ZKIZ Archives


朝偉冷落 劉嘉玲買醉惹禍

2013-02-14  NM
 
 

 

蒲癮極深的劉嘉玲結婚超過四年,有意為老公梁朝偉生個B的她,一度變乖,可惜造人造極唔成。無得做媽咪,嘉玲的花蝴蝶性格再度復活,去年更多次傳出她背夫偷會內地百億富豪景百孚。

未有安守本分做梁太,近數月跟老公關係又再次進入冷戰期。偉仔甚至撇甩老婆,只帶媽咪到外地度歲,孤獨嘉玲唯有單拖飛台北開party劈酒自己happy。雖然有財男舊愛William包場陪飲安慰,但晚晚醉爆,有酒有事!其中一晚酒後,嘉玲被一名台灣老粗強拉上車,令跑慣江湖的她也招架不住,要匿入酒店半句鐘,最終由友人幫拖,才成功甩身。

嘉玲離開國賓飯店派對,其間在大堂遭一名惡男強拉上車,她嬲爆fing開對方,最後要朋友解圍才甩到身。

景百孚甩底

日前,梁朝偉起程往柏林出席影展,為電影《一代宗師》做宣傳,此行帶埋阿媽,丟低老婆,兩母子順道往歐洲度歲,一改往年陪嘉玲北海道滑雪慣例。據了解,忍耐力高強的偉仔,因老婆爛蒲爛玩性格復萌,開始有微言,才決定撇妻過年。老公顧住做孝順仔,嘉玲於是自行安排節目,有指她約好了密友景百孚在台灣聚舊,不過男方臨時甩底;但有不少台灣幫朋友的她依然大把節目,連續兩晚做穿花蝴蝶,出席富豪party夜蒲直落。

不醉無歸

二月二日晚,著住皮草貴婦打扮的嘉玲,現身台北富豪孫道存前女友顏寧,在台北W酒店舉行的富豪生日派對。席上客包括台灣首富蔡衍明,以及郭台銘胞弟郭台強等強勁嘉賓,富人開P,現場保安分外森嚴,保鏢守住入口外,主人家更用大紅布遮住大門出入位,確保絕對私隱。接近十二點,飲到腳部浮浮的嘉玲,孖住跟她傳過緋聞的台北太平洋SOGO百貨TB太子女孔孔(孔菁萍)離開,二人本來打算到十樓的poolside party繼續飲,但因週末人多逼爆場,二人改與來自上海的夫婦朋友,搭的士到附近食消夜歎麻辣火鍋。消夜繼續飲,離開餐廳時,嘉玲已經醉到行唔到直線,在街上跟友人傾偈愈講愈大聲,要由「觀音兵」孔孔送返酒店。

舊愛攬腰撫慰

第二晚轉場落Spark,飛台會合她的舊相好William見嘉玲落車,即跑上前迎接,之後攬實她入場。

嘉玲抵達台北第一晚,跟她傳過緋聞的TB孔孔(戴眼鏡),陪足全程,去完生日party再直落食火鍋。

霸王硬上弓

翌日黃昏六點半,著住七彩花花外套的嘉玲再出動,登上負責接送她的寶馬坐駕,到國賓大飯店開派對。當日除了鐵腳孔孔外,曾經跟她傳過緋聞的前台灣副總統連戰長子連勝文,亦有在場。玩到十一點,嘉玲由友人簇擁離開,行到門口,卻被一名打扮老粗的惡男用手攔住,要強行將她拉上自己的平治房車。嘉玲不肯就範,對方依然霸王硬上弓,經過一輪糾纏,嘉玲終於fing開對方,黑晒面轉身避走酒店大堂,一班朋友見勢色唔對,隨即幫手拆彈,但依然擾攘了接近半句鐘,嘉玲才甩到身,轉場到台北近期最hit蒲點,101大樓Spark再劈。

舊愛結伴返港

在台灣狂歡後,上週一(二月四日),劉嘉玲起初單獨現身松山機場,之後與舊愛William會合,結伴坐私人飛機返港。

前度攬慰

老公唔理,密友放飛機,仲要遇着惡男夾硬嚟!心情麻麻的嘉玲,去到Spark見到專程由香港飛台,任職瑞銀投資顧問的舊相好William Lau,即時開心番!任由前度攬實入場,William當晚更包起全場,飲到凌晨兩點半才散。結婚四年多,爛玩嘉玲始終未有安分,一○年更被踢爆跟內地身家過百億富豪景百孚勾臂摸髀,態度親密。有指一直對老婆採「忍字訣」的偉仔終於頂唔順炒大鑊,為讓老公下火,嘉玲戒煙戒蒲勤做運動,又嘗試接受人工造B,可惜努力一年冇聲氣。無緣做媽咪,嘉玲放低生仔念頭,重拾原有生活。去年開始,再多次被目睹孖住景百孚出現私人機場,以及雙雙夜遊上海。

