ZKIZ Archives


是一位歌手 阮兆祥

1 : GS(14)@2013-11-12 00:38:58

http://www.skypost.com.hk/featur ... %86%E7%A5%A5/116502
阮兆祥開騷?不用問,一定是棟篤笑,主力扮嘢;非也,是百分百唱歌,個人音樂會!其實,亦難怪大家心生疑問,「福祿壽」扮嘢王的身份,實在太過深入民心,不過,如果命運能選擇,他當然想只是唱歌,始終這個機會,等足29年。
事情要由阮兆祥打算做一場演出開始講起,「我17歲參加新秀,如果由那時計起,明年是我出道30周年;若從出唱片數起來,今年則是我入行25周年。日子不算短,是時候做一個屬於自己的作品,諗來諗去,就諗起不如開騷。」經過一番與台前幕後朋友的討論,最終定案舉行個唱,取名「阮兆祥2013一祥朋友演唱會」,改自其舊歌《一場朋友》,他作曲,林夕填詞。
等運到
阮兆祥的一切,亦的確由音樂開始。當年他參加新秀落敗,翌年整裝再戰全港19區業餘歌唱比賽,那年冠軍李克勤,他是季軍,獲得香港電台電視部藝員合約一份,在電台拍劇工作量不足,他自薦做DJ,趕上盛行DJ歌手的年代,還了心願,出過幾張唱片;然後,入無綫。「會進電視台,是因為我的唱片成績不好,我想,別人不喜歡我,是我不夠靚仔、不夠入屋,那麼我就讓你在電視天天看到我,相信終有一天,你會覺得我順眼,到時再唱歌,可以吧?」
當年尚有一年歌手合約的阮兆祥,毅然轉職,他說不想死守一個位置等運到。「我的想法是遇到困難就要變,看看有甚麼其他出路。DJ轉做電視主持,都算合理。」在電視台由二綫音樂節目《周末任你點》、《Sunday新地帶》做到一綫的《勁歌金曲》,再加入《歡樂今宵》,1997年,心繫唱歌夢的他,下決心回復歌手身份。「那次我以為沒問題了,還特意不與無綫續約,打算用一年洗底,怕大家看慣了阮兆祥的搞笑形象,唱情歌太怪。」意料不到的是唱片公司人事變動,出碟計劃最終告吹。
執二攤
歷盡風雨,又回到無綫。「我開始明白,這個世界,凡事都不可以強求,你想做的事,不是爭取就會得到。之後我的演藝經歷更加證實了這一點,例如憑《溏心風暴》舅父波一角奪台慶最佳男配角,這個角色是我執二攤,才有機會飾演;又像我和與王祖藍、李思捷組『福祿壽』,是因為台慶表演後大家喜歡,誤打誤撞出現的。每一次得到好的成果,都不是我強求得來的。」
自言從來沒放棄唱歌,只是轉個彎再向前。「所以我今次演唱會主題曲叫《世界仔》,祖藍幫我填詞,描述我多年來的心態。世界仔在一般人眼中是貶義,但在祖藍和我心目中,是一種生活方式,當你設定一個目標,遇到瓶頸位時,不妨轉行第二條路,開拓其他機會,總有一天你會走回原本的理想道路上。」阮兆祥就是一個好例子。
場地:Allegretto
撰文:王寶云 
攝影:梁細權編輯:黃寶恩、余佩娟
髮型:eddykwong @ salon square
是一 一位 歌手 兆祥
PermaLink: https://articles.zkiz.com/?id=284091

阮兆祥 我係由唱歌開始㗎 2013年11月28日

1 : GS(14)@2013-11-30 13:41:45

http://www.am730.com.hk/article-183524
或者大家差啲忘記,阮兆祥(祥仔)係參加「新秀」入行,推出過個人大碟,唱片封套係一個低頭彈結他,醉心音樂嘅少男,派台歌之一《我心深處》feature彭羚,MV入面擺出標準失意三七面,靠牆、倚窗、坐地甫士,既憂鬱亦純情,不過……事隔已經25年。問佢,點解拎起支咪唔係做主持或者搞笑,而係正正經經唱歌?佢答:「我嘅演藝事業係由唱歌開始。」明晒!
文:賀路斯 圖:莊振邦
Hair:[email]eddykwong@salon[/email] square
Make-up:Zita Chan
場地:Hong Kong Blues Rock Guitar Shop

