ZKIZ Archives


吳若希反佔中 遭網友唾棄

1 : GS(14)@2014-10-06 23:14:47




■吳若希前日在fb埋怨佔中影響市民正常生活。互聯網圖片



雨傘革命進行至今,越來越多藝人發聲力撐,亦有藝人與民意背道而馳,在內地出生的無綫歌手吳若希,前日在facebook埋怨示威集會令小巴停駛,影響市民正常生活,結果曾被捧為高登女神的她,被網友唾棄:「大陸妹始終係大陸妹」、「今日開始反你」。至於日前在fb亂噏應出動解放軍鎮壓的傅明憲,其男友莊家彬昨在微博撐抱着佔中少女大髀涉非禮、食肆負責人廖老闆,即被網友指摘漠視事實。昨莊家彬在電話說:「
吳若 若希 希反 反佔 佔中 網友 唾棄
PermaLink: https://articles.zkiz.com/?id=285932

撻着大隻仔 緋聞車輪轉吳若希認Dry:擁抱好正常

1 : GS(14)@2015-02-25 17:26:54





■吳若希在社交網站貼上與溫家偉的親蜜合照,兩人都笑到四萬咁口。互聯網圖片


憑洗腦歌《越難越愛》唱紅的吳若希(Jinny),緋聞停不了的她又有新仔登場,對方就是二十八歲的港男大隻仔溫家偉,日前兩人在旺角被影到當街親熱,當時吳若希購物後行去攞車,沿途不停發短訊,原來溫家偉早在她的Benz新車旁等候,溫家偉無視同行的男友人,對吳若希又攬又撥弄頭髮,表現親暱。



■去年吳若希出碟,溫家偉即打孖買兩隻貼微博力撐,還叫她做「Jinny bb」(右圖)。





被叫Jinny BB

現年二十二歲的吳若希出道僅四年,緋聞男友多達十幾人如走馬燈老嫩通殺,今年才過了兩個月,已經出現了四位緋聞男友,上月傳暗交五十七歲股壇狙擊手王弼燮及跟鄭俊弘放狗,日前就傳翻撻大孖周志文,想不到幾日後輪到大隻仔出場。有指兩人合作拍劇集擦出愛火花,溫家偉自掏腰包買了兩隻吳若希CD貼微博力撐,又叫留言稱呼對方做「Jinny BB」。昨日記者致電吳若希問是否跟溫家偉拍拖?她說:「冇乜回應,一直都係好好朋友。」



■曾自言鍾意三十五歲以上男人的吳若希,不知是否轉口味改嗒大隻仔呢?

■有指兩人半年前拍新劇,日對夜對而撻着。


■去年九月兩人出發到台灣拍劇,兩人已有默契齊着白色衫。

聞姣精無奈

對於被影到又攬又摸頭髮,吳若希解釋:「鬼仔性格嚟㗎佢係,冇特別,因為我去攞車,咁啱佢喺附近,我哋順便say個hi。」溫家偉特登在街頭等只為了打招呼?她以笑遮掩說:「哈哈,總之朋友say個hi,因為溫家偉根本係鬼仔嚟,喺佢哋社交禮儀擁抱好正常。」有否察覺溫家偉追求?她說:「我相信呢個新聞都係……哎吔,唔講得咁多,等我諗吓點答,因為新劇就嚟出街,我相信呢個都係宣傳,冇乜嘢。」是否鍾意溫家偉這類型大隻仔?她說:「唔答啦。」她強調現在沒拍拖:「好dry,轉天氣呀,皮膚敏感呀會,皮膚乾燥好易敏感。」怕唔怕被封姣精影響形象?她無奈說:「有得怕咩,唔答啦!」採訪:皓騫





來源: http://hk.apple.nextmedia.com/entertainment/art/20150225/19053501
撻著 著大 大隻 隻仔 緋聞 輪轉 吳若 若希 希認 Dry 擁抱 正常
PermaLink: https://articles.zkiz.com/?id=288031

開工探母兩頭撲 吳若希落淚

1 : GS(14)@2015-04-06 00:25:09





■吳若希昨日演唱時突然淚灑台上,感謝粉絲支持。


吳若希(Jinny)母親早前因單車意外,目前仍在醫院深切治療部留醫,Jinny連日來姊兼母職既照顧弟弟,又要開工及探病。昨日她跟胡鴻鈞出席在荃灣舉行的活動時,開頭還笑面迎人跟觀眾玩遊戲,不過當唱《越難越愛》時先是唱錯歌詞,到唱《美好的時光》的中段時,她忽然感觸落淚,邊喊邊多謝粉絲支持,要工作人員遞上紙巾拭淚。