飲爆喊唔停

據了解,由於嘉玲過於我行我素,令偉仔再有微言,近幾個月更對老婆愛理不理,被老公冷落的她,多次飲大幾杯喊到收唔到聲,要朋友輪流安慰。「嘉玲呢幾個月心情都好差,飲多兩杯就會喊到好厲害,又話偉仔對佢好冷淡,兩個冇交流,全世界都知佢最愛最care就係偉仔,但兩公婆性格根本唔同,佢又戒唔到去玩,同景百孚根本就冇斷來往,本來景百孚答應陪佢去顏寧個生日party,不過臨時有事甩底。嘉玲識好多台灣朋友,即晚就搵到人出嚟攝,好似孔孔咁,佢對嘉玲特別殷勤,一叫即到,仲有前度William都係。聽講話雖然今次景百孚人冇到,但都安排咗私人飛機接送嘉玲往返香港台灣,照顧周到。」知情者說。

分頭睇

雖同住一屋,但劉嘉玲同梁朝偉各自分開兩晚捧黃秋生主演的舞台劇,關係令人充滿遐想。

欲 斷 難 斷

除正印梁朝偉,多年來劉嘉玲緋聞男友幾乎無斷過,即使08年劉嘉玲正式做埋梁太,但跟緋聞男友關係依舊。

景百孚

09年,已為人妻的劉嘉玲被指跟坐擁過百億身家,比她細六年的內地富商景百孚夜遊上海,表現親暱。10年更遭傳媒刊登面貼面,男方摸住她大髀的親熱相,二人又一連兩晚被發現在北京密會,偉仔為此大動肝火,婚姻一度亮紅燈!但嘉玲未有收斂,去年繼續孖住景百孚同遊上海,並齊齊搭私人飛機返港。

鈕承澤

講長情,劉嘉玲同台灣導演鈕承澤的友情維持14年之久。97年二人合拍台劇《儂本多情》後傳撻着,並經常互飛台灣、香港密會,常在公開場合借工作為名,十指緊扣現身。前年鈕承澤來港為電影《艋舺》宣傳,劉嘉玲更熱情招待這位十多年的舊相好。

胡軍

04年與已婚的胡軍在上海拍戲,有指二人食麻辣火鍋後直落唱K,其間表現親暱,胡軍輕攬嘉玲纖腰,緋聞轟動中港台。之後二人齊齊出席活動亦肆無忌憚,劉嘉玲神色自若任由對方將手放在她的玉臀上,又十指緊扣現身上海電影節。之後劉嘉玲在上海開酒吧,有指胡軍儼如主人家主持大局。

微博有暗示

嘉玲跟偉仔就算兩人同在一屋生活,依然各顧各,感情有變在微博有跡可尋。

老公無影

Boxing day,嘉玲將跟朋友去郊外BBQ相放上微博,雖然她一臉enjoy,但冇偉仔份。

同屋各有各玩

去年除夕,就算同老婆一齊慶祝,偉仔亦只跟老友杜德偉、阿B及呂方等合照。

買醉發洩

早前劉嘉玲在微博以一張酒塞相,說明接受目前生活,看似暗示經常買醉尋開心的現況。

朝偉 冷落 劉嘉玲 劉嘉 買醉 惹禍
PermaLink: https://articles.zkiz.com/?id=44031

讚向太真性情劉嘉玲:星仔係怪人

1 : GS(14)@2014-09-14 10:20:42

■新一屆動主播出爐,四小花各具特色。



向太陳嵐怒轟周星馳成為全城熱話,昨日劉嘉玲出席本報《動主播決戰》活動時,雖然未有評論誰是誰非,但力撐好友向太真情真性,對方更曾雪中送炭,至於周星馳,嘉玲直指是有才華的怪人。劉嘉玲及古巨基昨日以嘉賓身份到新蒲崗出席《動主播決戰》活動,森美及莊思敏則擔任評判,最後由林雅軒(Kinki)勝出。嘉玲謙稱未夠班做主持,但有興趣訪問藝人,她說:「我想訪問唔講嘢嘅人,例如梁生(梁朝偉)同王菲,咁先有挑戰性。」