兩次夢想落空
自從祥仔宣布12月中將會喺伊館開個人騷,唔少人都詫異佢賣嘅,唔係觀眾較為熟識嘅搞笑技能,而係賣唱,正經唱歌,仲開夠3場,問佢覺唔覺得冒險,佢直認今次簡直係食咗豹子膽,但係為咗紀念自己快將入行30年,既然自己係由唱歌開始,今次理所當然,以唱歌嚟做個小總結。係喎,祥仔出過兩張碟㗎喎。

am=am77 祥仔=阮兆祥
am:1984年失意「新秀」,不過喺「全港十九區業餘歌唱大賽」奪得季軍,攞到香港電台電視部藝員及歌手合約,唔係名正言順做歌手咩?
祥仔:我都以為係,諗住可以唱歌啦,但當時工作量好少,太多空閒時間,我希望自己做主動嘅一個,去表態,去爭取,我就走去自薦由電視部去電台部學嘢,做DJ,做咗幾年,知名度開始高,就有唱片公司問我有冇興趣出碟,梗係好啦!咁就出咗兩隻碟。

am:出過兩隻碟,已經好過好多人,但後來發生咩事而冇唱歌?
祥仔:我做DJ,又係行內人,好清楚一隻成功唱片賣幾多隻,人人都賣緊5萬隻,我賣得5千隻,只係做到人哋十分一嘅銷量,同期係林志穎、吳奇隆,我同佢哋梗係冇得比啦,當時就諗係咪要轉型呢?例如入TVB,有慣性收視,觀眾日日睇住我,就算今日睇我唔順眼,睇10日都會睇慣,就係咁入咗TVB做主持人。

am:聽聞之後又有唱片公司搵你出碟,你仲特登為咗出碟而離開TVB,點解後來冇咗件事?
祥仔:幾次都係咁,好似距離唱歌好遠咩?突然又有機會,當時成個Project有晒Idea,聯絡晒音樂人,開始收歌,但唱片公司高層變動,高層取向唔同咗,冇辦法,唯有擱置。

am:嘩,離開咗TVB,又冇得唱歌,好大打擊啫!
祥仔:唔開心都係短時間,我覺得有問題唔放低係冇意思,要諗出路先啱,我要做主動嘅一個,克服咗就唔會有唔開心嘅回憶。

發掘搞笑天分
正當祥仔躊躇之際,多得電視台劇集監製梅小青搵佢回巢拍《娛樂插班生》,雖然只係配角,但搞笑天分就得到賞識,開始有監製搵祥仔專做丑角,但係唔講唔知,祥仔原本都唔認為自己識扮嘢,亦自覺唔識演喜劇,但事實上,觀眾受落,及後更令祥仔喺綜藝節目大展拳腳,例如近年少有搞笑搞到開騷嘅組合「福祿壽」。

am:起初睇《娛樂插班生》,覺得你演喜劇自然到不得了,反而你自己唔覺得?
祥仔:拍呢套劇之前,我曾經自薦去做體育節目主持,總監覺得我得,俾我做奧運直播,嗰日做完直播,見到粉絲,我問有冇睇我做直播呀?佢哋反應好熱烈話「有呀,有呀,你做得好好笑呀。」點解會好好笑嘅?我先至知我好認真嘅時候,觀眾都係覺得我好好笑。
am:令我諗起Bee Gees嘅《I started a Joke》……想做歌手做唔到,想正經又正經唔到,係咪好氣餒?
祥仔:冇,喜劇唔簡單,例如觀眾睇一個藝人喊,就算睇幾次都唔會話「睇過你喊啦!」但一個笑話你講超過一次,觀眾就會話「講過啦!」要求係較高,其實搞笑有好大學問,我要演好佢。

am:2007年你戲路上有好大轉變,就係《溏心風暴》入面嘅奸角舅父波,仲攞埋當年最佳男配角獎,點解會有咁大改變?
祥仔:《溏》係偶然嘅機會,係頂替黎耀祥做呢個角色,當日監製問我有冇興趣,套劇個個都係老戲骨,有夏雨、李司棋、關菊英喎,我梗係有興趣啦,監製亦俾咗好多功課我做,例如邊個場口要注意,要設計一下,套劇出咗嚟好睇,係因為大家合作得好,起到化學作用。

am:台慶你赤住上身,俾人當鼓打到紅晒,犧牲好大喎。
祥仔:個表演係成班人一齊傾,雖然得分幾鐘,但我喺個身度黐咗4個咪,調校埋大細聲要做到效果,我堅持要嚟真,堅打,打到啪啪聲,等觀眾睇到唔係配音,雖然有傳媒話我哋唔知想點,但現場觀眾反應好好,夠娛樂性,有驚喜,咁就足夠。

