰年戊申月乙卯日庚辰時,農曆生日係七月十八。向八卦邱請教此命盤好在邊度,唐英年 出生至今,從未吃過苦,得父母庇蔭甚多,既已出身富豪之家,做官已做過議員、局長、司長,以傳統講法,就係既富且貴,應該係好命到極嘅啦。

八 卦邱話此命涉及特首競選,茲事體大,不想多談,以免出錯有差池,誤導他人就唔好啦,不過佢叫左丁山翻閱「窮通寶鑑」,可知一二喎。哦,翻閱書本無妨,拿出 「窮通寶鑑」去到秋乙篇,有分析七月乙木之命,書云:「七月(乙木)喜己土為用……己為卑濕之土,培植乙木之根,晦火存金,反生乙木,調劑中和,最為巧 妙;有己土,則乙木之根固,方能有所樹立,故己土為不可少也。」

睇番唐唐命盤,戊土為陽土,辰屬陽土,內藏戊乙癸,亦無己土,申屬陽金,內 藏庚、壬、戊,並無己土。咁睇法,唐唐咪差少少,根基不固?哦,再睇落去,有玄機,書云:「或生辰時,此為從化,反主富貴,凡化合格,皆以所生之神為用, 化金者,戊為用神,特忌丙丁鍛煉破格。從化者,以火為妻,土為子。」化金即係話「乙庚化金」,逢乙木日而生於辰時,必為庚辰時,故此乙庚相合化金,講得通 俗啲,胎兒識在辰時出生,走出母腹也。一九五二年嗰陣,仲未有剖腹取子呢回事啩?唐唐命盤貴在生於辰時,四柱有戊為用神,而四柱啱啱無火,合晒波路,即使 無己土亦無相干,於是向八卦邱匯報閱讀所得,八卦邱微微笑話:「確係富貴命,只係驚佢無己土,根基難固啫!」唉,小小缺點,當作激勵啦,人總難十全十美 嘅。


唐唐 唐識 識揀 時辰 左丁 丁山
PermaLink: https://articles.zkiz.com/?id=26762

有唐唐無平樓 地產霸權放心

1 : GS(14)@2011-10-09 12:01:49

http://hk.apple.nextmedia.com/te ... 307&art_id=15687396



呢份野有甚麼問題? 稍後再講...

8大地產商在港交稅少

去年度 8大地產商稅前利潤高達 2162億元,如以本地實際利得稅稅率 16.5%計算,應該有 356億元,最終數目與繳交有甚大差距,關鍵是地產商已經將業務重心北移,最好例子是恒隆地產( 101),去年度共繳交 10億元稅,真正落政府袋的只有 25%約 2.6億元。相反,內地現時利得稅率 25%,連同要繳納土地增值稅,本地大孖沙明顯豪畀阿爺,超過一半稅項上繳中央,喺香港則佔盡便宜。
2 : superkkw(6672)@2011-10-09 15:41:12

香港交16.5,大陸交25%
喺香港則佔盡便宜??
要佔盡便宜唔係應該響香港交稅咩?(唔計稅務優惠,個個省都唔同)
3 : GS(14)@2011-10-09 15:44:20

我無想到這一點
4 : idsdown(1658)@2011-10-09 17:00:08

本地大孖沙明顯豪畀阿爺,超過一半稅項上繳中央,喺香港則佔盡便宜。
==============================================================

抽水味道甚濃

試問沙士後, 阿爺豪左幾多俾香港. 真係國內人都睇唔過眼, 當然, 呢個同無能特區高官極度相關. 咪話我抽正苦水.
5 : 八旗子弟(15368)@2011-10-09 17:28:35

有没有阿爺公司每年在香港上市集資金額資料?
6 : GS(14)@2011-10-09 21:13:34

http://www.hkex.com.hk/chi/stat/statrpt/factbook/factbook_c.htm
自己慢慢揭啦
有唐 唐唐 唐無 無平 平樓 地產 霸權 放心
PermaLink: https://articles.zkiz.com/?id=276215

金融人語:馬會桑拿評唐唐婚外情

1 : GS(14)@2011-10-12 22:44:53

http://hk.apple.nextmedia.com/te ... 307&art_id=15696759
講到去滾或搞婚外情,馬會桑拿獅子山下一代算是權威,唐唐婚外情風波,自然成為桑拿房近日熱門話題。獅子山下一代雖然為人貪威識食,沒半滴氣質,除咗馬經,一年睇唔到一本書,但對男女關係卻有着頂天立地的男子氣概。馬會桑拿房對唐唐婚外情風波的看法一致:唐唐的所為是男人之中最卑劣。

