ZKIZ Archives


有人有咁的煩惱

1 : GS(14)@2011-09-29 13:00:20

因 RF 有 Chat,所以被強國一測到就封了小弟,現在只開一個專欄,唔到 chat 的畫面就無事


用自由門
2 : 拔刺者(4132)@2011-09-29 17:43:11

佢都好。我一在國內,根本就上不了這裡
3 : GS(14)@2011-09-29 17:43:34

裝個自由門就得
4 : GS(14)@2011-09-29 17:43:59

http://www.dongtaiwang.com/loc/download.php
有人 有咁 咁的 煩惱
PermaLink: https://articles.zkiz.com/?id=276103

是咁的 這個肥佬叫林雪

1 : GS(14)@2015-06-17 14:28:17

2015-06-10 EW




香港人都知道這個肥佬叫林雪。

雖然名字和外形,是完完全全極致地不協調。林雪,應該是長髮飄飄、氣質獨特,恍如周慧敏般的玉女才對嘛。

這天訪問,為宣傳監獄新戲,本應要扮到惡型惡相,但他竟然着件熊本熊tee扮cute。「本身個人樣衰,着件可愛少少嘅衫,出街就算畀人鬧,都可能冇鬧得咁甘吖嘛!哈哈哈!」原名林捷的他生於天津,普通話「捷」和「賊」的發音很似,名副其實是「林賊」,因此要改名。

「爸爸喜歡《林海雪原》這本小說,我性格容易煩躁,他希望我像東北的白雪一樣安安靜靜、白雪無瑕。」從此由賊變雪,雖然電影中的他還是常常做賊,就算不是監犯,也是地道到爆的香港市井小人物,最入型入格的,始終還是豬肉佬或小巴司機。

十九歲入電影行,從場務到做咖喱啡,再到金像獎最佳男配角提名,近兩年轉戰國內,電影、劇集長拍長有,演員路行得頗順利。「我係好好運,好運到不得了,由最低做起做到??家,唔係好運到不得了,點可能發生?」但更重要的是:「我對朋友掏心掏肺,屎忽生咗粒暗瘡我都會講,出外靠朋友嘛!做人就係千祈唔好害朋友,做呢種事衰一世㗎!」完全顯示出仗義每多豬肉佬的氣概。

其實,做肥佬做到林雪咁,也算是不錯了吧!

熱血電影心

嚴格來說,林雪其實已離開了香港差不多整整兩年,一直在國內搵食。「一年三百六十五日,有三百日都在國內開工,主要在北京,淨係今年已經拍了三部戲,都是國內的。」不過,林雪一有時間就回港拍港產片,皆因他一直都自認是香港人。「雖然我十五歲至來香港,但我人生得到的所有嘢,包括電影事業都是香港給我的,有港產片拍,我一定支持。」這次拍《壹獄壹世界》也是如此,林雪本來正在河北省開工,剛巧有幾日空檔,於是搭了廿多個鐘頭巴士再轉飛機回港,就為了回來開一日工。

「咁辛苦都要返,自己地方拍戲,點都要支持,而且拍得好順利,所有合作的都是老朋友,個個都一齊拍戲幾十年,本來預算係拍幾日,不過一日就搞掂。」林雪非常香港人,是演繹地道市井小人物的高手,但他其實也深明國內文化,在天津出生讀到小學畢業,移居香港前完全不懂廣東話。

「我普通話流利,亦明白國內文化,所以北上搵食算容易。」他口中也不時自動講出,一些只有在國內講過書才說得出的標語口號:「演戲是從人民對生活的美好願望,從而達成人們對追求美善的目標。」(講真我完全唔明佢講乜)雖然地盤早已北移,不過林雪對港產片卻仍有他的一番見解。「香港同國內文化根本唔同,其實好難溝得埋。拍電影最好就香港還香港,國內還國內,大家都投入唔到對方,講句笑互相都唔識笑,拍嚟做乜?有些情節就得國內人來拍,香港人就覺老土,到就返香港人,國內人又睇唔明,而且兩地文化唔同就係唔同,亦冇可能一下子就可以合而為一,電影就是要了解當地文化,活在當地,否則根本不能成功。

