ZKIZ Archives


苟姑娘變「大茄」棄乖乖女look博翻生?

1 : GS(14)@2015-04-01 08:58:43





「苟姑娘」苟芸慧08年多倫多華裔小姐贏咗冠軍,09年再成為國際中華小姐冠軍,其後與大台簽約做藝員,起初大台成日畀機會苟姑娘出鏡,當年更被封為「宅男女神」,成為好有機會上位做大台花旦,不過自從苟姑娘中咗「不瘦降之謎」,身形忽然大咗幾個碼位,有傳體重曾一度高達170磅。昨日有雜誌指,苟姑娘早前被網民除名,冇得叫女神,有指苟姑娘事業都有啲危危乎,據知自上年做完世界盃主持,苟姑娘就開始冇乜劇拍,最近期之作已經係前年拍嘅《飛虎II》,計落已經大半年冇新劇,出鏡率已經少之有少,好似「茄呢啡」咁。不過,藝人又真係唔可能完成冇工開,報道爆苟姑娘近年靠同啲一線姐仔小生登台及商演搵銀,有傳早前陳展鵬、徐子珊有幾個登台騷,苟姑娘都有去,每場騷價3萬元人仔,但苟姑娘最近冇咩曝光率,當然唔可能成日出騷接喇!該報道指,今年年底約滿大台嘅苟姑娘,4月終於有機會再喺「公仔箱」現身,但就唔係做二、三線女主角,就真係被貶做「茄呢啡」,連劇中連感情線都冇,仲被朱晨麗同朱千雪壓住,就連新晉「姐仔」劉佩玥,都多戲份過苟姑娘,難怪早前苟姑娘換咗一向乖乖女look,染咗個紅色,剪埋短髮造型,決心博個翻生機會。





來源: http://hk.apple.nextmedia.com/entertainment/art/20150401/19097865
姑娘 大茄 乖乖 look 博翻 翻生
PermaLink: https://articles.zkiz.com/?id=289188

財路:中糧肉食博翻一番

1 : GS(14)@2018-01-22 05:57:43

全國豬價有小牛市,萬洲(288)創新高,中糧肉食(1610)繼續潛喺上市以嚟低位,講PE、PB,又係平咗大大截,中糧肉食超抵搞。中糧肉食係國內第四大生豬養殖商,兼垂直覆合飼料生產、屠宰、生鮮豬肉、肉食製品、經銷零售同凍肉進口,對口係超級大孖沙中糧集團,講級數、業務多元性同母系,全部架勢堂。再睇豬價新聞,綜合內地報載,上周全國生豬平均價上到7.67元人仔一斤,連續刷新九個月新高。又全國多個地區生豬整體均價每公斤突破15元人仔,豬肉股乘勢起飛,香江呢邊嘅萬洲,股價創埋新高,中糧肉食係冇郁過!又萬洲話,由於散養戶持續退出行業,預計到上年尾,全國散養戶養殖出欄佔比,會由2015年57%,降到52%以下,三年內降低6,600萬頭產能。此消彼長下,中糧肉食掂晒!場內專業預測,中糧肉食今年回復增長,今、明兩年EPS0.25港元同0.31港元,現價1.59元預測PE得6.5倍同5.2倍,同樣專業預估PB,得0.88倍同0.75倍。上邊萬洲同期預測PE講緊13.8倍同12.9倍,預估PB2.2倍同2倍。又按彭博有做專業預測行家,內地傲農(滬603363)今、明兩年預測PE44倍同35倍,預估PB6.4倍同5.4倍、牧原(深002714)20.3倍同19倍,預估PB6倍同4.9倍、溫氏(300498)19.2倍同17.6倍,預估PB3.7倍同3.2倍。中糧肉食係至抵搞!買中糧肉食,當翻一番到3.2元,明年預測PE先得10倍,都仲未追到萬洲PE水位!錢雋細價股專家本欄逢周二刊出



來源: https://hk.finance.appledaily.co ... e/20180116/20276034
財路 中糧 肉食 博翻 一番
PermaLink: https://articles.zkiz.com/?id=347178


ZKIZ Archives @ 2019