ZKIZ Archives


三太叻過馬雲

2015-09-10  NM

阿里巴巴主席同副主席蔡榮信為要成立family office(家族辦公室),要「舉」咗名下股票融資廿億美金,family office呢家嘢漸為唐人受落,賭王三太早於四年前,即係「分燊家」後,就成立咗UNIR Group安利集團,唔使好似馬雲咁要「籌旗」o架。

三太把過去賭王「醒」佢遍布中港澳及海外嘅物業、賭場、直升機、金銀珠寶一籮籮生意隊晒入去,公司家族色彩極濃,就係以陳婉珍博士為首。UNIR係葡文, 意謂團結,代表三太希望家族上下團結齊心,管理如此豐厚資產,三太都好識用人,UNIR行政總裁就係唐家榮(Carl Tong),會計佬嘅佢花旗出身,侍候過林建岳,八十年代仲做過半山區議員同埋立法會議員,有番啲政治「智慧」,689參選特首當年,Carl唐捐咗一球 俾佢o架,成為689「金主」。馬雲構思嘅family office都唔輸蝕,由Blue Pool合夥人Alexander West打骰,呢位老外唔簡單,佢團隊九十年代打理過瑞典Wallengberg家族辦公室。呢個家族控制瑞典巨企如Saab汽車製造、電器 Electrolux、Ericsson;搵得咁嘅團隊,馬雲嗰碗茶飯又豈會奀豬豬呢?

金融逍遙客:鄧小平有巨人氣場

游走於中港台併購、私募投資的金融多棲動物,現為多間上市公司主要股東及董事與一班夾埋袋住幾百億美金嘅私募基金大佬吹水,席間有位年輕投行賓架問道,決 定投資一個項目與否,到底最重要是看什麼呢?大家一致答案:人。逍遙客完全認同,項目五花八門,創意亦日新月異,但怎樣去落實執行卻全靠人。大家加埋投資 經驗過百年,投過千個項目,總結血淚史,得出一個真理:一個好項目,落在一個不好的人身上會搞彎;而一個貌似不好的項目,落在一個有能力的人身上,卻很有 可能將項目變好。但如何去判斷人,是一個終生課題,更是一門藝術,學校冇得教,教授也唔知點教,全要靠慧根。雖然發掘一個有潛質嘅人好難,但若用排除法先 過濾出庸人,卻相對容易。成功嘅人都有一種「氣場」,哈佛教授傅高義在《鄧小平時代》一書中,形容鄧雖矮小,但在任何場合都散發着巨人的氣場。有時對住電 視新聞,看看現在受政府重用的一些人士,立即有舉一反三的感覺。嗰位行政會議成員張志剛,擘大眼都只剩一條線闊,若謂眼鏡是靈魂之窗,我哋連接觸佢靈魂的 機會都冇!副門牙似撑大咗嘅龍門,論賣相講佢真係唔啱,但佢講話也是扭橫折曲,成個村幹部咁款。無意發現那位樹根兄竟然是港大校董,就似一班美心熟客衝入 半島吉地士歎一盅二件般,格格不入!最有型有款叫張震遠,但又睇得唔打得。特首馬房人才之凋零,已到可怕程度。喺投資角度,這個政府點叫人投得落手?

中環寸嘴:阿純,唔好學大陸作風,有裝修冇維修!