「香港電影圈要有新人出來,永遠都係那一批舊人,一成功就次次食老本,當然好難有新意,年輕人有魄力,有創意願意改變,拍電影誠意好重要。」談電影,林雪確實可以滔滔不絕如滾滾長江,始終充滿熱血,林雪還打趣說:「所以有時我都覺得自己有點精神分裂,投入角色到忘記自己。」

五十歲細路

看林雪的樣子外貌,可能會認為他年紀不輕,或者是因為他十多年來,都是飾演那些中年麻甩佬,但其實他才剛剛五十歲。

「五十歲應該知天命,但我自問自己做人都好似未開竅,平日就當正自己得五歲,我做人原則就是要吸收得快、忘記得快和保持好奇心。」心境年輕,可是身體狀況卻不太樂觀。

「二百五十幾磅,其實又唔算真係好肥,不過健康好差。舊年睇醫生,話我個肺只得三、四成功能,心臟三條血管塞咗兩條,通波仔之後兩條血管有六個支架,行一層樓梯都唔係好得,心跳通常維持一百六十,試過有次去到機場跳到二百幾,爭少少就暈低。」十九歲開始拍電影,三十幾年都係做呢行,養成了電影人的一些壞習慣。「三餐不定,無煙不歡。有時心諗食少支煙啦!卒之又成包食晒!飲少啲啦!最後又成支紅酒飲晒!唔通要我轉行返朝九晚五咩?唔好玩啦!煙戒唔到,酒又照飲,改唔到,行一步算一步啦!」不過,林雪亦直言:「我知所有事都係藉口。」其實太太和仔女,每次見到他都會勸告:「食少支煙、瞓多啲覺。」「但我成年冇返屋企住,返到去仔女都唔習慣,可能我老婆開始習慣了不需要這個男人,仔女又習慣了不需要這個老竇吧!」「同仔女見面少當然唔好,但呢幾年我都想盡量工作,最少供到兩個細路大學畢業,個女話想去外國讀大學,我一定供。自己就是因為讀書少,所以要自己花時間,浪費人生寶貴青春去實踐至明白,希望仔女唔會好似我一樣啦!」聽落,我感覺到一份肥佬的辛酸與欷歔。

過去由它去

關於林雪,當然還要講杜琪峯,基本上林雪就是由杜Sir一手帶入行,並由幕後變幕前。

「他像我爸爸,知道我所有性格,角色都會特登造畀我。近幾年在大陸工作多,有時會懶了,但一開他的戲就不成,要打醒十二分精神,可以執正番。」跟了杜琪峯這麼多年,林雪也說笑:「拍『爸爸』的戲一定會畀佢X,係真係X唔係講笑,不過我由細跟到佢大,慣咗就冇問題。」早前更有指杜琪峯這位爸爸為林雪還債,他亦承認早年曾經很喜歡賭波,一晚八十場波,賭足八十場。「講起就勞氣,可能我個樣衰啦!個個都認定一定係我爭人錢。我只會講,人誰無過?過去的事無謂再講,每個人都有壓力,總之一切都已經過去。」現在財政穩健嗎?

「我做人不要有太多錢,夠我每日用就夠,不過我可以用好多,一餐飯已經可以使十萬,其實一日使十萬唔多。

又說:「錢係要流動,揸喺手冇用。」所以他絕不買樓。「買樓好麻煩,我家陣四海為家,中國咁大,去到邊住到邊。」

肥佬的浪漫

林雪拍戲拍了三十年,至今仍然有一個關於電影的心願未了。「我最想最想拍一個普通人的愛情故事,內容是愛上一個女人,不代表一定要長伴終老,得不到可能更有遺憾美。」是的,豬肉佬都可以有刻骨銘心的浪漫。

