唐英年胞妹沽會展廣場 持貨4月賺1300萬
1 :
GS(14)@2016-11-15 07:56:52【明報專訊】本港富豪過往一直鍾情物業投資，唐英年胞妹唐英敏一家亦不例外，近年的代表作，包括今年6月以8300萬元購入的灣仔會展廣場部分單位，上月就以1.05億元售出，短短4個月內火速獲利1300萬元。
有關單位為會展廣場辦公大樓40樓10至12室，面積約3004方呎，唐英年及唐英敏等人於6月以8300萬元購入，至10月底售予中資背景人士，呎價達3.5萬元，創該廈新高，4個月內帳面獲利約2214萬元，升幅26%，若扣除使費等料實賺約1300萬元。事實上，唐英敏於2010年亦以約6069萬元購入荃灣工廈皇廷廣場高層複式單位，並於2015年以約8961萬元售出，5年帳面獲利2892萬元，賺幅47%。
郭少明7269萬掃敦皓2伙
至於郭少明及其家族成員方面，今年3月斥資至少7269萬元向豐泰地產購入西半山敦皓兩個單位，其中一個實用1303方呎的低層B室，成交價達4052.4萬元，實呎3.11萬元。不過，郭少明近年最大的地產投資，要數於2010年至2012年期間以共約16億元購入的銅鑼灣登龍街2至28號，雖然郭氏曾於市場上放售該地盤，惟最終決定保留，現時已建成商廈V Point收租，項目總樓面約15萬方呎，料市值超過40億元。
李子良家族持凱旋門禮頓山等豪宅
李子良及家族成員，則鍾情豪宅物業，有指李家成員2008至2013年間，動用至少8.4億元購入18項物業，最矚目要數到2011年百老匯「太子女」李惠貞及相關人士豪擲2.2億元，向長實（1113）購入中半山君珀3個單位；另有指該家族所持物業，仍包括九龍站凱旋門、跑馬地禮頓山及薄扶林貝沙灣等多個豪宅屋苑。
[地產]
來源:
http://www.mpfinance.com/fin/dai ... 1974&issue=20161114
將軍澳廣場車位163萬破頂
1 :
GS(14)@2016-12-01 07:52:36【明報專訊】自政府加辣後，資金不斷流入車位市場。各區不少大型屋苑續錄車位新高成交。將軍澳廣場有車位高見163萬元。香港置業區域董事朱海傑表示，將軍澳廣場單號車位，以163萬元成交，創屋苑車位新高。原業主於2014年1月以86.6萬元購入，持貨近3年帳面獲利76.4萬元或88%。
水藍．天岸車位高見115萬
另一邊廂，東涌水藍．天岸亦錄車位新高成交。中原副區域營業經理陳繼成表示，水藍．天岸單號車位，以115萬元成交，成交價創屋苑新高。原業主於2013年1月以84萬元購入，帳面獲利31萬元或37%。
投資客864萬掃龍豐3車位
另上水龍豐花園獲投資者連購3個車位。美聯分行助理聯席董事王子超表示，有投資客斥資864萬元連環購入3個上水龍豐花園貨車車位，每個做價288萬元，創區內新高。此外，新盤屋苑亦乘勢拆售車位。恒地（0012）馬鞍山迎海．星灣御，將於本周六開售車位。
迎海‧星灣御拆售車位
市場消息稱，每個車位定價約200萬元，首15名購買1378方呎以上大單位的買家，可以92折優先購買車位。
來源:
http://www.mpfinance.com/fin/dai ... 5266&issue=20161201
步行數分鐘抵荷里活廣場
1 :
GS(14)@2016-12-04 17:22:32龍蟠苑平台花園佔地廣，惟康樂設施少，自設小型商場，提供超市、酒樓、茶餐廳及少量商舖，幾分鐘步程到荷里活廣場，有戲院及更多商舖食肆選擇。荷里活廣場基座有大型小巴及巴士總站，多條路線往返港九新界各地。屋苑正門外設有港鐵鑽石山站出入口，搭車方便。屋苑另有出口可前往公屋鳳德邨，設有商場及街市，提供街坊式消費搵食選擇。物業附近有不少公共休憩空間及設施，如荷里活廣場旁邊的志蓮淨苑、鄰近黃大仙的鳳德公園、位處斧山道的遊泳池及運動場，俱在龍蟠苑附近5至15分鐘步程處。距屋苑約5分鐘車程的蒲崗村道學校村，集中多所中小學，包括專門音樂學校國際基督教優質音樂中學及小學。
