ZKIZ Archives


90後情侶賣無骨雞翼包

2016-07-07  NM

一班朋友的聚會中,總有一個是雞翼控,但每每考慮到「噒骨」的狼狽樣子,少不免令人有點卻步。好包由今年分別23及24歲的情侶Vincent和Kay開設,Kay笑說自己很喜歡吃雞翼,為了吃得方便又優雅,他倆創出無骨雞翼包。今年6月初,他們更在元朗開店,除了賣無骨雞翼包外,還將素食及日式料理的元素融入意大利包之中,在優閒的日常中添一點新意。

我哋最好賣係香蒜椒鹽雞翼包、蜂蜜雞翼包、秘製慢煮豬腩肉包同焦糖洋蔥大啡菇包,平時晏晝都幾多學生同街坊嚟食!」每個包售價由$32至$42不等,Vincent一身大廚功架,負責食物製作,Kay則負責宣傳及行政,2人打理小店時甚有默契。

歐遊回港賣包

13年,2人經朋友介紹認識,隨後更成為情侶。「大家各有自己嘅工作,好難夾到時間見面。Vincent鍾意煮嘢食,我可以處理行政事務,於是萌起創業念頭,想開一間食店。」15年,他們齊齊辭職,先去旅行放鬆心情,Vincent表示:「去到瑞士、法國,見到有賣意式包嘅食店,香港好似唔太出名,但食就好方便,覺得幾適合喺香港賣。」回港後,在朋友的幫忙下,他們與堅尼地城一間小店合作,「佢喺前鋪賣啤酒,我哋喺後面賣包,晚市就做私房菜。可以一齊分擔租金,又可試下水溫。」至於為甚麼會想到用無骨雞翼包當主打,Kay笑說:「我好鍾意食雞翼,同埋覺得雞翼係每個家庭都鍾意食嘅餸,但好多人覺得有骨好麻煩,所以唔會見有人用雞翼做包嘅餡料。我哋考慮過呢個問題,就決定拆骨,等大家食得方便又開心。」

自己焗包

Vincent表示雞翼拆骨技巧不算太難,熟能生巧,多多練習便可;反而是焗意大利包比較花時間,「搵過幾間供應商都覺得唔夾,一係太硬一係太多氣泡,口感問題。於是打算連包都由自己焗,我試咗3個月先成功,因為意式包水分多,又要等發酵,分量、時間同造型都好難控制,試過太硬、太扁。」15年10月,好包正式營業,但反應未如理想,Kay說:「鋪頭位置人流唔夠,好靠網上宣傳,冇咩街客,於是想轉鋪。」今年年頭,他們徹出堅尼地城,物色更適合他們的鋪位及改善經營方式。「我哋都住喺元朗,所以揀近自己社區嘅鋪,熟悉啲。」

迎合不同客人口味

另外,有了一次開鋪經驗,令他們考慮更多因素,Vincent表示:「今次由我哋兩個撐起間鋪,餐牌要迎合唔同人嘅需求,要諗多啲款式嘅包。例如大啡菇包,適合素食人士同埋想食少啲嘅女士;吉列豬扒平時都見多人食,所以試下夾埋落包;慢煮豬腩肉,坊間用慢煮已經唔多,我仲用咗香草、香茅同八角去調味,都幾新鮮;仲有,我鍾意食青咖喱,所以試埋整青咖喱包,估唔到又幾多人鍾意食!」好包位於元朗西菁街,鄰近市中心,所以人流不錯,Kay說:「我哋睇過附近仲有好多中學,都幾多學生客,晏晝過嚟食個包做lunch啱啱好。客人比以前多咗4至5倍,同埋我哋用open kitchen方式,大家睇住我哋整,吸引多啲人過嚟。」

客人等到黑面

好包於6月開張,Kay表示因店沒有一個室內的等候位置,及包即叫即製,每個需時10分鐘,故天氣熱時,客人等得太久便會黑面,「都有睇過客人臉色,惟有安慰下佢哋,但要笑住講,語氣唔可以太強硬。」Vincent試過最極限是一天內造150個包,「有時會聽客人意見去改善,有次話啲豬腩肉唔夠腍,我就諗方法整到易入口啲。」為了解決太熱問題,除了賣包賣飯外,他們還賣凍飲,「我哋放多兩部大風扇喺門口,希望遲啲涼啲會有改善。」Vincent和Kay是飲食業的新手,所以會花多點時間了解元朗區人的飲食習慣,以日後開設餐廳為目標。

Claire Nelson(客人):我哋上網喺「食在元朗」facebook群組,見到好多人介紹呢個包,話好軟好好食,所以嚟試。我哋覺得無骨雞翼真係食得幾方便,我最鍾意香蒜椒鹽雞翼包,好香口!