為了仕途拖人落水

馬會桑拿房的分析是,婚外情是一段男女雙方發生的不正常關係,在婚姻以外與異性秘密地發生感情,雙方明白遊戲規則,接受了很可能沒結果。當這段婚外情終結,這段歷史是男女雙方之間的一個秘密。女方今日可能已嫁作人婦,有幸福家庭,或繼續開心的過單身生活,無論如何這段婚外情是過去式,無必要也不想提起。婚外情有一個 Code,是 Code Of Silence,當情逝了,大家各自各生活,互不相干。
唐唐部署競選特首,是他自己的事,為何要把其他人拖落水?甚麼自我引爆,甚麼坦白從寬,全部是關乎唐唐一個人的事。他在未經過女方的同意下,把這段秘密在 700萬人面前公開,一切是為了自己的仕途,這是男人應有的所為嗎?婚外情中,男人也應該清楚遊戲規則。
好彩桑拿房充滿蒸氣,其他人不為意我感動到眼濕濕。桑拿友說得太好了,唐唐為了自己,出賣牽涉他人的關係,枉為男人。假如你是唐唐婚外情女主角,想到傳媒無孔不入的威力,你今晚會瞓得好嗎?
2 : Sunny^_^(11601)@2011-10-12 23:12:01

比我係佢既女人,我會出賣佢先
3 : Sunny^_^(11601)@2011-10-12 23:12:33

同電視/報紙講做專訪.不過收錢
4 : 龍生(798)@2011-10-13 00:58:48

我第一次想讚你....

你個諗法真係幾好

袁沙央妮與其俾人不斷唱衰, 反正又出左名

不如主動回應事件, 你做初一我做十五

睇下邊個玩得起lor, 當然, 咁搞法, 佢仕途會無晒....
5 : Wilbur(1931)@2011-10-13 13:43:04

4樓提及
我第一次想讚你....

你個諗法真係幾好

袁沙央妮smiley 與其俾人不斷唱衰, 反正又出左名

不如主動回應事件, 你做初一我做十五

睇下邊個玩得起lor, 當然, 咁搞法, 佢仕途會無晒....


佢就想!
6 : Sunny^_^(11601)@2011-10-13 17:12:20

4樓提及
我第一次想讚你....

你個諗法真係幾好

袁沙央妮與其俾人不斷唱衰, 反正又出左名

不如主動回應事件, 你做初一我做十五

睇下邊個玩得起lor, 當然, 咁搞法, 佢仕途會無晒....


而家...都冇左啦
金融 人語 馬會 桑拿 評唐 唐唐 婚外情 婚外
PermaLink: https://articles.zkiz.com/?id=276254

講膠所手記:唐唐啟示錄

1 : GS(14)@2012-03-10 12:16:40

http://www.sharpdaily.hk/article/index/15307/20120309/64722
特首選戰風起雲湧,最新進展,除咗開始有社團人物出現,更大突破係唐唐噚日終有郁到香港經濟嘅言論,仲係即講即郁,突然間市場中人覺得唐唐又唔一定輸硬喎!
是咁的,噚日唐唐接受《華爾街日報》訪問,話如果佢跑出做咗特首,佢就會對調整港元兌美元嘅交易區間持開放態度(即係港元可以擴闊波幅)。不過,佢重申,港元係有必要保持同美元掛鈎嘅;佢仲話,聯繫滙率已經服務咗香港近三十年,香港已經獲得咗肯定,好多香港出口商都獲得咗利益,所以唔使考慮滙兌風險。
咪以為唐唐又豬噏喎,下晝四點九,外電彈呢單新聞出嚟,港元即刻急彈,市場中人似乎係炒港元升值,中環一帶仲話應該係有所啟示,無他嘅,唐唐堅係做過財爺,加埋金管局前莊主「白頭任」幫佢助選,關於經濟政策嘅嘢,應該唔堅唔講。咁都好啲,堂堂選特首,講啲嘢有深度,同香港前途有關嘅嘢,先至有建設性、先至似樣㗎嘛!難道要大家日日估佢有幾多個私生仔女咩!