來源:
http://hk.apple.nextmedia.com/financeestate/art/20161204/19853041
太古廣場：仲去百年唱Yen咁儍豬？
1 :
GS(14)@2016-12-07 07:56:29講啲唔啱大圍channel嘅嘢，就叫掃興。難得今日阿姐今日去咗小圈子協會lunch，成team人即刻傾一陣早走去邊度食個長飯，但最識食嗰個Connie竟然話佢唔去。「我一陣要去百年唱錢呀，下個星期去九州」。有無發現好多人都係咁，捨得畀幾千蚊買機票酒店去日本，但就要慳埋嗰幾個價位，排足成個lunch time去慳幾舊水。次次有人講去邊唱Yen最平，我都笑而不語。「幾百蚊可以食餐好啦！抵喎！」媽咪級秘書搭嗲。Well，先唔好講幾百蚊喺日本可以食得有幾好，為咗嗰一餐去後樓梯企足半個鐘，講緊如果你咁好彩打到電話訂cash咋喎，打唔通分分鐘排足成個鐘都無得你唱。見到Connie唔知點算咁嘅樣，又係成日去日本嘅Daniel話：「而家銀行啲rate都好好㗎喇，你有無中銀戶口呀？你無我幫你唱吖！」我即刻碌大隻眼望住Daniel，唔係好奇呢個次次去親都係秋葉原嘅宅男點解都會咁熟架步，而係吃驚佢終於踏出第一步進攻Connie。「……家姐！」我吃驚到Connie係咁叫我都聽唔到。「你上次去東京咪話唔使錢訂酒店嘅？我啲friend問你點樣訂㗎，佢哋話酒店訂咗好貴呀今次」。「你12月去梗係貴啦……不過你咁鍾意唱cash，都無免費酒店住㗎喇」。個個露出「關咩事呀」嘅表情望住我，而我只想快啲去食lunch：「我就唔鍾意帶錢嘅，食飯買嘢，甚至去七仔買mask嗰千幾Yen都碌卡儲分。而家唔係張張卡都儲miles㗎喇，知你哋鍾意搭廉航吖嘛，碌完卡變咗可以直接儲分換機票或者酒店，外幣仲要儲得快啲㖭。咁你話，排隊唱錢慳嗰幾百蚊抵啲，定係幾晚酒店唔使錢抵啲？」我見媽咪級秘書想開口，都估到佢想講乜㗎喇，梗係唔俾機會佢搭嗲。「就算銀行賺你滙率，都賺唔到你住幾晚酒店嗰幾千蚊咁多啦。仲有方便呢？日日帶住幾十萬cash你估真係唔驚呀？一個唔覺意跌咗銀包，你慳幾多千都無晒啦」。講到口水乾，最後Connie都係無同我哋食lunch，因為佢返咗屋企攞住址證明去申請張卡去日本碌；我呢？就梗係食完lunch爭住碌卡啦，碌港紙都儲到分㗎。講係咁講，日本好多地方都仲係要用cash嘅。傳統食店同魚巿場唔在講，坐交通工具用嘅IC Card（日本八達通）大部份增值機都仲係要用現金增值。要去郵局買名信片，甚至寄戰利品返香港，都只係收cash。到時大吉利是唔夠cash用，都可以去7-11或者郵局嘅ATM提款，只有呢兩個地方先可以用海外提款卡，當然記得出發前要喺香港ATM啟用左「海外提款功能」先啦。關家姐
http://www.fb.com/kwangajei本欄逢周三刊出
來源:
http://hk.apple.nextmedia.com/financeestate/art/20161207/19857072
太古廣場：邊個話冇free lunch？識食一定咁樣食免費餐
1 :
GS(14)@2016-12-21 23:40:53「若不用付費，用家才是商品（If you are not paying, you are not the consumer, you are the product being sold.）。」在KOL泛濫的年代，這句說話重新發揮它的魔力。不過家姐我志不在講呢啲marketing系高深話題，而是實實在在、飽肚嘅free lunch。最近一到lunch time，pantry又少咗人。Connie早早閃咗去尋找隱世美食、Priscilla搭叮叮返屋企陪個囡食完飯再返工，叫外賣free lunch塞爆pantry嘅情景已不復見。