ZKIZ Archives


八婆聲成名VS教舞老師火雞姐Yanki獨腳互數專長

1 : GS(14)@2016-08-07 01:48:20

■Yanki以八婆聲化身火雞姐拍片放上網,成功上位。


【《蘋果》專訪】短片「火雞姐搭巴士好X嬲」近日在網上瘋傳,3日已有逾百萬點擊的火雞姐,原來是狄易達師妹丁可欣(Yanki),火雞姐在片中用高音八婆聲,鬧爆搭巴士的四大惡行:污糟腳放對面椅、被鄰座乘客乞嗤噴大髀、開大speaker睇戲、大聲講電話,連鄭秀文(Sammi)都share短片讚:「Haha,火雞姐好搞笑!」現年22歲的火雞姐是屋村妹,曾獲2011年Yes校花冠軍,現職是舞蹈員,昨日她在九龍灣接受《蘋果》專訪,大跳性感電臀舞,又一人分飾「火雞姐」和真身「Yanki」兩角,自問自答笑到噴飯。



■Yanki一人分飾火雞姐(左)和真身Yanki兩角,自問自答笑到噴飯。設計圖片

■短片「火雞姐搭巴士好X嬲」3日已勁吸逾百萬點擊。互聯網圖片

■現職舞蹈員的火雞姐昨日大跳性感電臀舞。



Y:Yanki  火:火雞姐

Y:點解你叫火雞姐?火:咁靚嘅女仔打機好少有,打機裏面我個名叫雙刀火雞,我都知唔會悶,不過想拍啲新嘢囉,我呢啲性格咁吸引,都想多啲人知道,所以用咗火雞姐嚟拍囉。



男士代出頭

Y:突然間咁多人share你啲片,你覺得原因係乜?火:因為我靚囉,因為我正囉,因為我講嘢好笑又有point,大家都好有共鳴,仲有一樣嘢囉,我勁嘛,啲人咪share我啲片囉。
Y:有冇試過喺街上咁鬧人?火:試過喺街心裏面鬧人,你知啦,同人有爭執好煩㗎,阻住晒我啲時間,我日理萬機好忙㗎,仲有人哋見到我咁靚,又唔好意思鬧我喎,搞到人哋咁尷尬為乜箒,每次都有正義男士為我出聲。
Y:Sammi都share你條片話你好搞笑。火:好開心,但係唔覺得出奇囉,因為我就係一個咁吸引人嘅人,人人見到我啲嘢都忍唔住share。之後,輪到火雞姐問真身Yanki,原來Yanki父母已離婚,她自細跟公公婆婆長大,中五未畢業已到無綫做兼職舞蹈員,之後認識了狄易達開始到天水圍、屯門教跳舞。



遭大叔抽水

火:有冇拍過拖呀?扮乜嘢箒?講啦。
Y:5至7次,每次都認真,中學生對於愛係乜嘢都未知,所以中學時拍拖次數比較多,而家就穩定啲。火:我成日搭巴士遇到好憎嘅人,你有冇試過俾人非禮呀?
Y:有次旺角做完嘢好夜兩三點,搭泥鯭的返屋企,自己坐前面中間位,隔籬係一個叔叔,佢不停挨落嚟,越挨越近真係成個掂落嚟,我好驚,好惡咁篤佢:「你可唔可以小心啲?」真係好嬲,佢一定係扮瞓,自己俾人抽水好激氣。採訪:皓騫 攝影:陳志嵐場地提供:Dancekingdom





來源: http://hk.apple.nextmedia.com/entertainment/art/20160804/19721975
八婆 成名 VS 教舞 老師 火雞 Yanki 獨腳 互數 專長
PermaLink: https://articles.zkiz.com/?id=304479

新東論壇 民建聯鄉事派互數

1 : GS(14)@2016-08-14 14:04:59

■公民黨楊岳橋在論壇上就廉署人事任命風波質問葛珮帆。電視截圖



【本報訊】立法會選舉直選中競爭最激烈的新界東,日前舉行了首場電視選舉論壇。泛民以及本土派就廉署風波、全民退保、是否支持特首梁振英連任等問題狂攻建制派,建制派忙於招架之餘,更一度出現互轟情況,民建聯與鄉事候選人互數對方不是,自由黨則嘲諷新民黨只會聽命於中聯辦。


