ZKIZ Archives


因為佢好蝦 人在中環

http://manincentral.blogspot.com/2011/09/blog-post_12.html

大機構選擇香港作為裁員既重災區,恕我膚淺,除左因為香港人比較好蝦之外,我諗唔到其他更合理既原因。

我都係僱主。生意唔好,前景唔明朗,要裁員交數,我覺得還可以理解。不過選擇響邊個位落刀,就反映左管理層既勇氣同個性。公司裡面,永遠會有一班最少出聲 但多做事,比較能夠逆來順受既人。炒人係個惹人討厭既動作,你搵個多聲多氣又激進既牢騷王開刀,所承受既壓力同困難,必然係比郁果班默默做唔多出聲既員工 黎得少。香港既勞工法例比較易話圍,相比歐美對員工保障較少,工會勢力亦不成氣候,環顧種種因素,你班香港人仲唔係最好蝦?話之你幫我搵到最多錢,幫我捱 得最辛苦啦…

機構規模擴大到一個位,機構內發生既所有事,都變成只係會計賬目裡面既一個數字。數字本身冇感情、冇對錯、冇道德、亦冇靈魂。一盤生意不斷擴大,往往就會 演化成如此既面貌。小生意人響炒一個同事之前會思前想後,諗一諗自己會唔會做得太絕,炒左佢,會唔會影響到一個家庭既生計。諗得再深入一點,會懷疑錯既, 其實會唔會係自己,一個跟自己相處多年既幫手,炒唔炒得落手?大家都有感情,因為我地係人,唔係一個數字。小生意人既猶疑,在管理學上稱之為感情用事,又 或者被稱之為窩囊。然而窩囊有時都係一個選擇,在選擇「炒邊個」既遊戲當中,居然採取「邊個好蝦郁邊個」既策略,表面係手起刀落,但實際上,比我們這班窩 囊的小商人,更窩囊,更冇膽。

祝大家中秋節快樂。

因為 佢好 好蝦 人在 中環
PermaLink: https://articles.zkiz.com/?id=27666

舊將緬懷邱德根鮑姐:佢好愛亞視

1 : GS(14)@2015-03-18 22:26:04





【1925至2015】■邱德根節儉作風竟成為亞視最蓬勃的日子,其平易近人的作風更獲員工讚賞。


亞洲電視前老闆兼遠東集團創辦人邱德根,昨日在荃灣寓所突然暈倒送院後不治,享年90歲。當年邱德根掌管亞視,其慳家節儉作風最為人津津樂道,有指他限定員工去廁所只可以用兩格廁紙,農曆新年派遠東銀行禮券當利是,不過因他作風平易近人,離開亞視後,有不少老臣子不時相約敍舊,對於舊老闆離去,昨日不少藝員同事坦言感惋惜。


■鮑姐大讚邱生掌管亞視時是前所未有的輝煌時代。

朱慧珊:有腦

作為元老級的亞視前一姐鮑起靜,昨日從記者口中獲悉邱德根逝世,她很愕然說:「我哋舊年見過面,今年我屋企有啲喪事要辦,所以冇去拜會啲長輩,真係好突然,不過老人家年紀都大,上次見佢行動都唔方便,但精神同胃口好好。冇辦法,老人家始終有咁嘅一日。」鮑姐更有感而發:「不過真係可惜,我初初仲希望佢哋買番亞視,等邱生自己搞番起。」這個會否是邱生的遺願呢?鮑姐說:「喺邱生年代,亞視好輝煌,嗰種蓬勃係有史以來都未試過,我哋以前見親面,佢都講好掛住亞視,仲話亞視點解會搞成咁,佢真係好愛亞視。」一九八五年亞洲小姐「和平小姐」的朱慧珊也說:「邱生創辦亞姐,佢對我哋都好有感情,記得我哋當選時,邱生會落嚟探班,過時過節又會請我哋食飯。佢好祥和,又有頭腦同魄力,喺佢領導下亞視有錢賺,希望佢嘅子孫學到呢份精神。幾年前我哋約埋啲亞姐食飯,今日接到佢死訊好突然,希望佢安息,一路走好。」其他藝人,如在邱德根年代擔任替身和大配角的尹天照說:「佢係一個好聰明嘅人,好識得賺錢同儲錢。」楊玉梅大讚邱生是個很勤力的人。「六合彩之子」蔡國威則雖未與邱生合作,但大家有一面之緣感覺平易近人,並謂從前輩口中知道邱德根年代很好、很有人情味。