事源係一個幾個月前出現嘅叫外賣App，家姐我有幸收到風，又喺金鐘呢個咁具地利嘅地方返工，個App當時第一炮就係每個月sponsor三餐free lunch，上限二百蚊。二百蚊即係食到幾多嘢？我唔直接答你，我用例子答你。我叫嘅第一餐free lunch其實係free dinner，記得當日做完中期業績已經死死吓，飯都唔想落街食，偏偏又要喺公司等運到。唯一嘅highlight就係有得食免費餐。嗰陣個App仲未有好多餐廳，我揀咗一間越南餐廳，一碗火車頭、一盤刁草薯條配明太子沙律醬、一客蝦春卷，仲有兩罐汽水。落單半個鐘後送到嚟，薯條春卷熱辣辣，火車頭仲分湯上。而我，一蚊都無畀過。
App一開始送free lunch，梗係博你download咗個App先，以後再自己畀錢order；又或者博你打卡或者同朋友開心share，幫佢免費賣廣告。人肉廣告就係，你食咗佢餐free lunch，就變咗商品，好似變咗《千與千尋》入面隻豬咁。之但係既然要做商品，梗係要做賺到盡嗰個。新會員優惠當然用到盡，家姐我就食晒三餐free lunch。到Connie佢哋發現呢個App時，已經無二百蚊免費餐呢支歌仔唱，新會員得嗰五十蚊free quota。唔夠食free lunch，我哋都叫咗幾日免費芒果糯米糍同桂花糕做甜品，法國薄餅crepes都叫咗三、四次。媽媽級Priscilla做得仲盡，唔喺公司食lunch，都要叫支竹蔗矛根送到嚟公司，拎返屋企飲。免費喎，why not？個App現時已經唔算新，以一個App嘅周期嚟講，簡直係去到outdated嘅階段。呢個時候仲可以點幫自己日日賺？就係成為另一個商品──like佢facebook。公司都深明雞髀打人牙骹軟，日日都定時定候畀折頭promotion code，先到先得。計落我哋成個team加埋，已經免費食咗幾千蚊嘢。當然我哋貢獻晒啲私人資料去開account，又得閒喺WhatsApp同朋友讚吓隻App，仲like埋佢facebook。係做咗人肉廣告㗎，但啲免費炸雞同炸雲吞，又真係幾好食。故事係咪真係咁美好？梗係唔係啦，都話現時個個都出去食lunch又或者帶飯。除咗着數越嚟越少，啲伏位都慢慢浮現。有咩咁伏？下次再教精你，我到站落車趕去譚仔啦。【家姐教路】想知道免費優惠，都離不開subscribe email alert同埋like facebook。記得呢啲promotion多數有期限，如果唔想蝕，不妨order啲唔使補錢嘅細額小食，珍珠奶茶都係一個好選擇。最後最後，confirm order之前記得望吓係咪真係用咗promotion減咗價，詳情下次伏位揭密再講。關家姐
https://www.facebook.com/kwangajei/本欄逢周三刊出
來源:
http://hk.apple.nextmedia.com/financeestate/art/20161221/19871670
太古廣場：年尾保平安旅遊攻略
1 :
GS(14)@2016-12-28 08:11:05每逢年尾幾日假都係home parties大日子，同埋睇人滯留日本機場失禮表演，沒有例外。家姐我成日俾人問外遊點玩先抵，peak season去圍威喂一定唔係我嗰皮先；仲要暴風雪季節去北海道？Well，我完全唔明去東京會驚幅射，但去北海道唔驚暴風雪唔驚delay瞓機場係咩心態囉。以抵玩角度，呢啲地方、呢啲時間，一定超多人超貴超迫，機票酒店唔再講，玩得嚟唔盡興簡直係大忌，人迫人都嬲啦，仲要瞓機場人迫人，有乜為先？當然君不見大部份着晒嘅都係帶埋細路去嘆暴風雪上Geog堂嘅港爸港媽，年尾放假先有時間帶一家大細旅行㗎right？明嘅明嘅。幾日後又新年新開始，early planning係抵玩必修科，家姐教定路2017年年尾闔家旅行保平安攻略：一、好鍾意而又一定要去北海道滑雪的話，可以先參考過去幾年細路校曆表，同公司請定假，學校一開始放假就直飛北海道，一般滑雪場11月尾就開，基本上越近年尾至2月係暴風雪高峯期，早去早享受又安全啲。