■現任動主播昨日唱歌跳舞助興,為一班師弟師妹打氣。

■莊思敏及森美昨日為《動主播決戰》擔任評判。

■劉嘉玲認為向太是真情真性,而周星馳則是有才華的怪人。

「私底下就唔熟」

對於近日向太狂數周星馳,嘉玲亦曾與周星馳合作電影《大內密探零零發》,問兩人是否朋友?她說:「我幾欣賞呢個人嘅才華,做嘢合作幾開心,私底下就唔熟。佢好尊重我,成日90度鞠躬,仲叫我嘉玲姐,好有禮貌,不過唔知係咪開玩笑。我覺得星仔可能係好怪嘅人,佢平時打扮好怪。不過有才華嘅人都係怪。」嘉玲雖然表明不評論事件,但力撐好友向太真情真性又敢言,她說:「社會上人人都有權表達自己,我同向太私底下好熟,佢同王晶喺我冇戲拍嘅時候成日搵我,女人幫老公出聲,我好理解。」



■劉嘉玲曾與周星馳合作電影《大內密探零零發》。劇照

而93年跟周星馳合作喜劇電影《唐伯虎點秋香》,飾演華夫人一角的武打女星鄭佩佩,昨日在微博被網友問及周星馳遭炮轟一事的看法時,她力撐道:「我可不能忘恩負義,沒有星仔,內地幾億人口怎麼會認識我『華夫人』啊!」另外,有內地評論人李小飛在網上以《致向太:加拿大政府說您是黑社會,為何怪到周星馳》一文力挺周星馳,指向太要周星馳交代是不合理的,應該要加拿大政府解釋。文中提到梅艷芳、曾志偉、成龍及劉嘉玲等曾涉被黑社會恐嚇,又直指劉德華當年亦被黑社會「用槍指着去拍戲」,他認為這次被迫表態的藝人,都和向華強的中國星集團合作關係密切,更盛讚周星馳是「中國的卓別林」。



■古巨基(左二)在台上與一眾參賽者分享擔任主播的心得。

基仔爆劉翔擺酒

此外,昨日基仔憶述早年曾訪問林志穎,卻因普通話不好,在鏡頭前dead air。他提到好友劉翔婚訊,透露劉翔笑言「終於趕上你」,他與劉翔都計劃明年擺酒。至於劉翔自公佈和內地演員葛天結婚,老婆即被人起底,近日甚至連葛天的媽咪、即劉翔外母亦被起底,內地傳媒指葛媽媽是山東第一代模特兒,後來曾任幼稚園老師。08年葛天入讀中央戲劇學院,葛媽媽更陪女兒開學,當日她穿起貼身牛仔褲和長靴,跟葛天十足兩姊妹一樣。採訪:盧妹攝影:陳慧安




來源: http://hk.apple.nextmedia.com/entertainment/art/20140914/18865411
讚向 向太 真性 劉嘉玲 劉嘉 星仔 仔係 怪人
PermaLink: https://articles.zkiz.com/?id=285546

劉嘉玲赴京探王菲

1 : GS(14)@2014-09-22 22:20:54




■劉嘉玲與梁家輝笑談鋒菲復合。



劉嘉玲雖與王菲份屬閨蜜,但鋒菲復合她亦被蒙在鼓裏,嘉玲前晚與梁家輝、謝君豪等在灣仔演藝學院演出舞台劇《杜老誌》尾場,昨日即飛往北京探望王菲。嘉玲前晚在慶功宴上,被問到事前知否鋒菲復合?她說:「唔知,不過我哋有keep住聯絡,愛係一件好美好嘅事,如果係真,我會衷心祝福佢哋。」嘉玲更大方表示不介意好友將復合一事保密,她輕鬆地說:「做朋友,佢開心,我就開心。」談到鋒菲復合,嘉玲說:「未睇過啲相,亦冇時間打畀阿菲,不過好多朋友打畀我講呢件事。」此外,梁家輝說:「都係要畀兩人時間同空間,愛唔使周圍講嘅。」採訪:黃曉妍攝影:陳俊強



【動LIVE】萬人罷課 蘋果全程直播:和平佔中: http://occupycentral.appledaily.com
YouTube: http://bit.ly/occupycentral




來源: http://hk.apple.nextmedia.com/entertainment/art/20140922/18874131
劉嘉玲 劉嘉 赴京 京探 王菲
PermaLink: https://articles.zkiz.com/?id=285690

劉嘉玲讚張栢芝可愛

1 : GS(14)@2015-03-22 21:15:54





意國時裝品牌Dolce& Gabbana前晚在上海舉行時裝騷,兩位同志設計師Domenico Dolce和Stefano Gabbana親臨主持大局,劉嘉玲及黃偉文等赴會。劉嘉玲被問到向華強鬧爆張栢芝,指永不錄用對方,她表示:「我唔知道向太講咗乜,我唔知道呢件事,雖然我同栢芝唔熟,但佢係我心目中好可愛。」
DG早前反對同性戀人利用代母產子,批評這些小孩是「合成品」的言論,曾找代母生仔的英國樂壇大姑媽艾頓莊(Elton John)聲言杯葛。嘉玲說:「每個人都有權發表同分享言論,我睇佢哋啲廣告都充滿家庭觀念。」黃偉文則說會尊重二人言論自由,雖然未必認同他們意見,但亦不會杯葛對方。撰文:唐如





