同娜姐浸浴嘴戲阿旦唔怕囡囡嚟監場
1 :
GS(14)@2017-01-19 08:08:05由周秀娜、鄭丹瑞（旦哥）與「巨胸翠如」鄧月平（Larine）主演的賀歲片《小男人週記3之吾家有喜》年廿九上映，片中旦哥可謂艷福不淺，不但係娜姐嘅情人，又是Larine嘅老竇，旦哥同娜姐仲有場浸浴兼咀嘴㖭，旦哥笑言今次絕對是公器私用：「有一場要講畀全世界人知佢（娜姐）有幾愛我錫我，本來兩個女監場，不過佢哋攰走先，我都想畀佢哋睇，睇吓老竇拍戲唔係博人曚㗎。」除咗有美相伴，旦哥兩個囡囡亦有份客串一角，原來旦哥嘅囡囡同老婆早喺93年就有份參與電影《黃蜂尾後針》，旦哥說：「兩個女有一日睇返呢部戲，見到自己好開心，所以今次都決定演一幕。佢哋做兩個好乞人憎嘅OL，嗰場戲真係可以攞影后，因為我一講嘢佢哋就反白眼，係佢哋喺屋企最擅長嘅，做得好自然呀！」
來源:
http://hk.apple.nextmedia.com/entertainment/art/20170119/19902002
陳自瑤禁囡囡做童星
1 :
GS(14)@2017-01-23 07:45:16■谷胸上陣的陳自瑤昨日即場示範插桃花。
陳自瑤（YoYo）昨日到鑽石山出席新春活動，即場示範搓湯圓及插桃花，玩遊戲時更大晒事業線。YoYo透露工作至年三十晚，農曆新年有三天假期：「拍劇都係睇通告，不過年三十晚應該可以食團年飯。」
YoYo大讚老爺及太嫲廚藝了得，所以團年飯YoYo只幫手執頭執尾。她又透露未有時間包利是，但已準備五位數字作利是錢。至於會否生雞仔？她笑謂：「過多幾年先，阿女?家準備入小學，我都好大壓力，不過我唔算怪獸嘅，報興趣班都會問佢感受，佢好鍾意上drama班，但太細個，我唔會畀佢做童星住。」採訪：盧妹攝影：葉君海
來源:
http://hk.apple.nextmedia.com/entertainment/art/20170122/19904738
【廿四孝爹哋】鄭中基戒蒲陪囡囡
1 :
GS(14)@2017-01-26 18:08:24陳冠希快將榮升父親，可能從此修心養性。圈中不少藝人做父親後，變成溫馴的奶爸。
鄭中基【變住家男】
未做父親之前每有酒局夜蒲，逢請必到、逢走必最後，不過自從女兒Emma出世後，差不多已謝絕夜蒲，變成住家男人。
劉德華【漏夜返港】
華仔試過在外地拍戲時，為應女兒向蕙睡醒就要見到父親的要求，特意搭凌晨機返港，回家發現向蕙睡在自己房門等候，此後盡量帶囡囡出埠開工。
方中信【冇晒脾氣】
當年奉女跟莫可欣成婚，囡囡迦晴出世後事事以女兒行先，謝絕一切外出應酬，火爆的脾氣在囡囡面前，亦化解得無影無蹤。
任達華【直踩湊女】
因經常出埠拍戲，見囡囡晴佳時間不多，所以他有時拍戲至天光，稍為梳洗後即湊女返學。
來源:
http://hk.apple.nextmedia.com/entertainment/art/20170125/19907633
林心如親證囡囡未曝光霍建華請假陪妻女過年
1 :
