富文采愛冒險女死者為爬山休學
1 :
GS(14)@2017-04-29 23:24:33■梁聖岳（左）和劉宸君陰陽永隔。
在登山中不幸罹難的劉宸君，雖然才18歲，但其文筆好的令人驚艷！今年2月，她和男友到印度展開單車旅行，兩人途中曾因小事發生爭吵，在劉留下的這篇最後遊記中，網友閱後無不感慨其「文字美到令人窒息」、「彷彿看到了讓人看到了畫面」。原來，她自幼頗富文采，才華洋溢；酷愛冒險性格的她，為了爬山而休學，差點鬧出家庭革命。
男友熱衷社會運動
「我們在空蕩的車廂中為了非常小的事情吵了一架，與其說在旅行中，任何微小的事件都能夠使接下來的旅途變得令人難以忍受，我寧可將我們的爭執視作為了避免旅途的重量變得太輕，得用這樣的方式使重量回復……我站起身，往他那張椅子的方向走過去。坐下來後，我將原本深吸的一口氣吐出，才真正開始流淚……我若不這麼做，火車就無法駛進沿着平原開展的夜色裏，而我也無法和他在車裏再多待一些時間了。」劉宸君這篇最後遊記文字（節錄）優美，無不令人驚嘆。原來外表不修邊幅的她，卻有着一顆敏感而細膩的心。劉對於中文的潛力，其實早在幼年就已展現。她9歲時就寫下《這一季夏天》，榮獲苗栗縣97年小夢花童詩創作獎優選。家鄉住苗栗市的劉宸君，其舅舅昨日接受《蘋果》電話訪問時，難掩悲痛心情。他說，劉自幼頗富文采，酷愛冒險性格的她，為了爬山休學，差點鬧出家庭革命，姊夫、姊姊最終讓步，沒料到竟是這樣的結局！至於劉的男友，在就讀新竹中學時熱衷社會運動，3年前苗栗縣頭份市華隆勞工抗爭時，曾多次前往聲援，因為一頂大捲毛、黝黑和開朗的個性而成為傳媒採訪的對象。而兩人是因騎單車機緣認識、相戀。台灣《蘋果日報》
來源:
http://hk.apple.nextmedia.com/international/art/20170428/20004308
財金冒險號：瑞聲被唱衰 確認行業見頂
1 :
GS(14)@2017-05-13 01:54:01早排中金教人點樣避開香港「老千股」，仲列出66隻「疑犯」，無非市值十幾廿億嘅細股。估唔到市值千幾億嘅藍籌瑞聲科技（2018）都被指出千，沽空機構 Gotham City Research話瑞聲近三年誇大利潤率。呢個「葛咸城」，應該係第一次狙擊港股，在港知名度不及Muddy Waters、Emerson Analytics等行家，但喺外國戰績都唔錯，成名作係三年前唱衰西班牙科技公司Let's Gowex，目標價係0，結果原本市值百幾億港元嘅Gowex承認造假、破產，蝙蝠俠完勝。葛咸城今次玩法特別：暫時只掟兩版「預覽及簡介」出嚟，並預告稍後會再出報告詳盡講解。唔一次出晒，肯定唔係未寫好，而係玩心理：一方面令股東驚仲有衰嘢跟尾，先沽為妙；另一方面保留實力，等瑞聲出澄清通告，再見招拆招，唔怕被一招駁倒。唱淡嘅時機亦值得細味。葛咸城畀瑞聲初步目標價44蚊，如果喺年初股價70蚊時唱淡，無乜水位，等到變紅底股至出手就唔同講法。何況近兩個月，強勢股如建材、內房、汽車已先後轉弱，獨剩科技股繼續破頂，本身已係強弩之末，咁啱另一手機設備股通達（698）大股東趁高減持。壞消息接二連三，行業好可能就此見頂。笑笑生
http://fb.com/sneeringman
來源:
http://hk.apple.nextmedia.com/financeestate/art/20170512/20018536
財金冒險號：造假文化如何煉成
1 :
GS(14)@2017-05-19 05:39:59共青團話，每年有14萬個港澳青年參與大陸交流活動，但仲嫌唔夠多，計劃擴大交流規模。其實要認識國情（我唔會話「洗腦」咁負面），唔使北上，喺香港都大把嘢睇：（1）堂堂二萬幾億市值嘅股王騰訊（700），業績竟然唔喺港交所首先發佈，而喺旗下騰訊財經網「早洩」，違反上市規則。（2）藍籌新貴瑞聲科技（2018），被沽空機構指控以沒披露的關連公司隱瞞開支、谷高盈利。（3）電訊國企聯通（762），據報其陝西分公司收入造假。短短一日，就認識到大陸同胞嘅無視規距及造假「文化」。但香港人都唔好自以為高尚，因我哋正將下一代港人大陸化。近日成為網絡佳話嘅「3歲兒童神級填色比賽作品」，涉嫌由父母代筆。呢種「為求利益，不擇手段」嘅身教，當然不止於此。隨便舉多個例，為咗仔女報讀基督教名校時加分，唔少父母忽然信教，到收生後又忽然消失於教會。仔女睇在眼內會點諗？友報有專欄指，中資金融公司為符合監管要求，暫時搵港人做負責人員之類人頭，過幾年就會用完即棄，搵番同聲同氣嘅大陸人做。本來香港仍有法治、廉潔、誠信嘅優勢，雖然主權移交以來都正逐步敗壞，但爛船都有三斤釘，如果港人堅守呢幾樣美德，尚可苟延殘喘多幾年，但如果為人父母都教仔女做假，香港嘅賞味期限只會再提前，漸漸融為「粵港澳大灣區」中嘅普通城市。笑笑生