來源: http://hk.apple.nextmedia.com/entertainment/art/20150321/19083875
劉嘉玲 劉嘉 讚張 可愛
PermaLink: https://articles.zkiz.com/?id=288754

【add】紅人主場:神級熟女劉嘉玲

1 : GS(14)@2015-09-10 07:48:52

Gucci花卉圖案入膊裙閃石手鐲


香港熟齡美魔女特別多,隨手數來,林青霞、關之琳、鍾楚紅等,個個有品味有信念。年底50歲的劉嘉玲,絕對是當中最入世、最美麗堅持的一位,入行30年,至今仍頂住壓力年年搵角色挑戰、演舞台劇練真本事、發掘各種生意,不怕老、不怕忙,韌性特強,「我而家50歲,越嚟越唔怕年紀大,畀我再返去後生時,我都唔想。」套用馬圈的術語,從容自在的劉嘉玲,現在才是大熟大勇。撰文:林妙萍造型:顏英儀攝影:周樂恒化妝:+0髮型:Ken Hui@ ii Hair& Nail有學者說,一萬小時磨練是成就一個專家的黃金定律。如是說,劉嘉玲由1984年演電視劇《新紮師兄》,到今天持續不斷演了30年,應該早就磨成專業,不過,她似乎嫌仍未磨夠。



Elie Saab黑色喱士長裙Louis Vuitton頸鏈、金屬手鐲

Dior珠片條紋冷衫



演:下個花木蘭

二戰題材電影《開羅宣言》,找嘉玲飾演「民國第一夫人」宋美齡,導演視為不二之選,嘉玲也不計片酬、主動度期拍攝,皆因角色期待已久,「好想挑戰自己,所以好認真咁對待,想做好啲,所以又辛苦啲,壓力又大啲。」對這位精明斡旋幾國政要之間的女外交家,嘉玲開拍之前先惡補歷史、看紀錄片及學英語,「宋美齡係個好有獨特魅力嘅女人,最重要係模仿佢嘅氣場,同埋佢英文好好,我英文就非常麻麻哋,所以拍攝時我請咗個專門嘅老師教我英文,希望模仿到佢神髓多少少。」鄔君梅、蔣勤勤等多位女星也演過宋美齡,歷史人物特別難演,嘉玲說:「做咗武則天,之後宋美齡,我讀書唔多,希望知道多少少人生道理,佢哋面對人生困難時,會點樣處理,以及點樣做一啲成績、成就出嚟,令生命中能夠發光發亮呢?我演完自己都好受益。」透過角色去認識歷史、思考人生道理,如果再演一個歷史人物,會是誰?「花木蘭!後生時,我覺得自己幾似,而家應該唔似,同埋打片嘅話,要打好辛苦,未必做到。」


■嘉玲以外,《開羅宣言》的好戲之人還有陳冲(右)及于紫菲。劇照

心:要心慈貌美

大至房地產、酒吧、服裝,小到賣衫、設計錶,嘉玲近年成為商界女強人,一盤美容面膜生意,也可以賺上過億元。今年繼續以自己名字出商品,「Carina Lau」葡萄酒、「+0 IN MOTION」手錶,二、三千的手錶、幾百元的酒,親力親為試酒、設計,定位親民,「生意係咁啱有機會到我面前,唔係我特別去搵。」建立品牌做生招牌不是輕鬆事,「大家好重視我呢個品牌:劉嘉玲,所以我要好好管理,多啲進修、做完美啲。」生招牌要靚,養生重要,養「心」更重要,心慈貌美是她堅信的一套,「心態好嘅話,外表自然會靚。我覺得,一個女人最緊要係有一個好心地,慈祥啲、寬容啲,因為每個人生活都唔容易,多啲喺人哋角度諗吓,帶多啲溫暖、帶多啲陽光畀身邊嘅人。」



老:好舒服從容

訪問離不開假設性問題,如果可以重新揀選性別、職業,會改變些甚麼?「我想試吓做男人,同埋唔做呢行,想試吓其他工作。」假如可以跟少女劉嘉玲對話,「我會叫佢:你放開懷抱,跟隨夢想努力就得,千祈唔好驚失敗、挫折,呢啲係老生常談。」女人總想凍齡回春,嘉玲卻寧願不坐時光機,停留在現在今天,「我而家50歲,越嚟越唔怕年紀大,而家好舒服、好自在,個人好從容。其實,每個人都會老,呢個係人生定律,當你接受呢件事,老,都可以老得好開心;老,都可以老得好健康,快快樂樂。」



