ZKIZ Archives


飽受愛將摧殘唏噓扯煙何哲圖單拖蒲旺角

1 : GS(14)@2017-04-15 23:27:54

■吳若希昨日在fb上載日前到公司探老闆何哲圖的合照,為對方解畫。



【爆相爆片】鄭俊弘備受星夢娛樂力捧,近日因搭上何雁詩而狠撇未婚妻導致形象插水。身為二人唱片公司老闆的何哲圖,早前已因吳若希未婚大肚要暫別娛樂圈,而被一鑊蹺起,加上鄭俊弘疑似劈腿,被封世紀賤男,何哲圖自然更頭痕,又難怪日前被目睹在街上憔悴煲煙。



■何哲圖日前被發現在旺角街頭憔悴煲煙。讀者提供圖片

讀者Karen向本報「爆相爆片」報料,指日前在旺角發現何哲圖一個人欷歔遊旺角。Karen日前說:「佢拎住個環保袋喺信和行出嚟,個樣好憔悴,之後行咗去隔籬馬會,出嚟嗰陣見佢邊行邊望住馬路,但又唔係想截車,唔知佢想點。」Karen指當時何哲圖在街上企足兩分鐘後,便過對面馬路站在垃圾桶旁煲煙,Karen說:「佢好似好唔自在咁,扯咗兩啖就急急腳走人。」採訪:浩洋




來源: http://hk.apple.nextmedia.com/entertainment/art/20170415/19990546
飽受 愛將 摧殘 唏噓 扯煙 煙何 何哲 哲圖 圖單 單拖 拖蒲 旺角
PermaLink: https://articles.zkiz.com/?id=330647

老闆何哲圖好欷歔吳若希自首:係我衰

1 : GS(14)@2017-04-15 23:27:54

對於老闆憔悴煲煙,下月生女的吳若希昨日在facebook為老闆解畫:「係我衰,係我嗰日返公司探老闆,又同老闆食咗個好豐盛嘅tea,呃吹水吹到7點幾,搞到老闆遲收工截唔到的士。」吳若希更指「我老闆張檯有啲亂」、「其實何生成日都喺旺角」、「次次都落街煲煙上的士」。




來源: http://hk.apple.nextmedia.com/entertainment/art/20170415/19990671
老闆 何哲 哲圖 圖好 好欷 欷歔 歔吳 吳若 若希 自首 係我 我衰
PermaLink: https://articles.zkiz.com/?id=330648

旗下歌手為拍拖輪住講大話何哲圖超尷尬

1 : GS(14)@2017-04-15 23:27:55

何哲圖擔任唱片公司高層好多年,一手捧紅過嘅藝人都唔少。佢除咗係歌手伯樂,好可能仲係月老,因為俾佢睇中嘅歌星,都喺瞞住何哲圖下請一排假,就即刻搵到好姻緣。鍾嘉欣大台當年同四大唱片因為版權問題鬧翻,劇集主題曲搵番大台演員自己唱,嘉欣由08年加入星娛樂開始,到公司改組成星夢娛樂,都得到何哲圖寵愛。不過嘉欣15年底結婚、再於16年生女,何哲圖都只係知對方請假,而為乜請假就唔知情。沉醉於家庭生活嘅嘉欣,日前就獲老公舉行驚喜生日會,非常幸福。吳若希講完鍾嘉欣,就一定要提埋吳若希。兩人同時獲星夢娛樂力捧,吳若希仲試過被《蘋果》發現同何哲圖喺尖沙嘴開餐。當鍾嘉欣選擇結婚,吳若希理應坐正一姐,不過吳若希喺去年中放風話要休息一段時間。直到吳若希有喜3個月,先打電話通知何哲圖,再一次被旗下女藝人蒙在鼓裡。鄭俊弘最經典嘅,一定係上星期宣佈拍拖嘅鄭俊弘同何雁詩。鄭俊弘先喺上星期三,在何哲圖陪同下,喺電視節目訪問到話冇一腳搭兩船,何哲圖仲代答「佢哋只係朋友嘅關係」。點知過咗一日,鄭俊弘同何雁詩喺機場滿面幸福咁拖手認拍拖,為咗低調保護愛苗,出此下策連老闆都呃埋。




來源: http://hk.apple.nextmedia.com/entertainment/art/20170415/19990657
旗下 歌手 為拍 拖輪 住講 大話 何哲 哲圖 圖超 尷尬
PermaLink: https://articles.zkiz.com/?id=330649

後生嗰陣係Rock友何哲圖由廟街Sales做到CEO

1 : GS(14)@2017-04-15 23:27:55

提起何哲圖呢個名,大家都會諗起星夢老闆,佢英文名叫Herman,當年亦都係唔少樂壇頒獎禮出現嘅常客,因此佢除咗係星夢老闆,仲做過幾大唱片公司高層,又係無綫高層余詠珊老公,佢亦係80年代嘅著名DJ,當年嘅佢原來搖滾狂迷。
Herman曾經接受訪問時講過喺年輕時喺男拔高材生,升讀中六學校安排佢入精英班兼做管弦樂團領袖,不過佢冇興趣,仲隻身飛到英國為「聽音樂」,佢話:「我鍾意Rock,覺得香港冇嘢聽,決定去英國聽歌。」佢亦係去到當地先至搵學校,當時Herman住喺遠離倫敦嘅埠仔,為咗睇音樂演出,就算佢扭傷膝頭行唔到,都照搵同學抬上火車,去倫敦聽表演。Herman仲話自己個性放縱、仲曾經醉生夢死過。不過佢就讀社會學及心理學嗰陣,學位未完成因為家庭經濟出問題,所以返咗香港,喺廟街唱片店做Sales,仲有part-time寫樂評。冇耐仲畀無綫睇中,做音樂節目資料搜集,佢話自己專攝位播偏鋒音樂MV,喺80年代中,佢仲被邀請去唱片公司打造中文歌手,喺幾間大唱片公司做過高層,幾位天后葉蒨文、林憶蓮、彭羚佢都有份參與創造佢哋嘅音樂路。
Herman喺1998年試過退休,不過有日行過HMV,又決定回到樂壇,佢話:「暢銷榜上頭兩名係麥兜,我覺得好慘,唱片業再做不出音樂咩?所以即刻有衝動入返呢行。我想話俾大家聽,音樂可以幾感人,趁我仲有用。最好所有人都唔好退休,齊齊貢獻音樂圈。




來源: http://hk.apple.nextmedia.com/entertainment/art/20170415/19990659
後生 陣係 Rock 友何 何哲 哲圖 圖由 廟街 Sales 做到 CEO
PermaLink: https://articles.zkiz.com/?id=330650


ZKIZ Archives @ 2019