http://fb.com/sneeringman
來源:
http://hk.apple.nextmedia.com/financeestate/art/20170519/20025848
財金冒險號：多謝沽空機構
1 :
GS(14)@2017-06-10 13:26:25沽空機構造成滿城風雨，業界有人痛罵葛咸城之流，主張加強監管沽空機構，以免法規只管好人、不管壞人。此「好/壞」之分幾好笑，預設了唱好、買上嘅係好人，唱淡、沽空嘅係壞人，同大陸嘅「惡意沽空」論如出一轍。借定貨沽空，然後出報告唱淡，如非證監會持牌人，絕無違法，正如任何非持牌人都可以喺報紙、網上唱好自己嘅持股，除非故意發放虛假訊息誤導公眾，而證監會本已有監管，對Citron Research唱淡恒大（3333）而裁定市場失當，就係例證，根本毋須再加強監管。業界抨擊沽空機構，彷彿沽空就係原罪，廿年前索羅斯狙擊港股港元，就被罵作「大鱷」。但批評者無視沽空者嘅作用，第一係「價格發現」（price discovery），令價格趨向理性，第二係捉妖。港交所（388）總裁李小加講過，監管者無法事前過濾老千股，投資者唔好掂就得。渾水之類正好幫手捉老千。沽空機構絕非英雄，無非圖利，但散戶應該感謝佢哋，令潛在老千唔敢咁猖狂，亦令投資者得知老千常用技倆，減低踩地雷風險。紙包唔住火，老千股始終會爆煲，只係沽空機構令佢哋盡早現形。沽空機構亦唔係攪屎棍，只係指出問題所在。不過現今香港有問題時，唔係設法解決，而係鬧指出問題嘅人「搞亂香港」，所以沽空機構被鬧，可算意料中事。笑笑生
http://fb.com/sneeringman
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170609/20049525
財金冒險號：「狼來了」實有一次中
1 :
GS(14)@2017-06-18 21:42:25美國又加息，聯儲局預計下半年再加一次、明年加多三次，但有專家批死加唔到咁多，「債王」格羅斯話最多加多兩次，因為經濟及通脹偏低。小生信耶倫！美息加咗四次，仍只得1.00-1.25厘，喺金融海嘯前，只有2003-2004年更低息。嚴格嚟講，未來一年每次加息都唔算「緊縮」，只係「減少寬鬆」。正如揸車轉彎，轉到一半要開始回軚，等轉到正一正至回就太遲，隨時車毀人亡。聯儲局絕對有條件繼續回軚。美國失業率已重回海嘯前低位，通脹雖未達到2%目標，但睇番上次加息周期始於2004年中，最初通脹都低於2%，之後息一路加，通脹卻升足兩年，可見貨幣政策有滯後。耶倫兩年半前坐正，當時個個話佢係鴿派，但佢任內終結QE、進入加息周期、提高加息步伐、部署縮表，一啲都唔鴿，千祈唔好睇少利率上升風險。香港人就最關心加息會唔會拖冧樓市。樓市好友話今時唔同97，因為現時利率低、負擔比率低、按揭成數低、好多樓已斷供等等，啱。但金管局陳德霖都啱，佢話現在利率極低，當樓市上行周期逆轉，好可能遇上利息上升周期（98年樓價見頂處於減息周期），而港元利息遲早會跟美息上升。香港官員近7、8年不斷提醒加息風險、警告樓市泡沫，信者仆直，但叫咗咁多次「狼來了」都冇狼，唔代表以後都冇狼。笑笑生
http://fb.com/sneeringman
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170616/20057459
財金冒險號：兩招避開狙擊目標
1 :