開業成本

租金:$ 30,000器材:$350,000裝修:$200,000總投資:$580,000

每月收支(6月)

預計營業額:$150,000人工:$30,000(1位員工,老闆2位)入貨及雜費:$50,000租金:$30,000預計盈利:$40,000

facebook@Couple & The Bao 好包

撰文:霍芷晴攝影:劉宇軒

PermaLink: https://articles.zkiz.com/?id=204050

【90後情侶創業】自創無骨雞翼包 開舖五小時賣晒

1 : GS(14)@2016-08-07 01:48:02

香草醬味道濃郁,雞翼嫩滑,配上有汽菠蘿青檸蜜,比起大型連鎖店的套餐更令人滿足,$50(配飲品)。



「燒雞翼,我自細鍾意食。」星爺將對雞翼的愛深得要用歌唱出來,證明香港人真的十分喜歡吃雞翼,這對90後小情侶更喜歡到在元朗開設一間,專做無骨雞翼意大利包的外賣店。「男朋友之前做西廚,我做Marketing……嘗試一同開店。」這位有點害羞的90後老闆娘文雅煥(Kay)笑說。但開店更大原因是,因投身社會後兩人見面次數越來越少,希望藉此增加共處的時間。


喜歡吃雞翼的他們,眼見市面上沒有雞翼包,因此自己研究。由老闆陳學貽(Vincent)所創的雞翼包有四種口味,分別為青咖哩、香草醬、蜂蜜及香蒜椒鹽。每隻巴西雞翼都是煮熟後人手拆骨,選用的亦是自家製麵包,「我們於上年曾在港島區開Pop-Up Shop,當時選用某大型品牌的麵包,當初客人反映雞翼與麵包不夾。」年輕高大的Vincent認真說。因此他在Pop-Up Shop結束後,便花上差不多四個月去研發新包,「現在我們用的是自製的意大利麵包,水份較足,咬起來亦較軟身。」每個雞翼包內都有三隻去骨雞翼,食客毋須擔心雞翼會「走佬」,因為店家在出餐前會將麵包牢牢包緊。經記者實試,無論雞翼還是其他餡料如青瓜生菜,的確包得妥妥貼貼,吃起來絕對不狼狽。「會做這幾款味道,其實是因為想迎合不同客人的口味,好像香蒜椒鹽就較為港式口味、香草味就較西式。」Vincent解釋道。本來以為一次過吃三次雞翼,定必覺得肥膩,誰不知麵包鬆軟可口,加上生菜、洋蔥等蔬菜中和雞翼的油膩感,女生都能吃下整整一個。除了雞翼包外,Vincent還研發出幾款外賣飯,當中的慢煮豬腩肉最為吸引,選用荷蘭豬,脂肪分佈較為平均外,豬膻味亦相對較弱,以鐵板略煎後,當中散發出來的油花配合豉油拌飯,味道極為吸引。不過情侶夾份做生意,總較容易有拗撬,問到吵架的經過時,他們相視後無奈一笑,「開店前,我們會因為裝修問題大吵一餐;開店後,有時候人較多,我會催他快手一點,他亦會生悶氣,那麼便可能一整天都不說話。」Kay有點不好意思地吞吐說。Vincent則沒所謂地擺擺手說:「過了一會,氣消後便沒事了。」寵愛之情不言而喻。年輕創業,別人看到的是膽量,但自己需要的更是勇氣,「反正年輕還有本錢賭一賭,正所謂有危才有機嘛,創造出市場沒有的東西,這便有機會成功。」Vincent道,亦是這種初生之之犢不畏虎的態度,令到他們得到空前的成功,每天大概開店五至六小時,大概120個雞翼包便賣光,假日會預備多一點,賣到150個。兩小口表示,他們暫時沒有開分店的打算,接下來的目標是希望將店舖擴張成咖啡店,增加食物種類外,亦讓食客有多一個地方安坐下來品嚐美食。記者:李泳烔攝影:劉永發



除了雞翼包外,小店亦有自家飯盒提供,當中最受歡迎的慢煮豬腩肉入口即溶,有高級版叉燒飯的感覺,$48。

Vincent及Kay為增加相處時間而決定開店,雖則當中不少有小爭執,但反而令他們的感情更加堅固。



來源: http://hk.apple.nextmedia.com/su ... t/20160804/19721863
PermaLink: https://articles.zkiz.com/?id=304438

Next Page

ZKIZ Archives @ 2019