重返舞台助開竅

「第一次《花心大丈夫》時完全唔知發生乜嘢事,第二次《煙雨紅船》我亦未開竅,今次(《杜老誌》)第三次上舞台,對我係個好大挑戰,後來拎到舞台劇最佳女演員,唔敢話自己有真本事,但對得住所有血汗、眼淚。」近兩年,多了許多大卡士男女星走回舞台,劉嘉玲的《杜老誌》三度上演,未來可能演到去歐美,「我最欣賞嘅海倫亨特(Helen Hunt)、湯漢斯(Tom Hanks)、姬蒂白蘭芝(Cate Blanchett),全部都係隔一段時間就上舞台,舞台係幫助你深入去搵到一個角色嘅靈魂出嚟,你會覺得一路做,一路搵到更多、發掘同爆發出更多。」



■演《煙雨紅船》和《杜老誌》(右圖)都與老拍檔兼老友梁家輝合作。劇照





更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150910/19288796
add 紅人 主場 神級 級熟 熟女 劉嘉玲 劉嘉
PermaLink: https://articles.zkiz.com/?id=292161

劉嘉玲揹十萬Hermes Constance手袋賀壽

1 : GS(14)@2016-03-14 01:43:51

劉嘉玲衣着一向有品味,經常都以華麗的霸氣姿態現身,揀手袋就偏愛貴氣路線,女星名媛最愛的Hermes,嘉玲就當然一樣喜愛。日前,嘉玲出席她在83年演員訓練班時的孫家雯老師的九秩榮壽,未知是否有dress code,相中見大家一齊穿上紅與黑的配搭。嘉玲揹了一個Hermes的Constance手袋,索價超過十萬,深藍色加上一個H字logo的設計,相比其他品牌Kelly及Birkin手袋,少了一份老氣,更時尚更年輕。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160313/19527179
劉嘉玲 劉嘉 揹十 十萬 Hermes Constance 手袋 賀壽
PermaLink: https://articles.zkiz.com/?id=297813

劉嘉玲Valentino高貴look出埠

1 : GS(14)@2016-04-15 16:30:09

劉嘉玲近年轉型做女強人,做生意有聲有色,前天她在微博po相,原來她就在香港機場的私人飛機停機坪準備出埠,在微博寫道「風雨無阻,猜猜我今天️哪兒?」嘉玲一身高貴打扮上機,穿上Valentino的扎染military green外套襯華麗的黑色lace dress,大膽將casual同elegant互相配搭,而她就手挽貴氣的My Rockstud手袋,設計復古味的boxy更embossed了嘉玲的英文名字縮寫「CL」(Carina Lau),個人化的設計更加矜貴。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160415/19571522
劉嘉玲 劉嘉 Valentino 高貴 look 出埠
PermaLink: https://articles.zkiz.com/?id=299369

劉嘉玲撐童童性向

1 : GS(14)@2016-05-08 14:54:03

■劉嘉玲指王菲前衞,不會介意童童性向。


劉嘉玲、麥明詩、何超瓊及何超盈等前晚在中環出席鄭紹康生日會,問到嘉玲對於童童在北京與女友Rebecca當眾攬咀,她即笑言:「其實同性又好,異性又好,又冇犯法,最緊要佢開心,我可以接受到好多新事物。阿菲應該接受到嘅,佢個人咁前衞,不過作為家長最主要希望啲仔女健康快樂,性別冇乜所謂。」嘉玲不知童童的性取向,但大讚童童唱歌有才華,她笑言:「不過唔知佢係女歌手定男歌手呢?佢好有型,好似後生嘅阿菲。」採訪:張俊銘攝影:陳志嵐





來源: http://hk.apple.nextmedia.com/entertainment/art/20160508/19602974
劉嘉玲 劉嘉 撐童 童童 童性 性向
PermaLink: https://articles.zkiz.com/?id=300086

LV香水未開售 劉嘉玲率先擁有ig晒

1 : GS(14)@2016-09-06 04:42:19

由著名調香師Jacques Cavallier-Belletrud主理的全新Les Parfums Louis Vuitton香水早前已經曝光,並由31歲的邦女郎Lea Seydoux擔任香水代言人,樽身設計簡約時尚,充滿流線,備有7款不同香氛散發七種個性。
LV相隔70年才再次推出香水,雖然香港要等到今個月15號才正式發售,不過劉嘉玲日前已經率先擁有,仲影相在ig同大家開心share,仲話「I've got you under my skin!」,認真巴閉,而每款香水定價為$2,000。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160905/19760737
LV 香水 未開 開售 劉嘉玲 劉嘉 率先 擁有 ig
PermaLink: https://articles.zkiz.com/?id=307651