唱歌死心不息
首次開個人演唱會,祥仔喺上年年尾開始構思,仲自掏荷包,自組班底,孭上最大風險,但冇諗過會輸定贏,因為祥仔喺娛樂圈打滾近卅年,識落圈中好友一大籮,個個一知道佢開騷,紛紛主動支援,撐場做嘉賓不在話下,送歌送詞,令祥仔感到溫暖,深受感動,所以將演唱會主題定命為《一祥朋友》,在佢而言,經已冇輸呢回事。

am:30年後都係返上舞台唱歌,係咪一直對歌手身份念念不忘?
祥仔:我相信殊途同歸,有啲人覺得唱歌嘅,一開始到尾就只係唱歌,我就覺得唱唔到歌就搵第二條路,有機會就再返嚟唱歌,有機會就唱,我唔視唱歌為終身職業,但會視唱歌為終身興趣。

am:你落咗咁多心血,一定搏到盡,搵晒所有朋友嚟玩啦!
祥仔:唔會太多嘉賓,有田蕊妮、陳敏之等等,仲有個神秘嘉賓,7、8個左右,多數係女性,仲會喺台度擺張床,一齊傾下偈,唱下歌,唔會一次過晒冷友情,我希望下年可以搬去大啲嘅場,到時再叫多啲朋友一齊玩。

am:你喺演唱會除咗唱歌,仲會做啲咩?
祥仔:我要挑戰舞台皇者郭富城,要做番歌手本份,會唱,會跳,想唱歌感動到人,亦非常落力排舞,我依家學緊Breaking、Knocking,每日做GYM、跑步收身,我要做人哋未見過我做嘅新嘢,想人哋睇到我嘅進步。

am:你真係唔會喺演唱會入面搞笑?
祥仔:搞笑嗰部分等我啲徒子徒孫——黃子華同張達明做啦!

am:之後會唔會正式以歌手身份再戰樂壇?
祥仔:依家心態係想大家睇一睇,正經唱歌嘅祥仔係點,少少試水溫,我想首先做好演唱會,當大家喜歡祥仔唱歌先至再諗其他嘢,若果都係覺得祥仔麻麻哋,咁我就可能要再裝備自己,希望下次再有機會,再說服各位,祥仔可以係歌手。

後記:
差點忘記,在手機中的音樂清單中,有一首祥仔25年前的作品《In your eyes》,他一聽到前奏,不到兩秒已彈起身,自己的主打歌,怎會忘記?
「聽番自己舊時嘅歌,感覺又愛又恨,恨係當時太幼嫩,冇經驗,有首歌,有詞,就照住唱,唔識把握首歌,唔識搵方法去演繹;愛嘅係,好愛惜當年把聲,呢把聲我唱唔番。」
祥仔當年個人大碟《我心深處》只有黑膠唱片及錄音帶,如今,已成滄海遺珠。
「早前突然收到以前唱片公司老闆電話,佢話大概兩個禮拜後,我以前隻碟就會推出復刻版CD,我可以好好咁收藏。」
祥仔回贈他的一首新歌,訪問前一晚才錄起,這個星期將會派台,一聽,是首慢歌,唱腔改變了,若非早知道是他,必定會脫口問「邊個唱㗎?」
「為咗演唱會,早前接受黃柏高Paco訪問,佢問我準備成點,啲歌齊未?我話差隻慢歌仲揀緊,Paco叫我唔使揀,佢幫我揀,第二日朝早就打電話俾我,問我收到首歌未?我聽咗覺得好聽喎,15分鐘後Paco再打俾我,話呢隻歌唔使我出錢,佢全力幫我製作,搵埋填詞人火火,包喺佢身上,呢啲就係一場朋友,好感動,首歌叫《二把》。」

2 : GS(14)@2013-11-30 13:43:19

http://www.am730.com.hk/article-183532
唱歌唔使愁入行靠行頭
自從香港減少公開及大型嘅歌唱比賽之後,
睇落好似少咗個門路,
其實入行方法反而多咗,不過問題係唱片公司捧新人,
係一項巨大投資,宣傳一向係最大開支,
拍MV又可能要請Models或者Dancers,加上市場萎縮,
賣碟真係未必番到本,
不過,若然歌手有啲家底去幫補一下,
就好大機會成事,呢度大把例子。
文:77合作社

亞太區 林峯~外間一直有傳林峯爸爸有「廈門李嘉誠」之稱,入行係靠人事關係,不過佢喺電視台都做過侍應、士兵呢啲閒角,只係過程超短,好快就拍住吳啟華、古天樂做第二男主角,冇幾耐就坐正一線,2007年正式簽約英皇娛樂成為歌手,最為人津津樂道,當然係取代Eason連奪三屆「亞太區最受歡迎男歌手」,2011年憑《Chok》一曲仲奪得「金曲金獎」添。