GS(14)@2017-06-25 10:09:54沽空研究機構又出手，烽火研究唱淡中國家居（692）（烽火自稱未曾亦唔會沽空該股，信不信由你），但因為開市前已停牌，未知股價有何反應。沽空機構接二連三狙擊港股，近期成功率偏低，震撼程度遠不如前，投資者開始麻木，但唔代表可以掉以輕心。早前被狙擊嘅科通芯城（400），市值蒸發一半；瑞聲（2018）股價回穩，但仍較被狙擊前低一成幾，跑輸已再破頂嘅舜宇（2382）。敏華（1999）最硬淨，但有貨嘅都可能低位被震走。無論如何，可能淪為狙擊對象嘅股一定都避開。散戶冇咁得閒實地視察工廠，亦未必睇得通財務報表，從應收帳急升、現金流長期低於盈利等蛛絲馬跡推斷盈利造假。點樣避免踩中地雷？
CFO太年輕要小心
小生只講兩招。第一，福建股全部唔買。洪良國際、超大現代（682）、中綠（904）、富貴鳥（1819）、米格（1247）、青蛙王子（現稱中國兒童護理）（1259）、蠟筆小新食品（1262）、思嘉（現稱中國龍天）（1863），到最近嘅敏華、達利（3799），共通點係福建公司或福建老闆。咁豈不是一竹竿打一船人？係，但你寧願錯過一隻福建藍籌恒安（1044），定可能踩到地雷？第二，財務總監(CFO)太年輕（例如三十出頭甚至未夠）、或在上市前無耐至加入，都增加造假數風險，唔買。笑笑生
http://fb.com/sneeringman
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170623/20065330
內地人冒險參與：要抓就抓
1 :
GS(14)@2017-07-02 14:17:38【本報訊】今年參與7.1遊行人數大跌，港人蹤影減半，但有內地人對本港「春秋二祭」遊行及集會的熱衷程度，比港人過之而無不及，每年7.1遊行及六四集會均堅持訪港。有「死硬派」內地人指，雖然參加遊行的港人越來越少，但他們仍會冒着日後可能被捕的風險參與，因為「今天我不站出來，明天我也站不出來」。來自湖南的蘇先生任職廚師，一年只有兩次簽證來港，自去年起，他用僅有兩次的來港機會參加7.1遊行及六四集會，「內地是沒有機會去參加遊行，我感謝香港有機會讓我們參加」。
諷習訪港「表演得很好」
他認為參與遊行的港人越來越少，不過強調自己不會被人數影響，「我知道自己在做甚麼就夠了，香港人不做，不代表我不能做」，問到怕不怕回到內地被捕，他坦然地說：「我既然選擇來了，要抓就抓吧。」蘇暢談英殖時期的香港，以至國家主席習近平來訪，批評習只視香港為表演地，「表演得很好，他在所能管治的範圍內活動，相反英女王來港會去比較親民的地方，大陸的用語是（英女王）較接地氣」。來自湖南的陳先生任職工人，已連續4年參與7.1遊行。他稱來港參與遊行，令他感到自己「很爛」，「我看到香港人都很努力，但自己做不了甚麼去爭取民主自由」。他指自己愛中國，「因為我愛中國，所以我想她變得更自由，變得更好、更民主」。他不認為遊行能帶來改變，卻會一直堅持，「我感覺（遊行示威後）甚麼都沒有改變，但一定會堅持下去，如果我們都不堅持，就會讓它（中共）想我們怎樣就怎樣」。來自廣西的黃先生自去年起每逢7.1及六四都來港參與遊行及集會，「大陸冇發聲嘅地方，香港有發聲嘅地方表達自己意見；我覺得講得幾啱嘅係，（中共）殖民廿年，所以我嚟聲援」。他指無論遊行人數多寡，他都會繼續支持，「大陸組織遊行就會被拉，我哋養政府，但我哋冇發聲嘅空間，冇發聲嘅自由」。■記者梁佩珊
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170702/20076002
財金冒險號：王者榮耀批鬥玄機
1 :
