ZKIZ Archives


借車拍劇送「炸彈」無綫為拍劇斬百年龍眼樹

1 : GS(14)@2017-04-28 02:11:01

陳敏之上年12月生咗囝囝Eddie,話咁快喺銅鑼灣復工為大台喺馬路中心拍攝,就似乎有啲危險。不過最危險嘅都唔係敏之,而係一班工作員,佢哋喺馬路到左穿右插,都唔着螢光衣,見到都覺得牙煙。大台拍攝是是但但,都唔係第一日嘅事,就好似以下呢啲咁:田蕊妮同蕭正楠等人今年2月喺跑馬地拍外景,喺正民居樓下夜媽媽開工,唔單只冇申請拍攝,仲嘈到樓上居民。有人喺屋企用電筒照落街,八卦樓下做乜咁嘈,有工作人員大叫唔好照,擺明擾人清夢。嚇親人嘅就有今年1月,大台經中間人向姓任女車主借咗部電單車拍《踩過界》,點知還車嘅時候,原來大台留咗份「禮物」俾佢,喺車底有一個連住電線、電路板嘅可疑物體,懷疑偷偷地俾人裝咗爆炸品。最後經中間人證實,呢個疑似炸彈,其實係拍攝道具。上年6月楊明拍緊《心理追兇Mind Hunter》時遇意外炒車,要入院治理。之後劇組被揭發原來喺開鏡之前,為咗就拍攝角度,將一棵百年龍眼樹嘅一段枝葉剪走,咁啱得咁橋,楊明就喺同一位置炒車。最離譜嘅係,大台喺00年拍《創世紀II》,擅闖無人石屋兼放火。不過呢間石屋原來係周啟邦夫人譚月清嘅物業,遭周太直斥行為如土匪。惹禍上身嘅大台為咗補鑊,將石屋翻新作道歉。



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001640