ZKIZ Archives


搵幾多萬先夠洗? 人在中環

http://manincentral.blogspot.hk/2014/02/blog-post_25.html
早陣子,有篇好多人share既文章,提到月入七萬既中產家庭,其實冇乜錢剩。今日,又讀到另一篇文章,提及另一個月入五萬既「中產基層」家庭,生活費高到份糧要月月清。

兩篇文章既內容,其實都好簡單。兩個家庭所列出既「開支」breakdown,其實亦都幾寫實,唔見得有太多誇張既地方。事實上,我其實都相信,「冇乜錢剩」同「月月清」,的確係好多香港中產既真實寫照。

文章既留言,其實比文章既內容更加好睇。讀者既睇法簡單分為兩類:1)認為香港地生活真係好艱難,搵到咁多都要生活成咁,社會有好大問題;2)覺得係文章裡面既主角個人既問題,夾硬要過並非自己所屬真正階層既生活,先至會搞成咁。如果佢地搵咁多都話唔夠洗,搵一萬兩萬既人係咪個個要跳樓?

我諗,(1)同(2)其實都各有一點吧。

莫講話五萬、七萬,搵錢更多但同樣「冇錢剩」既朋友,我都認識好幾個。但到底呢個係「社會問題」,抑或係「個人問題」?

人類係一種好受外界影響既生物。你搵「點樣嘅錢」,就有人會明示暗示話你知,你應該過「點樣嘅生活」。呢樣係一種彌漫響中產圈子裡面既氣氛,而呢種氣氛,卻影響住好多人對生活方式既選擇,與及大大小小各樣既消費決定。你身處這個圈子,那種氣氛所「顯示」出來既消費準則,往往就變成大家所以為既「理性決定」。但實情係,這些理所當然既「理性決定」其實並不理性,佢只係你所屬圈子、階層裡面既一些流行的消費習慣和生活態度。這些態度同習慣啱唔啱你?其實肯肯定係因人而異的。但身處圈內既人,受住這種強烈既氣氛所影響,有幾多人真係可以清醒過來,真正理性地去權衡自己所需?都仲未計,當你既選擇偏離了圈子裡面大部份人的想法,所需承受既心理壓力。好多時候,清醒代表著離群,話人唔識諗就梗係容易,但當身處局內,要做既話,心理關口其實唔易過。

然而呢啲所謂中產圈子既「氣氛」同「生活態度」,係基於乜嘢準則去形成呢?我其實有點深刻既體會。月入五萬係中產,七萬又係中產,查實月入三、四十萬,嚴格嚟講都係中產。自從財爺那句「我都係中產」之後,中產既range,實在係闊得厲害。問心講,我一直覺得財爺冇講錯的,佢月入三十幾萬,唔通叫佢做富豪?當然係未夠班啦。但一個月入三十萬既中產,同一個月入五萬既中產,消費力其實係有好大差距。我細個果陣時,一個月入五萬同一個月入三十萬既人,應該會係屬於完全唔同背景,完全唔同階層既兩個人。佢地兩個,可能一個係港大畢業,另一個只係讀到初中都唔定。佢地屬於「同一個朋友圈子」既機會,其實並唔高。但今時今日,社會既結構有變,響讀書多少同搵錢多少再扯唔上咩直接關係既世代裡面,搵三萬同搵三十萬既人,分分鐘係一同長大,學歷一模一樣既同學仔。以前係精英有精英玩,普通人有普通人玩既年代,精英既生活標準唔會影響到普通人;但今日,搵錢多既所謂精英,同搵錢唔係特別多既中產,社交圈子可能都係同一個既情況底下,中產在生活態度上所受到既「感染」,自然也跟從前不一樣。

我唔知道,呢個算唔算係社會問題,但在人群之中要保持清醒理性,誠實地接受自己真正身處既階層同境況,從來都不是件容易的事。
幾多 萬先 先夠 夠洗 人在 中環
PermaLink: https://articles.zkiz.com/?id=91671

利世民:減幾多次息先夠皮?