■吳若希母日前炒單車重傷入院。資料圖片

■吳若希(右)昨日與Kellyjackie到醫院探母親。


■吳若希、胡鴻鈞與現場觀眾玩遊戲。

「唔通咬番隻狗咩」

稍後Jinny受訪時已重現笑容,她解釋說:「因為fans太好畀好多鼓勵支持我。媽媽個腦係穩定,只係要等時間醒,冇得預計幾時。媽媽入院以來都係冇特別意識,冇正式醒過。」Jinny承認近日心煩氣燥,好在有好友Kellyjackie(陳曉琪)經常陪伴在旁。另外,昨日Jinny在網上的一張露腰相,引來網民取笑好像有妊娠紋,好像剛生育完,Jinny話:「張相係舊年post,無聊comment唔會回應,之前有fans同我講,隻狗咬你唔通你又咬番隻狗咩,唔會再理。唔理佢哋先係令自己最開心。」她表示因近日每日都要到醫院探母親,所以已減少工作量。完成工作後Jinny到了醫院探望母親。另外,Jinny完成工作後約5時許趕到醫院探母親,吳母的男友及Kellyjackie亦先後到達。到7時左右Jinny離開時接受訪問,她說:「母親仲未醒過,今日假期見唔到醫生,
開工 探母 兩頭 吳若 若希 落淚
PermaLink: https://articles.zkiz.com/?id=289266

吳若希母好轉離ICU

1 : GS(14)@2015-04-09 19:10:51

吳若希昨日繼續到沙田探望早前遇單車意外受重傷的母親,她透露媽咪病情好轉:「已經拔喉觀察多24小時就可以轉去普通或者腦科病房,不過太耐冇自己呼吸,要重新學呼吸同吞口水。」至於吳若希與林盛斌(Bob)主持的節目《至尊街頭魔法王》,阿Bob被網民發現有一集疑似「動L」出現生理反應,吳若希笑說:「大家睇魔術之餘,仲見識到人體奧妙。」不過此時她被發現忘記拉褲鏈,即時尷尬臉紅。對於她被批評做節目只有數個表情,她坦承詞窮,要求廣大市民賜教。採訪、攝影:譚倩宜





來源: http://hk.apple.nextmedia.com/entertainment/art/20150409/19105384
吳若 若希 希母 好轉 ICU
PermaLink: https://articles.zkiz.com/?id=289413

高8度主持《魔法王》:點解嘅 網民鬧爆吳若希奪命煩音

1 : GS(14)@2015-04-12 17:58:50

http://www.skypost.com.hk/%E5%A8 ... %A9%E9%9F%B3/173547\r\n\r\n吳若希最近可算是娛圈「新聞人物」,無論報章雜誌甚至電視,都老是常出現。不過若希BB近日有份主持的《至尊街頭魔法王》則掀起熱議,原因是她在節目中不時高8度大嗌「點解嘅~點解會咁嘅?」令網民不勝其煩,你又可覺得她討厭?\r\n上月尾吳若希的母親踩單車時發生意外要入院急救,孝順的她每天出入醫院探望,幸好吳母近日已甦醒,令若希BB放下心頭大石。然而一波未平一波又起,近日若希BB頂替許亦妮,與林盛斌(阿Bob)及魔術師甄澤權主持無綫的《至尊街頭魔法王》,三位主持每集都會走訪不同地區表演魔術,而且標榜「零剪接」的奇妙魔術世界,每次都吸引大批市民圍觀。\r\n然而一連十集的節目中,若希BB幾乎每集都會展現她的高8度奪命煩音,經常失驚無神大叫「吓,點解嘅~嘩,點解會咁嘅?」,因而獨動網民「神經」,大批網民狂轟若希BB「本來都想睇魔術,但畀佢嘈到唔想睇」、「想正正常常睇魔術,但佢就不停係度勁嗌,對耳受到威脅,變走佢啦!」,亦有網民狂踩若希BB「把聲高8度扮可愛,好嘔」。\r\n收17宗投訴\r\n而《至尊街頭魔法王》上周平均收視升1點有21點,本周三更錄得節目播出以來最高的23點收視,不過無綫卻收到17宗投訴,無綫企業傳訊部宣傳科高級經理蘇先生昨日接受本報查詢時表示:「我們收到共17宗投訴,其中14宗是投訴吳若希的聲音吵耳,而3宗則投訴阿Bob表現誇張。」對於網民的批評,吳若希昨日透過唱片公司表示:「唔回應!」\r\n撰文:Pat\r\n協力:林嘉文\r\n編輯:余運慶\r\n插圖:何樂\r\n設計:鄧俊明\r\n\r\n\r\n吳若希在節目中經常高8度化身「問題少女」,令網民不勝其煩。\r\n\r\n\r\n吳若希日前在fb貼了一張與母親手拉手的相片。\r\n\r\n\r\n網民惡搞吳若希,將她改圖Key到馬桶上。\r\n\r\n\r\n\r\n
主持 魔法 點解 解嘅 網民 鬧爆 爆吳 吳若 若希 希奪 奪命 命煩 煩音
PermaLink: https://articles.zkiz.com/?id=289522