■朱慧珊大讚舊老闆做事有頭腦兼有魄力,希望邱生一路好走。資料圖片

好識得賺錢

至於在林百欣年代當選亞姐的張文慈說:「我知道佢係一位重要人物,係亞視唯一賺錢老闆,幫亞視成為最黃金年代,好可惜,如果再有咁叻嘅人帶領亞視就好。」亞視前一哥陳啟泰則希望他一路好走。採訪:何慧斯、嵐山、陳杰、卓寶花





來源: http://hk.apple.nextmedia.com/entertainment/art/20150318/19079994
舊將 緬懷 德根 鮑姐 佢好 好愛 亞視
PermaLink: https://articles.zkiz.com/?id=288664

【馮仁昭四圍超】沈卓盈冧新歡「佢好gentleman」

1 : GS(14)@2016-03-08 00:08:32

【搭膊頭】■沈卓盈前晚俾疑似新歡搭膊頭好受落,但佢仲死撐話唔係拍拖。








沈卓盈舊年中同圈外男友Ray分手之後,感情生活一直都冇着落,前晚終於見到佢同疑似新歡男友喺銅鑼灣行街,仲蹺住手食雪條。佢位疑似新歡戴住眼鏡,警覺性好高,不停周圍望,起初仲企開幾個身位,之後入咗雪糕店買雪條食,佢哋揀咗個靠牆死角位坐,不時頭貼頭傾偈。其間沈卓盈有拎手機出嚟自拍,仲好快擺咗上Ig,當然就冇男伴份啦!大約半個鐘之後離開,對方仲好細心蹺住沈卓盈過馬路。兩人之後去咗睇眼鏡,跟住繼續喺銅鑼灣一帶行街,但每當去到人多地方就特別有戒心,分開幾丈遠,不過一過馬路或者去到窄路,新歡有好幾次都會攬住佢行,夠晒體貼。



【食雪條】■兩個人行到最入嘅死角位坐低食雪條。

【想拖手】■疑似新歡男友行到暗處,仲想趁機會拖下沈卓盈手仔。

■沈卓盈出門個時仲風騷揈頭髮。



多人地方要保護

沈卓盈之前單身嘅一段日子,成日黐住好姊妹徐淑敏一齊玩,間中約吓閨蜜嘆茶,又話要工作為先,點知原來已經靜靜雞拍拖。沈卓盈噚日回覆本報同新歡行銅鑼灣食雪條,當然例牌否認有新戀情:「都話唔係咯,朋友呀!朋友出街食飯行吓街,佢好gentleman,多人地方都護一護。咁我單身嘛,朋友出街食飯正常社交。」撰文:馮仁昭





來源: http://hk.apple.nextmedia.com/entertainment/art/20160307/19519113
馮仁 仁昭 四圍 沈卓 卓盈 新歡 佢好 gentleman
PermaLink: https://articles.zkiz.com/?id=297149

賭場揸弗人 曾做模特兒Bosco激讚澳門女伴:佢好爽朗

1 : GS(14)@2016-08-10 07:54:49

【親熱貼頭】■黃宗澤昨日被爆搭上賭場揸弗人Twin姐,二人更拍下不少頭貼頭的親密照。互聯網圖片


黃宗澤(Bosco)的前度胡杏兒雖已為人妻,但Bosco身邊仍然不乏伴。今年3月被爆跟日籍女模Jun撻着發展異地戀,不過昨日又有報道稱,他背着日模跟澳門賭業揸弗人Twin姐交往,模特兒出身的她事業遍佈澳門及菲律賓,憑施展奶奶政策而贏得Bosco歡心,他昨更大讚Twin姐:「佢好爽朗。」



現年35歲的黃宗澤自從跟胡杏兒分手後,杏兒閃嫁商人李乘德,其間Bosco不時傳出緋聞,早前他公開表態宣稱跟合作拍廣告的日模Jun正在了解當中,更被影到二人一齊逛超市。不過昨日有周刊報道指Bosco原來一面跟日模發展,同時又和賭場女揸弗人Twin姐過從甚密,更有二人頭貼頭、嘟嘴的合照流出。



奶奶政策氹Bosco媽

該報道表示作為男友的Bosco對女友Jun不俗,為了照顧在港沒有家的女友,特意在沙田寓所附近的酒店租了一間房供Jun居住,方便二人會面。豈料數個月後,Bosco同時跟年約30多歲的Twin姐拍拖,Twin姐為澳門賭場女揸弗人,又是菲律賓長灘島獨家賭場生意C.O.O.(營運總監),身為中國、印尼混血兒的她,於2000年初出道時,曾擔任過模特兒。另外,Twin姐私下亦有從事護膚品代理生意,贊助不少藝人朋友,所以在圈中人脈甚廣,包括李彩華、姚子羚、趙學而、周家蔚跟嚴淑明等,各人跟她都私交甚篤。據報道指Bosco與Twin姐在年前由友人介紹認識,初時以「姐弟」相稱,Bosco口花花最終成功追到Twin。Twin每次由澳門到香港,都會到Bosco開設的蠔吧打躉,匿在VIP房撐枱腳。Twin姐深知Bosco是圈中出名孝順仔,所以投其所好未「入門」已實行「奶奶政策」,經常跟Bosco媽出雙入對,又經常送禮物成功博取Bosco媽的歡心。



