ZKIZ Archives


反串斷背自度咀戲君如霆鋒偷桃傳情

1 : GS(14)@2015-01-20 08:59:47





■霆鋒在《12金鴨》暗戀男兒身的君如,霆鋒更向君如猴子偷桃。


吳君如在監製兼主演的賀歲片《12金鴨》中,來個大換身,由金雞轉為金鴨扮男人,戲中更與謝霆鋒有段曖昧的基情,話說身為男人的君如與霆鋒是同學,在中學時期,風度翩翩的君如是校中萬人迷,不少女生主動追求「他」,霆鋒早就暗戀君如,但因為個性內向,一直不敢表白自己是同性戀者。



偷拍變好友

日前君如與霆鋒在一間學校取景,兩人身穿校服拍攝互相調情的戲份,劇情講述暗戀君如的霆鋒不斷在校園內偷拍君如,有次被發現了,兩人不打不相識成為了好友,個性不羈的君如突然錫了霆鋒臉額,嚇得他還擊一招猴子偷桃,搞到君如立刻用手保護下體,君如笑言:「諗咗好耐先諗到呢場戲吸引佢嚟演出,我仲度咗一場咀佢嘅戲,記得佢六歲嗰年咀過之後就冇再錫過佢啦!」



■君如突然錫霆鋒,搞到霆鋒措手不及。

■戲中霆鋒為同學君如拍攝照片,兩人鬥chok。



重溫校園夢

霆鋒對於再穿回校服扮學生,感覺好享受和快樂,他說:「記得我拍《特警新人類》時,喺飯堂食早餐見到吳鎮宇,佢當時同我講,話我做戲做乜要咁成熟,叫我盡量演番自己年紀,到將來你想再演番細個時,你都演唔番,當時我唔係好明佢嘅意思,今次着校服拍戲,我終於明白,所以我今次好滿足同開心,好多謝君如畀機會我演回學生。」


■陳可辛的新片《親愛的》後日上映,日前專程開座談會與觀眾作交流。


片酬叫價約二千萬的霆鋒,今次為君如的賀歲片客串一日,他只是象徵式收了一封利是,當日他去到片場開工,出名是chok王的霆鋒大受現場女性工作人員歡迎,她們收工時紛紛主動要求與霆鋒合照,霆鋒也來者不拒,十分隨和。此外,陳可辛執導的內地片《親愛的》,後天在港上映,日前陳可辛在百老匯電影中心搞了一場試映場,以及在銅鑼灣誠品書店搞了一個電影座談會,解構《親》片所講述的內地拐帶兒童問題,現場觀眾反應不俗。撰文:鍾國仁





來源: http://hk.apple.nextmedia.com/entertainment/art/20150120/19008415
反串 斷背 背自 自度 度咀 咀戲 戲君 君如 如霆 霆鋒 鋒偷 偷桃 傳情
PermaLink: https://articles.zkiz.com/?id=287378

王菀之谷胸撐君如

1 : GS(14)@2015-01-30 08:19:38







吳君如執導和主演的賀歲電影《12金鴨》,昨日在facebook上載了一條預告片,今次有份演出的陣容認真強勁,包括古天樂、謝霆鋒、陳奕迅、陳靜、周柏豪、鄭欣宜和梁洛施等,王菀之更會谷胸上陣,古天樂和欣宜亦有一場搞笑咀戲。而吳君如、劉浩龍和姜皓文等人昨日到將軍澳宣傳,問到電影會否到海外宣傳,他們笑說:「帶啲金鴨出埠囉,我哋拍咗啲歌舞諗住去江門開演唱會。」撰文:張曦彤





來源: http://hk.apple.nextmedia.com/entertainment/art/20150129/19020101
王菀 菀之 之谷 谷胸 胸撐 撐君 君如
PermaLink: https://articles.zkiz.com/?id=287553