吳若希豪擲千萬上車

1 : GS(14)@2015-06-15 00:51:32

吳若希昨日在荃灣出席活動,她日前被發現視察3,000萬的豪宅,她昨日大方承認有意用千萬置業,但她直言樓價比想像中貴:「而家市區啲樓要萬幾蚊一呎,就算將軍澳較偏遠地區都有諗,不過仲未決定自住定放租。」昨日她在fb貼了09年會考十優狀元兼劍橋大學法律系1級榮譽生麥明詩的港姐面試相,留言說:「點解個天咁唔公平!」結果被不少網友炮轟,叫她少說話多做事。





來源: http://hk.apple.nextmedia.com/entertainment/art/20150614/19183390
吳若 若希 希豪 豪擲 擲千 千萬 上車
PermaLink: https://articles.zkiz.com/?id=290867

坤哥唱情歌冧吳若希

1 : GS(14)@2015-12-28 08:38:23

■吳業坤扮示愛,吳若希自言感覺「好冧」。


吳若希和吳業坤昨日在尖沙嘴出席商場活動,其間玩遊戲吳若希自言扮演「欣欣」,吳業坤自彈自唱扮示愛,吳若希表示只是突然想起這個名字,她讚坤哥是好男仔,向着自己唱情歌,感覺「好冧」,問到吳若希若追求可會接受他,她說:「唔係事實唔回應,但佢大把女狂鋒浪蝶擁埋佢身邊。」坤哥平安夜打算在家打機,問他為何不約龔嘉欣,他說:「我諗佢會有朋友約。」另外,傳聞坤哥與無綫加簽合約換獎項,他說:「因為做咗五年,合約到期再簽多一年,唔係為獎而簽。」採訪:王連連攝影:仇志德





來源: http://hk.apple.nextmedia.com/entertainment/art/20151225/19425492
坤哥 哥唱 情歌 吳若 若希
PermaLink: https://articles.zkiz.com/?id=294033

返鄉下報喜吳若希賺多一倍 搵真.桃花

1 : GS(14)@2016-01-18 19:01:40

吳若希(Jinny)、Shine及黎美言(Winkie)昨日在大埔出席賀年活動,與粉絲提早賀年又唱歌表演。吳若希雖然是非多多,但今年收入勁升,她直言比去年多出一倍,會趁新年回鄉報喜,她說:「每年新年都有假期,因為我會同老闆講我唯一要求係要新年返鄉下,同家人一齊過,希望可以帶好消息返去話畀爺爺嫲嫲知。今年都算盤滿缽滿,都有一個double,利是都會封多啲,尤其係畀公司同事嘅開工利是,會封5位數字。」面對上年緋聞不斷,Jinny揚言希望來年可以行正桃花運,她說:「可唔可以正桃花,唔好爛桃花?我會畀心機,之前都唔係真,係流言,我都期待真,到時唔介意講。」



天佑利是有出冇入

Shine透露下月開始排練舞台劇,又南說:「今次對我係一個挑戰,因為劇入面要跳舞,係自己弱項,要放多啲時間練習。」而第一年派利是的天佑說:「以前派一封,而家兩封,但係冇得收,以前專登新年做嘢有利是收。」天佑笑言趕不及生小朋友討回利是。至於單身的又南表示要效法Jinny圍住桃花行圈,希望帶來桃花運,他說:「工作好密,對另一半唔公平,唔係好事,但有拖拍又唔係唔好,好矛盾。」同場的Winkie回應格鬥真人騷和唐紫睿鬧不和:「冇必要再提,不嬲都唔係朋友,觀眾眼睛係雪亮。」採訪:羅慧敏攝影:陳俊強



■網上曾瘋傳吳若希啜爆莊家彬的表哥蕭立莊。資料圖片

■吳若希、Shine與黎美言拜早年,齊齊行桃花樹拎好意頭。



來源: http://hk.apple.nextmedia.com/entertainment/art/20160118/19456178
返鄉 報喜 吳若 若希 希賺 賺多 多一 一倍 搵真 桃花
PermaLink: https://articles.zkiz.com/?id=294496