【賭場工作】■有指Twin姐目前在菲律賓長灘島賭場工作,任職營運總監。

【人緣甚廣】■Twin姐亦有從事護膚品代理生意,跟圈中人熟稔。

【嘟嘴錫錫】■Bosco與Twin姐在年前由友人介紹認識,以契姊弟相稱。互聯網圖片



「只知佢喺澳門做嘢」

不過,昨日有讀者向本報報料指Bosco新歡Twin姐現年37歲,真名為趙朗熹,在澳門是叠碼仔一名,但經營不善欠下幾百萬街數,目前她在長灘賭場任總監一職,其實跟公關、叠碼仔無異。Bosco昨日在電話中回覆本報表示:「呢個係我識咗十幾年嘅契家姐嚟㗎,(雜誌)完全係看圖作文啦!」對於有指契姐欠債,Bosco回應說:「我只係知佢喺澳門做嘢,識咁耐有食飯傾偈,冇深入了解人哋背景,淨係知佢好爽朗。」其實據Bosco身邊密友透露,Bosco跟Jun正愛到如膠似漆,Jun為爭取跟男友見面,經常長駐香港,只是有工作時才飛返日本。Bosco近排出席好友的聚會時,都是帶着這位日籍女友Jun,其地位幾乎已經可以肯定。採訪:鍾國仁



【日籍女友】■Bosco與日籍女模Jun因拍廣告撻着,Jun更為愛郎經常留在香港。

■一向侍母至孝的Bosco,是圈中出名的孝順仔。資料圖片



來源: http://hk.apple.nextmedia.com/entertainment/art/20160810/19729630
賭場 弗人 曾做 模特兒 模特 Bosco 激讚 澳門 女伴 佢好 爽朗
PermaLink: https://articles.zkiz.com/?id=305269

谷3歲女做選美皇后虎媽話係為佢好

1 : GS(14)@2016-11-08 05:45:44

「我知道甚麼是對她最好,她或會恨我迫她,但她將成為人生贏家。」英國唐克斯特(Doncaster)28歲單親母親布謝爾(Sami Bushell)為了3歲女兒贏得兒童選美冠軍,她每年花5,000英鎊(4.8萬港元)作為女兒化妝、服裝和培訓的費用;為了博選美評判歡心,她甚至會在賽前幫女兒噴上古銅色膚色。近年外國不時舉行兒童選美活動,美國TLC電視台追訪了這些虎媽和女童的心路歷程,製作節目《小小選美皇后》(Pretty Little Pageant Queens)。布謝爾坦承自己是虎媽,女兒哈莉(Hallie-Mai)長大後可能會憎恨她,但一切只是為了女兒著想,希望她有一個美好的將來。布謝爾說:「人人都想贏得選美皇后,比賽是殘酷,比賽是全國性,如果贏了就很了不起。我們希望贏,我們對此極度緊張。」哈莉2歲半就開始參加選美,布謝爾為女兒每年花5,000英鎊作服裝費等。比賽當天,她會為女兒悉心打扮和戴上假髮,為她穿上「性感」舞衣;在比賽前一天,她甚至在女兒皮膚噴上古銅色噴劑。她指女兒自小拒絕穿牛仔褲和T恤,亦鍾情名牌衣服。哈莉的好朋友貝拉(Bella),亦是選美的競爭對手。貝拉經常參加選美活動並不時勝出,她的母親里亞(Ria):「自從貝拉開始選美,她就在她的年齡組別勝出,甚至在更高年齡組別勝出。」里亞估計女兒希望成為藝人,「她享受鎂光燈和表演,她一上台就會成為焦點」。只得3歲的貝拉不時練習行天橋,「她有自己獨有的行天橋方式--就是擺動她的屁股,大多數人都喜歡」。里亞亦坦言不少人批評她把性概念加諸兒童,她反駁:「小女孩化妝參加跳舞比賽,沒有人批評,但在陌生人前穿緊身衣或沙灘泳裝卻被批評,為何兩者之間有這般分別?」英國《每日郵報》/《都巿報》




來源: http://hk.apple.nextmedia.com/international/art/20161108/19826820
歲女 女做 選美 皇後 後虎 虎媽 媽話 話係 係為 為佢 佢好
PermaLink: https://articles.zkiz.com/?id=314429