【壹週刊】為撐金鴨君如 梁洛施連踩40粒鐘

1 : GS(14)@2015-02-14 09:00:01





【壹週刊】吳君如監製嘅賀歲片《12金鴨》碌爆人情卡,出動群星客串之外,連喺加拿大湊仔嘅Isabella梁洛施都要飛返香港埋位。想知更多,記住Download壹週Plus手機app,免費架! 
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150214/19041095
週刊 為撐 撐金 金鴨 鴨君 君如 梁洛 洛施 施連 連踩 40 粒鐘
PermaLink: https://articles.zkiz.com/?id=287848

「佢包米真係好大」君如搵菀之拍12麒麟

1 : GS(14)@2015-03-02 08:40:43





■《12金鴨》衝破二千萬票房,前日在戲中扮男裝的君如聯同Ivana到戲院謝票。


吳君如跟王菀之(Ivana)主演的賀歲電影《12金鴨》,前日衝破二千萬票房,在四部華語片中票房成績暫時排行第二位,可以算是有交代。前日君如跟Ivana到觀塘一戲院謝票及與觀眾見面,君如半開玩笑表示以Ivana目前身形,可以開拍一部「12麒麟」,大玩早前出席車公廟求籤活動時,被麒麟撞到飛起的立法會議員葉劉淑儀。



禁Ivana減肥

剛從美國旅行返港的君如透露,現在仍然受時差影響,非常疲倦,在講到拍攝《12金鴨》時的苦與樂,她表示每日都要花不少時間黐鬚根同喉核,又大讚Ivana做得很好之餘身材亦很好,君如說:「拍戲嗰時見到佢包米真係好大,真係唔想佢減肥,減完之後就好似我咁乜都冇。」



■來者不拒的君如跟在場影迷玩自拍。

■王菀之在戲中晒胸,跟黃偉文飾演一對開鴨店的泰國夫婦。劇照

■早前葉劉淑儀出席新春求籤活動時,被舞動的麒麟撞倒。資料圖片



因為在《12金鴨》片中,君如要反串扮演男人,被問到明年金像獎到底提名男主角還是女主角時,她說:「我都唔知,應該都係女主角,但角色係男仔。但我就想王菀之拎最佳女主角。」Ivana聽到後即笑言下半生要靠君如,雖然男友Eric So未有嫌棄,但Ivana自覺太肥,要為出席下月舉行的香港電影金像獎頒獎禮減肥,她說:「之前謝票嘅時候,有觀眾話我好肥,好專業。
包米 真係 係好 好大 君如 如搵 搵菀 菀之 之拍 12 麒麟
PermaLink: https://articles.zkiz.com/?id=288103

孖師兄BabyJohn巡迴謝票君如落MK篤魚蛋

1 : GS(14)@2015-03-04 08:38:02





吳君如從美國度完假回港後,忙於為電影《12金鴨》宣傳兼謝票。前日君如、劉浩龍(師兄)及蔡瀚億(BabyJohn)一起出動,下午三時許先去到尖沙嘴跟觀眾見面,之後到圓方及旺角謝票,跟觀眾互動合照。在完成旺角戲院的謝票活動後,一行人正打算到戲院樓下等車轉去下一站時,君如見到戲院附近小食店林立,她忽發奇想說:「不如我哋掃街囉,都好耐冇掃過。」身旁的師兄及BabyJohn即時響應,師兄更提議旺角最好的莫過於「篤魚蛋」。



■君如一行三人在旺角街頭掃街。

■論搞笑及抵死,鵬哥的功力絕不低於君如。


■盧海鵬、姜皓文等出席在又一城的謝票活動。

下周大搞慶功

坐言起行,君如一行三人連同助手及保安落到戲院樓下,隨意走到就近一間小食店,自言已有多年沒有掃過街的君如,對於小店內每一樣小食都非常好奇,忽然變成每事問,反而師兄似乎掃街經驗豐富,逐一向君如介紹。最後他們點了一碗辣魚蛋、雞蛋仔等經典街邊小食,其間更引來數十名街坊圍觀及拍照。掃完街之後,他們一行三人去到又一城會合盧海鵬及姜皓文繼續謝票行動。戲中鵬哥的角色為「鵬于晏」除了玩台灣藝人彭于晏之外,原來君如到台灣參觀一間鴨店時,確是有一位上了年紀的鴨,拿了一張明星相出來訛稱是自己後生時的照片。鵬哥笑言自己靚仔過彭于晏,他說:「呢個肯定㗎啦,不過你哋唔信箒。我後生都好大隻㗎,我以前喺羅湖游嚟香港嘅。」君如豪氣表示下星期會再搞慶功,她說:「上年煞科都擺十幾圍,勁過我結婚擺酒。」採訪、攝影:黃曉妍