雖然現實中,林雪的感情很踏實,和本是天津同鄉兼鄰居的太太結婚近廿年,育有一女一子,大女兒剛剛中學畢業。只是他長期在國內搵食,與子女間的緣,似乎有點薄。

「個女其實唔太想講畀人知,老竇是林雪。前排畢業禮,我想去,但佢唔想,叫我唔好去,話到大學畢業先喎!我傷心呀!點知畀老婆話番轉頭:『家陣就想去,幼稚園、小學畢業嗰陣你又唔去?』即刻冇嘢好講。」說時站在後樓梯暗角,一邊抽煙,眼神空空的望着石屎地板。其實肥佬的浪漫,未必是要拍一部史詩式愛情電影。

一張和女兒穿上畢業袍的合照,可能已是這個肥佬最大的願望。

撰文☆梁文威 攝影☆蔡豪 設計☆吳俊彪
是咁 咁的 這個 肥佬 叫林 林雪
PermaLink: https://articles.zkiz.com/?id=291054

七級偽術:關公是咁的

1 : GS(14)@2016-05-25 04:47:02

公關好多種,有實幹型,有吹水型,無話哪類較重要,人人各擅勝場,行業才能百花齊放。不過,Mary永遠謹記人貴自知,吹水也不能吹過頭,一句老話:一頭塗了囗紅的豬始終是一頭豬,不會因烈艷紅唇而成為萬人迷。所以公關能做的,與不能做的,不妨upfront和客戶講明白,以免大家期望不同,漸行漸遠,末了互數不是,更加無謂。有些客戶有些部門對公關工作一知半解,往往作出不合理要求,此所以到今天仍有人以為記者採訪完,寫好稿後會給被訪者「過目」,Mary標準答案是:「都得嘅,如果你想轉做advertorial!要不要我立刻幫你報個價?」為本行業尊嚴着想,盼望行家自律,連向記者開口都不要,不然傳了出來,輕則自取其辱,否則也必成為關公災難一例。



甚至乎,請一早預告被訪者,公關是不能保證訪問稿句句依你意思寫的,人家寫甚麼,關鍵是你講甚麼,以及如何表達,更加歸根結柢,是你想sell的服務、產品、理念,他到底buy不buy,以及大眾怎麼看你公司。要impress記者,靠你自己,當然你的公關團隊有責任為你物色適當的機會和場合。而且,希望同行亦可向客戶老細展示公關專業的一面,你老細身邊總有擦鞋仔吹噓他和某某報高層有幾熟,或者他的十六歲兒子如何用社交媒體幫義工項目宣傳,這個我不懷疑,但你起碼該問問那人:「你老友份報紙立場好偏激喎,目標讀者群配合產品咩?」或者:「咦,咁世姪得唔得畀番啲數據,譬如click through rate、cost per click、conversion rate、bounce rate……分析一下咁呀?」即係,唔係話識一個半個編輯就等如公關奇才嘅。彭瑪莉
mailto:marypang2015@gmail.com





來源: http://hk.apple.nextmedia.com/financeestate/art/20160524/19624982
七級 級偽 偽術 關公 是咁 咁的
PermaLink: https://articles.zkiz.com/?id=301387

【影人影事】冇發福喎!中年哈利波特原來是咁的

1 : GS(14)@2016-06-06 02:55:15

《哈利波特》系列可以話係陪住90後、00後成長,雖然主系列嘅書已經出晒,但周邊故事就陸續有來。下星期開始喺倫敦皇宮劇院預演嘅哈利波特舞台劇《Harry Potter and the Cursed Child》,前日公開19年後哈利一家人係點樣,演員Jamie Parker造型似足原生版哈利仔Daniel Radcliffe,雖然依舊着住唔合身old fashioned老西,但望住佢回憶即刻返晒嚟!不過叫人耳目一新嘅,係電影中Emma Watson飾演嘅妙麗,舞台劇版搵來黑人演員Noma Dumezweni出演,作者J.K. Rowling仲大讚佢「極有妙麗神髓」(gets Hermione inside out)!記者:黃樂雯



