ZKIZ Archives


真係做咗勇者… fatlone's investment paradise

來源: https://fatlone.wordpress.com/2013/10/09/%E7%9C%9F%E4%BF%82%E5%81%9A%E5%92%97%E5%8B%87%E8%80%85/

Alcatel-Lucent (ALU)高追鳥,呢一刻仲插緊接近9﹪

如果,呢排嘅急升係因為speculate nokia (NOK) 會買ALU,我會轉VIEW,唔會買或者唔會買咁多。

唔知佢今日插得畀人勁係咪因為佢個裁員計劃,全球要裁一萬人。(Alcatel-Lucent to Reduce 10,000 Jobs as Losses Mount

我個人LONG咗ALU可能有BIASE啦,但係我覺得裁人對公司係好事喎。佢話裁都係2G/3G嘅部門,落後就剪,一次過痛好過半死不活。壞處咪又要畀錢做restructuring,咁要畀就唔該一次過畀曬佢,股價要重新上路就一定要放手一搏,來個大整頓之後先可以重新開始,失敗咪又跌返1蚊,依家3.50,但成功嘅話,唔好講重返高峰(試過85蚊以上⋯⋯),高峰嘅10分1都8.50啦。

ALU依家重點係去返LTE加雲端,仲有佢搞埋海底電纜,我無乜研究,但聽落都好似好勁咁⋯⋯ANYWAY,ALU咁慘主要係因為被華為等強勁中國對手打到無咗好多市場,華為PLAN咗嘅R﹠D已經多過歐洲啲對手,曾經睇過有網友分享,中國工程師平過西方國家咁多,3,4個中國工程師鬥你一個鬼佬,你點夠佢鍊?依家仲要燒錢多過你,分分鐘係5個鬥你1個。

集中火力,攻有前景嘅市場,資源集中嘅話,如果從細分領域睇,就未必係5個鬥1個。

智能手機爆發,的確為呢尐網路基建設備製造商提供好大嘅商機。市場係有,個餅應會繼續大落去,搶到就你驘。ALU呢尐前朝皇者,我相信如果可以搵返自己條路,有大把遺產畀佢可以做到一尐唔係三幾年就做到嘅事,有尐好勁嘅產品,其實係幾樣嘢深耕到一個程度再整合一齊先做得到,仲有係科技嘢唔做先行者就好易踩到人地專利。如果唔肯去擺脫過去,就會好似KODAK柯達,呢間公司係發明數碼相機嘅廠商,但最後競敗在自己開發嘅產品手上。

可能輸到傻咗,吹水吹到唔記得要講乜。

ALU其實在我心目中,佢似Sony。之前有過光輝歲月,又係架構好大,但業績長期唔好,市值跌剩幾分之一,但係背後嘅實力又未必如股價般咁差。以技術實力,真係山大斬埋有柴,SONY咁計,佢地呢幾年嘅影像事業其實搞得好好,手機用嘅SENSOR佢地係全球銷量最高,iphone 5S都用佢。但可惜呢尐公司個通病係搞得太大,你賺返嚟都唔夠某尐部門去蝕。一旦「止蝕」咗呢尐部門,業績將會爆發。

正當小米手機估值去到10b美元,ALU,百年老店,8.5b(當然外加幾b負債同埋一個蝕錢業務,呢個先最大鑊)。諗到呢到,忽然有尐感嘆。但我好明白條數唔可以咁計,尤其係我係「炒」股票而唔係「投資」股票嘅人。(其實我覺得好多炒股嘅人嘅FA底,比起成日開口埋口價值投資嘅人勁好多⋯⋯睇下雪球班高手,要FA去到佢地個程度,我真係諗唔到點追上去)

老實講,ALU我係見個圖吸引,又有故事講,我先衝入去。4G LTE加雲端,就係新CEO個THE SHIFT PLAN所講嘅嘢。覺得吸引,就下註。FA嘢要吹,吹到下年都未吹完。

ALU呢尐過氣明星,一旦有新故事可以講,想像空間極大。我相信有尐嘢,係要呢個規模嘅公司先做到。無幻想空間嘅,1B市值都唔買。有嘅話,100B都可以繼續吹,何況,ALU只係一間8.5b嘅公司。佢去年12月headcount 72,000,我當佢已經cut人,再加埋2015年要減1萬人嘅plan,點計都有5萬幾人。一間5萬幾人嘅公司,如果可以重拾正軌,動能一定好勁好勁。

ALU係其中一隻TURNAROUND STORY,SNE都是,NOK都是。

科技公司,等嘅可能係一個大賣嘅產品。做基建嘅ALU都唔例外。睇下佢可唔可以出到個「殺手級」應用喇。

ALU,爭氣吧。無買中興通訊(763)都嚟支持你架。(其實係咪應該買埋763?)