來源: http://hk.apple.nextmedia.com/entertainment/art/20150303/19060973
師兄 BabyJohn 巡迴 謝票 票君 君如 如落 MK 篤魚 魚蛋
PermaLink: https://articles.zkiz.com/?id=288174

君如解褲頭 請菀之食大腸

1 : GS(14)@2015-03-06 09:06:07





【拉出紅腸】■君如解開褲頭露出一截紅腸,並叫王菀之拉出。


賀歲片《12金鴨》票房衝破二千四百萬,吳君如前晚率台前幕後及客串藝人在上環蘇豪智選假日酒店慶功,君如以戲中的造型示人,現場與一班演員大玩不文遊戲,放滿香腸於身上任女搶,最激的一條二十吋長超級大紅腸,眾望所歸留給獲五項提名金像獎的王菀之。王菀之伸手入君如褲襠,拉出大紅腸的一刻,全場譁然,被君如邀食紅腸的她只好尷尬狂笑,之後君如又在褲襠內抽出一大叠紅封(包)派給現場需要(雄風)男士,大玩食字。君如說:「係我諗嘅,紅封係玩食字,食芝士腸就長做長有搶票房。」


【尷尬喪笑】■王菀之越拉越有,最後拉出一條超級大紅腸。


有報道指早前黃偉文在《12金鴨》活動上,見到遲到的陳奕迅後拍枱大罵,君如要充當和事老,君如說:「嗰晚好多人拍枱,無研究佢哋之前不和啲乜,唯一見到佢哋喺房仔度傾偈,唔知真實情況,可能好耐冇見敍吓舊,笑晒㗎!」



任達華叫劉俊輝算數

曾經拍過三級片的任達華和黃秋生前晚亦是座上客,最近導演劉俊輝邀特首女兒梁齊昕拍《男極探射燈》搞到滿城風雨,劉導因拍過三級片被指低俗,任達華與劉導曾合作多部電影,華哥說:「我同佢合作好多次,《砵蘭街大少》、《旺角的天空》,佢拍好多好電影,我拍咗佢五、六部戲,佢係一個好好嘅製片人,從來唔會唔畀片酬。」他更力撐劉俊輝說:「佢唔係一個cheap producer,佢係老頑童,輝哥應放開啲,如果佢(梁齊昕)唔拍,就唔好拍啦。輝哥做咁耐,明白事理嘅,亦唔好因為佢係特首個女搞大件事。」而黃秋生則表示不認識劉俊輝,他一再強調曾表示叫梁齊昕想清楚,更不想再捲入事件中。採訪:溫敏芝攝影:陳俊強



■任達華攬衛詩雅合照。

■秋生強調唔識劉俊輝。



來源: http://hk.apple.nextmedia.com/entertainment/art/20150306/19064829
君如 如解 褲頭 請菀 菀之 之食 大腸
PermaLink: https://articles.zkiz.com/?id=288264

我主場:君如儲火 撩秋生開拖

1 : GS(14)@2015-07-23 01:31:33

一個性格火爆、一個外表兇惡,會變成怎樣?就好像舞台劇《狂揪夫妻》,演喜劇多年的吳君如,今次處女下海成為舞台劇初哥,壓力大得很,在劇中可以「狂揪」秋生,笑言真是難得機會。現實中的君如自認火爆,試過與另一半陳可辛嗌交嗌到反枱,外表兇惡的秋生則自言怕老婆,經常被老婆呼喝,二人性格剛好相反。撰文:溫敏芝