吳若希數「關你春事」

1 : GS(14)@2016-02-03 14:43:36

■吳若希昨日指曾被海關誤會自己走水貨,更被沒收急凍鮑魚。


吳若希昨日到商台接受訪問,過多兩日便收爐過農曆年假,由於之前遲遲未落實哪天出發回鄉,故至今還未買到機票,她指寧願捱貴飛買商務機票也要跟弟弟飛返福建跟爸爸過年。她指媽咪在家有如太后一樣,有不少人照顧,所以自己離港都不會擔心。另外近日錄賀年節目時,令吳若希明白俗語「關你春事」並非粗俗的意思,她說:「原來個春字有好多意思,打春係打春牛,立春係播種,而咬春係食春卷、春餅等,我要將春字嘅意思推廣出去。」並笑指可以寫首歌叫《春天一、二事》。採訪、攝影:馬建華





來源: http://hk.apple.nextmedia.com/entertainment/art/20160203/19476461
吳若 若希 希數 關你 春事
PermaLink: https://articles.zkiz.com/?id=295173

馮仁昭四圍超:吳若希執狗屎燒燶頭髮

1 : GS(14)@2016-02-08 03:00:13

吳若希噚日同鄭俊弘喺中環接受網台訪問,吳若希笑言為咗賀鄭俊弘出新碟所以特登剪頭髮,不過其實佢係執狗屎期間,頭髮接近火爐燒燶頭髮,所以剪咗六、七吋。佢話新一年希望細佬打少啲機:「我唔想做怪獸家長,但每次返到屋企都見到佢打機,我唔會鬧佢,只係會嚇佢,減佢零用錢,要佢自負盈虧。」撰文:馮仁昭





來源: http://hk.apple.nextmedia.com/entertainment/art/20160205/19479819
馮仁 仁昭 四圍 吳若 若希 希執 執狗 狗屎 屎燒 頭髮
PermaLink: https://articles.zkiz.com/?id=295413

吳若希會友好自卑

1 : GS(14)@2016-02-11 10:21:25

■吳若希(後排左二)前晚約了一班朋友慶祝新年,面對老友她竟感到自卑!微博圖片


肖猴的吳若希今年犯太歲,相士狠批她會破大財甚至惹官非,打算在年中置業的她,實行以買樓應破財之運。現時仍單身的吳若希前晚大年初二,相約一班老友慶新年。面對這班年齡和她相若的朋友,吳若希就有感而發,在微博貼文說:「我每次回來跟這班人聚會都很自卑,明明大家都是24、25歲,為甚麼結婚的結婚,生孩子的生孩子,有在研究細胞跟抗癌藥的,有的剛剛英國讀完碩士,剩我還在那邊浮浮沉沉地生活着……」不過有指吳若希去年為公司進賬500萬,是公司最賺錢藝人,她又何須自卑?撰文:王梓嫚





來源: http://hk.apple.nextmedia.com/entertainment/art/20160211/19486117
吳若 若希 會友 自卑
PermaLink: https://articles.zkiz.com/?id=295824

吳若希唔揀議員做男友

1 : GS(14)@2016-03-17 14:52:52

吳若希、胡楓、羅蘭和J.Arie昨日在荃灣出席港台舉辦關懷長者活動,胡楓和羅蘭分享日常乘坐公共交通時有年輕一代讓座,有被尊重感覺,寄語新一代要多關顧長者。


■胡楓和羅蘭指經常獲年輕人讓座。


吳若希家中長者爺爺嫲嫲在內地生活,她透露每次返鄉都會珍惜相處時刻,臨走時一定錫啖兩老,被問老人家有否叫她和男友返鄉?吳若希說:「又冇,佢哋好知我香港情況,好理解我工作。」吳若希在席間重遇當年她仍住在荃灣區的區議員,即回想小時候家中低潮境況,並獲該區議員介紹社工幫助,所以今日出席活動有回饋社會感覺。會否揀區議員做男友,吳若希即煞有介事表示不想涉及政治,而日前白色情人節,吳若希只單獨在家度過。採訪、攝影:卓寶花





來源: http://hk.apple.nextmedia.com/entertainment/art/20160317/19532442
吳若 若希 希唔 唔揀 議員 男友
PermaLink: https://articles.zkiz.com/?id=298288

G.E.M.同吳若希爭輸 馮允謙情陷嫩版朱咪咪

1 : GS(14)@2016-03-23 16:27:28

2016-03-16 EW
一一年,憑住在《超級巨聲3》奪亞而入行的馮允謙(Jay),既高大有型,又是運動健將,充滿陽光氣息,難免成為搶手貨。

早前,宇宙G.E.M.(鄧紫棋)就狂貼與Jay的「蜜」照到社交網;而「發電廠」吳若希亦不輸蝕,與Jay開完工,更主動做「柴可夫」管接送。緋聞女友氹氹轉,關係立立亂,似乎嚇怕了Jay;近日,他就公開承認已經有女朋友。