About these ads

Rate this:

真係 係做 做咗 勇者 fatlone's investment paradise
PermaLink: https://articles.zkiz.com/?id=129071

「廉署剋星」入主銘源任主席林炳昌:興趣都係做律師

1 : GS(14)@2016-06-06 03:00:26

■林炳昌稱入股銘源因為「技癢」。 李潤芳攝



【人物專訪】「廉署剋星」林炳昌用一年時間、花費千萬,成功踢走銘源(233)原主,再次當上上市公司主席,但這名新晉老闆自言「興趣都係做律師」。他自言無心玩財技,或許這場「大龍鳳」正好省靚招牌,迎接打股東爭拗案的源源財路。記者:黃翹恩 石永樂


林炳昌多次轉換角色,由廉署調查員,轉為與廉署打對台,被封「廉署剋星」。後來因先科案,被控妨礙司法公正入獄,最終上訴得直獲釋,並恢復律師牌照。正值對法律工作意興闌珊時,他受邀擔任無縫綠色(8150)主席,「遇人不淑……入咗去發現係利用」,私人出錢提全購,失敗之餘更被股東罷免董事職位,林曾說不再沾手上市公司。5年後卻以股東、主席身份,坐鎮文件散佚、資產被轉移的銘源。林稱入股銘源為「機緣巧合」,持有18.59%抵押股份的銀主為銘源的法律問題不勝煩擾而接觸他,「我覺得幾得意喎,技癢」,加上主板殼價約5億元,當時只需1.8億元已購得公司控制權,「價錢啱」,遂接手該筆押股。




獲不少股東爭拗案求助

之後一年多,他出錢出力調查,甚至遠渡重洋至百慕達取得法院命令,花費已逾千萬。林不諱言有部份是公司輸給他的堂費、亦包括付給其律師樓的專業費用。此案更帶來意外好處:已有不少股東爭拗案件與他接觸。「刑事、民事,都離不開證據搜集。」即使離開法庭,走入金魚缸,他仍可大展身手,銘源對他「好似一個case」,說到底「我興趣都係做律師」。呼朋喚友撐起的新董事局內,竟有華懋集團前行政總裁許業榮。雙方多年前透過華懋官司認識,林信任許的誠信和魄力,是次許肯出山,「佢可能覺得欠咗我(你有收錢㗎喎。)友誼價……你哋唔明㗎啦。」敢買押股,又與股壇猛人莊友堅多年好友(見另文),林炳昌卻自爆股票「買親都輸」。在150元價位買入新鴻基(016),「你諗吓返唔返到家鄉?」買入華置(127)時正值劉鑾雄入主,原因無非是華置「幾Hot、幾轟動」,但若非收到股東通函,已忘記仍持股。林炳昌半生矚目,私生活方面,紅顏知己不乏港姐,愛兒林威辰亦曾簽約環球唱片、拍攝偶像劇《四葉草》。公事上,前立法會議員程介南、歌手陳奕迅父親陳裘大涉案都找他處理。先科案平息後,他對廉署案件熱情轉淡,轉打民事案一樣大出風頭。導遊阿珍的旅行社永盛、于文鳳向周星馳追討賣樓佣金等案,甚至為疑被內地限制出境的賈慶林女婿李伯潭安排來港接觸傳媒,都由他一手包辦。





來源: http://hk.apple.nextmedia.com/financeestate/art/20160602/19637261
廉署 剋星 入主 銘源 源任 主席 林炳 炳昌 興趣 都係 係做 律師
PermaLink: https://articles.zkiz.com/?id=301894