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。星光大道單嘢,純官出嚟 講話:「好心做壞事。」咁即係默認係壞事啦!大家都係順德鄉里唔怕講喇,創業難,守業更難,嗰條「壞鬼」星光大道又殘又舊,俾CNN評為最劣景點,真係 disgrace to Hong Kong,奉勸純官唔好學大陸作風:有裝修冇維修。既然星光大道管咗九年都蝕錢,點解仲要擸埋尖東嗰邊海濱嚟管啫,嗰邊可以俾尖東業主會(包括呂志和、黃 志祥等人)佢哋管吖?如果嫌班友係隔夜油炸鬼冇魄力去搞,咪攞出嚟招標,你又點知冇人投啫!好過益新世界當做臨時貨倉地。唉,其實我喺新世界中心都留低唔 少腳毛o架,七十年代尾,讀緊大學,放暑假返香港,朝早去會所打完網球,搵地方hea就去新世界酒店入面間桑拿,幾好環境o架,仲唔識死跳入個大浴池,揼 骨又唔使搭房,嗰陣富麗華酒店按摩房要搭房,撞到世伯就冇癮啦,噴一句埋嚟:「哈,你仲識歎過我!」新世界桑拿嗰度任點任食,啲水果、點心係由新世界酒店 送過來,中午hea到下晝,唔係peak hour,冇乜人幾爽o架。嗱,好似做新世界桑拿咁,純官識得全情投入參與,咪做得有聲有色囉。唔好攞個海濱嚟搞,幫自己教仔先得o架!

超人李愛欖仁

唔知乜嘢挑起《華爾街日報》條筋,忽然大讚超人李眼光獨到,叻到甩辮,一早由大陸撤資。譬如喺○八年高位出售上海商廈、一二年後再冇喺大陸投地、今年又整 合長實、和黃,將資金投向歐洲等等。呢啲通通係舊聞矣,較有新意者,係篇報導提到超人李喜歡喺長江中心頂樓以pilinut待客?乜嚟o架?咪即係欖仁 囉。網上資料話欖仁含大量鎂質,除咗提供蛋白質能量,更有助加強肌肉骨骼、提升免疫能力、促進頭腦及神經系統運作、平衡荷爾蒙、改善皮膚等等,其好處真係 十日十夜講不完。慢吓手仲勁過仙丹。超人李攞嚟待客,錯得去邊呢,請問?

插圖:朱桂葉centralman@nextmedia.com


三太 太叻 叻過 馬雲
PermaLink: https://articles.zkiz.com/?id=159885

Lunch with the FC:「香港人批評自己叻過讚美自己」

1 : GS(14)@2012-02-25 15:41:51

http://www.zkiz.com/news.php?id=11433
在投資圈子打滾一段時間,性格會變得犬儒,對許多事都存懷疑,投資界永遠充滿險惡,越成功的投資者遇到越多不誠實個案,越成功的投資者越犬儒,這是成功投資者的職業病。投資者不願意自己變成一個自己未必喜歡的人,但想深一層,工作佔人生的時間太長,工作難免無聲無息的改變我們,我們不容易把自己的性格從工作中抽離。能接受自己的種種不是,同時教曉自己去發掘身邊人和事的美麗,已經是不容易培養的特質。
「我說這麼多無非想說一件事,我所做的毫不特別。投資要有過人的自信,我很幸運,上天賜予我在投資方面的一點天份,做出一點成績,但如果我做人不懂得處處顯出謙卑,我會好嬲自己。」
地下故事 考古掘出動人歷史

之前我說雷剛只接受了我的兩個訪問,嚴格上是不對的,因為雷剛最近在投資以外領域成為新聞人物。他是軍事考古發燒友,最近在赤柱發現戰時遺留的手榴彈,報警後被記者訪問,故事刊登在《壹週刊》。雷剛告訴我多個感人故事,關於香港人在兩次大戰的英勇事迹,這些不是人云亦云,雷剛以考古驗證,全部有憑有據。他說考古過程中,走遍新界遍遠村落,這些村民跟其他香港人同樣美麗,話匣子一打開,可衝破語言障礙,講出一個個動人故事。
港義勇軍 以寡敵眾

