ZKIZ Archives


古惑佬澳門開騷 小春催伊健生仔

1 : GS(14)@2014-05-14 01:12:19

http://hk.apple.nextmedia.com/entertainment/art/20140512/18716995

                【澳門直擊】鄭伊健、陳小春、謝天華、錢嘉樂及林曉峰五位古惑佬,前晚又合體在澳門舉行「歲月友情演唱會」,今次澳門站與香港站的演出編排大致相同,五位古惑佬以一輪快歌為演唱會展開序幕。

應采兒蒙嘉慧冇現身

                錢嘉樂繼續以鋼琴自彈自唱《同一秒》,太太湯盈盈和囡囡亦有在台下支持,與錢嘉樂同一餅印的Alyssa,戴上headphone兼拍手的模樣認真可愛,錢嘉樂說:「阿囡今次系特登嚟捧場,呢首歌系送俾澳門所有母親,祝大家母親節快樂!」

                                                                                                                        
            ■今次澳門站與香港演出編排大致相同。            ■小春開騷,老婆應采兒自掏腰包買20張飛,以示支持。            ■雖然太太蒙嘉慧未有現身,不過未有影響伊健的演出!


                他們在台上透露為何以澳門作為巡迴演出的第一站,謝天華說:「我哋第一套《古惑仔》系喺澳門氹仔大橋度拍,所以對澳門特別有感情。」因為應采兒要開工的關係,所以未有現身,不過她自掏腰包買20張飛,以示對小春的支持,小春冧爆地說:「我真系好少訂飛,點知佢訂完飛先話自己唔得閒,好彩喺澳門都有朋友!」在旁的錢嘉樂笑說:「而家小春識得關心人,改變咗好多,系非常好嘅改變。」小春聞言後笑而不語。見到小春的身形消瘦,於是問他湊仔是否辛苦?他指一指天華和伊健說:「唔辛苦,好enjoy,系另外一樣嘢,佢哋唔明㗎,快啲拿拿臨返去喇!」因為蒙嘉慧腳傷未癒,所以未有現身,伊健笑說:「佢吞pop呀,見其他人唔嚟咪唔嚟!」
採訪:藍文浩
攝影:陳順禎                                                        
古惑 惑佬 澳門 開騷 小春 催伊 伊健 健生 生仔
PermaLink: https://articles.zkiz.com/?id=284540

有話兒:超儀伊健熱血地底泥

1 : GS(14)@2015-03-29 12:31:36





何超儀、鄭伊健打羽毛球,水準如何?超儀告訴大家:「我細個係羽毛球校隊,喺多倫多攞過女子雙打亞軍。」真是有眼不識泰山,連拍檔伊健都呆一呆。超儀對電影一向有熱誠,近日更投資一個很少人拍的題材──羽毛球,取名為《全力扣殺》,為大家帶來鼓勵及正能量,就算是地底泥又如何?最後都可以贏得精采。撰文:溫敏芝



■伊健在片中演賊匪改過自新,全心全意打羽毛球。


電影《全力扣殺》,一聽戲名就知扣殺得狠,這部戲既有兄弟情、愛情及幽默元素,貫徹導演郭子健的風格,甚有《打擂台》的影子,由地底泥到出人頭地的勵志故事。



組班打波變拍戲


何超儀和鄭伊健日前在黃埔接受訪問,二人有着不同話題,大家似是熟絡,但又有點陌生,但他們的共通點都是同樣愛玩,開拍羽毛球題材,超儀解釋:「我喺多倫多係羽毛球校隊,攞過女子雙打亞軍,之後返嚟叫咗班朋友逢星期二打波,越打就越大班人,之後諗諗吓,不如開部戲啦。」超儀近年演的角色毫不介意形象,在《全》片中繼續飾演自暴自棄球手脹腩肥底,她笑說:「其實最好做靚女啦,但冇人搵我做。」伊健在戲中與劉浩龍、梁漢文等飾演改過自新的賊匪,伊健說:「賊匪真係冇乜做過,今次冇分話忠定奸,大家好有默契,好似超儀好盡力去做,佢身子虛弱,打波打到散咗,但佢又繼續撐落去。」超儀今次有份投資又擔正演出:「唔只我一個投資,但個壓力仲大,因為揹住一隻鑊。」伊健即笑說:「首先唔係一隻鑊,可能係一嚿金。」超儀再說:「希望大家睇完覺得正、夠抵死。」伊健和超儀在娛樂圈多年自然遇過人生低潮,伊健坦言:「年紀大咗,明白自己喺香港好幸福,其他地方有啲人仲慘,所以諗起嚟都係好小兒科,人係需要經歷,如果唔係就唔知乜嘢叫做好。」超儀附和說:「年輕時唔知自己想點,都搞唔清楚,腦囟都未生埋,人大咗,學伊健話齋,其實我哋已經好幸福,冇地震天災。」