劉嘉玲讚初戀許晉亨紳士

1 : GS(14)@2016-09-30 08:09:01

■劉嘉玲否認遭豪門嫌棄,指現在跟許晉亨(小圖)仍是好友。互聯網圖片



劉嘉玲日前接受內地節目《金星秀》訪問,大方提到跟許晉亨的初戀,當年分手被指豪門夢碎,她坦言兩人拍拖3年,最後和平分手:「許先生到現在,我跟他還是很好的朋友,非常的紳士,非常的儒雅,我現在跟他父母都非常好,為甚麼這種傳聞,還在傳一些有的沒的,完全偏離事實的這種傳聞。」至於跟老公梁朝偉的婚姻,嘉玲坦言兩人感情相當穩定,對於偉仔和張曼玉的陳年緋聞,嘉玲表示:「自己了解的不多,就是一個美麗的故事,張曼玉是非常優秀的演員,偉仔若真的喜歡她,我會非常開心,如果他決定了就去吧,可是他現在還是在我身邊。」撰文:皓騫




來源: http://hk.apple.nextmedia.com/entertainment/art/20160930/19785958
劉嘉玲 劉嘉 初戀 許晉 晉亨 紳士
PermaLink: https://articles.zkiz.com/?id=310722

劉嘉玲:同許晉亨係好友

1 : GS(14)@2016-10-22 22:28:52

古天樂、劉嘉玲、周汶錡和香港游泳健將歐鎧淳等,昨晚出席Fendi於尖沙嘴舉行的旗艦店開幕禮,而韓國組合BIGBAND成員太陽就因為航班取消而未能出席。劉嘉玲一身紅色花裙現身,她說:「平時好鍾意行山,呢幾日唔係黑雨就雷雨,冇得運動,感覺唔係好舒服。」嘉玲近日做內地真人騷無所不談,不少內容更是從未提及,她說:「係呀,睇對手點問我,我先畀到反應佢哋。」是否不介意重提與許晉亨的舊情?她說:「梗係唔介意啦,我講得出就係事實,大家仍然係好朋友。我哋都好成熟同理智,都過咗咁耐,講出嚟係想糾正人哋以前對我錯誤嘅睇法。」此外,歐鎧淳早前與師兄方力申到尼泊爾探訪,對於何超蓮傳與小方拍拖,她說:「我走咗之後超蓮先至嚟,所以冇見到佢哋。」採訪:卓寶花攝影:仇志德


■劉嘉玲(右二)直言與舊愛許晉亨私下是好友。

■歐鎧淳不知道師兄方力申與超蓮拍拖一事。

■靚媽周汶錡騷香肩示人。



來源: http://hk.apple.nextmedia.com/entertainment/art/20161022/19808511
劉嘉玲 劉嘉 同許 許晉 晉亨 亨係 好友
PermaLink: https://articles.zkiz.com/?id=313146

劉嘉玲灣仔高級家品店退租 新租客43萬洽

1 : GS(14)@2016-10-22 22:32:32

【明報專訊】近年高檔消費品銷售放緩,由藝人劉嘉玲投資千萬元和已故慈善家鄧肇堅長孫、中國傳統服裝品牌「上海灘」創辦人鄧永鏘爵士合資的家品店「Tang Tang Tang Tang」,現時租用的灣仔莊士敦道60至66號地下1A舖,開業3年後即將退租上址,於12月遷往新舖。

投資千萬開業3年遷舖

市場消息指出,上址面積為3877方呎,近月以43萬元推出招租,呎租約111元;市傳上址亦已獲意向租客洽租至尾聲,呎租亦逾百元。

現時租用的家品店於2013年11月開張,當時邀得英國名模Kate Moss來港剪綵,而劉嘉玲丈夫梁朝偉亦有「撐場」。

黃埔唐樓地舖3000萬易手

另一方面,港鐵觀塘延線將於明日通車,市場消息指,紅磡明安街1至29號黃埔唐樓地下C103號舖,面積約600方呎,最新以3000萬元成交,呎價約5萬元,上址現租客為食肆。

原業主於1990年以292萬元購入,帳面獲利2708萬元或逾9倍。

利嘉閣地產商舖部首席營業董事黃國柱表示,近月舖位買賣登記有回暖趨勢,根據土地註冊處最新資料,九月份全港共錄109宗舖位物業買賣,而十月份截至19日為止,舖位買賣登記已有約83宗,推算本月整月舖位買賣登記量最終有機會上試140宗的水平,料按月再升近三成。


來源: http://www.mpfinance.com/fin/dai ... 6820&issue=20161022
劉嘉玲 劉嘉 灣仔 高級 家品 品店 退租 新租 租客 43 萬洽
PermaLink: https://articles.zkiz.com/?id=313202