李梓敬嘲容海恩西環契女


新東22張候選名單日前參加無綫舉辦的選舉論壇,安排於昨午播出。由於新東名單太多,論壇變成泛民、建制陣營大混戰。民建聯陳克勤率先質問民主黨林卓廷是否支持港獨,正義聯盟李偲嫣則向香港復興會陳云根開火,質問陳「搞咩港獨」、「係咪(九西候選人)黃毓民教你」。林表明不贊成港獨,又同意討論政改需中央談判,而陳云根不斷說自己主張永續《基本法》作回應。新民黨容海恩打算加入戰團,不過遭到青年新政梁頌恆截擊,反問她是否支持《基本法》23條立法,容說立法是憲制責任,自由黨李梓敬聞言立即嘲笑容對於23條立法、是否挺梁連任也未能回應,因為未收到中聯辦指示,指容「不折不扣係西環契女」。除了港獨議題外,廉署人事任命風波是另一主戰場。公民黨楊岳橋和林卓廷主張來屆議會動用特權法追查,並要求民建聯葛珮帆回應是否支持。葛推說要受查的應為林卓廷,因林經常收到廉署內幕消息,此時容海恩又想加入圍攻泛民,民主黨劉慧卿按捺不住,先喝斥葛先回應是否支持用特權法,又炮轟容「你唔使喺度做架梁」,葛繼續迴避,勸劉毋須「青筋暴現」。而全民退保也是另一主戰場。鄉事派侯志強批評陳克勤,民建聯方案有審查機制,陳辯稱民建聯方案是讓有需要長者獲更多資源,侯再批陳經常問原居民「攞選票」,但民建聯未有捍衞新界人傳統權益,陳反指侯在北區區議會出席率極低。人民力量陳志全則向工聯會鄧家彪進攻,抨擊工聯會在關鍵表決時經常失蹤,狠批鄧不是「Bill up」是「豬噏」,又質問鄧會否支持梁連任,鄧就兩度指梁「出得嚟行,預咗要還」,未有正面回應。容海恩之後提及新民黨三級制退保方案,工黨張超雄及楊岳橋聞言問容有否閱讀過港大學者周永新報告,容一時未能招架,竟以支持取消強積金對沖作回應,遭泛民圍攻。該區其他參選名單,請參閱本報立會選戰網站http://hk.apple.nextmedia.com/legco2016/region■記者呂浩然




來源: http://hk.apple.nextmedia.com/news/art/20160814/19735649
新東 論壇 民建聯 民建 鄉事 事派 派互 互數
PermaLink: https://articles.zkiz.com/?id=305727

瑪麗與未婚夫分手互數

1 : GS(14)@2016-10-29 13:20:39

美國巨肺天后瑪麗嘉兒(Mariah Carey)傳因太高調與揮霍,已遭澳洲富豪James Packer狠飛。昨日再有報道指James因瑪麗與舞蹈員Bryan Tanaka於台上台下都甚為親密,懷疑兩人有染打爛醋埕,因而運用勢力禁止他們同台表演。不過瑪麗方面亦爆料反擊,指James精神不穩與有暴力傾向,兩人曾於9月去希臘度假,其間James曾暴力對待瑪麗助手,令到瑪麗決意分手。




來源: http://hk.apple.nextmedia.com/entertainment/art/20161029/19815409
瑪麗 未婚夫 未婚 分手 互數
PermaLink: https://articles.zkiz.com/?id=314019

8月互數鬧離婚 小彬彬同老婆「劇情」大逆轉

1 : GS(14)@2016-11-29 07:55:27

台灣童星出身、曾經同劉德華合演《魔翡翠》嘅37歲小彬彬(溫兆宇),喺11年閃婚娶咗細佢9年嘅老婆陳羿君(小君),仲生咗一個囝囝萌萌彬(溫玄熙),而佢之前就同前妻黃美玲生咗11歲大仔小小彬(溫玄燁)同9歲二仔迷你彬(溫玄煜)。8月嗰陣,有消息指小彬彬老婆要同佢離婚,離婚原因都有唔少,好似有小彬彬出面有外遇、老婆同奶奶婆熄不和、小彬彬話老婆冇湊仔等等。小彬彬老婆接受訪問時大爆小彬彬對佢進行過3次家暴,打小朋友更加係稀疏平常,之後兩個仲隔空對罵,小彬彬又指小君整容。不過世事嘅嘢又點到你估到,之前兩公婆明明擘晒面,水火不容,前幾日小彬彬仲話呢個月底會同老婆簽紙離婚,點估到事情會出現戲劇般嘅大逆轉?小彬彬老婆日前接受台灣傳媒訪問時,就話o依家同小彬彬唔離婚啦!而小彬彬更話:「我們和好了!」仲話自己真係做錯咗喎!




來源: http://hk.apple.nextmedia.com/entertainment/art/20161129/19849184
月互 互數 數鬧 離婚 彬彬 老婆 劇情 逆轉
PermaLink: https://articles.zkiz.com/?id=317512

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019