ZKIZ Archives


【馮仁昭四圍超】沈卓盈冧新歡「佢好gentleman」

1 : GS(14)@2016-03-08 00:08:32

【搭膊頭】■沈卓盈前晚俾疑似新歡搭膊頭好受落,但佢仲死撐話唔係拍拖。








沈卓盈舊年中同圈外男友Ray分手之後,感情生活一直都冇着落,前晚終於見到佢同疑似新歡男友喺銅鑼灣行街,仲蹺住手食雪條。佢位疑似新歡戴住眼鏡,警覺性好高,不停周圍望,起初仲企開幾個身位,之後入咗雪糕店買雪條食,佢哋揀咗個靠牆死角位坐,不時頭貼頭傾偈。其間沈卓盈有拎手機出嚟自拍,仲好快擺咗上Ig,當然就冇男伴份啦!大約半個鐘之後離開,對方仲好細心蹺住沈卓盈過馬路。兩人之後去咗睇眼鏡,跟住繼續喺銅鑼灣一帶行街,但每當去到人多地方就特別有戒心,分開幾丈遠,不過一過馬路或者去到窄路,新歡有好幾次都會攬住佢行,夠晒體貼。



【食雪條】■兩個人行到最入嘅死角位坐低食雪條。

【想拖手】■疑似新歡男友行到暗處,仲想趁機會拖下沈卓盈手仔。

■沈卓盈出門個時仲風騷揈頭髮。



多人地方要保護

沈卓盈之前單身嘅一段日子,成日黐住好姊妹徐淑敏一齊玩,間中約吓閨蜜嘆茶,又話要工作為先,點知原來已經靜靜雞拍拖。沈卓盈噚日回覆本報同新歡行銅鑼灣食雪條,當然例牌否認有新戀情:「都話唔係咯,朋友呀!朋友出街食飯行吓街,佢好gentleman,多人地方都護一護。咁我單身嘛,朋友出街食飯正常社交。」撰文:馮仁昭





來源: http://hk.apple.nextmedia.com/entertainment/art/20160307/19519113
馮仁 仁昭 四圍 沈卓 卓盈 新歡 佢好 gentleman
PermaLink: https://articles.zkiz.com/?id=297149

沈卓盈單拖中環買大Bra

1 : GS(14)@2016-03-16 14:28:16

■沈卓盈前日購物日,見她熟練地走到櫃位揀內衣。


沈卓盈(沈大師)跟火爆「金融才俊」Ray分手之後,由禮頓山搬回青衣娘家,早前被拍到另結新歡眼鏡男,但是前日下午4時許,本報發現沈大師在前男友Ray的舊居附近出現,當時她正在購買日用品,之後他開車到中環九如坊,泊車後行到歌賦街買內衣,估不到大師對淺色普通喱士款情有獨鍾,而最令人震驚的就是大師揀的胸圍全部都是大師級數,完全是大家想像以外的大號!沈大師對內衣店非常熟識,不用售貨員招呼,便自行到櫃位找合適的胸圍,她花了45分鐘,終於拿着一袋戰利品離開,然後駕車往返青衣的家。採訪、攝影:徐錦池、吳耀輝





來源: http://hk.apple.nextmedia.com/entertainment/art/20160316/19530664
沈卓 卓盈 盈單 單拖 中環 買大 Bra
PermaLink: https://articles.zkiz.com/?id=298168

傳與四眼新歡同居沈卓盈:都想有個家

1 : GS(14)@2016-08-13 14:50:20

■身在日本的沈卓盈繼續否認拍拖,但強調遇到合適對象,都想組織家庭。



今年32歲的沈卓盈(沈大師)先後與飛機師Simon、金融闊少男友Ray Mak拍拖,但去年她跟Ray分手後,就由價值過億的禮頓山搬返青衣公屋居住。雖然打回原形,不過進擊的沈大師繼續屢敗屢戰,今年3月被本報影到與一名四眼男貼頭食雪條,當時沈大師亦例牌否認:「都話唔係咯,朋友呀!朋友出街食飯行吓街,佢好gentleman,多人地方都護一護。咁我單身嘛,朋友出街食飯正常社交。」不過之後兩人又再被人影到在東涌outlet行街,見得如此頻密,確實很難令人相信兩人沒有拍拖。