粉絲強大 麥浚龍~18歲就出道嘅Juno,由於父親係中建電訊主席麥紹棠,加上短時間內經已有一班粉絲追隨,一直有傳靠父親嘅銀彈策略,聘用職業粉絲、出錢買碟、購買播放歌曲時間及各類宣傳,無論外間有咩揣測,Juno繼續我行我素,堅持理想,及至今年憑自編自導自演嘅電影《殭屍》,終於得到演藝上嘅成果及掌聲。

歌舞動人 吳雨霏~有錢與否,當然視乎同邊個比較,之不過住喺比華利山,讀得國際學校,應該屋企日日有飯開,唔會捱餓,當年Cookies 9個女仔,走下一個,走下幾個,前後11年,今日Kary仲可以站立喺樂壇,除咗靠佢本身嘅歌藝同舞藝,屋企支援相信一定唔少得,事關好多成員都為咗搵食,一早轉投其他行業發展。

注定音樂人 王梓軒~父親王英偉係港區全國人大代表,亦係香港藝術發展局主席,背景咁顯赫,王梓軒當然受到悉心栽培,佢6歲就開始學小提琴同鋼琴,亦喺大學修讀現代舞,作曲、編曲、監製及填詞嘅工作早經耳熟能詳,出隻碟可以一手包辦咁滯,返到香港唔獻身音樂事業就嘥啦!

宣傳充足 梁佑嘉~自Abella出道至今,一直有強大宣傳,例如電視廣告,個人特輯主持嘅旅遊節目,邀請台灣歌手柯有倫特意飛嚟香港同佢合唱等。佢仲專程飛去韓國學跳舞,出入有司機接送等各種超然安排,早前就有傳媒指佢其實家底豐厚,入行都係多得喺經營內地房地產富商老竇貼錢支持。

太子女 朱紫嬈~作為太子珠寶鐘錶行執行董事朱繼陶嘅女兒,Khloe當然可以稱為太子女啦,至於佢入行經過就有兩個講法,第一個係家人同金牌經理人Paco係世交,第二個係因為佢唱功不俗獲Paco睇中,不過由於佢家境富裕,令佢曾經表示,記者經常問係咪老竇出錢做宣傳,以致外界甚少留意佢嘅音樂。



唔撈歌手仲有出路
樂壇每年有咁多新人出道,點記得你邊個打邊個,
即使你唱歌有幾好聽,如果因為你恃紅生驕,
或者同負面新聞扯上關係,
又甚至只不過係你公司唔夠budget捧你,
你都未必有得撈!
其實撈唔掂歌手唔代表你唔掂,只可能時不你與,
既然係咁就無謂勉強,
因為唔撈歌手仲有出路!


Oscar 做生煎皇~Oscar喺2004年同古馳組成Bliss出道,可惜事業一直未見起色,合約完咗之後,一米九嘅佢去咗上海做模特兒。期間,佢日日食生煎包都食極唔厭,於是決定將呢種口味帶返香港,同朋友一齊開咗間正宗上海生煎皇,仲搵埋上海師傅教佢整正宗上海口味嘅生煎包。嚟緊佢仲諗住再開分店,其實做下自己鍾意又有興趣嘅嘢,咪仲好。

肥媽 做主持好過唱歌~肥媽(Maria Cordero)把聲夠晒嘹亮,後生時就已經出嚟唱lounge,之後被泰迪羅賓發掘,為電影唱主題曲而為人認識。不過佢唱嘅歌唔係太大路,外形又太有份量,以致《友誼之光》及《Ma Ma I Love You》之後,再冇大熱之作。及後佢開始喺電視台做下主持,由於煮得一手好餸,於是當上烹飪節目主持人,教大家點樣揀靚菜煮好餸。同樣係靠把口,結果做主持仲受歡迎過做歌手!

Alan@E-kids 自強拒做曱甴~E-kids入面大家可能淨係記得Tommy(因為佢聲稱同G-Dragon好熟,同埋經常俾人影到過大海賭錢,所以成日見報),另一成員Alan自從組合拆夥後,好似唔多想同Tommy扯上關係,早前同另一成員Tim開咗場騷都冇預Tommy。Alan自從冇唱歌之後,去咗教跳舞,都叫做有份收入穩定嘅工作,總好過喺樂壇浮浮沉沉,俾人當係曱甴,就唔好啦。

陳冠希 賣潮服仲好搵~Edison嘅演藝生涯係點,毋須多講,分分鐘你仲熟過我,值得一提嘅係,佢當年一首《香港地》的確曾帶起過一陣rap熱潮。自從淫照事件宣布退出娛樂圈,及後又反口復出,接拍《蝙蝠俠—黑夜之神》,點知得一句對白咁多,引來網民取笑,就知道佢現身幕前已經冇人睇好,唯獨係佢嘅潮牌服飾,好似同佢嘅人氣成反比例咁,佢愈俾人噓,啲衫就愈賣得。