吳君如拍過無數喜劇,但從未試過演舞台劇,今次與秋生合演的舞台劇《狂揪夫妻》將於下月6日在灣仔演藝學院公演,君如坦言班底好、劇本好才被吸引,加上由好友秋生邀請,才放膽去演。日前君如與秋生在九龍灣接受本報專訪,君如說:「其實之前都有人搵我演舞台劇,有時劇本唔啱,有時時間唔啱,今次因為有秋生、甄詠蓓同潘燦良咁好嘅班底,所以先試吓,對自己都幾大挑戰,我唔怕比較嘅,佢哋會就住我,如果做得好,咪好囉,做得唔好係應該嘅,不過我都要對自己有信心。」君如在劇中有多場「狂揪」秋生戲份,問到會否動真手打對方時,她笑說:「堅啦,佢咁多pat(墊)怕乜,不過佢啲肉好難打得入,成日話自己習武。」在旁的秋生即笑說:「因住我擋一擋你,你骨都斷埋,哈哈。」君如坦言現時最困難是要熟讀對白及劇本,她說:「啲對白又抵死又陰濕又好笑,好難記,一人一句彈嚟彈去,舞台劇就係咁。」



■舞台劇開始綵排了一段時間,君如坦言已感受到很大壓力。微博圖片

■從未試過演舞台劇的君如,讚《狂揪夫妻》班底好、劇本好才被吸引。



鬧老公訓練有素

自從舞台劇開始綵排後,君如坦言已感受到很大壓力,每日由朝早綵排到晚上,與拍電影完全不同,她說:「拍戲可以分鏡頭,可以NG,但今次連續做成兩個鐘冇得唞。」問到有否後悔答應演出?她坦言:「我又冇好後悔,始終好多人做舞台劇都係想提升自己演技潛能,咪試一次咁多囉,如果太簡單做嚟做乜。」講到鬧交,君如一點也不輸蝕,平時跟另一半的陳可辛已經訓練有加,她說:「成日都鬧,我會喝佢,有時鬧佢做乜食咁多牛扒,因為佢好為食,不過一齊咁多年,佢都俾我感染咗,而家開始做運動,我哋都有做吓情侶瑜伽,佢幫我拉筋。」問到相處久了,會否已減少鬧交?她說:「而家係少咗,我性格火爆,佢就斯文好多,不過都試過同佢為咗拗一個題目,我嬲到反枱,佢扮晒知識分子咁,我係老粗嘛,拗唔贏佢就反咗成張木枱,我啲火就係咁,話嚟就嚟,不過呢幾年生咗個女之後,都收斂好多。以前大肚試過食食吓飯,佢同我老竇阿媽一唱一和,我即刻拍枱走咗,諗起都好幼稚,不過最後多數係個男人氹番我,我好硬淨。」君如笑言現時見到囡囡的脾性,都有少許自己影子。



■有豐富舞台經驗的黃秋生(右),去年夥拍張敬軒為舞台劇《EQUUS馬》演出。

■君如坦言平時跟陳可辛都經常鬧交,又會喝對方。

■外表兇惡的秋生自言怕老婆,經常被她呼喝。



秋生被喝到失魂

現實中的秋生又是怎樣?秋生笑言與劇中一樣,被老婆喝到「三魂唔見七魄」,問到結婚多年,有否試過與太太鬧交?他說:「都有嘅,之前試過一次自己病緊,一個人行衰運就會睇術數,玩紫微斗數,嗰時個仔好細,我幫佢開盤,見到話佢嘅朋友非富則貴,我咪話我哋又唔係有錢,佢仲唔係擦鞋仔嚟咩,點知我老婆即刻係咁鬧,佢話『係呀,個仔做乞兒。』,我火滾起上嚟,就打爛晒啲門,無啦啦話個仔做乞兒做乜嘢,又成日話我唔瞓覺,你瞓咪瞓囉,我又冇嘈住你。不過而家冇囉,我哋最近一次討論個仔食乜嘢,我俾佢喝到我成個坐低㖭呀,而家鬧乜嘢交吖,冇鬧交,鬧交等於同拳王比武,邊有得比。」劇中秋生與君如會為小朋友出頭,秋生指兒子學校的事,由老婆去處理,自己不會出手,君如則說會盡量交由學校處理,也盡量不插手,印證江湖事江湖解決。