日前,約晚上八時,工作後的Jay,立即到鰂魚涌會合貌似朱咪咪的女友Crystal。本刊就直擊到這對熱戀中的情侶,如何甜蜜地歎越南菜。兩大女神G.E.M.與吳若希鷸蚌相爭,結果由「嫩版朱咪咪」得Jay。

兩女爭奪

現年二十八歲的馮允謙(Jay),在一一年憑住《超級巨聲3》奪亞而入行,充滿陽光氣息的他,為保持偶像派形象,一直表示單身。不過,緋聞要來的時候,擋也擋不住!

與宇宙G.E.M.(鄧紫棋)過從甚密的Jay,每次提起對方時,便展現出一臉幸福的模樣。自去年八月,兩人被發現一齊睇方大同演唱會後,就時常黐在一起。早前,兩人與友人一起去行山時,更不避嫌地十指緊扣影「蜜」照;而最甜蜜的是,原本穿在Jay身上的藍色Nike風褸,瞬間轉移到G.E.M.的身上。兩人就連情侶勝地「中環歐陸嘉年華」,亦孖住去玩,認真是一日不見如三秋。此外,揚言喜歡吃日菜的Jay,就曾大讚G.E.M.下廚煮的日菜令他垂涎三尺,關係不言而喻。

其後,出名是「發電廠」的吳若希,又加入搶Jay戰。兩人早前一起工作後,吳若希竟做他的「柴可夫」。取車時,兩人談笑風生,吳若希又乘機發功嗲爆Jay。男方一臉受落,更偷偷用攝影機拍下女方的神態。

冧爆晚餐

一時之間,緋聞滿天飛,Jay最終被女友詐型,唯有公告戀情,「我女友係圈外人,發展得幾好,同G.E.M.只係好朋友啫!(會點討女友歡心?)唔得閒,遲啲食飯睇戲,女友話禮物都唔使送,唔好嘥呢啲錢;我同女友識咗好多年,幾個月前復合番,佢係好好嘅女仔。」其實,Jay的正印叫Crystal,來自加拿大,樣貌與年輕時的朱咪咪相似。日前,約晚上八時,Jay工作後,立即到鰂魚涌會合女友。原本,Crystal滿心歡喜,蹦蹦跳地揀選了一間西餐廳撐枱腳;可惜坐下時,Jay就發現有記者在場,於是從後門離開。最後,兩人移師附近的一間越南菜餐廳醫肚。席間,小情侶對望而坐,Jay情深款款的眼神,令女友邊食邊笑得甜絲絲。Jay冧女果然有一手,難怪女神氹氹轉。

撰文☆武儀 攝影☆楊北鉅、吳子生 設計☆李浩然
G.E.M. 同吳 吳若 若希 希爭 爭輸 馮允 允謙 謙情 情陷 陷嫩 嫩版 版朱 咪咪
PermaLink: https://articles.zkiz.com/?id=298556

馮仁昭四圍超:吳若希箍新歡夾八字

1 : GS(14)@2016-03-30 14:42:09

■吳若希噚日笑住出席ifpi唱片銷量大獎頒獎禮拜神,唔通真係蜜運中?








吳若希嘅緋聞真係停不了,最近有報道話佢失去有米uncle「十哥」林棣權照顧,但好快已經搵到澳門才俊Alex Ho補位,呢位Alex年約30幾歲,喺澳門代理洋酒、搞團購網,仲入股某眼鏡品牌㖭,報道又話吳若希為咗箍實Alex,帶咗Alex見相熟嘅玄學師傅陳定幫夾八字。消息話Alex係吳若希嘅粉絲,聚會上識咗女神後展開追求,又請佢為澳門眼鏡新店剪綵,早前兩人俾傳媒影到相,吳若希就喺社交網貼兩人玩視像相避嫌,問到吳若希係咪同Alex拍拖?佢喺電話度講:「唔想影響人,所以唔回應。」



■吳若希自揭同Alex玩視像通話。

■陳師傅(左)話吳若希帶過Alex搵佢睇八字。微博圖片



努力會有夫妻緣

不過,陳師傅接受電話訪問就承認:「佢(吳若希)話介紹個客畀我識,帶佢上嚟搵我,跟住佢走咗。」問到係咪夾八字?陳師傅話:「都有幫佢哋睇吓,佢哋做friend幾好吖,佢又冇透露係咪情侶關係,Alex主要問事業居多。」問到兩人八字夾唔夾?陳師傅話:「OK嘅。」咁有冇夫妻緣?佢話:「佢哋性格都幾配合,但當然要睇佢哋嘅緣份,夫妻緣如果努力啲我諗可能會有啩。」撰文:馮仁昭