趙梓淇 組織家庭享天倫~趙梓淇Yu(趙頌茹),當初憑住翻版鄭秀文個朵出道,好快就為人認識,加上模特兒身材,工作量都唔錯,但有傳佢工作態度欠佳,加上男友周永恆多次出事(涉嫌藏毒、毀壞公物、刑事恐嚇及毆打案等),以致兩人形象插水!好在佢哋因為宗教信仰嘅改變而慢慢洗底,Yu後來曾做過記者,依家就專心喺屋企湊兩個可愛嘅小朋友。

梁洛施 生仔做少奶~15歲就加入英皇,出碟拍戲拍廣告,曝光率極高,仲做埋葡萄牙影后,點知突然選擇淡出娛樂圈,因為當時佢懷有李澤楷嘅骨肉。雖然最後佢同李澤楷分咗手,不過就一直過住唔使點做,齋湊仔嘅少奶奶生活。直至早前,佢喺張艾嘉執導新作《念念》嘅記者會上出現,並正式宣布復出。

杜麗莎 自己唔唱教人唱~出生自音樂世家嘅杜麗莎,六十年代就已經活躍於樂壇,但喺佢最紅嘅時候,竟毅然為愛情放棄事業,移居美國結婚生女。後來回流、移民再回流返香港,就好少推出新歌,反而一心教人唱歌,天后級嘅林憶蓮同鄭秀文,薛凱琪、傅穎同鄭融都係佢學生。
3 : GS(14)@2013-11-30 13:43:59

http://www.am730.com.hk/article-183556
香港有大把藝人歌、影兩棲,
例如天王劉德華同郭富城,又好似天后鄭秀文同楊千嬅。
不過唔係個個藝人都好似佢哋咁,可以瓣瓣撈得掂,
例如有啲人本身以歌手身份入行,但搵食艱難,
突然間轉去拍戲,有啲人明明係演員出身,
但突然爆紅,咁就走咗去出碟做歌手。


係撈
呢班人原本身份唔係歌手,不過屬於演藝界一員,由於近水樓台,當人氣夠旺,或者等到適當時機,就自動有唱片公司向佢哋招手,而佢哋大多數嘅特徵係靚仔靚女,但歌藝未必特別出色,或者真係禾稈冚珍珠,有把靚聲一直冇機會俾人知。


藝員變歌手 古巨基~1990年加入TVB,參加藝員訓練班做藝員,畢業後主要做主持同喺劇集做二打六,較令人深刻有《娛樂新聞眼》,經常訪問歌手藝人,不過呢段期間,佢喺圈中結識咗唔少朋友,亦不知不覺透露咗自己唱歌嘅天份,後來終於得到賞識,被唱片公司簽為歌手,加上一堆好歌而紅咗,終於輪到佢俾人訪問番。

新秀轉拍劇 鄭伊健~好多人以為佢係拍檸檬茶廣告入行,錯!佢係參加「新秀歌唱比賽」而簽約TVB,不過幾年間由配角成為小生,九十年代偶像派歌手抬頭,伊健亦喺1991年加盟BMG推出多隻大碟,成為多個品牌代言人,《古惑仔》系列亦爆紅,正當佢事業如日方中,突然發生「奪麵雙琪」,令其人氣一度插水,近年已甚少推出新歌,但每年梗會開演唱會見下樂迷。

玉女掌門 周慧敏~有玉女掌門人之稱嘅Vivian,1985年參加過「新秀歌唱大賽」,不過落選,後來參加香港電台嘅「業餘DJ大賽」正式投入演藝事業,佢開頭係擔任DJ,但清純嘅面孔,溫柔嘅聲線,好快就俾唱片公司睇中簽為歌手,旋即爆紅,後來加盟寶麗金唱片成為力捧女歌手,紅透九十年代初,兜兜轉轉都係做歌手,都唔知當初係TVB走漏眼,定係Vivian突然識唱歌。

模特兒入行 周柏豪~好多人都知周柏豪做歌手前係模特兒,為唔少潮流品牌行騷,不過再準確啲,其實佢應該係錄音室嘅工程師,幫歌手做Demo、唱廣告Background歌之類,加上佢識得彈結他同鋼琴,順理成章成為唱作歌手,雖然聽眾對佢啲歌冇咩大反應,不過就對佢喺社交網上嘅留言反應大好多,例如「水杯論」咁。