來源: http://hk.apple.nextmedia.com/entertainment/art/20150718/19223338
主場 君如 如儲 儲火 撩秋 秋生 生開 開拖
PermaLink: https://articles.zkiz.com/?id=291722

君如生日激咀陳可辛

1 : GS(14)@2015-09-23 02:19:19

■陳可辛為君如慶生,送上熱吻。微博圖片


吳君如和曾華倩都是83年無綫藝員訓練班出身,相知相交32年,眨眼間已經50歲!曾華倩早前買Lady M蛋糕提前與老友鄭裕玲、林建明等慶祝50歲生日,昨日輪到死黨君如的50歲生日,當然亦要慶祝一番。


■曾華倩(右)亦有份咀壽星女君如。微博圖片


華倩昨日在微博放上她扮錫壽星女一啖,還貼出君如與老公陳可辛咀嘴的激罕相,見到他們錫得非常肉緊。蛋糕上面僅插着一支蠟燭,並寫着:「Happy Birthday to Sandra(君如的洋名)」華倩則留言謂:「Happy Birthday!我的野蠻老友!你擁有的搞笑超能力……會一直不離不棄的在你身邊保護着你的……!加油!你是最好的!你知道嗎?」陳妍希亦在微博放上與君如合照,並祝她永遠美麗。撰文:嵐山





來源: http://hk.apple.nextmedia.com/entertainment/art/20150803/19240905
君如 生日 激咀 陳可
PermaLink: https://articles.zkiz.com/?id=292517

君如女八卦父母戀事

1 : GS(14)@2016-05-21 19:04:23

吳君如、鄭詩韻、孫大倫新抱鍾婉琪等昨晚現身灣仔會展,出席「書伴我行基金會」活動,君如更帶同10歲囡囡陳是知現身。君如笑言囡囡最近有轉變:「佢開始有少女feel,而家鍾意聽我同陳可辛成長故事、點識男朋友、爹哋媽咪點識,佢讀男女校,都有啲驚驚哋,不過佢仲好天真,唔好咁快變成熟少女,我唔係乜都爆畀佢聽,講咗好深佢唔明就會隱瞞少少。」君如又表示已支持活動有5年:「我細個唔鍾意睇書,但而家會引導阿女睇書最緊要,而家要以身作則,成日扮睇書,或將同一本圖書重複講畀佢知,最驚個女話我唔睇,所以我都好絕,有時會同佢講唔好阻住我睇書。」採訪、攝影:盧妹





來源: http://hk.apple.nextmedia.com/entertainment/art/20160521/19621170
君如 如女 八卦 父母 戀事
PermaLink: https://articles.zkiz.com/?id=300991

君如47萬奪明年康城入場券

1 : GS(14)@2016-05-22 12:16:16

吳君如前晚到灣仔出席慈善晚宴,她除認購了一席宴請親朋外,還要肩負另一秘密任務,就是與男拍檔擔任大會司儀,君如坦言心情緊張,所以事前綵排落足心機背稿。而於慈善拍賣環節上,其中一項競投物品是法國康城頭等來回機票連酒店,及明年康城影展紅地毯入場券,君如豪擲47萬港元成功投得心頭好,她說:「康城機票好啱我,因為Peter(老公陳可辛)幾乎每年都會出席康城影展。」


■君如和囡囡及父母出席慈善晚宴,冬叔還興起大派六合彩貼士。


君如爸爸夏春秋(冬叔)壓軸登場,負責在抽獎環節抽出頭獎幸運兒,冬叔又不忘大派六合彩貼士:「我每次『派彩』都係千萬起跳,我送3個冧巴畀大家,就係16,5同20,因為今(前)日係2016年5月20日。」撰文:陳以晴