GS(14)@2017-01-26 18:22:17林心如於1月6日，喺台灣為霍建華誕下囡囡「小天使」，一向低調嘅心如就冇打算向外公佈囡囡嘅相，但唔知點解，近日網上就流出「小天使」嘅相，其中一張係林心如抱住一個初生BB嘅相，話雖然睇唔到BB嘅五官，話佢一定遺傳咗父母嘅基因，一定會係一位小美人喎！另一張就見到BB大字形咁好可愛咁瞓喺床上，眼仔碌碌咁望鏡頭，但BB對眼仔就已經打咗格仔，完全睇唔到佢嘅真面目。但台灣傳媒向林心如了解時，林心如睇過啲相後，即時大笑起來兼否認個BB係佢個女，佢仲話前幾日已經睇過啲相，朋友仲講笑話呢個年頭寶寶都有山寨版。林心如仲透露，目前仲為改囡囡個名而苦惱，所以O依家都喺「寶貝」、「寶寶、「心肝」來稱呼愛女。據知網上流出個張單人「華心寶寶照」，其實早於2015年就出現喺某醫學報導嘅文章，甚至好多媽媽懶人包嘅文章都會中也可以見到呢張Baby照，都算係個網紅寶寶。此外，正喺大陸同周迅拍攝《如懿傳》嘅霍建華，有指佢特別向劇組請假三天，回台灣陪伴妻女過農曆新年，之後又要趕返大陸繼續拍攝，中國情人節即元宵節，就唔能夠陪老婆，只能同戲中嘅後宮佳麗一齊過。
來源:
http://hk.apple.nextmedia.com/entertainment/art/20170126/19909544
相隔十年返紅館 囡囡玩獨唱鄭中基怕阿Sa千嬅「上嚟打我兩巴點算」
1 :
GS(14)@2017-01-29 10:31:34■暴龍哥鄭中基前晚再踏足紅館舉行個唱，答謝歌迷二十年來支持。
鄭中基前晚年三十晚於紅館開跨年騷，獲全家力撐，除太太余思敏及一對子女撐場，又有父親鄭東漢上台彈結他伴奏，甚至連囡囡Emma也開金口唱賀年歌，溫馨指數爆燈。鄭中基自爆拒絕送飛給舊愛捧場，因怕對方上台打他一巴，未知所指是否前度楊千嬅或前妻蔡卓妍（阿Sa），及後他更唱出一曲《無賴》。
有「暴龍哥」之稱的鄭中基，相隔十年再踏足紅館舉行一連四場「Play It Again世界巡迴演唱會」，前晚年三十晚頭場，特別安排於晚上9時半開始。
林敏驄有女陪
鄭中基太太余思敏帶同一對子女到紅館，田蕊妮及蘇志威也去到撐場，大抵子女在場暴龍哥不敢爆粗，當現場播出其錄音聲帶提醒觀眾不要拍片時，僅以「嘟」字代替：「唔嘟好拍片，否則用牛歡喜塞嘟你哋把口，再掟嘟你哋出去！」林敏驄亦帶女伴捧場，令人懷疑該女子是否其新歡，但阿驄昨日卻無厘頭回應：「唔係，喺街撞到嘅。」
■余思敏帶同一對子女在台下為老公打氣。
■鄭中基走落台遞咪給囡囡Emma唱賀年歌，贏得全場掌聲。
■鄭中基感激愛過他的人，相信是指前度楊千嬅和前妻蔡卓妍。資料圖片
■演唱會上鄭中基大唱《我代你哭》等金曲。
演唱會前晚以《時間人物地點》揭開序幕，接着他父親鄭東漢出場彈奏《浪子心聲》。鄭中基在台上特別感激太太余思敏為她生了一對子女：「我向來係浪子，冇諗過會生小朋友，但?家覺得有小朋友先有型。」說罷叫囡囡Emma起身向在場哥哥姐姐鞠躬，並笑謂：「佢哋幫補你書簿費。」鄭中基曾大讚囡囡有音樂天份，前晚個唱上他遞咪給囡囡開金口，Emma不但未有怯場，而且更唱完全首賀年歌《恭喜恭喜》，獲全場拍爛手掌。之後鄭中基獻唱《三生有幸》送給太太余思敏，又感慨謂：「因為呢個騷，有好多好耐冇見嘅朋友，都打畀我問有冇飛。好多舊同事、反咗面嘅兄弟，同埋前度女友，當然，我冇畀飛啦，一陣上嚟打我兩巴點算。多謝所有愛我，同愛過我呢個無賴嘅人。」接着他唱出《無賴》，未有提到所指前度是楊千嬅還是前妻蔡卓妍。鄭中基與千嬅於99年分手，06年與阿Sa結婚，可惜婚姻只維持4年。翌年極速與余思敏結婚，誕下一子一女湊成好字。
■林敏驄前晚帶疑似新歡捧場。
■杜汶澤（右）自爆近年回內地有點困難。
杜汶澤笑收皮
