進擊の新人：松岡茉優海女大茄突上位
1 :
GS(14)@2015-04-09 19:21:24前年喺日本播出嘅NHK台晨早劇《海女》，捧紅咗好多新星，包括女主角能年玲奈、變咗廣告女王嘅有村架純、《今天不上班》嘅福士蒼汰。最奇嘅係連做大配角、同能年一齊扮演組合GMT成員嘅松岡茉優，最近突然上位，電影、劇集、電台節目都有佢份。
■松岡茉優（中）同能年玲奈（左）前年曾以《海女》造型上《紅白》表演。
20歲嘅松岡茉優，12歲加入藝能界，但都係做大茄，去到《海女》算係比較多戲份，佢喺劇中做GMT隊長，頗有個性，演技受好評，但等咗年半先至越嚟越多工作，嚟緊下周首播嘅富士台新劇《She》，就由茉優擔正做女主角。另外，前日茉優同埋男星岡田將生宣傳合演新片《Strayers Chronicle》，佢亦都企正中間。有日本傳媒估計，雖然比有村、福士遲起步，但相信茉優今年必爆。撰文：壇墨
來源:
http://hk.apple.nextmedia.com/entertainment/art/20150409/19105398
松岡圓夢進軍樂壇
1 :
GS(14)@2016-08-19 06:55:52全新電影版《電影櫻桃小丸子：來自意大利的少年》正在香港上映，日模松岡李那繼早前參演台灣真人版電視劇《櫻桃小丸子》之後，最近更與《小丸子》新片大玩crossover，翻唱90年代二人女子組合Face To Face的廣東歌《情迷Milano》，並與香港男子組合R-ICE合唱。
■松岡李那闖樂壇，與香港男子組合R-ICE合作。
樂壇初哥松岡李那日前接受本報專訪時表示：「細細個已好想做歌手，現在終於實現夢想。」更希望可以衝出香港，進軍亞洲及國際，她說最鍾意美國女歌手瑪麗嘉兒（Mariah Carey）跟Ariana Grande。與《櫻桃小丸子》相當有緣，但松岡李那最愛的並非小丸子，反而是她於台劇中飾演的野口同學。採訪：吳家偉
來源:
http://hk.apple.nextmedia.com/entertainment/art/20160819/19741657
松岡告酒吧盜用泳照
1 :
GS(14)@2017-02-19 13:59:57日模松岡李那與李礎業昨日於銅鑼灣宣傳《櫻桃小丸子》真人版電視劇，松岡表示劇集於下月中在台灣播映，之後將原班人馬在台灣拍攝第二輯，十分期待。提到感情生活，松岡謂情人節有約會男友人食晚飯，跟緋聞男友林德信則電話聯絡。松岡笑說：「現在沒有男友，希望有人喜歡我吧。對香港、日本男士也喜歡，希望找一個亞洲的男朋友，但自己又喜歡混血BB，可愛一點。」松岡更自爆現時有官司，她說：「之前在灣仔發現一間酒吧用了我穿比堅尼的照片作宣傳，他們沒有付款，是犯法的，我看到後都感到驚訝，真是瘋狂。相信他們要作出賠償。」採訪、攝影：羅慧敏
來源:
http://hk.apple.nextmedia.com/entertainment/art/20170219/19932738
【馮仁昭四圍超】洗米華攬松岡 Mandy嬲爆
1 :
GS(14)@2017-06-10 13:09:26■松岡李那都係坐私人飛機參加安以軒婚禮。互聯網圖片
周焯華（洗米華）日前喺夏威夷參加台灣女星安以軒嫁澳門德晉集團百億CEO陳榮煉婚宴，但冇老婆陳慧玲（洗米嫂）或紅顏知己Mandy Lieu相伴。洗米華投入玩到零警戒，疑似飲醉嘅佢，喺舞池忘形起舞，係咁扭動身軀，仲同花紋熱褲日本妹攬腰跳舞，動作火辣。
■洗米華喺婚宴上攬日本妹火辣共舞，被爆新女係林德信舊愛松岡李那。資料圖片
■Mandy Lieu曾經同林德信傳緋聞。資料圖片
急刪相片避嫌
新女立即被起底，竟然係33B日模松岡李那，據知洗米華一直對松岡有好感，佢哋識咗一段時間，但當時女方同林德信拍拖，最近甩拖就喺夏威夷撞番單拖去飲嘅洗米華，跟住就出現咗洗米華熱情攬住松岡共舞。狂舞片段流出後，松岡急刪喺Instagram中限時動態貼出去安以軒婚禮嘅post避嫌，有指冇份去嘅Mandy就嬲嬲豬。松岡原來都係孖友人坐私人飛機去觀禮，但唔係同洗米華同機，松岡經理人王友良噚日回覆話暫時未聯絡到佢。其實Mandy、松岡同林德信之間早存三角關係，有傳13年松岡同林德信發展地下情，林德信又俾人影到同Mandy喺蘭桂坊約會，Mandy事後解畫話當日活動後飲嘢，不過松岡就話：「我邊有資格唔畀佢同女仔約會喎！」撰文：馮仁昭
來源:
