ZKIZ Archives


「巴打」西裝配袋巾大學問

1 : GS(14)@2016-07-05 02:05:00

2016-07-04 HJ

上文提要:「唉女」可以靠高跟鞋及手袋提高貴氣,而「唉賓」則可透過袋巾提升氣派及品味。高仁最愛的是一字平摺法的袋巾,主要是貪其簡單且大體,並帶領財金「巴打」用袋巾的潮流。

「高仁指點」話你知,各位「巴打」不要小看細細塊的袋巾,袋巾摺法千變萬化,除了角錐及一字平之外,還有兩角、三角、泡芙,到花捲式的摺法,其創造的不同造型效果,與西裝配搭絕對是一門大學問。

在披露對話實錄之前,請各位「巴打」與「絲打」重溫人物背景,簡介如下:

戴孤劃──又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東;

程更計──本地證券行經紀兼財務顧問,除了招呼散戶之外,亦向上市公司出謀獻計。

兩角三角層次感強

程更計:燒鵝左脾食完,普洱茶又飲完,高仁可以繼續講未呀?

高 仁:OK!No problem!以下落嚟要講嘅兩角摺法同三角摺法,兩種都係稍為複雜嘅摺法,但就會畀人一種好強層次嘅感覺,分別散發出一股時尚優雅氣質同華麗嚴謹風格,最適合喺正式場合作為配搭。

戴孤劃:咦!呢兩款睇嚟啱我喎,高仁快啲講畀我聽點樣摺。

高 仁:顧名思義,兩角摺法係利用交錯三角形去形成兩個峰嘅層次,左右兩角再向中間內面摺埋,再放入西裝袋口【圖1】;三角摺法就喺交錯三角形形成兩個峰嘅基礎上,再把左邊嘅巾向右上面摺,右面嘅巾就直接向內面摺埋,放入袋口就會形成3個峰的層次【圖2】。

程更計:Mmm……呢兩款真係有啲難度,仲有冇其他款式可以介紹番?

高 仁:OK,冇問題。泡芙摺法係最隨意嘅摺法,只要捏住袋巾嘅中心點,垂低四隻角放入袋口,咁就搞掂【圖3】。

程更計:Good!呢個快、靚、正,啱晒我呀!

高 仁:最後一種花捲式嘅摺法係,一隻手捏住袋巾嘅中心點,另一隻手就握捲去營造花瓣嘅層法,放落袋口真係成朵花咁【圖4】。

戴孤劃:淨係諗到都覺得靚。

高 仁:最後,要再提提各位「巴打」一句,袋巾同手巾係兩件完全唔同嘅嘢嚟,大家千祈唔好攞袋巾用嚟抹汗,否則「唉賓」嘅高貴、時尚、優雅、尊貴、霸氣、專業形象會乜都冇晒。

程更計:Mmm……唔經唔覺,高仁原來已經教咗我哋6種袋巾嘅摺法,包括角錐、一字平、兩角、三角、泡芙同花捲式。

戴孤劃:我相信高仁除咗係第一個喺《信報》寫拆局文章超過6年嘅專欄作家之外,仲係第一個喺《信報》教人用袋巾裝身嘅「唉賓」。

高 仁:各位「巴打」賞面啫!

程更計:財金「巴打」用袋巾果然係型英帥靚正,等我都去買返幾條袋巾裝下身先。

財金「巴打」衣着系列文章之二

本欄逢周一刊出。

歡迎交流上市公司的財技個案及招數,請電郵至?koyan@hkej.com。

?