■導演將《全》片漫畫化,片中有不少這類「騎呢」訓練場面。劇照

■《全》片延續彭浩翔的熱血風格,每個角色都發奮向上。



癲喪版《打擂台》


對於有人覺得《全》片有郭子健前作《打擂台》影子,超儀說:「今次成熟過《打擂台》,再細緻啲、瘋狂啲、黐線啲,因為有林敏驄喺度。」伊健則說最難忘是在垃圾場群毆的一場戲,他說:「嗰時我啱啱病好,拍下張枱啲塵都入眼,打到大家係咁食塵。」超儀指原本想找謝君豪演林敏驄角色,但因謝當時要演《南海十三郎》,所以轉演她哥哥,她說:「不過
話兒 超儀 儀伊 伊健 熱血 地底
PermaLink: https://articles.zkiz.com/?id=289084

伊健留港刺激經濟

1 : GS(14)@2016-02-08 03:00:17

鄭伊健前晚在中環出席服裝品牌活動,剛與太太蒙嘉慧去北海道旅行,問到是否慶祝結婚周年?他說:「係,不過已經過咗,冇送禮,主要係去旅行,休養吓,之前去澳洲拍特輯時,去到就拍落水,病到而家,終於知道乜嘢係內感。」伊健透露年廿九收爐,直到正月十一才開工,他說:「呢排成日聽到零售業下跌,喺香港消費辦吓年貨喇!我好鍾意去旺角同太子,鍾意去買吓玩具,聽聞好多舖(玩具)都執咗。」雖然一班古惑佬拍檔個個做了爸爸,未有小朋友的伊健派利是幾乎有出冇入,笑問會否計劃生B幫補一下,但他耍手擰頭說:「唔使喇!我寧願畀。」採訪、攝影:卓寶花





來源: http://hk.apple.nextmedia.com/entertainment/art/20160205/19479784
伊健 健留 留港 刺激 經濟
PermaLink: https://articles.zkiz.com/?id=295420

林嘉欣孖伊健人日放火

1 : GS(14)@2016-02-15 18:04:02

鄭伊健和林嘉欣昨日趁着初七人日,合力下廚分享日式料理壽喜燒(Sukiyaki)的烹調方法,但製作過程相當惹笑,伊健誤將牛膏當豬油,嘉欣不懂開火,伊健說:「見你煮得咁快就知你流流哋,因為你個火過大呀!」嘉欣越煮越大煙,伊健忍不住出手相助,嘉欣笑說:「好明顯大家好耐冇入廚房,有啲唔對路,真係想走先!」其間嘉欣問伊健可曾與袁劍偉導演合作?伊健反問誰是袁劍偉?嘉欣被氣得想打伊健,因為袁劍偉正是她的老公。嘉欣自言過年習俗做到足,洗邋遢、柚葉洗澡、行年宵、封利是、拜年等,今年還會親自包餃子。至於情人節,她笑言是四個人的情人節,一樣溫馨,多了一對女兒之後比較熱鬧。撰文:陳以晴





來源: http://hk.apple.nextmedia.com/entertainment/art/20160215/19491067
林嘉欣 孖伊 伊健 人日 放火
PermaLink: https://articles.zkiz.com/?id=296012

周秀娜為伊健全身痠痛

1 : GS(14)@2016-03-06 03:14:43

鄭伊健和周秀娜日前到有線宣傳電影《iGirl夢情人》,飾演女機械人的娜姐與鄭伊健將會發展戀情,娜姐更笑言:「因為知道對手係伊健先接拍!」伊健則說:「睇佢身材玲瓏浮凸,樣貌精緻,根本係現實版嘅機械人,除咗佢冇人勝任呢個角色。」不過娜姐直指演出有難度:「最辛苦係扮冇電,要慢動作逐吓移動,全身都要用力,保持繃緊嘅狀態,每次收工後全身肌肉痠痛,成個人散晒!」