高富帥觀音兵冧掂麥明詩林作酸溜溜「佢好乖仔」

1 : GS(14)@2016-12-31 10:18:06

■麥明詩最近被指收兵,新歡是藥房太子兼劍僑同學Thomas。互聯網圖片



港姐麥明詩(Louisa)和大律師男友林作早前被踢爆疑假分手,由高調拍拖到爆喊分手,林作被降級做「朋友」,但是仍然被拍到這對朋友經常見面兼同枱食飯。昨日有報道指「十優港姐」麥明詩最近身邊多了一個「觀音兵」,就是大藥房的太子Thomas Chong,上周二見麥明詩處女作《失戀日》首映,麥明詩的父母和哥哥,還有「觀音兵」Thomas撐場,首映後麥明詩跟屋企人分道揚鑣,麥明詩與友人到茶餐廳食消夜,離開時Thomas擔任柴可夫送麥明詩回家。


劍橋同屆同學

Thomas高大有型,跟麥明詩是劍橋同屆同學,家族經營金輪中西蔘茸大藥房,父親是莊純良,藥房四間分店分佈在銅鑼灣及灣仔,為業界的老字號。麥明詩被指收兵,有藥房太子Thomas埋身,麥明詩回覆傳媒:「Thomas係我識咗好耐嘅朋友,哈哈,佢本身有好多追求者,你哋唔好搞到影響咗佢啲姻緣啦!」



■被降級做朋友的林作,回應麥明詩戀情時帶點酸溜溜。資料圖片

■麥明詩(右二)和Thomas(左)日前Boxing Day還一齊開P。互聯網圖片

■麥明詩處女作《失戀日》上周首映,除了家人撐場,原來Thomas還秘密支持。資料圖片

被麥明詩降級做「朋友」的林作,在報道中直指Thomas對麥明詩多年來管接管送,至於Thomas成為麥明詩觀音兵,林作接受本報訪問時說:「佢哋係大學同學,我都識咗Thomas好耐,佢好乖仔,以我所知佢哋?家係朋友,其實之前Louisa拍《星星探親團》,Thomas都有出鏡!」問林作跟麥明詩現在的關係?他又故弄玄虛說:「呢個唔回應啦!」採訪:王梓嫚




來源: http://hk.apple.nextmedia.com/entertainment/art/20161231/19881974
高富 富帥 觀音 掂麥 麥明 詩林 酸溜溜 佢好 好乖 乖仔
PermaLink: https://articles.zkiz.com/?id=320811

放初生B入動物屍肚奇怪儀式原來為佢好?

1 : GS(14)@2017-04-05 23:56:47

網上流傳片段,美國一班成人將一名初生嬰兒放進一隻動物屍體的肚內,有網民看後覺得噁心,但對那些美國人來說卻是為嬰兒好。從片段可見,一名男子將初生嬰兒放進馬或牛屍的肚內,然後將屍體的皮膚閉合,唸唸有詞,10秒後將嬰兒抱出來,儀式完成,見證的人都表現歡欣。原來,那班美國人是要保祐嬰兒將來成為出色獵人,希望他天不怕地不怕。不過,有網民看過片段後感到不安,有人坦言十分後悔看了片段,反問「那是甚麼文化來的」。英國《每日郵報》




來源: http://hk.apple.nextmedia.com/international/art/20170405/19980745
初生 動物 屍肚 奇怪 儀式 原來 為佢 佢好
PermaLink: https://articles.zkiz.com/?id=329267

新劇又拍又捏李佳芯屁股張振朗向女友備案:佢好善解人意

1 : GS(14)@2017-08-17 08:10:44

張振朗昨日現身商台,為劇集《踩過界》宣傳,佢話雖然套劇已經被劇透得七七八八,但有機會都應該上嚟傾下。講到佢同李佳芯(Ali)嗰場萬眾期待嘅床上戲,張振朗:「自己都好期待,應該過多個禮拜就會播出,相信亦有唔少Ali迷想睇。」咁拍攝時有冇尷尬?張振朗:「我係有啲怕醜,因為場戲係講Ali做主動,係佢污辱我。」張振朗話拍攝時有一場需要打Ali屁股,仲要打完「捏」一吓:「因為大家事前冇夾過,所以都有啲NG,前前後後打咗30幾吓。」問到有冇同女友(陳芷尤)備案?佢話:「有講,佢都好善解人意同一定會支持嘅。」




來源: http://hk.apple.nextmedia.com/entertainment/art/20170817/20123594
新劇 又拍 拍又 又捏 李佳 屁股 張振 振朗 朗向 女友 備案 佢好 善解 人意
PermaLink: https://articles.zkiz.com/?id=340031

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019