永不放棄 鄭俊弘~Fred係一個年輕人追逐夢想嘅完美典範,2001年參加「全球華人新秀歌唱大賽」,獲得「現場最具風采獎」、「突破新秀巨星演繹獎」、「網上完美之聲大獎」兼攞埋亞軍,卻因華星唱片業務改變,Fred成為歌手美夢落空,惟有撈演員,不過今年憑住《星夢傳奇》摘冠之餘,仲得到廣大觀眾認同,事隔12年,應該好快正式以歌手身份見大家。

網民力撐 官恩娜~大溪地靚女Ella最初喺Roadshow當主持,由於佢樣子甜美,性格爽朗,獲唱片公司賞識成為歌手,作品《地平線》亦備受好評,可惜經常捲入是非,令佢事業停滯不前,2009年雖然佢喺《超級巨聲》表現令人刮目相看,但仍未見起色,愛惜佢嘅網民決定喺FB主動成立「力捧官恩娜上位團」,希望佢可以喺樂壇再放異彩。


唔係撈
唱得歌入行,歌藝都有番咁上下,不過呢條路唔易行,首先要有唱片公司簽做歌手,之後要有唔止一首嘅好歌,一下子接唔住個勢,好易俾人遺忘,仲要夠運氣,同期唔可以有太多競爭,形象要夠突出,否則半年錄一次音真係飯都冇得開,所以轉做藝人或者幕後嘅例子都唔少。


搞笑天份高 江欣燕~1985年得18歲青春活潑嘅江欣燕,參加「新秀歌唱大賽」入行,雖然三甲不入,但被華星唱片睇中簽為歌手,早期作品有日文改編歌《夜半驚魂》,亦唱過日劇《偶像媽咪》主題曲及兒歌,可惜未能正式喺樂壇發展,相反觀眾就喜歡佢扮Maria,早年佢同吳積遜結束12年婚姻,因此又多咗見佢參演電視劇。

內地拍劇更紅 李彩樺~Rain以歌手身份加入娛樂圈,推出不下5張唱片,最令人深刻嘅歌相信係「唸口簧」唱嘅《你唔愛我啦》,不過出道時有唔少同佢風格相近嘅女歌手,形象始終唔夠鮮明亦冇突破,一直被界定為妹妹仔,最後亦要轉拍劇集,但反而令人受落,近年更主攻內地市場,比唱歌紅得多。

浪子回頭 鄭中基~唱片公司太子爺,自小受音樂薰陶,天生又有把靚聲,唔做歌手真係嘥,1996年同張學友合唱《左右為難》,令佢成為當時炙手可熱嘅新人,不過接連在飛機上醉酒鬧事,令佢事業同形象大插水,近年暫冇新歌推出,不過佢嘅喜劇細胞就令人非常受落,加上結婚生女,一洗壞孩子形象,真係浪子回頭囉。

拍劇翻身 蕭正楠~拍優之良品廣告被人發掘成為歌手,同期力壓有強大實力支持嘅麥浚龍,獲得「男新人金獎」,點知衰多口講咗句「邪不能勝正」,結果被樂壇全面封殺,搞到避走內地,2008年回港專心拍劇,幾年間得到多個演藝獎項,今年終於走到一線位置,仲被視為視帝大熱之一,之前受過咁大教訓,希望佢真係學識慎言嘅道理。

重投電視懷抱 陳展鵬~本身係TVB藝員,多數做茄喱啡,1996年得寶麗金唱片公司賞識成為歌手,曾經推出《快快》、《拉拉扯扯》等歌曲,但當時未能兼顧歌手及演員工作,決定同TVB解約,點知唱片公司被收購,連首張個人專輯都未推出就失業,後來加入ATV重新嚟過,2008年再重返TVB,今次乖乖哋拍劇,終獲力捧,真係唔知當日解約係福定係禍。

曾經滄海 羅嘉良~佢都係參加「新秀歌唱大賽」入行,不過加盟咗ATV,為當年大製作《秦始皇》唱主題曲,1987年轉投TVB為長劇《季節》又演又唱主題曲,但都係唔紅,反而九十年代演反派就彈起,從此成一線小生,1998年憑住《天地豪情》推出大碟,仲喺紅館開咗4場演唱會,但始終欠缺承接力,加上同宣萱緋聞不絕,千禧年開始轉戰內地,近年甚少拍港劇。
兆祥 我係 係由 唱歌 開始 2013 11 28
PermaLink: https://articles.zkiz.com/?id=284170

阮兆祥作反讚港視

1 : GS(14)@2014-11-23 13:55:34





■一向效忠無綫的阮兆祥和曾志偉公然力撐港視,更寸無綫是最衰的電視台。


一直效忠無綫的阮兆祥,前晚在灣仔演出《阮兆祥2014硬食博覽楝篤笑》上,公然力撐港視,連盛傳與大台高層余詠珊不和的曾志偉,亦寸無綫是天下間最衰嘅電視台!