Rock the party!范冰冰LV巨帽、劉嘉玲巨膊搶楊冪鏡

1 : GS(14)@2016-11-06 15:49:12

日前在內地舉行的時尚派對,獲范冰冰、劉嘉玲、楊冪、舒淇、李宇春、周冬雨等捧場,范冰冰及劉嘉玲不約而同以全黑現身,但黑得超招搖高調。范冰冰一身Louis Vuitton,頭戴秋冬系列的巨型毛毛帽,巨帽比身上的De Beers逾400萬元鑽飾更搶fo。劉嘉玲都穿浮誇設計,選穿Saint Laurent硬紗巨膊小黑裙,巨膊如飛翼,她亦在Ig自封black angel。面對二人的浮誇打扮,楊冪的Valentino黑色透視紗裙配Etro冷衫、李宇春穿由內地設計師張卉山及IBM Watson合作訂製的晚裝、周冬雨的Burberry September Collection軍裝造型,都被比下去。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161106/19824487
Rock the party 範冰 冰冰 LV 巨帽 帽、 劉嘉玲 劉嘉 巨膊 膊搶 搶楊 楊冪 冪鏡
PermaLink: https://articles.zkiz.com/?id=314264

劉嘉玲狂迷Saint Laurent 透視新裝惹火

1 : GS(14)@2016-11-08 05:54:11

劉嘉玲不時被影到去法國名牌Saint Laurent購物,近幾日她在北京、澳門出席活動,連日來都穿上品牌的秋冬新裝,果真是圈內最狂熱的Saint Laurent忠粉。嘉玲日前在北京出席時尚派對,已經穿上品牌秋冬系列的超浮誇硬紗巨膊兼deep V的黑裙,自封black angel好有霸氣。大前晚她趕到澳門現身名錶品牌活動,又選了同系列的另一透視上衣襯經典黑色smoking jacket,火辣性感又具中性型格。
Saint Laurent今季的設計好有80年代的華麗誇張風格,當中心形毛毛褸被時尚界紅人狂煲,在剛過去的時裝周曝光率極高,未知嘉玲姐接住又會否挑戰系列中其他極誇作品?更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161107/19825565
劉嘉玲 劉嘉 狂迷 Saint Laurent 透視 新裝 惹火
PermaLink: https://articles.zkiz.com/?id=314586

劉嘉玲姪仔天生明星相

1 : GS(14)@2016-11-16 05:10:13

■劉嘉玲(左三)去探胞弟(左一),其姪仔(右一)官仔骨骨似猷君,獲網民大讚。微博圖片



劉嘉玲一向孝順,大前晚在上海為母親和弟弟一起慶祝生日,原來嘉玲母親和弟弟生日只相差一天。自從母弟搬回上海定居後,嘉玲有空便會返回當地探望,適逢今年是其弟50歲生日,所以她想熱鬧一點,大前晚在上海舉行盛大生日會,連不愛應酬的梁朝偉也在老婆號召下乖乖出席。前晚劉嘉玲在微博貼出全家福,「最敬愛的母親和親愛的弟弟:生日快樂!感謝所有親朋好友的到來和祝福!你們讓生日會更添歡樂和有紀念意義!」相中有嘉玲、偉仔、嘉玲胞弟夫婦、母親和貌似何猷君的男子,原來他是嘉玲姪仔,獲網民大讚有明星相。撰文:鍾國仁




來源: http://hk.apple.nextmedia.com/entertainment/art/20161114/19832620
劉嘉玲 劉嘉 姪仔 天生 明星
PermaLink: https://articles.zkiz.com/?id=315655

劉嘉玲唔慣冇酒飲

1 : GS(14)@2016-12-31 01:06:40

第一屆「首部劇情電影計劃」誕生了《一念無明》跟《點五步》兩部港片,贏獎更贏口碑,而第二屆的電影計劃又有優勝作品出爐,當中一部名為《以青春的名義愛你》已開工拍攝,找來劉嘉玲、謝君豪、吳肇軒及余香凝演出。《以青春》劇組在聖誕節都要開工,當日他們以盆菜當聖誕大餐,嘉玲在facebook留言:「今年過了一個沒有一滴酒精的聖誕,有點不習慣,但感覺也不錯。」跟嘉玲有不少對手戲的吳肇軒坦然跟前輩合作有點緊張,他說:「佢係影后級喎!不過喺現場開始咗拍攝之後,又冇咗緊張感,因為嘉玲姐好好,好有耐性對戲!」撰文:李森




來源: http://hk.apple.nextmedia.com/entertainment/art/20161230/19880728
劉嘉玲 劉嘉 唔慣 慣冇 冇酒 酒飲
PermaLink: https://articles.zkiz.com/?id=320684