YY
講膠 膠所 手記 唐唐 啟示錄 啟示
PermaLink: https://articles.zkiz.com/?id=278195

林建岳唐唐合資開中菜館

1 : GS(14)@2016-07-08 08:07:27

【明報專訊】旅發局主席林建岳出名識飲識食,旗下有近20間餐廳,而佢間中菜餐廳唐人館噚日就喺尖沙嘴海港城正式開幕,岳少話,佢嚟緊仲有間意大利餐廳Operetta,8月中就會喺金鐘太古廣場開幕,佢份人食嘢最唔開心就係訂唔到位,而家旗下咁多間餐廳,捧返自己場就唔怕book唔到枱啦!

唐人館噚日開幕仲有好多城中名人到場支持,其中,全國政協常委唐英年都有到場。岳少透露,原來唐唐都有份投資,不過就冇講具體投資比例。

岳少話,而家個市雖然唔多掂,消費力亦下滑,不過,只要餐廳質素保持水準,啲客一定會返嚟,所以佢自己亦時不時同大廚傾吓有咩新菜式,自己又有得試食,不知幾開心。每次講起餐廳嘅菜色,岳少都講到眉飛色舞,佢話,餐廳雖然唔係佢主業,不過係一個好好嘅嗜好,能夠將嗜好融入工作,係一件好快樂嘅事。

email: piano@mingpao.com

[小琴密語]


來源: http://www.mpfinance.com/fin/dai ... 4412&issue=20160708
林建 嶽唐 唐唐 合資 開中 菜館
PermaLink: https://articles.zkiz.com/?id=302789

張國榮冥壽唐唐懷念

1 : GS(14)@2016-09-06 04:42:19

張國榮(哥哥)下周一60歲冥壽,哥哥生前摯愛唐鶴德(唐唐)念念不忘,日前在美國看到跟哥哥英文名同名的「LESLIE GALLERY」,即影相貼在社交網並留言:「在美國看到的!」獲網友大讚是真愛。唱片公司將推出《哥哥的歌》3CD悼念,收錄了哥哥未曝光的《飛機師的風衣》、《冰山大火》和《千山萬水》,《飛》是張學友86年的舊歌,有網民表示:「有一種某人(哥哥)唱了demo的感覺,相比之下張學友正式發行的歌詞,更完整更流暢,但是某人的聲音好聽哭了!動情又動人!」此外,陳淑芬成立的哥迷會前日在上海舉行紀念活動,展出了哥哥的歌衫,古巨基亦演繹哥哥的金曲致敬。撰文:皓騫




來源: http://hk.apple.nextmedia.com/entertainment/art/20160905/19759927
張國榮 張國 冥壽 唐唐 懷念
PermaLink: https://articles.zkiz.com/?id=307653

57歲唐唐爆肌打羽毛球
除衫場邊唞涼

1 : GS(14)@2016-09-13 08:04:21

■日前唐唐打羽毛球至滿身大汗,率性地除衫唞涼。讀者提供圖片



【爆相爆片】昨日是一代巨星張國榮(哥哥)的60歲冥壽,雖然哥哥離開了13年,但哥迷和生前摯愛唐鶴德(唐唐)都忘不了哥哥。唐唐於前晚11時許,在社交網貼煙花短片並留言:「有你們,他比煙花燦爛!」



■哥哥生前常跟唐唐打羽毛球,雖然哥哥走了,但唐唐的興趣不變。讀者提供圖片

52蚊兩個鐘

哥哥生前跟唐唐共同度過18年歲月,自從哥哥走了之後,唐唐至今依然是孤家寡人,沒有人代替哥哥在他心中的地位。日前讀者何先生透過「爆相爆片」報料,於上月中在西灣河港島東市政體育館,見到唐唐跟一名中年女人打羽毛球,打了兩小時後,滿身汗水的唐唐除衫裸露上身,57歲的他率性晒胸肌身形甚弗,型到爆。何先生說:「唐唐打到成身汗,跟住就除衫休息,佢身形都幾弗,精神亦幾好,同埋幾好笑容。其實個場只係26蚊打一個鐘,屬於平民價,估唔到喺度會見到佢!」