其中一個關於香港義勇軍,一隊由中國人組成的機槍團,這些軍人以寡敵眾,在日軍猛烈攻擊下,誓死不投降,最後全軍覆沒。雷剛指英軍在戰後不大高調表揚中國軍人的貢獻,英方史料記載不全,反而日軍有詳盡記載。雷剛走去靖國神社翻查資料,日方資料指日軍攻了 15次才攻破。日軍對義勇軍的英勇心存敬意,動手把屍體埋葬,地點在陽明山莊附近。
雷剛最近成為了父親,我問他還有沒有時間考古,他說時間的確少了,不過最大改變不是時間。「以前拿起一枚炸彈,我不會驚,但現在心境不同了。」

投資民主化 餘生專注做一件事

「我 99%肯定我餘下四分之一的人生,會專注做一件事。」這件事是雷剛二十多年投資生涯累積的精華,他希望用來服務香港人,他說的是退休投資計劃。香港人談起強積金,大都咬牙切齒,都知道二三十年之後,一部份的強積金會去了基金公司的口袋,這些每年收取高昂管理費的基金公司,是強積金的唯一肯定贏家。香港人都知道問題所在,但不知道解決方法,因為彷彿這是唯一一條路。


雷剛很用心向我解釋他的主意,重點是他懂得怎樣做,而且金融產品日新月異,以前不可能的今日變得可能。我一聽就明白大意,但執行上非常複雜。詳情我不說了,我會考慮多花時間去幫他實行這件事。雷剛的條件很清晰:這件事不牟利,利益歸於香港人。
「香港人壽命越來越長,大部份人對退休後財務安排無甚認識,包括一些所謂投資有道的人。」
「我不是想認叻,過去十多年我建立了一個往績,證明我有能力為投資者在一個較長的時間框架中,以極低的管理費用,為退休人士製造不損購買能力的長期投資回報。」

蔡東豪
2 : GS(14)@2012-02-25 15:42:51

http://realforum.zkiz.com/thread.php?tid=29042
more info
Lunch with the FC 香港 批評 自己 叻過 讚美
PermaLink: https://articles.zkiz.com/?id=277945

財經評論:四叔聚財叻過散財

1 : GS(14)@2016-09-23 08:08:03

香港有兩大地產商,旗下品牌樓盤,每每令人驚歎「原來真係可以計得咁盡」,第一間是長實(1113),第二間便是恒基(012)。長實有好一段時間,以樓盤的特大窗台聞名。恒基呢?以劏房盤稱霸。就今年而言,恒基已推出三個劏房盤應市——包括全部均為一房及開放式戶型的長沙灣海柏匯;另外亦推出了「最細只有163呎」的北角尚譽,以及最新推出何文田加多利軒。加多利軒雖然位處於豪宅地段,但四叔「劏起上嚟」絕無手軟。發展商日前開放其中一個實用面積190呎的示範單位,起居室連開放式廚房加起來只有84呎,比與其相連的平台小4呎,而示範單位的洗手間更細得離譜,正常人根本難以坐下。要開放予傳媒參觀的示範單位尚且如此,項目最細兼且不設示位的161呎單位,到底間隔如何不見使?簡直是難以想像。記得數年前,四叔打着幫年輕人上車的旗號,想捐地起樓。但及後,其建樓計劃因為政府請食檸檬而告吹,四叔其後又計劃將大坑西邨重建成青年創業居所,但邨內居民安置問題懸而未決。四叔常言「懂聚財,亦要懂散財」。以其千億身家而言,想「散財」幫年輕人置業,其實唔難。但於筆者看來,其聚財之道遠比散財之道高明。記者:林幗欣




來源: http://hk.apple.nextmedia.com/financeestate/art/20160923/19778812
財經 評論 四叔 叔聚 聚財 財叻 叻過 過散 散財
PermaLink: https://articles.zkiz.com/?id=309673