來源: http://hk.apple.nextmedia.com/entertainment/art/20160522/19622438
君如 47 萬奪 明年 康城 入場券 入場
PermaLink: https://articles.zkiz.com/?id=301104

大軍以為星爺娶君如

1 : GS(14)@2016-08-07 01:48:22

■程東指四大天王不敢在他面前擺架子。台灣《蘋果日報》


曾被譽為「香港第一反派」的程東,憑「獨眼龍大軍」、「整蠱之霸」等,及經常跟周星馳於賭片中演對撼角色深入民心,日前於台灣拍廣告時接受台灣《蘋果日報》訪問時,大讚周星馳是天才兼專業,他笑說:「他當導演時沒拍過他的戲,可能嫌我貴不請我。」他笑指當初還以為周星馳與吳君如會結婚,他說:「他們那麼好,吳君如自己都講『東哥,我會不會喜歡他(周星馳)?』我說那結婚啊,她就說『好啊』。」


■程東在《賭俠》與周星馳作對。劇照


在電影全盛時期,程東一日最多拍5部片,合作演員有周潤發、周星馳及四大天王等,問到哪位最耍架子?他霸氣地說:「四大天王在我面前都不敢擺架子,我演反派演了這麼久嘛。」撰文:君喬





來源: http://hk.apple.nextmedia.com/entertainment/art/20160804/19721997
大軍 以為 星爺 爺娶 娶君 君如
PermaLink: https://articles.zkiz.com/?id=304481

君如帶女見證探訪

1 : GS(14)@2016-09-28 05:04:32

連續七年擔任奧比斯榮譽大使的吳君如,昨日現身機場停機坪,為新一代奧比斯眼科飛機醫院進行「感謝行」開幕儀式,並獲頒發「義工感謝狀」。七年來到訪過不少地方,君如指每次行程都有特別經歷,如在印度體驗到貧民區惡劣環境,到訪印尼時遇上排華事件。君如一直有跟10歲大的囡囡分享探訪相片,君如說:「今日佢好想一齊嚟,我同佢講不如跟學校告假,但佢話好想返學,我都老懷安慰,答應佢下年去探訪一定帶埋佢去。」君如希望讓囡囡親身見證小朋友接受手術後重見光明的喜悅。古天樂日前於紅館開金口,兼被網友自製海報想他2018年開演唱會,君如指未睇演出片段,但大家熱切期待,提議古仔考慮開騷。採訪:馬建華攝影:陳俊強




來源: http://hk.apple.nextmedia.com/entertainment/art/20160928/19783739
君如 如帶 帶女 見證 探訪
PermaLink: https://articles.zkiz.com/?id=310446

阿驄君如做嘉賓 鄭中基唔唱《烈女》收噓聲

1 : GS(14)@2017-01-31 03:13:28

■吳君如笑言以金雞2.0版造型出現,跟鄭中基唱《財神到》。



鄭中基(Ronald)前晚大年初一於紅館舉行第二場「Play It Again世界巡迴演唱會」,除太太余思敏與一對子女繼續撐場外,周秀娜、林家棟和黃百鳴等亦有前往欣賞。有別第一場演出,前晚鄭中基先請來20位穿波點裙的小朋友打頭陣,扮徐小鳳伴他唱《喜氣洋洋》,之後其父親鄭東漢登場為兒子彈結他伴奏,並謂:「今晚有位對我同Ronald(鄭中基)都係重量級人物嚟睇我哋表演,佢喺鄭家非常重要,湊大我同Ronald兩代都係靠佢,唔知點報答,佢係台下奶媽謙姐,已經102歲,無言感激。」


林敏驄搞作品展

在點歌環節,有觀眾要求鄭中基唱舊愛楊千嬅《烈女》,但他卻謂:「我真係唔識喎!」現場即報以噓聲,後來歌迷點唱傳聞中鄭中基為追千嬅而作、成功打動千嬅芳心的《二月三日》(千嬅生日日期),雖然這首歌是他自己作品,但鄭中基只哼了幾個音,完全忘記歌詞,莫非怕台下太太呷醋而「扮失憶」?



