📖 ZKIZ Archives

85歲大聲公尋弟

1 : GS(14)@2012-10-01 13:11:33

http://hk.apple.nextmedia.com/news/art/20120928/18026650

「係熟人抱走佢」
「嗰時日本仔打到嚟，老竇搵個籃入住啲出世紙，我拎住走呀走，啲人話啲出世紙有英文字，俾日本仔見到實斬你，斬你喎，唔驚呀？唔知出世紙咁矜貴，咪嗱嗱臨燒曬佢囉。」
1943年冬天，麥柏回鄉探望祖母，家人在港卻碰上「走飛機」，「日本仔轟炸呀，嗚嗚嗚，個個雞飛狗走，亂曬坑，細路哥咪俾人拐咗」。麥柏是大哥，回港後與父親四出打探弟弟的下落。「唔識嘅人佢唔會跟㗎，畀咩佢都唔會要，所以我哋都話係熟人抱走咗佢。」
麥柏形容，錦美「頭大大」，前額一綴頭髮，「腳踭唔到地，個個都話佢短命」。小腿上種了波子大小的牛痘，「種咗好大粒，我哋成日笑佢㗎」。大哥和么弟，感情最要好，「好調皮㗎佢，細路哥，梗係四圍飛㗎啦，咁多個細佬，最生鬼係佢，佢對我好好，最跟我，成日摸我呢個胎痣，唔知點解大大嚇消失咗」。麥柏邊說邊捲起左邊衣袖，「我最鍾意阿美，一話佢，即刻乖，一喊呢，又喊到收唔到聲，譁，呢條友咁犀利，最記得佢我叫大聲公，一叫，我即刻追佢囉，啲細佬妹都唔係咁叫，喺呢條仔咁叫，哈哈！」七兄弟姊妹飯也吃不飽，遑論玩具，平時愛玩煙包的公仔紙，「冇嘢玩㗎，玩架爛車囉，有架爛咗嘅BB車，我哋學人揸車，拉住支棍，得三個轆，咪咁玩來玩去，擺軚呀，喺街巿二樓推囉」。
父母臨終不忘麼仔
興奮回憶童年趣事，卻又忽然若有所失，「原本以為仲有一絲希望，佢會認得個紅磚街巿，但係家街巿都拆埋」。去年麥柏在長者中心得悉紅十字會有尋人服務，遂依指示到入境處查核，「啲人話佢仲未死，可能仲喺度㗎喎……不過改咗名，你唔知㗎嘛，大海撈針，可能改咗名死咗都唔知㗎」。
1980年，麥柏父親麥顧賢過身，母親甄換亦在十多年後去世，「阿爸臨終時講呀：『有個細佬㗎，你記得呀，阿大聲，你睇嚇呀邊個登嚇報啦。』我哋呢啲懶人，文化太低，又唔識點登（報），一耽就耽咗十幾年，幾年先搏命搵，到阿媽『執笠』嗰陣，又同我講，『最緊要，記得仲有阿美。』」
一家十口，餘下麥柏和一弟一妹在生，「希望搵到，同阿爸講聲：『喂，搞掂喇！』春秋二祭可以向父母稟報，廿幾年你估講笑呀，個老竇最緊要佢，掛咗好耐，掛咗一年又一年，十年又十年，廿年又廿年，講講嚇又30年」。如果最終找不到怎辦？老人不知所措，「呢啲……了㗎喇」。
PermaLink: https://articles.zkiz.com/?id=281643
Next Page
ZKIZ Archives @ 2019