1 : GS(14)@2012-07-10 23:32:12

http://www.sharpdaily.hk/article/fin/20120710/110025
最新公佈數字,大陸CPI創29個月新低,得番2.2%,PPI更是負2.1%。上星期,人行忽然不對稱減息,有讀者問:「乜唔係要打擊通脹咩?」恐怕,唔需要我多解釋,其實所謂通脹問題,其實已經唔再係重點。當然,大前提係,你相信呢啲所謂嘅經濟數字。
我又唔係話物價統計一成真都冇。之不過,由於我自己一直對大陸經濟都比較悲觀,所以任何負面數據,我更加會持平一點。
「咁,通脹回落算係好事,定係壞事先?」可能,你會問。呢個係好問題。物價穩定,當然係好事。可惜,傳統上,衰退同通縮都混為一談,好多人都認為兩件事永遠一齊出現。衰退當然係唔好啦。
「2.2%,美國CPI都差唔多,未算衰退啫?」可能,你又會問。當然,又要問吓,究竟你信唔信美國嘅數字。By the way,近來原油價跌,燃料能源價一樣跌得急,有理由相信,好快美國CPI都會跌。再者,美國經濟結構有個死結叫樓價,如唔計住屋價格,CPI數字一樣可以好難睇。
講番大陸。o依家最弔詭嘅係CPI跌,反而樓市好似有啲起色。除咗話好多人唔信大陸政府真係做低樓市,更重要原因,應該係好多人預期存款利率會跌得更急。究竟,要減幾多次息先夠皮?
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
利世 世民 減幾 多次 息先 先夠 夠皮
PermaLink: https://articles.zkiz.com/?id=280178

【食物真相】豆腐舖點解賣豬紅?豬紅要一刀切先夠滑

1 : GS(14)@2016-11-24 07:41:34

豬紅傳統做法會用豬血和鹽水混合而成,但平日我們買豬紅,一般會去豆腐檔買,而並非豬肉檔,何解呢?原來和以前農村社會有關,珍香園老闆陳子富(富哥)說:「以前農村社會,若在家中自製豆腐,將黃豆磨爛後,通常會剩下豆渣,農業社會通常會養豬,豆渣便可作為他們的飼料。豆腐傳統上會有鹽滷及石膏的做法,豬紅用的是後者,雖然香港主要是用石膏製法,但由於豬紅外型像豆腐,所以和豆品屬同一科。」關興記老闆關太則說:「好多人會買豆腐打邊爐,客人通常都會問埋有無豬紅賣,我們都是兼賣幾種食物,一來可以開源,二來方便客人。」要令豬紅更滑。關太教路,如果切豬紅,不要像切片般拖刀,這樣會令豬紅散及粗糙,要像剁豬肉一刀切會較滑。



記者:何嘉茵攝影:鄧鴻欣


豬紅外型像豆腐,一般會在豆品店有得賣。

雖然豬紅傳統上是用豬血做,但豬肉檔沒有賣豬紅。



來源: http://hk.apple.nextmedia.com/su ... t/20161124/19843486
食物 真相 豆腐 舖點 點解 賣豬 豬紅 紅要 一刀切 先夠 夠滑
PermaLink: https://articles.zkiz.com/?id=316860

財經評論:儍人先夠膽識買樓

1 : GS(14)@2016-12-08 08:15:27

■早前有年輕買家以420萬元買公屋竹園北邨,俾網民笑「儍仔」。 資料圖片





現時買樓賣樓比之前方便得多,隨時上網就找到所需資訊。業主賣樓,覺得地產經紀信不過,自己上網「格價」,再決定放售單位叫價。於是,連買樓也成為新聞主角。買得貴,俾人笑儍仔。因此,若涉及到一些特殊成交,例如成交價偏高及偏低,地產經紀多不願意對外發佈,怕影響買家及賣家,搞到代理佣都冇得收。試過有買家第二日睇報紙先知自己做咗儍仔,鬧爆代理,最終撻定。黃大仙竹園北邨一個實用面積447方呎公屋,最近以420萬元售出,樓價打破九龍公屋最貴紀錄。買家是名80後,獲家人出資百萬首期上車。市場熱烈討論居然有「儍仔」四球買公屋。不少花生友都笑買家儍,400萬元私樓都買到。最重要是隔籬鄰居只是每月交租2,000蚊,有時更獲免租。仲講到話買家如有100歲命,租100年都是240萬元。有留言更指,「隔籬屋攞綜援嗰啲仲有津貼」,又指能說服買家用400萬元入市公屋的地產代理,「簡直係神人」。香港本土特質,就是憎人富貴厭人貧,甚麼也鬧一餐。但鬧還鬧,一切都是畸形樓市所造成的結果。當車位炒到460萬元時,你便會覺得公屋賣420萬元並不是一件驚天動地的事。今日的公屋,仍叫做400萬元買到400呎,再不買,出年只買到300呎,再過多兩年,100呎公屋可能要400萬元。邊個先係儍仔,冇人知。6年前全港首宗樓價升破200萬元的黃大仙公屋,買家同樣被諷儍仔,但又有甚麼儍得過該單位升值已至逾400萬元。一直以來,儍人先夠膽色買樓,得把口通常冇樓。記者:朱連峰




來源: http://hk.apple.nextmedia.com/financeestate/art/20161208/19858177
財經 評論 人先 先夠 膽識 買樓
PermaLink: https://articles.zkiz.com/?id=318716

【飲食籽】愛啡之人 幾杯先夠?