來源: http://hk.apple.nextmedia.com/entertainment/art/20160330/19549356
馮仁 仁昭 四圍 吳若 若希 希箍 新歡 八字
PermaLink: https://articles.zkiz.com/?id=298757

蜜遊曼谷返港 被指做小三吳若希晒情侶裝 向闊少逼婚

1 : GS(14)@2016-07-06 07:58:56

■既然被踢爆戀情,吳若希昨索性於fb貼出依偎男友Alex的情侶裝相示威。



【爆相爆片】現年24歲的吳若希大前日被爆與澳門闊少Alex Ho蹺手蜜遊泰國,兩人昨日凌晨返港,吳若希見戀情曝光,索性在facebook放閃,貼出情侶裝合照並留言:「何生,你幾時同我求婚?」公開逼婚晒恩愛。但有讀者爆吳若希是小三,Alex去年曾與模特兒Toby在澳門度聖誕佳節,兩人除撐枱腳嘆日本菜,男方又送新手機冧女。


吳若希出道至今,感情生活一直是焦點,忽然富貴的她曾被爆與地產界猛人「十哥」林棣權關係密切,及至大前日吳若希被讀者踢爆偕澳門闊少Alex Ho到泰國曼谷拍拖,昨日凌晨二人結伴回港,昨午急不及待在facebook自貼與男友Alex穿情侶直條恤衫的合照,明知戀情被爆,她索性留言:「點只拖手,仲勁嘔心地著情侶裝。何生,你幾時同我求婚?(吳若希公開逼婚)。」有指吳若希私下向友人透露希望兩年後約滿即嫁,等做少奶奶。



【泰國】■吳若希和男友Alex前晚在泰國機場禁區逛街,旁若無人手拖手。讀者提供圖片

■在機艙上,吳若希和Alex雖然各自睇戲,但Alex突然會錫女友手仔。

■Alex見遇上氣流即拖實女友吳若希安慰。



讚男友孝順抵錫

吳若希男友在澳門代理洋酒、搞團購網,家底不錯,難怪女方馬上公開戀情,昨日她接受無綫的娛樂新聞網站訪問,全程甜笑談Alex:「希望可以穩定嘅發展對象。」給他幾分?她說:「暫時佢都好好,係抵錫同抵讚嘅,希望大家畀多啲私人空間我哋。」有指兩人今年3月拍拖時,吳若希即找相士夾彼此時辰八字,她說:「師傅同我講話佢好好,好夾,叫我相處吓先,啱先慢慢發展。」公開戀情後,有傳吳若希打算兩年後出嫁,她說:「都係嗰句,今日唔知聽日事,咁早唔會下定論。」問到Alex優點,吳若希說:「佢好悶,冇嘢講係優點嚟,因為我好多嘢講,我哋性格夾到,佢都好孝順。」不過,有讀者昨向本報爆料指吳若希是小三搶人男友,有指Alex原本有模特兒女友Toby Sin,去年聖誕Toby除了貼相與Alex在澳門新濠天地嘆日本菜外,又收到Alex送的手提電話禮物。由於吳若希不肯透露何時與Alex開始拍拖,到底Alex是撇甩舊愛才開始新戀情,還是陷三角戀?又是羅生門。



【抵港】■吳若希與Alex昨凌晨抵港出閘,兩人前後腳忽然避忌。攝影:畢紹基

■吳若希和Alex共遊曼谷,還共用一篋。

■吳若希除貼相放閃,更留言向男友逼婚。


■Alex被爆去年聖誕與索女Toby撐枱腳嘆日本菜。互聯網圖片

機艙甜蜜啜手背

另外,讀者陳小姐透過本報「爆相爆片」,分享吳若希和Alex在曼谷拍拖的甜蜜短片,陳小姐昨指兩人在泰國機場禁區拖手,女方沒有避忌,反而男方有戒心,他們雖進入Hermès店卻沒收穫。兩人乘坐香港航空的經濟艙,航程中各自睇戲,Alex肉緊啜吳若希手背,中段遇有氣流,Alex更拖實女友示意不用驚,吳若希最終在航機上買了逾千元的電子美容用品。兩人昨凌晨抵港後,戴口罩的Alex與吳若希被本報記者影到出閘,二人保持距離,刻意加強戒備,兩人共用的行李篋由男方負責拖,吳若希則低頭玩手機,完全零交流,又前後腳到停車場搵司機,然後上車返家。採訪、攝影:畢紹基、吳耀輝