波特一家人合照,「金妮」Poppy Miller同仔仔「阿不思」Sam Clemmett一家都好有英倫味。(harrypottertheplay圖片)

舞台劇中,哈利已經係三子之父,仲喺魔法部打工有勁重workload,唔怪之得個樣咁愁。(harrypottertheplay圖片)





榮恩妙麗一家合照,說好的衛斯理家紅髮呢?(harrypottertheplay圖片)

舞台劇根據J.K.Rowling原著故事《Jack Thorne and John Tiffany, Harry Potter and the Cursed Child》改編而成,故事繼續圍繞波特父子同黑魔法勢力鬥爭。





來源: http://hk.apple.nextmedia.com/su ... t/20160603/19638918
人影 發福 中年 哈利 波特 原來 是咁 咁的
PermaLink: https://articles.zkiz.com/?id=301842

太古廣場:幕後玩家開年是咁的

1 : GS(14)@2017-01-05 08:06:18

開爐日,先同大家講聲新年快樂!不過喺office就唔多快樂,雖然話一個月唔夠又放多幾日新年假,須知上巿公司的宿命就係過咗年就要準備舊年條數。無錯,敝公司係十二月計year end的。而全年業績又出得零舍早,介乎喺兩位李生——國寶同超人中間,兩個半月去執十二個月嘅數,仲要有晒圖表、巿場數據、powerpoint同埋老細講稿,你都咪話唔頭痕。「家姐,printer返咗稿喇」。除咗份通告之外,無乜人睇嘅「大書」——即係份年報(順帶一提,「細書」即係中期報告,薄身好多),先至最揦脷。大書通常遲通告半個月出,你以為一月頭開始做已經好早?哈,舊年十二月頭我哋已經要同designer house傾design,用咩風格同style,要配合乜嘢相。太似舊年嗰本又唔得,完全唔似樣又唔得,有時真係勁羨慕本嘢可以hea出嗰啲同業。同designer house傾掂晒啲design就開始同printer合作,我哋一路掟啲內容畀佢哋,佢哋就放落個template,偏偏呢啲位先keep住出事。「喂點解呢一頁啲字size係9,下一頁明明係同一個section但size變咗8?」「跨版兩個框點解會爭咗3mm?好明顯喎」。「喂我入畀你嗰張圖line graph,灰色線同藍色線點解掉轉咗㗎?」就係呢啲嘢都會執成兩個幾月,而且越多內容入落去就會越多錯,到cut off嗰日我同Connie要落printer幾乎不能倖免。幾乎要sign off一刻先發現appendix啲細表左上角「千美元」字體有啲大有啲細,統一番嗰廿幾個表嘅size,再等得printer改同print同翻check,sign off得嚟已經1點,然後聽日準時返工唔該。當然呢啲一年只得嗰一次,而且拎住本墨水味勁攻鼻嘅大書時,其實又真係鬼死咁有滿足感。代各公司奉勸所有股東一句,收到公司啲大書睇多兩眼呀,有血有汗㗎真係。雖然講到咁大工程,業績同年報呢啲畢竟只係定期工程,有晒框架有晒時間表跟住去做。最驚反而係啲預計唔到嘅嘢,例如啲客出事畀唔到錢,或者發生工業事故,無得準備嘅事先係最得人驚。同做人一樣,返工放工辛苦有咩大不了?至少所有嘢都係預計之中。2016年有唔少生離死別,但至少世界照常運作,我同你都好哋哋繼續做到隻狗咁,其實已經好感恩。感性完繼續chur業績,家姐我農曆年尾嗰幾日仲要飛日本㗎,呵呵呵!【家姐教路】新一年又開始,有啲信用卡又再接近到期日喇。唔用就記得同銀行講定唔續,唔係又一張新卡會送到。最近好多卡都有哩數優惠,唔少人都開多咗新卡。提提你哋,越多信用卡,信貸紀錄會越差㗎,你張張都定期找數都係咁話。信貸紀錄越差,去銀行借按揭、借私人貸款個息都會高啲㗎。關家姐
http://fb.com/kwangajei本欄逢周三刊出