#高仁 #財經拆局 #財圈識真假 - 「巴打」西裝配袋巾大學問
巴打 西裝 配袋 袋巾 大學
PermaLink: https://articles.zkiz.com/?id=302434

歐元英鎊中線未見底 盧志威

1 : GS(14)@2016-07-05 02:06:05

2016-06-28 HJ

脫歐之後,世界變天。大多數人對英鎊急跌後的反應是「正呀喂!快點唱定英鎊,等放假去掃貨!」以筆者身邊的朋友而論,很多忽然變成外匯專家,紛紛在周五吼位換英鎊,短線賺蝕未可知,但中長線個人認為,歐羅和英鎊都未見底。

經過今次公投之後,大家對於歐盟的利弊有詳細討論,對於富人如倫敦市民來說,是很歡迎歐盟,因為打破貿易壁壘,對於金融、旅遊、消費有很大幫助。不過,離開倫敦後,對於鄉郊的市民,好處就得不到,移民大幅湧入,拖低人工及工作機會,就有切身感受,所以這是階級矛盾,不會輕易解決。

尤其是歐盟及擁歐派有點想賴皮,打算搞二次公投,雖然筆者覺得成事機會甚低,因為投完又投,等於無限循環,永無止盡,將來還需要投票嗎?所以到最後糾纏一輪,然後脫歐機會最大,過程中股市會十分反覆,大家要作好心理準備。

更擔心人民幣貶值

反而,更擔心人民幣,因為根據央行官員所講,現時人仔是參考一籃子貨幣定價,正巧歐羅及英鎊是在籃子內,如果真的執正來做,應該會慢慢貶值。到時對香港來說,短線會有錢因避險而從中國走來香港;但中長線貿易、旅遊消費會受影響,更多遊客被吸到歐洲和英國。有些評論指,脫歐會吸引資金來港,看法太過短線,如果相對匯率再升,香港的經濟只會更差,所以即使博Risk on,還是以美股為主較好。

盧志威(逢周二見報)豐盛資產管理組合交易經理
歐元 英鎊 中線 未見 見底 盧誌 誌威
PermaLink: https://articles.zkiz.com/?id=302435

全球「唔」化現象 阿梅

1 : GS(14)@2016-07-05 02:06:29

2016-06-29 HJ
隨着上周英國爆冷脫歐,過去十餘年的全球化趨勢正式走到關鍵的十字路口。

根據維基百科記載,全球化一詞最早出現於1930年,但真正被大眾廣泛引用,應要數到二十世紀初,環球經濟受惠於互聯網科技快速發展,因而打破地域界限,令世界各國變得更緊密,成為一條不可分割的地球村。

近年中港矛盾不斷升溫,大家都怪責年輕人唔識諗,無捱過騾仔,不明民間疾苦,學人亂搞本土主義,阻人發達嫌錢腥。

有趣的是,遠在地球的另一端,3000萬人一人一票,當中更是有老有嫩,居然投出了同樣的一個嫌錢腥結果。最弔詭的是,這次受抨擊的,卻是一眾被指食古不化的老人家。他們被年輕一輩指摘癡戀過往歲月,未能體察現代經濟發展的大趨勢,漠視年輕人未來的搵食機會。

當然,還有早前台灣民進黨大勝,以及近月特朗普的神奇彈起,皆說明了過往一直以經濟利益主導的思維或已不合時宜。問題當然是,未來世界到底將往哪一面走?

利益主導不合時宜

原因可能是全球貧富問題加劇,又或者只是物極必反定律,成因留待政治學者慢慢細想。投資者更關心的,應該是如何在這股全球「唔化」的新思潮中保命。神級炒家索羅斯早前曾公開撐英國留歐,並指出若然脫歐,英鎊將會大幅下挫。我同你一樣,以為索老今次又可以食鋪滿糊。出人意表的是,分析雖對了,但報道卻指出索老因在公投前掃入英鎊而招至損手。

投票自己的荷包縮水喎,邊有人咁儍?有錢唔賺,邊有人咁笨?單靠右腦分析,高手如索老都有機會中招,可見在這亂世之中,一味用理性思維未必能行得通。

早前有報道指出,滙豐拒絕了一半客人要求開戶的申請。有生意都唔做,香港扭曲至此,是衰落還是覺醒,你諗你吧。

http://moybeanplayground.blogspot.com

?

#阿梅 #港股分析 #財經DNA - 全球「唔」化現象
全球 現象 阿梅
PermaLink: https://articles.zkiz.com/?id=302436

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019