ZKIZ Archives


689票做特首 VS 129萬票反梁 梁振英冷笑回應:明顯反對我嘅人冇當選

1 : GS(14)@2016-09-07 08:06:20

■梁振英昨日回應立法會選舉時,避談結果反映大部份港人反對他連任。馬泉崇攝



【立會選戰】【本報訊】今屆立法會選舉中,反對特首梁振英連任的非建制派候選人在直選取得近129萬票,但只憑689票當選的梁,拒絕承認結果反映大部份港人反對他連任,更冷笑說:「有啲好明顯反對我連任嘅議員都冇當選。」不過全國港澳研究會副會長劉兆佳認為,今次選舉結果反映市民對梁振英政府相當不滿,中央選擇下屆特首時必會考慮這個因素,更直言:「冇一個香港人喺中央眼中係不可取代。」記者:林俊謙



今次立法會選舉中,打住「反梁振英連任」旗號的傳統泛民、本土及自決派等非建制派候選人,在地區直選中合共取得六成、達129萬票,整個非建制陣營更取得30席,自由黨李梓敬、現任議員田北俊及獨立王維基,更直接以反對梁振英連任做主要政綱,惟兩張名單均落選。梁振英昨日出席行會前,被問到立會選舉結果,是否反映民意不希望他連任時,即冷笑說:「有啲好明顯反對我連任嘅議員呢,哈,都冇當選,都落選。」



劉兆佳:中央眼中冇人不可取代

今屆多名現任議員如李卓人、馮檢基落選,換上年輕本土派人士當選,梁將那些落選議員說成是選民對泛民議員表現不滿意,「所以就投票畀一啲非建制派」,之後又說泛民中一些比較偏激的候選人落選,反映選民不同意「拖累香港嘅拉布行為」,但事實是在立會內推動拉布的社民連「長毛」梁國雄及人民力量陳志全,今屆均成功連任,新界西「票王」朱凱廸昨日更表明除拉布外,會用盡方法拖延政府惡法,包括衝上主席台。雖然梁振英以「語言偽術」歪曲選舉結果,但全國港澳研究會副會長劉兆佳卻直言,多名本土或自決候選人高票當選立法會議員,反映市民對現屆政府及梁振英相當不滿,相信中央考慮下屆特首人選時會評估形勢。劉兆佳又指,中央考慮下屆特首人選時,不能不考慮特首能否紓緩社會對特區政府的不滿,「坦白講,冇一個香港人,喺中央眼中係不可取代」。公民黨黨魁梁家傑昨日在記者會上,直指選舉結果反映梁振英已遭港人唾棄,諷刺對方可能因為國家主席習近平日前出席G20峯會時,又再與財政司司長曾俊華握手後「受刺激」,所以失言。港島區候任議員、香港眾志羅冠聰昨反駁梁振英的說法,指反對梁連任的人多不勝數,諷刺梁「實情係明顯支持你嘅人,例如陳玉娥及李偲嫣全部落選」。


學者指梁說法「近乎無賴」

民主黨議員涂謹申亦批評,梁振英的說法是挑戰香港人,「當香港選民死嘅」。自由黨黨魁方剛亦指梁振英回應「好好笑」,反問:「唔通梁振英覺得嗰6位後生(本土派和自決派當選人),都係支持梁振英連任?」理大應用社會科學系助理教授鍾劍華認為,梁振英昨日的回應「好低莊、近乎無賴」,認為其玩弄語言偽術的程度,已達「離譜」程度,認為新一屆立法會中,除有拉布議員社民連「長毛」梁國雄和人民力量「慢必」陳志全外,本土和自決派的當選人,會採取比泛民更激進的抗爭行為。鍾劍華又指,劉兆佳的言論與早前張德江的訊息一致,就是中央希望改善特區行政立法關係,認為中央考慮下屆特首人選時,必會作出考慮,「要政府運作暢順,下屆特首一定唔係梁振英」。