■20位迷你「小鳳姐」伴着鄭中基唱《喜氣洋洋》。

■湊大鄭東漢和鄭中基兩父子的102歲奶媽謙姐(箭嘴示),前晚到場睇騷。

前晚林敏驄和吳君如擔任嘉賓,林敏驄跟鄭中基合唱《最愛的你》後,阿驄笑謂:「我除咗佩服你把聲音之外,仲有父蔭,查過你族譜,老竇係鄭東漢,阿叔係咪鄭經翰,你祖宗最成功(鄭成功)。」之後鄭中基表示將舞台交給阿驄時,阿驄竟說:「落去要保重,下面啲唔係人,有機會寫信返嚟。」阿驄透露6月會在紅館開作品展,繼而唱出兩首譚詠麟歌曲。鄭中基在介紹吳君如出場時說:「雞年點可以冇雞,佢唔止係雞,仲係金雞,有請大波金。」二人合唱《財神到》和《肥婆隻雞甩晒毛》,又走到台下?利是,氣氛熱鬧。採訪:卓寶花攝影:陳俊強




來源: http://hk.apple.nextmedia.com/entertainment/art/20170130/19912545
阿驄 驄君 君如 如做 嘉賓 鄭中基 鄭中 唔唱 烈女 噓聲
PermaLink: https://articles.zkiz.com/?id=324706

君如教襯衫 睇雜誌偷師冬叔型爆搭港鐵「老人家心境唔好Out」

1 : GS(14)@2017-03-04 10:18:19

■夏春秋悉心打扮,坐港鐵時拿着手機打發時間。讀者提供照片



【爆相爆片】現年85歲的「六合彩之父」、吳君如爸爸夏春秋(冬叔)退休生活優哉游哉。讀者金先生日前透過本報「爆相爆片」分享一身型爆打扮的冬叔搭港鐵,由調景嶺到觀塘的相片。他戴上金絲眼鏡,拎着裕華國貨紙袋出動,享受長者兩蚊乘車優惠。金先生表示車廂中有乘客認出冬叔,還有人上前打招呼。



■夏春秋與妻子、女兒君如及孫女感情要好。資料圖片

■喜歡演戲的夏春秋,曾與君如合演《家有囍事2009》。


搶減價貨

記者前日致電冬叔,讚他當日戴「賊仔帽」配全身啡色打扮夠心思,他中氣十足說:「睇得雜誌多,老人家最緊要個心境唔好out,我又感染個女(吳君如)同女婿(陳可辛)啲着衫taste,阿仔(吳君祥)嗰啲好現代化,有次着件背心,阿仔就話老套,我接受意見,講民主。」原來冬叔濕平愛國貨:「裕華始終係內地出,尺碼比較啱我。先施專賣歐洲嚟嗰啲,細碼都好大件,條袖長到似殭屍咁,你話着嚟做乜?」冬叔也精打細算:「通常減價嗰陣同人去搶。」冬叔喜歡戴帽:「我冇乜頭髮,要戴帽出街。」家中收藏不同款式帽子近六十頂。採訪:王梓嫚




來源: http://hk.apple.nextmedia.com/entertainment/art/20170304/19946709
君如 如教 襯衫 雜誌 偷師 師冬 冬叔 叔型 型爆 爆搭 搭港 港鐵 老人家 老人 心境 唔好 Out
PermaLink: https://articles.zkiz.com/?id=327751

君如生日 江美儀冇影

1 : GS(14)@2017-08-06 11:39:12

吳君如大前日52歲生日,丈夫陳可辛、女兒陳是知、父親夏春秋、吳母及胞弟吳君祥陪她野餐,但不見吳君祥女友江美儀。君如昨日在facebook貼相,留言:「一班加起嚟都470幾歲嘅至愛親人為我開心到飛起慶祝生日,女兒為我彈結他唱生日歌,我點都要搏命晒一下幸福。」




來源: http://hk.apple.nextmedia.com/entertainment/art/20170805/20111901
君如 生日 江美 美儀 儀冇 冇影
PermaLink: https://articles.zkiz.com/?id=339798

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019