1 : GS(14)@2017-06-16 01:59:47

咖啡中,以特濃咖啡的咖啡因含量最多,每40毫升就含約97毫克咖啡因,若以一杯250毫升計算,咖啡因含量已超標。(左起:特濃咖啡、茶餐廳咖啡、泡沬咖啡、美式咖啡及過濾式咖啡)



【飲食籽:生活Tips】香港飲咖啡的文化越趨成熟,「啡不離手」的景象隨處可見。最近英國《鏡報》有報道指,成人日飲4杯咖啡,而孕婦也能日飲3杯咖啡,可說是「愛啡之人」的一大喜訊。營養師陳筠霖表示,該報道是綜合了外國多個攝取咖啡因含量研究而得出的數字,是針對患有心臟、情緒問題及癌症風險的機會,只要每日攝取不多於400毫克咖啡因,以過濾式咖啡(Filter Coffee)每杯咖啡因含量約80至100毫克為例,不超過4杯,患有以上疾病的機會便較少。



咖啡的沖調手法、溫度和咖啡豆份量,會直接影響咖啡因的含量。以香港為例,一杯250毫升的普通咖啡(茶餐廳、餐廳、快餐店和便利店供應那種),竟含高達約200毫克的咖啡因,飲用多於兩杯即屬超標。由於茶餐廳的咖啡粉長時間浸泡在熱水中,因而釋出更多咖啡因。根據世衞建議,孕婦只要每日不攝取多於300毫克的咖啡因,就屬安全範圍。咖啡因會引致血壓上升,而患有妊娠高血壓的孕婦,就應盡量避免飲用。咖啡因亦會透過血液傳送至胎兒,刺激中樞神經,影響腦部發展,令胎兒出生時增加患有過度活躍症的機會。同時有研究指出,胎兒出世體重會過輕,更會增加孕婦流產的機會。市面上不同飲料同樣含有咖啡因,例如可樂和能量飲品,是小童和青少年攝取咖啡因的主要來源。研究建議每公斤體重攝取量可多於2.5至5毫克的咖啡因,以一名重30公斤的小童計算,即每日可攝取75至150毫克的咖啡因,以一罐可樂約有32毫克咖啡因為單位,亦即每日不可飲多於5罐。相反老人家卻沒有一個特定的數字限定,他們始終消化能力較弱,咖啡因會令胃酸過度分泌,刺激胃部黏膜,因而出現胃潰瘍的情況。咖啡因有利尿作用,而鈣能透過尿液排走,所以有機會出現骨質疏鬆。咖啡因有提神功效,但多喝會成癮,若攝取過量咖啡因,更會出現亢奮和失眠,容易有焦慮,心跳加速和心慌的情況,甚至會手震。本身患有心臟病、高血壓和情緒病的人,應盡量避免飲用含咖啡因的飲料,免得刺激血壓上升。所以飲用前還是適可而止吧。


咖啡因含量表

茶餐廳咖啡(250毫升) 約200毫克茶餐廳奶茶(250毫升) 約170毫克美式咖啡(250毫升) 約130毫克泡沫咖啡/鮮奶咖啡(250毫升) 約110毫克過濾式咖啡(250毫升) 約80-100毫克
Red Bull(250毫升) 約45毫克可樂(250毫升) 約32毫克朱古力飲品(250毫升) 約5毫克



有些能量飲品也含咖啡因,購買前要看清標籤。

青少年多從可樂中攝取咖啡因,加上高糖,還是少喝為妙。

記者:陳煥欣攝影:伍慶泉編輯:馮秀珍美術:楊永昌



2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170615/20055849
飲食 愛啡 之人 幾杯 杯先 先夠
PermaLink: https://articles.zkiz.com/?id=335627

【漁民風味】辣酒煮東風螺 酒分兩次加先夠香

1 : GS(14)@2017-09-17 16:16:41

辣酒煮東風螺



花螺跟東風螺外形相似,四季都能買得到,但價格分別很大,兩者分別是花螺是白身黑點,東風螺是啡色帶暗紋,東風螺價格較平因為其肉質較腍身,鮮味稍遜,故適合用濃味食材來煮,如辣酒煮或冬蔭功煮等;花螺的味道較優勝,肉質較爽嫩鮮味較濃,只需用最簡單的方式煮,如鹽焗或蒸已很美味了。



黃思敏(Nicoles),西貢人,老公為糧船灣水上人,漁民海鮮菜式及西餐最拿手,私房菜Nicoles Kitchen主理人,為《志在漁樂》一書撰寫食譜。

辣酒煮東風螺材料:東風螺1斤、薑片3片、豆瓣醬2湯匙、紹興酒5湯匙、砂糖2茶匙、鹽適量、上湯300毫升、水200毫升、芫茜3棵做法:?1.東風螺用生粉洗淨,放入已加薑片的滾水汆水,撈起過冷河。?2.燒熱二湯匙油,薑片加入豆瓣醬炒勻。?3.加入東風螺,加酒,加上湯煮滾。?4.慢火煮八分鐘加芫茜即成。



採訪:黃思敏@力高廚房攝影:鄧鴻欣2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170910/20148001
漁民 風味 辣酒 酒煮 東風 酒分 分兩 兩次 次加 加先 先夠 夠香
PermaLink: https://articles.zkiz.com/?id=341061

【人日問真啲】點解初七係「人日」? 食乜先夠好意頭?