來源: http://hk.apple.nextmedia.com/entertainment/art/20160913/19769564
57 歲唐 唐唐 唐爆 爆肌 肌打 羽毛球 羽毛 br 除衫 場邊
PermaLink: https://articles.zkiz.com/?id=308908

哥哥契媽病逝唐唐送別

1 : GS(14)@2016-12-28 08:12:23

哥哥張國榮生前深得朋友愛錫,包括契媽張玉麟夫人譚愛蓮。原來她於10月30日在律敦治醫院病逝,享年82歲。其家人月前刊登訃文,通告親友張玉麟夫人於上月17日在香港殯儀館設靈,18日出殯,遺體移奉歌連臣角火葬場火化。



據知哥哥生前最愛的唐鶴德(唐唐)、林青霞、白雪仙、陳淑芬及蘇施黃等也有到靈堂鞠躬送別。契媽的丈夫張玉麟是富商張祝珊三子,擔任過多間公司會長和東華三院主席,直至1979年病逝。至於張玉麟夫人譚愛蓮亦熱心社會公益,先後於1968年和1986年被委任為太平紳士和獲MBE勳銜。記者昨日曾聯絡蘇施黃,但未有回覆。採訪:魯吉


哥哥張國榮

■哥哥契媽上月中設靈,唐唐曾到靈堂致祭。資料圖片



來源: http://hk.apple.nextmedia.com/entertainment/art/20161228/19878605
哥哥 契媽 病逝 唐唐 送別
PermaLink: https://articles.zkiz.com/?id=320355

【轉戰食界】幕後老闆係唐唐?伙拍唐人館前總廚開中菜廳

1 : GS(14)@2016-12-31 01:10:18

中環新中菜廳「中華匯館」的幕後老闆,可能是他?



中環最近多了一間中菜廳,以為跟同區的差不多,但有傳背後老闆是前政務司司長唐英年。唐唐一向識飲識食,能合作的大廚當然亦來頭不少,餐廳總廚周卓雲師傅雖然貌似年輕,但其實擁有38年烹飪經驗,曾於中環唐人館任廚,以及在恒生博愛堂跟隨江太史家廚李才的後人李煜霖師傅學藝。他遵照最傳統的烹調技藝及竅門炮製菜式,當然少不了太史五蛇羹,亦有手工菜如八寶鴨,同時又推出較創新的菜式,好像蟹粉水晶球及西施牛尾等。他說:「我們的新派菜亦有傳統的精髓在,不會簡化這樣、簡化那樣,亦會樂於運用外國食材,令菜式變化得更豐富好味。」中菜廳酒藏亦非常豐富,雖然暫時未有酒牌,但記者率先預覽過酒單,超過140款香檳及紅白酒,紅酒多數產自法國,不乏名釀,貴賓房更見只展出不販賣的輕井沢威士忌,如此看來,老闆無論是否唐唐,都肯定是嗜酒之人了!

懷舊八寶鴨$580依照最傳統做法,釀入的「八寶餡」以鹹蛋黃為主角,貪其味道清而鮮,讓整體味道更平衡。

鹿兒島茶美豚叉燒$280叉燒已經不滿足於用西班牙黑毛豬,而是用上鹿兒島茶美豚,配合傳統豉味叉燒做法,入口更加鬆化而入味。


蟹粉水晶球$220/位用了綿身的生粉皮包住一至一両半紅蟹肉,伴在自家大閘蟹蟹粉中,鮮味非常濃。

西施牛尾$180/位用美國穀飼牛加西芹、紅蘿蔔、意大利番茄,還有紅棗、圓肉、八角等等,中西合璧。

香檳石榴粿$58蟹肉、帶子及蝦仁先以白酒炒香,再拌入香檳提鮮,最後包成粉紅的石榴般的造型,精緻可愛。


周卓雲師傅擁有38年烹飪經驗,曾經跟隨江太史家廚李才的後人李煜霖師傅學藝,功架一流。

中華匯館地址:香港中環士丹利街13號地舖平均消費:午巿每位約$400、晚巿每位$800以上記者︰黃穎妮攝影︰陳健邦、伍慶泉




來源: http://hk.apple.nextmedia.com/su ... t/20161230/19880939
轉戰 食界 幕後 老闆 係唐 唐唐 夥拍 唐人 館前 前總 總廚 廚開 開中 中菜 菜廳
PermaLink: https://articles.zkiz.com/?id=320705

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019