【動畫】睇眉頭眼額辨情感女人叻過男人

1 : GS(14)@2017-03-04 00:34:40

女性一向較男性懂得看別人「眉頭眼額」,英國一項研究發現,原來男人看別人有關「憤怒」和「情慾」的情緒較為在行。英國2,000名男女參與這項研究,參加者要觀看多張只有「眼睛和眉毛」的照片後,估計相中人的情緒。當中2/3女性能準確估中5個或以上相中人的情緒,而只有56%男人做到。另外,女性對自己觀察別人情緒的能力普遍較有自信,逾半女性認為,自己比他們的親友更懂得看眉頭眼額。研究又發現,女性觀察別人「脆弱」的情緒較佳,逾3/4女性能夠看出別人受驚;在察看別人「懇求」或「內疚」的情緒時,女性比男性的成功率高5個百分點。而男性觀察與「憤怒」和「情慾」有關的情緒比女性在行,58%男性能察覺別人對某些事情「有興趣」,僅41.9%女性察覺到。研究人員指,觀人面色的能力會隨年齡增長而加強,直到65歲為止。而有趣的是,參加者在10分為滿分的測試中,平均得分為4.9分,反映大多數人都未必如自己所想般懂得看眉頭眼額。英國《每日郵報》




來源: http://hk.apple.nextmedia.com/international/art/20170303/19946242
動畫 眉頭 眼額 額辨 情感 女人 叻過 男人
PermaLink: https://articles.zkiz.com/?id=327585

錢小豪讚兒子叻過阿叔

1 : GS(14)@2017-06-16 01:58:56

姜大衛和錢小豪昨日現身香港電台出席父親節活動,兩人異口同聲表示很少關注父親節,小豪說:「差唔多所有節日都係爸爸負責畀錢。」他透露現年14歲的兒子最近由駕駛小型賽車轉到學習飄移,他說:「佢最近跟李家鼎個仔李泳豪去學。」兒子的駕駛技術如何?小豪說:「佢好叻,揸得叻過我,好有天份,比阿叔錢嘉樂仲叻,相信有朝一日家樂仔會俾姪仔過頭。佢仲同我講希望可以揸F1,我做爸爸聽到就真係好痛苦,但都會盡量backup佢。」另外,膝下已經有四名孫兒的姜大衛,下個月就七十大壽,他表示會和家人吃飯慶祝,不會大搞。採訪、攝影:曹家誠




來源: http://hk.apple.nextmedia.com/entertainment/art/20170615/20055964
小豪 兒子 叻過 過阿 阿叔
PermaLink: https://articles.zkiz.com/?id=335607

【毛姨做評判】牛扒七成熟點叫?邊個議員叻過Google Translate?

1 : GS(14)@2017-07-01 10:30:11

連鎖壽司店的告示曾經鬧出笑話。



「外來食物請勿帶入本店,敬請自重。」你會怎樣繙譯這句中文呢‌?最近立法會議員毛孟靜(Ms Mo)的 facebook有人分享一張「出事」的告示,英文譯成「Foreign food. Do not brought into the shop.please weight.」,Ms Mo大嘆港人英文水平越跌越低。



原來這烏龍是2013年時連鎖壽司店的人為失誤。老闆解釋當時有員工用了google translate所以出錯,壽司店現已換了新的告示。



Ms Mo會糾正及教大家最正確的英語會話。

立法會議員楊岳橋

這次記者為了測試港人的英語水平,到中環測試一眾白領人士,同時也到立法會考考一眾議員。除了告示繙譯外,也試試大家的日常餐廳會用到的基本英語句子,如(一)我可以點餐了、(二)我份牛排想要七成熟和(三)我要埋單。Ms Mo會糾正及教大家最正確的英語會話,想知哪個議員被讚「叻叻」答對,哪個議員一聽到要被測試就「走夾唔唞」?睇片啦!



立法會議員羅冠聰

立法會議員梁國雄

記者:何嘉茵、張佩君攝影:許先煜2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170628/20070668
毛姨 姨做 評判 牛扒 七成 熟點 點叫 邊個 議員 叻過 Google Translate
PermaLink: https://articles.zkiz.com/?id=337390

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019