劉嘉玲穿Valentino春裝紅噹噹散發強勁女王氣場

1 : GS(14)@2017-01-08 19:02:51

劉嘉玲與維吾爾族女星古力娜扎,星期四晚一同出席於上海出席Valentino時裝活動,2位分別來自60後和90後的女神分穿上品牌signature的紅衣出席。51歲劉穿上的是今年的早春系列的紅色cape長裙,襯紅色高踭鞋和紅色Rockstuds Spike手袋,戴上墨鏡,未到農曆新年已一身紅噹哂,完全展示女王氣勢;而24歲的古力娜扎則穿上紅色lace裙,蕾絲與流蘇花邊增添浪漫感覺,走浪漫少女風。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170108/19890192
劉嘉玲 劉嘉 Valentino 春裝 紅噹 噹噹 散發 強勁 女王 氣場
PermaLink: https://articles.zkiz.com/?id=321888

劉嘉玲Shiatzy Chen霸氣黃裙接新春

1 : GS(14)@2017-01-29 10:31:40

不少女星在踏入年初一前,已經在社交平台率先和大家拜早年,劉嘉玲亦不例外,年三十在IG上載了坐在桃花前影的靚相,祝福大家健康幸福、萬事如意。劉嘉玲特別揀穿了夏姿‧陳2016秋冬西遊奇遇系列的黃色印花夾棉連身裙迎接新春,非常搶眼霸氣,設計充滿中國風,高貴端莊之餘,又不失時尚感,而且更盡顯新年氣息。原來嘉玲更是夏姿的粉絲,在上年及前年也穿上品牌的服飾過新年。




來源: http://hk.apple.nextmedia.com/entertainment/art/20170129/19912273
劉嘉玲 劉嘉 Shiatzy Chen 霸氣 黃裙 裙接 新春
PermaLink: https://articles.zkiz.com/?id=324610

劉嘉玲素顏行山語重心長送祝福

1 : GS(14)@2017-02-26 13:24:05

前年11月,關之琳同台灣富商陳泰銘宣佈離婚,導火線之一盛傳係因為陳泰銘同劉嘉玲去咗行山。結果呢件事令兩人斷交一年,最終喺毛玉萍娶新抱嘅喜宴上先再相遇。早前之之接受內地節目《魯豫有約》訪問,講到感情生活,之之話每一段感情都係佢嘅最愛,但同陳泰銘相處咗七年之後都要分開,傷心可能超過咗兩日。事有湊巧,平時都有貼開行山相嘅嘉玲,昨日喺寒冷天氣警告之下又去咗行山,依舊咁素顏影番張自拍照打咭。同一張相,隆重其事咁放晒喺instagram、facebook同微博,照顧晒唔同網絡嘅fans,仲語重心長咁留言:「學會獨處很重要。一個真正懂得愛的人,其實第一個應該是愛自己,徹底了解自己以後,你那個愛比較健全,當你跟另外一個人相處的時候,你不是依賴,也不是霸佔,是做自己。週末愉快」




來源: http://hk.apple.nextmedia.com/entertainment/art/20170226/19940411
劉嘉玲 劉嘉 顏行 山語 重心 長送 祝福
PermaLink: https://articles.zkiz.com/?id=327137

劉嘉玲讚城城聽話娶妻

1 : GS(14)@2017-04-22 10:49:35

劉嘉玲、林嘉欣、文詠珊(JM)及中田英壽等昨晚亦有出席LV活動,嘉玲透露前晚以數千元買馬,贏了數萬元,並將贏馬錢捐作慈善。對於同場的城城新婚,她表示恭喜,提到台灣名製作人邱瓈寬叫城城下次結婚請飲,她笑言:「可能有嬲過,不過用笑話化解,我覺得唔係真嬲,都要尊重番人哋。」



提到嘉玲上年在金像獎曾笑城城不夠專一及顧家,她表示:「佢真聽話,即刻結婚,成日覺得兩個人組織家庭係緣份,之前咁耐都冇開花結果,今次咁短時間結婚,真係估唔到,佢係長跑選手,可能屋企人都畀壓力,佢年紀都差唔多。」講到城城雙喜臨門,她說:「真係唔知,如果係更加好,佢同我同年,佢keep得好好。」林嘉欣亦有恭喜城城,問到會否分享育兒指南,她說:「每個屋企價值觀唔同,湊細路方法唔同,要鍛煉同儲番嚟,都戥佢開心。」採訪:羅慧敏攝影:沈健程



■林嘉欣以法國五月大使身份出席活動,表示會帶兩名女兒看藝術展覽。

■JM被封為膠紙專家,穿大露背裙時已做足安全措施。

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997435
劉嘉玲 劉嘉 讚城 城城 聽話 娶妻
PermaLink: https://articles.zkiz.com/?id=331317


ZKIZ Archives @ 2019