來源: http://hk.apple.nextmedia.com/entertainment/art/20160705/19681164
蜜遊 曼谷 返港 被指 指做 做小 小三 三吳 吳若 若希 希曬 情侶裝 情侶 闊少 逼婚
PermaLink: https://articles.zkiz.com/?id=302564

【舊情一覽】吳若希多熟男照顧

1 : GS(14)@2016-07-06 07:58:59

蕭立莊(左)


吳若希的緋聞男友數之不盡,不過與澳門才俊Alex拍拖後,她打算兩年後退出娛圈做少奶奶。



何哲圖

四年前加盟何哲圖的星夢唱片後,有指吳若希取代鍾嘉欣成新寵,榮升星夢一姐。



蕭立莊

2014年傳出一張吳若希與中佬啜爆的慶生相,男方被發現是莊士國際太子莊家彬表哥蕭立莊。



溫家偉

吳母去年3月踩單車炒車昏迷送院,吳若希獲溫家偉貼身陪伴,還幫她照顧細佬,溫家偉直認心痛吳若希。



林棣權(十哥)

去年6月傳吳若希獲十哥贈送跑馬地千萬豪宅及80萬靚車。




郭志燊

吳若希上年11月被發現換了車,由40萬的Benz變成200萬的波子,登記車主是昇運國際有限公司,其公司董事就是郭志燊。





來源: http://hk.apple.nextmedia.com/entertainment/art/20160705/19681169
舊情 一覽 吳若 若希 希多 多熟 熟男 照顧
PermaLink: https://articles.zkiz.com/?id=302571

傳Alex認與Toby曾拍拖吳若希夜審男友:如呃我你死梗

1 : GS(14)@2016-07-06 08:11:27

■吳若希昨晚在活動上承認與男友已到見過家長的階段。


吳若希日前與澳門闊少Alex Ho蜜遊泰國斷正,她前日在社交網放閃晒合照並風騷逼婚,豈料男方被揭有女友Toby Sin。據知Alex揭發Toby疑同時有男友Joseph,於是在情人節後斬纜。吳若希高調宣佈戀情,她驚悉疑做小三後即夜審Alex,男友承認與Toby拍過拖,更爆出與對方有「肉體瓜葛」,令吳若希嬲爆。但Alex堅稱今年3月與吳若希拍拖後,已沒與Toby聯絡,所以沒有出現三角戀。


■吳若希獲男友Alex公開愛的宣言認定身份。資料圖片

想牽手到白頭

Alex為撲熄吳若希的怒火,前晚在Ig發聲明:「我和Toby Sin並沒有任何感情瓜葛。吳小姐並不是第三者!基於我和吳小姐感情剛剛開始,需要多點私人空間及大家的祝福。」吳若希昨凌晨2時多轉載男友的聲明,並加多句:「如果被我發現你有咩呃我,你死梗!」
Alex昨午再在Ig貼相並留言:「我們都受傷過,選擇公開只想平平淡淡,開開心心牽着她的手到白頭,不是事實的,我再也不想回應。」吳若希昨晚現身沙田,回應被指小三傳聞,她說:「我接受佢解釋。過咗去嘅嘢唔想再講,大家而家相處開心,佢同我一齊時係單身,佢而家對我認真就OK。據我所知佢同個女仔係冇感情,佢知女仔有另一男友,佢同個女仔冇任何關係。」問到男友和Toby有否「肉體瓜葛」?吳若希即刻黑臉說:「唔答喇。」吳若希表示不認識Toby,問到她與Alex可有「肉體瓜葛」?她說:「正常男女朋友關係。」吳若希更直言視對方是結婚對象。採訪:曹家誠攝影:沈健程





來源: http://hk.apple.nextmedia.com/entertainment/art/20160706/19682632
Alex 認與 Toby 拍拖 吳若 若希 希夜 夜審 男友 如呃 呃我 我你 你死 死梗
PermaLink: https://articles.zkiz.com/?id=302709

男友同Toby有肉體轇轕?吳若希:過咗去唔想知

1 : GS(14)@2016-07-06 08:11:28

■Toby在今年情人節收到Alex送的大束玫瑰。


吳若希昨晚現身沙田,回應被指小三傳聞,她說:「我接受佢解釋。過咗去嘅嘢唔想再講,大家而家相處開心,佢同我一齊時係單身,佢而家對我認真就OK。據我所知佢同個女仔係冇感情,佢知女仔有另一男友,佢同個女仔冇任何關係。」問到男友和Toby有否「肉體瓜葛」?吳若希即刻黑臉說:「唔答喇。」吳若希表示不認識Toby,問到她與Alex可有「肉體瓜葛」?她說:「正常男女朋友關係。」吳若希更直言視對方是結婚對象。連日有讀者不停爆料,指Toby今年情人節收到Alex送的玫瑰,又有讀者發現去年底Alex在澳門出席眼鏡店分店開幕時,吳若希是剪綵嘉賓,Toby當日也同場。採訪:曹家誠攝影:沈健程