【林卓廷爭入圍】黎智英:你係做嘢嘅人 唔係講嘢嘅人

1 : GS(14)@2016-09-02 05:29:05

立法會將於周日舉行,民主黨為保新界東議席,力谷新人林卓廷,包括前政務司司長陳方安生在內多位政界重量級人物,已先後表態挺林,曾參與雨傘運動、在金鐘佔領區留守多日的壹傳媒創辦人黎智英指,佔領其間有一半日子也與林卓廷度過,黎擔心林卓廷在只聚焦論港獨議題下的選舉氣氛,會十分輸蝕:「我睇到你係做嘢嘅人,唔係講嘢嘅人...我覺得你係做嘢嘅人、為香港追求民主公義嘅信仰,我都會好佩服你,如果你都選唔到,我覺得係香港一個遺憾。」多年來支持民主、真普選的黎智英反駁部分人批評主流泛民、民主黨多年來「一事無成」的指控,認為民主派即使失敗,也一直堅持至今:「(市民)要明白泛民喺乜嘢情形下去從政,佢哋永遠都係喺少數嘅票、少數議席下面去鬥爭,而個老細(中央)佢唔畀你,你點樣鬥爭呢?(民主派)最少鬥爭咗咁多年,就算冇咩成果,都係丹心一片,都係盡力去做...有時失敗先睇到一個人嘅氣質,多過喺成功嘅時候。」黎智英認為,民主黨應標榜該黨「拒絕港獨,擁抱本土」的主張。林卓廷指自己性格並非如演員般會有戲劇性的演出,故唯有在選舉論壇中多談自己政績。林卓廷大嘆,本土議題已被扭曲至等同港獨、獨立,而在梁振英大力打壓下,令主張港獨的候選人更受到市民同情,令他們支持度大升。他指自己也同屬本土,在香港出生、成長,成家立室。除了擔心自己選情,林卓廷更指,不能低估泛民在今次選舉失去議會的否決權,因為除了建制派,表面激進、隨時轉軚的人也大有機會當選:「有啲人,我根本唔會當佢係民主派,佢哋初頭聲嘶力竭叫『打倒共產黨』,轉過頭就轉嗌『永續基本法、話建國』,我相信只要阿爺一撳掣,佢哋叫『共產黨萬歲』都夠膽死。」同區參選名單詳見此網頁:http://bit.ly/2aDHmxj




來源: http://hk.apple.nextmedia.com/news/art/20160902/19757804
林卓 卓廷 廷爭 入圍 黎智 智英 你係 係做 嘅人 唔係 係講
PermaLink: https://articles.zkiz.com/?id=307108

【旅遊籽】睡魔師徒弟棄做藥劑師︰我天生係做燈籠

1 : GS(14)@2017-08-06 18:43:37

竹浪比呂央是千葉作龍的第二位徒弟,很大機會成為第七代睡魔師名人。身後是他今年的燈籠車,主題為「剣の護法」。



【旅遊籽:浪迹遊蹤】「1979年我就開始這工作,第一件作品在翌年面世,計計數差不多也做了30年,哈哈!」初次和睡魔師竹浪比呂央師傅見面,便感覺到他與師傅千葉作龍是截然不同。千葉師傅打扮樸素,他卻官仔骨骨,細問下才知道原來他以前是一名藥劑師,但自小的夢想偏偏是當一位睡魔燈籠設計師。初入行時,他只做較小型的燈籠車,再靠藥劑師的薪金維持生計,後來拜千葉為師,成為他第二個徒弟後,就當上全職的睡魔師,更認同這工作比起藥劑師更適合自己,「能夠親手製作睡魔祭燈籠,以及在8月的祭典中展示給觀眾欣賞,看着自己每年有進步,就是我最大的推動力。」

明日之星 傳統創新二合為一

竹浪師傅說罷,就拿起一桶墨水,蹲在地上開始為模型的腳部勾畫邊線。上面的線畫妥後,接着又拿起一塊膠墊鋪在地板,這回他直接躺在墊上,繪畫腳板的線條,但這只不過是第一步,「每次完成主角的面部,就是我最滿意的時候。因為面部通常是整個燈籠最困難的部份,我必定會親自操刀。順利完成,即是代表整件作品也完成了。」別以為睡魔祭每年只有一次,製作時間理應十分充裕,但原來所需的工序非常多,由構思題材、繪畫草圖、搭建骨架、安裝燈泡、貼和紙、着墨圍邊、上色,以至最後的安裝上車及測試,全部也很花人力物力。貼和紙這些步驟,還會專程請女性做,認為她們的手工會較精緻及細心,「每年睡魔祭燈籠也是以武士做主題,要避免與其他二十多台燈籠車的主題相撞,以及怎樣可以將繁複沉悶的歷史以畫像呈現呢?也是我認為最困難的地方。」在風格上,作為第五代睡魔師的徒弟,他也希望能青出於藍,「這的確是一件很複雜的事,睡魔祭作為一個我們已守護幾百年的節日及文化,應該是很傳統的。但我較喜歡一些創新的構思,會盡量令兩者平衡,既保留傳統又加入創意。」他在行內更被評為是「明日之星」,去年他代表JR參與睡魔祭的作品,更奪得「最高榮譽獎」,很大機會成為第七代睡魔師名人,「我當然很喜歡這份工作,我甚至覺得自己,天生就是做燈籠的人。」