http://hk.apple.nextmedia.com/entertainment/art/20170608/20047911
【動畫】洗米華一攬得寵松岡李那做賭網代言人？
1 :
GS(14)@2017-06-16 01:47:50林德信舊愛松岡李那早前被爆同「澳門古天樂」洗米華喺舞池攬腰共舞，有傳洗米華對松岡一向有好感，咁啱大家去夏威夷飲安以軒嗰餐，男嘅單拖赴會，女嘅又剛甩拖，有指Mandy Lieu為咗呢件事好嬲。昨日有周刊爆松岡疑一攬得寵，去夏威夷係坐私人飛機過去，據知情者講松岡遲啲會做洗米華旗下賭網嘅代言人，穩袋300萬，而上年係由蒼井空做代言人，最近松岡仲間唔中跟洗米華周圍去。據聞洗米華唔係第一次俾job松岡李那做架喇，早喺2011年洗米華投資開拍《戀夏戀夏戀戀下》都有搵松岡演出，去年底澳門賽車賽事，松岡亦係嘉賓之一。今日《蘋果》聯絡松岡李那經理人王友良，問係咪會接賭網代言人呢個新job？王友良話﹕「因為現時好多工作傾緊，我都要確認一下，問番其他同事有冇傾過。」
來源:
http://hk.apple.nextmedia.com/entertainment/art/20170614/20055770
洗米嫂外遊懶理二女爭寵Mandy發火鬧松岡 禁洗米華相見
1 :
GS(14)@2017-06-18 11:18:07■Mandy Lieu搭上洗米華後，全力退下模特兒工作，在倫敦湊仔女。資料圖片
太陽娛樂文化老闆周焯華（洗米華）日前爆出暗撻日模松岡李那半年，而Mandy Lieu就在倫敦湊仔兼被打入冷宮。洗米華攬松岡的片段流出後，據知Mandy隔空找松岡開火，繼而要求洗米華不准再見對方。成爭米事件新女主角松岡前日在facebook開腔：「我從來不會因為錢而找男朋友。」兩女惡鬥，正印洗米嫂就帶女去旅行。
現年43歲的周焯華（洗米華）本月初在夏威夷參加台灣女星安以軒的婚宴，被揭發以私人飛機帶31歲的日籍女模新歡松岡李那赴會，二人攬腰片流出，揭發暗交半年的親密關係，其實二人早於2011年已在電影慶功宴上認識。爭米戰殺出多一個松岡，與洗米華連仔女都生埋的Mandy Lieu和她亦有淵源，早年兩女曾爭林德信，今次再度「撞仔」。據知Mandy為攬腰片段大動肝火，之前她已因洗米華要箍煲，令正印陳慧玲（Heidi）回心轉意不離婚而被禁回港，現時更多了松岡做新歡，令爭米戰再度升溫。
■松岡李那擁33C「蜜桃胸」，近日她爆出暗撻洗米華。資料圖片
■洗米華月初與松岡在夏威夷安以軒的婚宴上攬腰跳舞。資料圖片
下周返港交代
洗米華近半年一有時間即陪松岡，Mandy就被雪藏，她採取以退為進不見洗米華，而洗米華亦「配合」，連她生日及一對仔女生日都未有飛去倫敦交人。有知情者透露，Mandy見洗米華與松岡新聞連環報道，近日隔空以WhatsApp向松岡開火，繼而要求洗米華不准再見對方，而松岡亦覺委屈，找洗米華訴苦。松岡被爆升級為洗米華新歡後，即傳出她以身價300萬為洗米華旗下賭網做代言人。有報道指她9月會飛去紐約、倫敦等時裝周及巴黎的動漫活動工作，不用品牌贊助機票食宿，將會坐私人飛機前往。松岡搭上洗米華後未有公開露面，她將會於下周返回香港交代事件。採訪：魯吉
■Mandy Lieu前年12月來港，當時洗米華公然與她「世紀一拖」。資料圖片
■洗米嫂Heidi作為正印懶理爭寵風波，與細女去台灣旅行。資料圖片
來源:
http://hk.apple.nextmedia.com/entertainment/art/20170618/20059621
洗米華四圍撲 松岡嘟嘴晒床照心情靚
1 :
GS(14)@2017-06-25 09:31:25洗米華(周焯華)早前被指帶咗日模松岡李那去安以軒嘅婚禮，兩人共舞攬腰片段曝光後，有傳激到Mandy Lieu勁嬲，洗米華之後要漏夜飛去英國安慰Mandy Lieu，仲陪一對仔女過父親節。但洗米華得一個，松岡近日就返咗日本休息充電，日前喺instagram貼咗童年時同爸爸去海邊嘅相。見松岡爸爸黑黑實實，同洗米華都有幾分相似。而松岡依家每日都享受人生，飲紅酒、食生蠔，前日仲約咗幾個女仔朋友一齊相聚，真係好Happy。松岡更大方晒嘟嘴床照，喺限時動態拍咗一條片，見佢蓋住張被，露出白滑香肩，仲寫住「晚安喇」，仲好風騷俾咗兩個心心，唔知係咪想隔空傳情？
來源:
http://hk.apple.nextmedia.com/entertainment/art/20170624/20066975
Next Page