■明年將約滿無綫的祥仔,未知會否因公然撐港視而令續約有變數。

曾志偉鬧無綫最衰

黃偉文上身的祥仔,在台上大唱惡搞改編歌,他說:「有位朋友睇住佢硬食無數次,但係佢依然用香港人打不死嘅精神,等咗59個月,終於得到個牌,嗰個就係王維基!」接着在歌詞力讚港視:「無牌,全靠基基手快,電話想踩界,問問是不是人狼大晒,好事即刻破壞,港視高質素不發牌,最好兩台玩晒!」擺到明力撐港視!接着到曾志偉提議祥仔娶梅小惠,他說:「嗰日可以搞大啲,好似歡樂滿東華,可以直接籌埋款,為TVB仆心仆命,真係陰功,天下間最衰嘅電視台!」完騷後祥仔說:「希望可以百花齊放,想睇有水準嘅節目。」至於會否怕得罪無綫?他則說:「其實歌詞內容都好客觀,都係唱出大家嘅心態,唔係偏頗任何一方。」採訪:王連連攝影:陳慧安





來源: http://hk.apple.nextmedia.com/entertainment/art/20141123/18944447
兆祥 作反 反讚 讚港 港視
PermaLink: https://articles.zkiz.com/?id=286549

阮兆祥女友轟白色恐怖吳卓羲認被斟過檔

1 : GS(14)@2014-12-01 22:20:54





■吳卓羲直認明年約滿,至今仍未定去留。


無綫近年經常製作膠劇,又鍾意自我審查,促使台前幕後最近暗地裏「作反」。阮兆祥早前在棟篤笑騷明撐王維基開台,即觸動大台神經,傳祥仔為此被飛出《歡樂滿東華》演出。



「莫非得罪山姐」

祥仔雖然沒有直接承認「被罰」,但其女友Crystal卻看不過眼,近日連環在facebook炮轟大台搞白色恐怖,前日寫着:「特別報告,繼早前被指撐基基事件之後,大台白色恐怖立刻來臨,原定歡樂滿東華表演項目無故被抽起!莫非真的得罪咗《山》姐?請大家密切留意事態發展!」



■祥仔女友Crystal替男友不值,在fb斥大台搞白色恐怖。資料圖片

■昨日Crystal再發功,寫祥仔被飛出東華。



其實祥仔未被飛前,Crystal已早着先機說:「要小小小心山姐先好呀!」由於《東華》節目是由綜藝科揸弗人余詠珊負責,「山姐」之名呼之欲出。昨日Crystal又再貼出祥仔被飛出東華文章,並自己按讚,幸好祥仔未有被飛出新劇,昨日在微博貼出造型照。有傳祥仔明年約滿無綫後不再續約,也是明年約滿的吳卓羲,昨日與胡杏兒在將軍澳宣傳時,異口同聲表示有其他公司找自己,揚言仍未有決定。吳卓羲承認一直有中港公司斟過檔:「未決定,係朋友問起,當時仲有一年半載約,我話到時再傾啦。」被指冇獎令他心灰意冷?他說:「呢啲睇緣份,最重要角色同對手,錢都係其次。我亦認同林峯所講,每個人都係個體,冇人影響到自己決定。」同樣傳離開大台的胡杏兒則說:「想工作同生活攞個平衡,太辛苦會好快老。」


■準新郎祖藍提起婚事講不停,揚言要做一日白馬王子。

祖藍唔驚照肺

至於有離心的王祖藍,主演及度橋的《老表,你好hea》多番揶揄台慶頒獎禮,他昨日在沙田出席活動說:「合約仲有一段時間,暫時冇咁諗,其實
兆祥 女友 白色 恐怖 吳卓 卓羲 羲認 認被 被斟 斟過 過檔
PermaLink: https://articles.zkiz.com/?id=286633

阮兆祥逆線行車知衰

1 : GS(14)@2016-10-14 06:52:20

阮兆祥於剛過去的周日在大埔切雙白線兼逆線行車,被本報讀者梁先生影到,並透過「爆相爆片」分享。阮兆祥昨日在將軍澳和陳煒出席活動,他說:「已經喺電台節目回應咗,知道自己駕駛態度有啲問題,會好好檢討一下,以後揸車會更加小心同謹慎。」事發於本月9日下午約3時41分,阮兆祥駕駛其綠色平治跑車「抽頭」越過中間雙白線,逆線行駛近60米,停泊巴士站外,當時有一部私家車剛巧由培賢里駛出,與平治迎面相遇,幸未有釀成意外,之後一名女子由乘客位登車。撰文:李察