來源: http://hk.apple.nextmedia.com/entertainment/art/20160706/19682581
男友 Toby 肉體 轇轕 吳若 若希 過咗 咗去 去唔 唔想 想知
PermaLink: https://articles.zkiz.com/?id=302710

爆吳若希好事近胡鴻鈞:我要盡快儲人情

1 : GS(14)@2016-07-06 08:11:31

日前吳若希(Jinny)同澳門才俊Alex Ho同遊曼谷拍拖,《蘋果》仲直擊佢哋拍拖返港,而吳若希呢!就喺fb晒情侶裝同Alex嘅合照認拍拖,仲借機同男友逼婚o添!咁吳若希啲老友又點睇呢!同公司兼老友胡鴻鈞仲爆大鑊,佢話幾個月前Jinny曾經介紹Alex畀自己識,大家仲一齊食過飯,但自己就冇八卦佢哋嘅關係:「我都要盡快儲人情,見到Jinny公開逼婚!」咦!儲定人情,唔通吳若希真係好事近,咁婚後吳若希會唔會退出幕前先?胡鴻鈞就話:「我唔信佢會放棄,佢好鍾意拍劇、唱歌。」





來源: http://hk.apple.nextmedia.com/entertainment/art/20160706/19683244
爆吳 吳若 若希 好事 近胡 鴻鈞 我要 盡快 人情
PermaLink: https://articles.zkiz.com/?id=302718

被指做小三是非不斷吳若希獲男友 人肉速遞請罪

1 : GS(14)@2016-07-09 06:35:59

【名牌禮物】■吳若希澳門闊少男友何兆鴻爆出與前女友的轇轕後,前晚拿着禮物速來港補鑊。


吳若希跟澳門闊少男友何兆鴻(Alex)自公開戀情後,是非浪接浪,先是被指為第三者,Alex曾有前度女友Toby,其後Alex更爆出拍拖時就與Toby有過「肉體轇轕」,令吳若希前晚出席公開活動時,被記者追問。雖然她答得得體,表示「只要男友而家對佢好就得」,但身為男友的Alex仍然不敢怠慢,前晚從澳門乘搭直升機來港,人肉速遞帶備Chanel禮品兼買外賣請罪。



【狂㩒電話】■Alex到港後不斷在㩒電話,似聯絡女友。

【夜訪女友】■Alex乘坐座駕直奔吳若希的住所。

■吳若希與Alex早前齊齊遊埠後,更放閃晒合照。



不斷避鏡頭

前晚9時許Alex穿着波衫短褲手提着一袋Chanel,在上環信德碼頭等車接載,對於記者問到吳若希是否小三及跟Toby的關係時,他三緘其口不斷搖頭兼躲避鏡頭,當負責接他的七人車抵達後,被發現是接載吳若希的同一輛車。七人車先載Alex到大角嘴一間專賣豬油渣麫的麫舖,由司機代買了兩袋外賣,其中一袋更是買給在場的記者,臨離開時Alex打開車窗跟記者說:「辛苦晒,一陣小心啲,天雨路滑。」之後七人車直駛去吳若希位於何文田寓所。除了「負Chanel請罪」,Alex連日在Instagram發功,表示會好好保護女友,看得很緊這段感情。還大晒過百萬支票、名貴跑車及黑色信用卡,看來吳若希可安寢無憂等做少奶奶。



■Alex爆與前女友Toby曾有肉體關係。

■Alex前晚叫司機買外賣給吳若希享用。



網上狂爆粗

另外,前日有人在網上分享了一條司徒夾帶所拍,曲線講娛樂圈潛規則的短片,卻意外令到吳若希「爆seed」,在網上爆粗留言,她火爆地稱:「我唔係想燥,但就係呢啲咁嘅仆街將呢啲嘢合理化,我先會被人寫衰!sor!唔覺得好笑!好侮辱!!!!由始至終我都係靠自己由正當工作賺錢養家養自己……從來都無出賣過自己尊嚴……但就係因為有班X樣,將人地嘅努力當笑話。」採訪、攝影:梁繼光、羅德光





來源: http://hk.apple.nextmedia.com/entertainment/art/20160707/19684172
被指 指做 做小 小三 是非 不斷 吳若 若希 希獲 男友 人肉 速遞 請罪
PermaLink: https://articles.zkiz.com/?id=302898

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019