來源: http://hk.apple.nextmedia.com/news/art/20160907/19763186
689 票做 特首 VS 129 萬票 票反 反梁 梁振英 冷笑 回應 明顯 反對 我嘅 嘅人 人冇 當選
PermaLink: https://articles.zkiz.com/?id=307897

直板人冇得比連詩雅:欣宜心口好正

1 : GS(14)@2017-01-09 08:11:26

■連詩雅昨日參加十公里賽,心情緊張。



連詩雅(Shiga)、郭思琳和黃智雯等昨日在觀塘出席街頭馬拉松活動,由政務司司長林鄭月娥和教育局局長吳克儉主持起步禮。Shiga前晚因工作關係,缺席無綫舉辦的《勁歌金曲頒獎典禮》,提到頒獎禮上出現波濤胸湧場面,鄭欣宜和鍾舒漫尤其搶眼,Shiga不諱言看完欣宜之後都不禁「嘩嘩聲」,她笑說:「嘩!不嬲欣宜心口都有啲睇頭,覺得好正,每次見到都忍唔住讚佢。」


懷疑Mark放料

Shiga又被問到和王灝兒(JW)的舊愛Mark Ngai傳撻着,她表示自己也摸不着頭腦,不明白為甚麼會傳出這種緋聞,並指跟Mark認識十多年,但看完報道之後心情也有點激動,她笑謂:「反而Mark話我同佢好襯,我有講笑問佢,係咪佢放料,係咪好想入呢行?」她更斷言跟Mark絕對沒可能發展,因雙方認識太久。



■欣宜和鍾舒漫(右)前晚拋胸出席頒獎禮,令現場波光四射。電視圖片

■連詩雅自言和緋聞男友Mark認識太久,沒可能發展。資料圖片

■黃智雯(右二)昨日呻情緒壓力爆煲。

今次有份參加10公里賽事的Shiga透露已有半年沒有跑馬拉松,所以心情有點緊張,她說:「有諗過攞啲錢喺身搭的士,講笑,我一定要完成,行都要行返終點。之前最多試過跑半馬,跑完成個月行唔到。」郭思琳就因腳掌骨有傷患未能參賽,她坦言有點失落。


黃智雯心情差

至於黃智雯也有份參賽,她坦言最近拍劇睡眠不足,令她情緒壓力爆煲,心情跌至低點,她說:「噚日踩咗十幾個鐘,冇瞓過覺就嚟,陣間又要開工,成日唔夠瞓,加上好多節日都冇得陪家人朋友,有啲唔開心,今日可以喺街頭跑步發洩吓。」採訪、攝影:羅慧敏




來源: http://hk.apple.nextmedia.com/entertainment/art/20170109/19890593
直板 人冇 冇得 得比 比連 詩雅 欣宜 心口 好正
PermaLink: https://articles.zkiz.com/?id=322031

股民爭買窩輪牛熊證覺「抵賭」大劉譏:啲人冇腦吖嘛!

1 : GS(14)@2017-04-08 20:44:24

■美國金融大鱷索羅斯由普通大學生捱出頭來的勁,大劉甚為欣賞。資料圖片



財技了得的大劉,原來也有偶像,欣賞美國金融大鱷索羅斯(George Soros)由一個普通大學生捱出頭來的個性,他說:「佢原本管理嘅基金都有5、600億美金,做到今日自己2、300億美金身家,佢真係靠自己!」曾有投行搵他幫人投資賺錢,大劉斷言不會考慮:「我唔係好似索羅斯初期,大學畢業生去打人工。咁我有自己足夠財富,使乜要去受呢啲不必要嘅壓力,分分鐘命都短幾年,賺到錢分畀人我哋唔介意,輸咗錢可能畀人怨天尤人!」採訪:陳月媚



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170408/19983947
股民 爭買 窩輪 牛熊 熊證 證覺 抵賭 大劉 啲人 人冇 冇腦
PermaLink: https://articles.zkiz.com/?id=329695

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019