跟鄭中基在電影《低俗喜劇》中有爆笑演出的杜汶澤，前晚擔任壓軸嘉賓。阿澤出場自爆：「呢幾年上內地有啲麻煩！」說罷又笑說：「鄭中基演唱會正式收皮，嚟緊雞年，暴龍哥返咗廣西。」其時台下有觀眾叫阿澤唱《眼睛想旅行》，阿澤卻自嘲：「我唱親呢首歌都俾人X，你哋太膚淺，我都好耐冇做演唱會嘉賓，領嘢啦，對上一次係容祖兒。你哋真係絕情，冇人叫鄭中基出嚟，好啦，鄭中基真係就咁就收咗皮。」當雞年將至一刻，鄭中基跟全場觀眾倒數，然後邊唱《喜氣洋洋》邊派利是，最後以一曲《天意》完場。採訪：曹家誠攝影：陳俊強
來源:
http://hk.apple.nextmedia.com/entertainment/art/20170129/19911985
著雞仔衫應節鍾嘉欣囡囡眼大大超可愛
1 :
GS(14)@2017-01-31 16:01:57鍾嘉欣自從生咗囡囡Kelly，即過住少奶奶生活，雖然不時返港出騷，見吓大家，不過fans都會掛住身在加國嘅嘉欣BB，所以嘉欣BB亦多咗喺社交網貼囡囡Kelly嘅相。嘉欣BB昨日貼出兩張囡囡單人相，一張就著住粉紅色華服，寫道：「Kelly wishes everyone a little belated Happy Chinese New Year which includes Good health!!! Peace and safety! Lots of laughs!!! And just all the other good stuffs!!!」同大家講身體健康、和平啲，多啲笑聲。另一張相見囡囡Kelly著住可愛雞仔衫，眼大大，真係可愛到暈!!!
來源:
http://hk.apple.nextmedia.com/entertainment/art/20170131/19913600
林海峰囡囡唔入行
1 :
GS(14)@2017-02-03 03:10:30■彭羚與林海峰的17歲大女林泳，傳被唱片公司爭簽做歌手。資料圖片
90年代的天后彭羚今日踏入48歲，嫁林海峰後退隱多年的她，17歲的長女林泳已亭亭玉立，有指林泳遺傳了媽咪的靚聲天份，去年彭羚帶兩女到紅館捧林海峰的棟篤騷場，被英皇和寰亞的高層?中，搶奪爭簽林泳做歌手，不過被老竇林海峰阻止。
林海峰
報道還謂就算有人想藉任職寰亞高層的姑媽林珊珊幫口游說，但都被珊珊拒絕。然而，據知根本沒唱片公司打仍在求學的林泳主意，英皇高層霍汶希昨在電話說：「英皇對所有有潛質嘅藝人都有興趣，不過冇接觸過林海峰嘅大女。」彭羚於五年前為黃偉文作品展出山，當時有唱片公司力邀她復出，不過林海峰表示經屋企人小圈子投票，已否決了這件事。採訪：皓騫
來源:
http://hk.apple.nextmedia.com/entertainment/art/20170202/19914787
徐榮怕囡囡阻進度
1 :
GS(14)@2017-02-05 10:55:44徐榮與太太昨日帶同兒子徐朗（Karson），以及女兒徐心怡（包包）到清水灣出席赤腳步行籌款活動，包包全程表現興奮。徐榮表示首次與包包做慈善活動：「頭先起步禮之後，要赤腳行少少，佢都有行，仲扭計想行多啲，不過我費事佢阻住大家進度。」徐榮希望與Karson到偏遠地區探訪感受生活，屆時不能打機、沒電視及冷氣，身旁的Karson即望住爸爸笑言：「你對我都好衰喎，我講笑咋。」徐榮坦言囝囝可以打機的日子，寧願不外出：「我都係長假、周末先畀佢打，所以佢特別珍惜。」採訪：盧妹攝影：陳俊強
來源:
http://hk.apple.nextmedia.com/entertainment/art/20170205/19918124
Next Page