來源: http://hk.apple.nextmedia.com/entertainment/art/20160305/19516787
周秀 秀娜 娜為 為伊 伊健 全身 痠痛
PermaLink: https://articles.zkiz.com/?id=296951

合久必分:伊健七年就分

1 : GS(14)@2016-03-18 23:56:24

正所謂好事多磨,方力申和鄧麗欣終於在不停被催婚下,變成催「分」,事實這情況絕不罕見,伊健與雙琪的兩段情,更同樣是敵不過七年之癢。




鍾嘉欣 伍允龍:分手即嫁

鍾嘉欣與「暗星」伍允龍拍拖8年,本來外間以為二人感情十分穩定,但去年突傳已分手,上月鍾嘉欣閃嫁加國脊醫Jeremy。




郭富城 熊黛林:無名無份

郭富城和熊黛林由2006年拍拖7年至大前年分手,有傳分手原因是城城一直不肯給予女方名份,再見亦不是朋友,如今各有所愛。




胡杏兒 黃宗澤:難頂8年

2004年拍拖,由早期將戀情低調,到後期都大方承認,杏兒更發表「難頂宣言」叫Bosco一齊頂下去,未料2012年杏兒宣佈與Bosco結束8年情,杏兒去年已嫁李乘德。




陳豪 廖碧兒:女方變心

陳豪與廖碧兒一段情始於2004年,兩人因拍劇撻着,至2010年廖碧兒被影到與富二代林忠豪密會,兩人分手,惟廖碧兒被踢爆後死撐與陳豪在2008年已經分手。



鄭伊健 邵美琪 梁詠琪:不變魔咒

鄭伊健1992年與邵美琪拍拖,於99年爆出「奪麵雙琪」事件,才揭發伊健正與梁詠琪交往,但兩段情都同樣維持了7年。




梅小惠 曾偉權:一生一愛

梅小惠和曾偉權於1985年拍拖,1998年分手,13年情玩完,梅小惠指最挫折是一生人得一段愛情。





來源: http://hk.apple.nextmedia.com/entertainment/art/20160318/19534456
合久 必分 伊健 健七 七年 年就 就分
PermaLink: https://articles.zkiz.com/?id=298382

伊健笑蒙嘉慧發福懶健身

1 : GS(14)@2016-06-06 03:03:20

鄭伊健昨日在北角出席手機活動,最近他教父母用電話應用程式方便溝通,經常傳送相片,他說:「因為長途電話費會好貴,而家易好多,拉近大家距離,有日阿爸仲教朋友用。」伊健對於太太蒙嘉慧被指發福,更被懷疑懷孕,他說:「係造型,而且睇相覺得係影相角度問題,係肥係瘦最重要健康。」至於會否覺得肥了的太太擁抱時更舒服?他說:「點都鍾意。」蒙嘉慧8月生日,他笑謂要送健身器材給對方,更指家中有健身用品,而自己則每天有做運動,問到可會介紹健身教練給老婆收身?他說:「佢有跟健身教練,不過佢唔係成日去做,幾個月先一次。」採訪:王連連攝影:葉君海





來源: http://hk.apple.nextmedia.com/entertainment/art/20160602/19636998
伊健 健笑 笑蒙 蒙嘉 嘉慧 發福 健身
PermaLink: https://articles.zkiz.com/?id=301970

娛圈情侶愛打羽毛球伊健蒙嘉慧打到結埋婚

1 : GS(14)@2016-09-13 08:04:22

睇奧運羽毛球大家都會識林丹、李宗偉等等,佢哋呢啲神級代表勁就當然啦!其實都有唔少圈中朋友好鍾意打羽毛球,佢哋仲要係夫妻檔。鄭伊健蒙嘉慧除咗打機叻之外,鄭伊健打羽毛球都出晒名勁!佢曾經主演嘅《全力扣殺》搵嚟羽毛球前一姐王琳出席,佢仲勁讚伊健犀利。而佢同老婆蒙嘉慧都係因為羽毛球呢個運動而定情。林子祥葉蒨文講到前輩級又鍾意打羽毛球就有林子祥同葉蒨文,佢哋除咗打之外,仲會一齊睇比賽,不時喺香港嘅羽毛球公開比賽入面見到佢哋睇波。郭偉亮葉佩文
Eric Kwok都係愛羽毛球嘅朋友之一,佢不時會約朋友打波,佢又曾經表示參加過公開賽。早年,佢仲有帶埋女友葉佩文打波,不過近排就少咗現身。