■進擊的沈卓盈最近被傳與四眼男打得火熱,並已在紅磡築愛巢同居。資料圖片

■沈卓盈早前被影到與四眼男在東涌outlet行街。資料圖片

■沈卓盈(左)近日孖住好姊妹徐淑敏去日本旅行,慶祝兩人相識十周年。

孖徐淑敏遊日本

昨日有周刊指沈大師與四眼男拍拖雖然短短幾個月,原來已經在紅磡築愛巢同居。報道又指四眼男家底不錯,家族經營內衣褲出口生意,他亦有幫家人打理生意,而父母則住京士柏山獨立屋,所謂筍盤難求,難怪沈大師要吼實四眼新歡。此外,沈大師前日孖住閨密徐淑敏去了日本旅行,她昨日透過短訊回覆否認同居傳聞,沈大師說:「唔係啦!」又表示今次日本之旅沒有與四眼男同行,她說:「今次係姊妹遊,慶祝兩人相識十周年。」被追問與四眼男有沒有發展機會?她說:「我哋係朋友,如果對方追我先再算啦!冇刻意去諗感情事啦,如果真係遇啱我都想有個家庭,做個賢妻良母。」看來沈大師真的好恨嫁,相信遇合適對象,應該會閃婚。採訪:楊定




來源: http://hk.apple.nextmedia.com/entertainment/art/20160812/19732529
傳與 與四 四眼 新歡 同居 沈卓 卓盈 都想 想有 有個 個家
PermaLink: https://articles.zkiz.com/?id=305549

沈卓盈遊日本孖人妻Suki扮Twins

1 : GS(14)@2016-08-13 14:59:41

沈卓盈(沈大師)之前俾《蘋果》發現同四眼男食雪條,跟住就俾周刊報道話兩人喺紅磡同居,佢前日回覆《蘋果》就例牌否認,不過就開綠燈,話遇啱都想組織家庭,做個賢妻良母。雖然沈大師唔認同居,不過就一定係同徐淑敏同遊日本!日前沈大師喺Instagram貼咗張同徐淑敏喺機艙自拍相,之後仲一齊貼超勁人氣嘅CREMIA雪糕相。玩咗兩日睇嚟佢兩個未玩夠,前日佢哋去過竹林,昨日就繼續漫遊日本,沈大師啱啱更新Instagram,貼咗張兩人側面照,仲以Twins嘅飲歌《風箏與風》留言,唔通佢哋覺得自己似Twins?




來源: http://hk.apple.nextmedia.com/entertainment/art/20160813/19734425
沈卓 卓盈 盈遊 日本 孖人 人妻 Suki Twins
PermaLink: https://articles.zkiz.com/?id=305671

【馮仁昭四圍超】沈卓盈自爆有人追

1 : GS(14)@2016-09-07 21:46:21

劉佩玥同沈卓盈(右)噚日喺銅鑼灣出席「香港網球公開賽2016」記者會,對於Jessica C.早前踢爆伍允龍帶劉佩玥去老友聚會,劉佩玥唔覺伍允龍追自己,大家只係好朋友。沈卓盈早前被影到同圈外男友一齊,佢解釋:「係同朋友出街,我係單身。」佢承認而家有人追,現階段了解中。係咪影到嗰個?佢話:「唔話畀大家知。」撰文:馮仁昭




來源: http://hk.apple.nextmedia.com/entertainment/art/20160907/19762620
馮仁 仁昭 四圍 沈卓 卓盈 盈自 自爆 有人
PermaLink: https://articles.zkiz.com/?id=308013

【馮仁昭四圍超】沈卓盈三點式出海

1 : GS(14)@2016-09-27 07:14:51

「沈大師」沈卓盈噚日喺社交網貼噴血比堅尼相,着粉紅色三點式嘅沈大師坐遊艇出海曬太陽並寫道:「好耐冇出海玩,今日陽光特別燦爛,希望冇曬黑到啦!」皮膚白過白滑雞蛋嘅沈大師,當然怕曬啦,網友留言大讚:「真係索到爆!」、「我喜歡你的腳,好性感。」之前傳沈大師同有米男友打得火熱,對方家族經營內衣褲出口生意,唔知沈大師係咪坐男友遊艇出海呢?撰文:馮仁昭




來源: http://hk.apple.nextmedia.com/entertainment/art/20160926/19781714
馮仁 仁昭 四圍 沈卓 卓盈 三點式 出海
PermaLink: https://articles.zkiz.com/?id=310154