GS(14)@2017-07-09 03:53:12騰訊（700）嘅王牌遊戲《王者榮耀》被《人民網》一連三日批鬥，造就低吸機會，散戶多謝國家多謝黨，小生無趁低吸納，但都被《人民網》搞到大笑。批鬥有兩大指控：「遊戲內容架空和虛構歷史，扭曲價值觀和歷史觀；過度沉溺讓孩子在精神與身體上被過度消耗」。虛構歷史、扭曲歷史觀，向來係獨裁政權拿手好戲，「只許州官放火，不許百姓點燈」而已。唔通一眾抗日神劇無扭曲歷史？至於第二點，中共幾時變得咁愛護孩子？騰訊能發展至富可敵國，固然係時勢造英雄，食正互聯網大浪，亦多得國策支持。互聯網係所謂戰略產業，大陸封鎖大部份外國公司，本地薑就可以照抄外國產品而獨享14億人市場。獨裁政權最忌其他人有力號召群眾，微信用戶超過9億，中共從無批鬥，因為任何大陸人嘅智能手機都必定有微信，政府要監視人民之言論、行蹤，易如反掌，有利用價值。《王者榮耀》累計註冊用戶2億幾，已被官媒炮轟，因為毫無利用價值，反而騰訊對民眾的潛在影響力，或令當權者有啲唔舒服。「朕賜給你，才是你的；朕不給，你不能搶」。《王者榮耀》批鬥事件，係政府針對互聯網行業的一連串行動之一，一般相信同秋季舉行的中共「十九大」有關，所以今季對科網股都係小心為妙，越大隻反而越危險。笑笑生
http://fb.com/sneeringman
來源:
http://hk.apple.nextmedia.com/financeestate/art/20170707/20081295
財金冒險號：以轉會費喻樓價
1 :
GS(14)@2017-07-29 03:38:17樓價高，唔止係香港問題，仲係全球大都市嘅問題。佛利民話齋：通脹何時何地都係貨幣現象。其實樓價一樣，都係2008年金融海嘯後全球濫印銀紙嘅現象。QE亦波及足球轉會市場，只要你睇睇十年來轉會費走勢，就會對樓價飆升釋然。2009年C朗拿度由曼聯去皇馬，轉會費係破紀錄嘅8,000萬英鎊。8年後嘅今日，愛華頓盧卡古之流都要7,500萬英鎊，?家盛傳尼馬由巴塞轉會PSG，更加要2.2億鎊。放諸樓市，等於2009年買半山豪宅嘅錢，今日只夠買美孚新村，?家想買半山豪宅就要畀貴兩倍。曼聯領隊摩連奴最近都話：轉會費高到危險地步：「普巴、尼馬之類頂級球星，超高身價冇問題，因為一年只得一兩宗。問題在於其餘嗰百幾宗……大球會大把錢，喪買球星都唔怕……至於一般球會，一係唔甘心咁貴買啲普通球員，一係就要高價同人搶。?家閒閒哋一宗交易都要三、五千萬，令人擔心。」摩佬呢段說話，完全可以套用喺香港樓市：山頂、干德道、壽臣山之類真正豪宅，幾貴都冇問題，因為稀有，而買家係真正富豪，唔怕樓價跌。問題在於一般市民，一係驚摸頂，唯有繼續租樓，一係夾硬高價衝入市。?家新界上車盤都閒閒地600、700萬，偽豪宅分分鐘過千萬，確係令人擔心。笑笑生
http://fb.com/sneeringman本欄逢周五刊出
來源:
http://hk.apple.nextmedia.com/financeestate/art/20170728/20103707
Money Walker：比特幣避險變冒險
1 :
GS(14)@2017-09-17 12:51:04侵侵上台後，外圍一如預期好多事，避險需求升溫下刺激金價翻生。筆者原先以為1,300美元關口前會暫時遇阻，點知金價竟然一舉升越阻力，兼創差不多一年高。筆者預期金價短期下一波阻力喺1,350美元，係咪正式重返牛市暫時唔敢講，但中期睇法依然樂觀，就算市場將來對北韓金仔所有行動盲目晒，資金唔再需要流入黃金避險，金價中期仍有兩大支持因素。第一項支持因素就係美元走弱間接推升金價，美元年初起展開跌浪，美滙指數近期喺92關鍵位爭持，倘失守，意味美元未來跌勢有望加快，而美元下跌有利以美元計價嘅黃金。第二項因素則同Bitcoin(比特幣)遭打壓有關。「新興市場之父」鄧普頓新興市場團隊執行主席麥樸思（Mark Mobius）日前指虛擬貨幣開始失控，預期虛擬貨幣將會吸引環球政府注意，當投資者開始質疑虛擬貨幣信唔信得過嘅時候，資金就會重返黃金。唔知幾時Bitcoin俾人當咗做對沖通脹同風險嘅資產，功能與黃金重疊。無疑Bitcoin同黃金兩者係有少少共通點，就係兩者都係較易兌換成現金嘅資產，而且都係限量，所以Bitcoin被視為黃金某程度上嘅替代品並唔出奇。不過黃金同Bitcoin本質上有個好大分別，就係大吉利是一旦打仗的話，前者可以帶喺身當貨幣使用，後者打仗時就真係得啖笑，搵佢避險反變冒險。
El.
http://fb.com/moneywalkerhk本欄逢周三刊出
來源:
http://hk.apple.nextmedia.com/financeestate/art/20170906/20144513
Next Page