來源: http://hk.apple.nextmedia.com/financeestate/art/20170104/19885422
太古 廣場 幕後 玩家 開年 是咁 咁的
PermaLink: https://articles.zkiz.com/?id=321323

【旅遊是咁的】記者告別hit rate搞市集 與檔主分享交流旅遊心得

1 : GS(14)@2017-03-23 06:28:13

Yuki任職旅遊記者七年,跳出傳統媒體的框框,籌辦香港首個旅遊主題的市集。



辦公室扮工室,打工仔十居其九最憎返工,前旅遊記者陶思敏(Yuki)卻坦言自己「很愛份工」,辭職不是捱不住,只為了跳出傳統媒體的框框,全力籌辦香港首個旅遊主題的市集。



愛工作,但更愛旅遊。在主流媒體工作七年,Yuki認為旅遊記者的價值,不單單是報道最快最新的旅遊資訊,更甚是城市背後的歷史文化、風土人情。都市壓力大,大部份香港讀者希望公餘時間,接收一些簡單直接的資訊,關於旅遊的,最好就是食、買、玩,而異地深度遊的故事,一向叫好不叫座,hit rate慘淡。她又覺得,不論網上還是紙媒的報道都較單向,缺乏交流,長篇故事對讀者來說會很難消化。於是她嘗試把「旅遊」和「市集」結合,聚集一群「愛遊之人」,用新的手法詮釋旅遊。旅遊加市集,第一次聽到這個慨念,實在不太明白,因為認知中的「旅遊」是一項活動,不是一樣貨品。在主打買賣的市集裏,我如何能買到「旅遊」回家?大抵有不少人都誤會過她的理念,Yuki不慌不亂,更笑指甚至有人把市集,理解為一個手信散貨場。其實無需想得太複雜,因為Yuki揀檔主的唯一原則是,只要是曾受遊歷啟發的,就已經符合資格,但要發掘每個檔主背後的旅遊故事,她就花了不少時間,逐個去篩選,逐個去訪談。她舉例,其中一個檔主是賣懷舊玩具的,看似與旅遊不相關,但Yuki認得檔主售賣的橙色膠象仔,是她曾在日本藥房門口見過的「佐滕象」,傾談後才發現象仔原來是藥廠的吉祥物。「即使去過日本無數次,我都無深究過象仔的來歷。在不同人身上學懂一些從未認識到的東西,是很神奇的事。」應用旅人市集專頁中的一句:「倘若旅遊不再局限於食買玩,那麼市集也該有一買一賣以外的可能性。」Yuki預告市集除了有貨品買賣,還會有交流和共享。場地的六成地方會用作擺檔,另外四成則是公共地方,讓旅人「坐低飲杯嘢」,她更會邀請健談的朋友坐鎮,與檔主和到場旅人對談。另外,場內也會有二手旅遊書的交換角落,讓「愛遊之人」共享資源。旅人市集日期:4月15、16日時間:12:30-19:30地點:觀塘偉業街89號昌興工業大廈M字樓
facebook:旅人市集記者:劉芷晞攝影:林栢鈞部份相片由受訪者提供


每揀一個檔主,就好似進行一次訪問,慢慢發掘他們背後的旅遊故事。

她閒時亦愛行手作市集,認識不同背景的檔主。

有檔主愛收集「佐滕象」產品,傾談後才發現象仔是日本藥廠的吉祥物。


Yuki深信每一個人都是一本會行會走旅遊書,與人交流就好似去了一趟小旅行。

除了有貨品買賣,市集還會有也會有二手旅遊書的交換角落。



來源: http://hk.apple.nextmedia.com/su ... t/20170322/19965657
旅遊 是咁 咁的 記者 告別 hit rate 市集 與檔 檔主 分享 交流 心得
PermaLink: https://articles.zkiz.com/?id=328415

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019