專釣金龜?沈卓盈扯火:係真嘅我仲使捱

1 : GS(14)@2017-01-14 12:25:37

32歲嘅沈卓盈(沈大師)先後與飛機師Simon、金融闊少男友Ray Mak拍拖,嗰陣佢同Ray喺禮頓山豪宅展開同居生活,仲曾經有報道話沈卓盈享受「少奶奶」生活,叠埋心水等男友婚,點知冇耐傳佢哋成日鬧交,經過幾番離合,最終分手收場,沈卓盈仲搬返青衣公屋同屋企人住。不過話晒沈大師樣靚身材正,話咁又有追求者,舊年3月《蘋果》曾經影到沈大師同四眼男行街街,之後仲有周刊報道話佢哋已經喺紅磡築愛巢同居。但係日前又有周刊報道話沈卓盈脫貧,影到佢哋喺金鐘行街shopping,又話佢喺微博不時晒收花、high tea同上遊艇出海嘅相。被指釣金龜嘅沈大師,昨日喺IG貼咗一段長文兼上載兼報道:「很多時候,有些事我會選擇沉默,用微笑帶過便算。但每個人也有自己的底線,有些事真的不能夠再認受下去!我雖然在娛樂圈工作,也不是不來自富裕家庭,但自問一直默默耕耘,努力工作照顧家人和自己,自力更生。如果如雜誌所講我是那麼貪慕虛榮,只求釣甚麼金龜的話,我想我一早已經成功了,還需要在捱嗎?所以請停止侮辱我的人格!和摧毀我的清譽!」最後沈大師話:「我也是一個普通女仔,也希望找到一個我愛和愛惜自己的人作終生伴侶,組織家庭,平時的我不善於將自己家庭和感情生活掛在嘴邊,因為他們不是娛樂圈的人,只想好好保護他們。」




來源: http://hk.apple.nextmedia.com/entertainment/art/20170114/19896431
專釣 金龜 沈卓 卓盈 盈扯 扯火 係真 真嘅 嘅我 我仲 仲使 使捱
PermaLink: https://articles.zkiz.com/?id=322641

沈卓盈不討未來奶奶歡心

1 : GS(14)@2017-01-17 01:55:21

■沈卓盈去年被本報影到與男伴逛街。資料圖片



現年32歲的沈卓盈先後跟飛機師Simon、金融闊少麥偉汶(Ray)甩拖後,被爆搬返青衣公屋娘家,最近傳她搭上家族經營內衣褲出口生意的Calvin,沈大師直認大家是「好好朋友」。但有報道指沈大師釣金龜,她日前在facebook爆seed:「如果如雜誌所講我是那麼貪慕虛榮,只求釣甚麼金龜的話,我想我一早已經成功了,還需要在捱嗎?」日前有讀者報料揶揄沈大師講大話,並大爆Calvin媽咪對沈大師印象麻麻,女方只得騎牛搵馬。沈大師前日回應:「唔係事實唔回應,今次澄清只係想維護自己嘅尊嚴同清譽,唔希望影響到身邊朋友!」她表示感情事隨緣,遇到合適對象會閃嫁嗎?她說:「啱嘅都有機會㗎,平常心對待,做好本份,今次事件大家都好關心同支持我。」採訪:唐心悠




來源: http://hk.apple.nextmedia.com/entertainment/art/20170116/19898061
沈卓 卓盈 盈不 不討 未來 奶奶 歡心
PermaLink: https://articles.zkiz.com/?id=322809

【馮仁昭四圍超】沈卓盈生日收LV

1 : GS(14)@2017-04-05 23:57:01

「沈大師」沈卓盈今日33歲牛一,雖然正日未到,但之前一班好友已排隊約壽星女慶生,食好西傾密偈。好友都準備禮物送畀沈大師,當中沈大師就收到LV禮物,估計係新款手袋,啱晒佢可以配襯出席宣傳活動。沈大師收禮後笑不攏嘴,睇嚟佢正日生日會留番畀緋聞男友、家族經營內衣褲出口生意嘅Calvin。撰文:馮仁昭




來源: http://hk.apple.nextmedia.com/entertainment/art/20170405/19980015
馮仁 仁昭 四圍 沈卓 卓盈 生日 LV
PermaLink: https://articles.zkiz.com/?id=329302

沈卓盈做Gym找數

1 : GS(14)@2017-05-13 01:56:26

■沈卓盈一向重視身材,每次大飽口福後都會狂做運動找數。



沈卓盈近日拍完劇小休中,昨日操肌之餘大派福利,與大家分享成果。她在Instagram上載一張身穿運動bra top晒事業線及纖腰的相片,感覺誘人。相中見沈大師腰腹緊致沒有肥肉,她留言寫道:「成年冇操,今日真係操到嘔,係時候找數。」不少網民稱讚沈大師勁fit又吸睛。事實上,沈大師一向對身形十分嚴格,她昨回覆傳媒時說:「因為成年冇操喇,之前又食咗咁多嘢,蛋糕、雪糕、牛河、多士,統統都要還,今日畀教練操到腳軟呀。」據知沈大師平時最愛吃Lady M蛋糕,但怕出鏡現士啤呔,所以每次大飽口福後都會狂做運動找數。採訪:陳杰




來源: http://hk.apple.nextmedia.com/entertainment/art/20170512/20018346
沈卓 卓盈 盈做 Gym 找數
PermaLink: https://articles.zkiz.com/?id=332615

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019