ZKIZ Archives


Jenny曲奇即出三億黃金屋

2014-01-30  NM  
 

 

小宗上期講過Jenny Bakery嘅熊仔罐曲奇好鬼渴市,唔單止日日排長龍,更被水貨佬炒貴一倍。收錢收到手軟嘅老闆楊賜梅(Jenny)同小宗話:「已經好多人啦,唔講咁多啦。」人哋恨宣傳,佢就怕宣傳要封口,認真巴閉。但最巴閉,莫過於Jenny副身家。

原本喺馬來西亞華僑嘅Jenny,九八年嫁嚟香港做少奶奶,老公做保險,家住赤柱海景豪宅。相夫教子悶悶哋,○五年開檔賣手工曲奇,老公仲不時揸Benz、寶馬幫手送貨。○八年金融海嘯時,都月賺六萬銀。隨着曲奇愈賣愈旺,豬籠入水嘅Jenny,○九年開始買鋪買樓。計番條數,Jenny前後用咗兩億幾掃貨,而家揸住十幾個物業。睇番記錄,呢位富貴師奶,銀彈充足後就唔再租鋪,開親分店,都係自置物業,包括柴灣工廈嘅廠房。而家尖沙咀及上環兩間分店嘅鋪位,分別喺一二年用二千二百幾萬及舊年三月用近三千四百萬買入。佢另外再用四千幾萬,買咗尖沙咀星光行鋪及油麻地一間街鋪,唔知遲吓會唔會用來開分店,等啲曲奇粉絲唔使排得咁辛苦。除咗買鋪做生意,積極入市嘅Jenny,仲趁「起動東九龍」㷫烚烚,買咗兩個重建新式商廈單位;上年年中,再買多間大埔滌濤山屋仔收租,所有物業總市值已超過三億。講到呢度,見過啲世面嘅小宗,都要寫個服字。曲奇神話,當之無愧。

壹計就明兩個茶煲一個蓋

本欄找來有二十多年經驗的資深會計師林智遠及鄔碩晉,每期踢爆一間上市公司的會計陷阱,股民入市前睇清睇楚,一計就明。759阿信屋近年廣受香港人歡迎,帶來理想的業務增長,也令母公司CEC國際控股(759)的股價走俏,由不足1元,攀升至接近5元的高位。可是CEC的財務報表,卻不容易分析。CEC除了經營阿信屋,原來的電子元件製造業務,還保留着。雖然財務報表提供了一些分部資料,但各分部的毛利率、應收賬款等資料,在2013的年報並沒有提供。在2013/14的中期報告,存貨的附註資料也欠奉。當一家企業擁有截然不同的業務,理解分部資料其實非常重要。CEC的阿信屋業務,在中期業績表現,相當不俗。簡單的分部資料顯示,這業務的收益為6.4億元,上升82%;溢利達2,700萬元,增長達5倍;純利率升至4.2%,看來品牌價值還有發揮效能的空間。但再看電子業務,便發現不少問題。半年來營業收益2.1億元,僅帶來190萬元溢利,基本上可看成沒有虧本。但電子業務卻佔用了CEC近5.8億元的資源,比起阿信屋業務佔用的4.2億還要高。用了大部分資源,但沒有帶來理想回報,不是理想的狀況,且更有可能成為需要照顧的傷口。阿信屋的業務數據,本身也令人有些疑慮。業務積極拓展、營業收益持續上升,但存貨沒有跟隨上升,應付貨款更下降,都是較特別的背馳現象。而實際上,CEC的銀行借貸水平達4.6億元,跟5.2億元的股東權益相比,借貸比例近9成,也是投資者需要留神的地方。(鄔碩晉)

今期閃爆「土豪金」車主澳門大亨是也

早前泊喺中環街頭、


Next Page
ZKIZ Archives @ 2019