來源: http://hk.apple.nextmedia.com/entertainment/art/20161014/19799870
兆祥 逆線 行車 知衰
PermaLink: https://articles.zkiz.com/?id=312019

【爆相爆片】阮兆祥火燒車後又一單方中信切線 撞凹車頭

1 : GS(14)@2016-10-17 08:09:22

■撞車後,方中信在路邊聯絡時,讀者形容他chok甫不停。讀者圖片提供



藝人連日來接連發生車禍,繼阮兆祥前晚撞車後,方中信昨日亦遇上車禍。方中信昨日上午11時許駕駛其Tesla電動車駛經九龍城侯王道時,疑因切線與一輛七人車相撞,其電動車車頭及七人車車頭附近位置均撞凹,路邊圍欄被撞毀,事件中一名65歲女途人受傷送院治理,而方中信和七人車司機事後均通過酒精呼氣測試。


冇撞到婆婆

讀者Ann昨透過本報「爆相爆片」報料,指昨午途經侯王道時發現兩車相撞,並見戴帽的方中信正向警方講述事發經過,Ann說:「見到佢好chok,好型,叉住條腰企喺度,好淡定。」至於另一讀者張先生亦指意外發生後見一名女途人跌坐圍欄內行人路,手部受傷。記者致電方中信,他透過WhatsApp說:「一宗很普通的交通意外,謝謝關心,雙方已達成和解,吹波波過到,受傷的婆婆不是被撞到的。」採訪:魯吉


■方中信座駕昨日與七人車相撞,但雙方很快已達成和解。讀者圖片提供

■撞車後方中信協助警員調查車禍原因。讀者圖片提供



來源: http://hk.apple.nextmedia.com/entertainment/art/20161017/19802819
爆相 相爆 爆片 兆祥 火燒 車後 後又 又一 單方 中信 切線 撞凹 車頭
PermaLink: https://articles.zkiz.com/?id=312430

Benz跑燒成廢鐵 阮兆祥:傾緊有冇得和解

1 : GS(14)@2016-10-17 08:09:23

■意外發生後,阮兆祥與警員查看焚毀的座駕。



阮兆祥前晚駕駛其綠色平治接載女友往荃灣,準備為女友嫲嫲慶祝生日,豈料在沙田失事狂撼貨車車尾,全車繼而爆炸起火,並燒成廢鐵,祥仔同女友死裏逃生,但手機、銀包及身份證全付諸一炬。記者昨致電祥仔,他表示已出了手機,指很多朋友致電問候,有朋友甚至擔心到喊,祥仔說:「今次冇事真係好感恩。」對於起火原因,祥仔說:「我都唔知點解。而家雙方傾緊,睇吓可唔可以和解。」



■阮兆祥前晚在沙田撞車,其平治突然着火全車燒毀。

■阮兆祥女友Crystal前晚車禍後一度受驚。

■祥仔(右)昨日收拾心情為劇集宣傳,並為導致大塞車而致歉。


暫時不揸車

昨日祥仔到油塘出席劇集《巨輪II》宣傳活動,對於日前被發現逆線行車後,前晚座駕又焚毀,祥仔直指近日屬多事之秋,又謂:「噚日嘅事令我感覺到戲如人生,呢個不幸同我喺劇中經歷一樣,都係吉人天相!」對意外責任誰屬,祥仔避談,揚言已報案處理,又透露前晚午夜夢迴時,都有想起撞車一剎那,暫時自己不會駕駛,並為前晚引致道路大塞車感到抱歉。採訪:魯吉




來源: http://hk.apple.nextmedia.com/entertainment/art/20161017/19803546
Benz 燒成 廢鐵 兆祥 傾緊 緊有 有冇 冇得 和解
PermaLink: https://articles.zkiz.com/?id=312432

【馮仁昭四圍超】阮兆祥睇半粒鐘腎科

1 : GS(14)@2016-11-24 07:39:38

讀者提供圖片





阮兆祥同女友日前被讀者馮先生透過本報「爆相爆片」,報料話見到佢哋喺尖沙嘴一幢商業大廈嘅糖尿病腎病及綜合內科中心睇醫生,祥仔登記完,姑娘幫佢量血壓,等咗大約一個鐘後,終於有得見醫生,但成半個鐘都未出嚟。而祥仔受訪時就回應話:「我冇事呀,嗰個專科醫生係我朋友,又係熟醫生,所以上去睇吓啫!唔使擔心,我個腎好OK。」撰文:馮仁昭




來源: http://hk.apple.nextmedia.com/entertainment/art/20161124/19843458
馮仁 仁昭 四圍 兆祥 睇半 半粒 粒鐘 鐘腎 腎科
PermaLink: https://articles.zkiz.com/?id=316835

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019