1 : GS(14)@2018-02-25 03:19:34

傳說女媧創造萬物,頭6日先順序造咗雞、狗、豬、羊、牛、馬等動物。

新正頭除咗要講恭喜發財、心想事成、龍馬精神等吉利說話,到咗初七「人日」,大家仲會互祝生日快樂一番。但係話時話,點解初七係「人日」呢?原來傳說女媧用七日創造世間萬物,頭六日順序造咗雞、狗、豬、羊、牛、馬,到第七日更按照自己嘅形象,用泥土造出人,所以初七就成為咗人嘅生日,是為「人日」。


傳統嘅人日習俗,當然唔係唱生日歌同開party慶祝啦。喺唔同時期、地區,都各有唔同嘅人日習俗,例如文人墨客會喺呢日登高賦詩、婦女會剪綵為「人勝」當頭飾,皇帝會賜彩縷及登高大宴群臣,民間亦會放花炮、煙花等。傳統上,年初嘅日子係唔同動物嘅生日,所以禁止宰殺當天生日嘅動物,而初七人日,官府亦都唔會對囚犯用刑、長輩唔會責備後輩。到咗今時今日,做老闆、上司嘅都最好避免喺呢日鬧員工同下屬,人人應該互相尊重。


到第七日,女媧根據自己嘅形象摶土造人,所以年初七就成為人嘅生日,亦即「人日」。

人日傳統食品撈魚生,象徵「越撈越高、風生水起」,另外及第粥都有「高中狀元」嘅意思。

軟雪糕發音上食到「吉星高照」嘅意思,一圈一圈捲上去嘅形狀,仲象徵步步高陞、更上一層,新正頭食就啱晒!



至於食方面,新正頭最緊要講意頭,七菜羮(象徵吉兆)、麵線(象徵長壽)、及第粥(象徵高中狀元)、撈魚生(象徵越撈越旺、風生水起)等,都係傳統嘅人日食物。今年人日更適逢有《蘋果優惠》益大家,憑蘋果優惠券去指定GODIVA專門店食抹茶系列軟雪糕,初七當日(2月22日)會送你指定朱古力3粒,而初八(2月23日)就送指定朱古力豆1盒,想吉星高照、甜甜蜜蜜,全年著數袋袋平安,不妨去食個軟雪糕攞個好意頭!


只要你有《蘋果優惠》手機app,响推廣期內中午12時後去指定GODIVA專門店,開app,同時開著藍牙、定位,即可領取蘋果優惠券!步驟好簡單:1.下載「蘋果優惠」app2.登記成為會員3.點擊主頁上的圖示﹙參考圖1﹚以領取該優惠券4.於帳戶內「已領取著數」,打開該優惠券﹙參考圖2﹚5.於指定GODIVA專門店購買抹茶系列軟雪糕時出示優惠券以換領*優惠不適用於銅鑼灣希慎廣場店﹑太古廣場店﹑美麗華廣場店及東涌東薈城店。條款細則:1.優惠推廣期為2018年2月22日及2月23日2.換領時間由中午12時開始3.每間指定專門店每日只限名額500個。如換領人數過多將安排以派籌形式換領,數量有限,先到先得,額滿即止4.優惠只適用於有抺茶系列軟雪糕售賣之GODIVA專門店,地址請參考著數優惠券內「店舖資料」一欄5.優惠不得與其他優惠同時使用,包括貴賓會員購物優惠6.每張電子優惠券只限使用1次及限買1杯抹茶系列軟雪糕7.相片只供參考8.贈送貨品為指定巧克力三顆﹙2月22日﹚或指定巧克力豆一盒﹙2月23日﹚,顧客不得自選9.如有任何爭議,蘋果優惠及GODIVA Chocolatier(Asia) Limited保留最終決定權如欲了解更多換領詳情,請瀏覽:
http://applespot.hk想攞更多著數?立即下載《蘋果優惠》app,讓你即時掌握附近商戶之著數優惠及最新情報。開藍牙,定位,附近驚喜優惠,隨即到手!



參考圖1:點擊優惠圖示

參考圖2:於「賬戶」點擊「已領取著數」



來源: https://hk.lifestyle.appledaily. ... e/20180223/20312357
人日 問真 真啲 點解 初七 食乜 乜先 先夠 好意頭 好意
PermaLink: https://articles.zkiz.com/?id=348898


ZKIZ Archives @ 2019