竹浪凡事親力親為,就算要躺在地上畫腳底的邊線也不計較。

不少做燈籠的步驟是會專門請女性做,如貼和紙,認為她們較細心。

平日看到燈籠車有半透明的透光位,原來在上色前要先上一層蠟。


構思好草圖後,第一個步驟是先用鐵線勾出主角的外形。

當中還要加入木條支撐鐵架,以防倒塌。

2016年,竹浪靠「蝦夷ヶ島夷酋と九郎義経」奪得最高榮譽的「ねぶた大賞」。


2016年作品「箭根森八幡」

竹浪師傅多年來也代表JR做燈籠車,故青森站常會看到其作品。


Travel Memo

簽證:持有效特區護照或BNO毋須簽證機票:香港來回東京,機票連稅約2,077港元起;東京轉機往青森,機票連稅約2,405港元起。匯率:100日圓約兌7港元(文中價錢已折算為港元)



記者︰黃依情攝影︰林栢鈞編輯:梁浩維美術:黃創泰




來源: http://hk.apple.nextmedia.com/su ... t/20170806/20111656
旅遊 睡魔 徒弟 棄做 藥劑師 藥劑 天生 係做 燈籠
PermaLink: https://articles.zkiz.com/?id=339926

【唔係富二代】21歲仔用70萬開咖啡店 「我係咖啡師,唔係做水吧」

1 : GS(14)@2018-02-13 03:42:26

Anson今年只有21歲,3年前公開試DSE成績不理想,便入行做咖啡師,今年在西營盤開了咖啡店。

一click免費下載《籽想去東京》旅遊指南:http://bit.ly/2rSv4c4全新旅遊專頁,即like籽想旅行:https://fb.com/travel.appleseed


「曾經有人和我說,沖咖啡冇前途,賺不到錢,你只是一個做水吧,只是沖飲品。你要告訴他不要踐踏我的夢想,有誰說夢想不能實現?」老闆鄭子翹(Anson)。他樣子較實際年齡成熟,今年只有21歲,三年前公開試DSE成績不理想,便入行做咖啡師,今年在西營盤開了咖啡店。「好多人覺得21歲開到舖,一定是富二代,我不是富二代,開店資金大概70萬元,這筆錢有一半,是我自己靠儲錢及投資回報,其餘則是身邊認識的客人及朋友支持。本身自己預計要到25歲才能開店,現在早了四年,但人生是賭博,趁現在年青夠膽去衝便去衝一次,就算到30歲,面對問題都可能一樣,又或者30歲有更多顧慮,有家庭負擔,更加不夠膽去衝。」他續說,「好多咖啡師最終目的是開舖,像好多大型連鎖店公司咖啡店,用公式化去沖咖啡,抹煞了個人風格,專業埋沒了,這行(咖啡師)以我所知2萬元已是頂薪,要營運店內運作及入貨,但待遇一直偏低。這個世界萬多、兩萬人工,你買樓都難,還說要養家人,所以博一博,希望博到成功。」他說,開舖只是開始,想在香港開一條咖啡街。「外國有酒吧街,香港都可以有一條咖啡街,咖啡街的意思是大家都是鄰居,不是全部競爭者。希望聚合志同道合玩咖啡的人,大家找到自己想要的咖啡。」


Hope of the flowers,有玫瑰香,但不會過甜。$45

DN Affogato,只放面層的濃縮咖啡,不會做到半融狀態。$45

咖啡店位於西營盤,有兩層,共14人座位。



三年前入行,他首次接觸咖啡。「我有個師傅,他指導我令我知道目標是甚麼,令到我咖啡有興趣。」他師傅是12年資歷咖啡師、曾擁有兩間cafe羅志華(Brian)。「咖啡是一個專業,和品酒一樣都是專業,除了由我告訴你甚麼是好飲,但其實我是想用我專業,用我能力去整一杯屬於你口味的咖啡出來,所以咖啡師不一定是高高在上,我走的是親民路線,以前師傅教我要留意細微動作,如客人喜歡幾多糖,較偏好甚麼口味咖啡。」店共有兩層,共14個座位,主力咖啡和輕食。「我在西餐工作過,學過做酒吧,調酒師教我的雞尾酒,便將這個融入咖啡內,會用調酒形式、無酒精做一杯咖啡。」他有四款冰凍咖啡口味,「我和師傅研究出來,先落兩包啡糖,跟着落雙重濃縮咖啡先再搖,可中和味道,增加口感。」記者:何嘉茵攝影:伍慶泉



來源: https://hk.lifestyle.appledaily. ... e/20180210/20300785
唔係 係富 二代 21 歲仔 仔用 70 萬開 咖啡店 咖啡 我係 係做 水吧
PermaLink: https://articles.zkiz.com/?id=348424

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019