來源: http://hk.apple.nextmedia.com/entertainment/art/20160913/19769026
娛圈 情侶 愛打 羽毛球 羽毛 伊健 健蒙 蒙嘉 嘉慧 慧打 打到 到結 結埋 埋婚
PermaLink: https://articles.zkiz.com/?id=308910

伊健放血醫肩傷

1 : GS(14)@2017-06-10 13:09:25

鄭伊健昨日去到鰂魚涌出席全新康怡戲院開幕,出席嘉賓有莊思明、麥子樂、衛詩雅及麥玲玲等,新戲院有MX4D動感影院,伊健試完覺得好玩。伊健早前於布達佩斯拍攝錢嘉樂執導的動作電影時,不慎弄傷左肩膊,舊患加新傷,弄傷韌帶,剛巧劇組正睇景籌備,他趁空檔休息,伊健說:「用中西合璧放血醫治,手尾長都擔心,有啲動作做唔到,受傷後未能自如沖涼。」衛詩雅嘴唇左下角貼上一塊細小膠布,她解釋:「之前去脫癦,呢個位置已做咗三次,費用過萬。」她謂初時擔心是否病變,其後醫生證實只是普通癦。採訪:卓寶花攝影:陳慧安




來源: http://hk.apple.nextmedia.com/entertainment/art/20170608/20047909
伊健 放血 醫肩 肩傷
PermaLink: https://articles.zkiz.com/?id=334966

林敏驄禁伊健超儀吹水

1 : GS(14)@2017-06-10 13:30:43

大師林敏驄將於今晚起,一連兩晚假紅館舉行作品展演唱會,大前日一眾歌手開始綵排,當中有份獻唱電影《全力扣殺》主題曲《來吧﹗人類要奔放》的鄭伊健、何超儀、劉浩龍與邵音音相約一齊綵排,怎料他們將原定一小時的綵排時間,花了大半來吹水,最後要大師出口阻止才肯埋位,幸好彼此間的默契令整件事順利完成。



■劉浩龍(左)及何超儀等綵排時只顧敍舊吹水,要阿驄出手制止。

隨後超儀再跟自己樂隊Josie and the Uni Boys綵排大師最新填詞歌曲《何飄移》,愛玩的超儀唱到「日日做,日日做,猛做」的時候,竟彎身對住張凳做出性愛動作,更在IG上寫上「fxxxing the chair」,未知演出時會否再演一次。撰文:君喬




來源: http://hk.apple.nextmedia.com/entertainment/art/20170609/20049216
林敏 敏驄 驄禁 禁伊 伊健 健超 超儀 儀吹 吹水
PermaLink: https://articles.zkiz.com/?id=335110

麥明詩被伊健圍攻狂寸

1 : GS(14)@2017-08-04 06:11:35

鄭伊健、林曉峰(阿Lo)和露出三吋事業線的麥明詩,前晚在金鐘出席《Emoji大冒險》首映,伊健拍戲多年首次做電影配音,原來他有幽閉恐懼症,所以很怕在密室工作。麥明詩首次跟兩位前輩合作,慘被兩位圍攻狂寸,伊健說:「一陣又話我哋唔gentleman!」麥明詩自言感覺似當年選港姐面對評審,幾乎應接不來:「得佢哋寸我,冇我寸佢哋㗎!喺前輩面前真係唔敢亂講嘢,但又真係學到好多嘢。」阿Lo即反擊說:「你應該係80年代嘅港姐?」麥明詩插嘴:「出世呀?咁我都保養得幾好!」對於林作半裸扮金鐘裸男拍片放上網,麥明詩表示對方是演員,會支持。採訪:卓寶花攝影:陳慧安




來源: http://hk.apple.nextmedia.com/entertainment/art/20170803/20109815
麥明 明詩 詩被 被伊 伊健 圍攻 狂寸
PermaLink: https://articles.zkiz.com/?id=339514

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019