一早plan定就可以睇實平機票，一家大細就梗係唔坐廉航啦，港航北海道來回都係三千零，有晒飛機餐又坐得舒服，使鬼咁辛苦儲里數搭CX咩，碌DBS Black Card留番嚟免費book北海道酒店啦。二、聖誕既然有假又有錢想去旅行的話，可以去東京大阪呢啲非高危地方，燈飾又靚又可能有雪落，北海道或者北歐呢啲俾雪搞到好甘嘅地方，真係咪搞我，我寧願去泰國避吓寒。嚟緊1月尾又農新年假，咪話家姐唔提你，嗰期都好高危吓。都係嗰句，玩得唔開心就幾平都唔抵啦。【家姐教路】2017年like晒啲航空公司facebook同埋subscribe email alert，年中有咩優惠機票都可以即刻mon到，唔使等人提；另外坐廉航嘅諗清楚係咪真係要開張成行成巿嘅儲milage信用卡，儲得嚟都飛咗幾轉。關家姐
http://fb.com/kwangajei本欄逢周三刊出
來源:
http://hk.apple.nextmedia.com/financeestate/art/20161228/19878532
狙擊手除夕夜時代廣場戒備紐約泥頭車陣防恐襲
1 :
GS(14)@2016-12-31 10:17:40今日是大除夕，在恐怖襲擊陰霾下，美國高度戒備迎新禧，曾受過911恐襲的紐約市內弛外張，單是時代廣場便會有7,000名持槍警察維持秩序及3架直升機在上空巡邏，特種部隊會在附近隨時候命，狙擊手將進駐高點監視，而為防會有貨車襲擊，警方特別調派多輛重型車部署作路障。
■反恐特警全副武裝高調巡邏。
預料今晚會有逾200萬人到時代廣場，觀看大水晶球徐徐降下的傳統新年倒數儀式，加上候任總統特朗普的過渡團隊大本營就在第五大道的特朗普大廈，警方保安空前嚴密。針對今年法國尼斯和德國柏林先後有恐怖分子駕駛貨車衝入人群施襲，紐約警方調來165架垃圾車和重型貨車，部署在市中心主要路口作路障。這些被稱為「阻隔車」的大貨車每輛重達16噸，加上滿載泥沙令重量倍增，萬一真的有恐怖分子重施故技，駕駛貨車橫衝直撞，阻隔車也能發揮緩衝作用，保護紐約民眾。
市民須通過多重安檢
特朗普較早前在佛羅里達州，雖然未清楚他今晚會否返回紐約度新歲，警方還是以防萬一，用十幾架阻隔車組成鐵桶陣，來保護特朗普大廈。今晚要進入紐約時代廣場的人，必須通過多重安檢，包括金屬探測、放射性探測和炸彈搜索犬，行李、背包、雨傘等一概不准攜帶入內。當局加派便衣警察到地鐵和中央公園等地方巡邏。警隊監控人員會通過全市5,000幾個閉路電視，密切注視人流情況，警方揚言如有任何突發狀況，前綫警員都能立即處理。美國國土安全部上周曾發出警告，指本土激進分子或會趁新年發動孤狼式的襲擊，但紐約警察總長奧尼爾大派定心丸，強調今晚跨年夜會「將是世界上最安全的活動之一。」至於今晚負責按下大水晶球倒數按鈕的嘉賓，是聯合國秘書長潘基文，這將是潘最後一次以聯合國秘書長身份出席公開活動，因為由1月1日，他便會離任，由葡萄牙前總理古特雷斯接棒。除了紐約市，新奧爾良亦有在街上部署阻隔車，並封閉一段主要道路，不准汽車駛入，只供市民慶祝新年，市長蘭德魯稱已盡量在保安和方便之間作出平衡，避免該市變成戰場的模樣。在波士頓，警方就在市集和宗教機關安裝新的圍欄。《紐約時報》/《美國今日報》/美聯社
來源:
http://hk.apple.nextmedia.com/international/art/20161231/19882398
太古廣場：幕後玩家開年是咁的
1 :
GS(14)@2017-01-05 08:06:18開爐日，先同大家講聲新年快樂！不過喺office就唔多快樂，雖然話一個月唔夠又放多幾日新年假，須知上巿公司的宿命就係過咗年就要準備舊年條數。無錯，敝公司係十二月計year end的。而全年業績又出得零舍早，介乎喺兩位李生——國寶同超人中間，兩個半月去執十二個月嘅數，仲要有晒圖表、巿場數據、powerpoint同埋老細講稿，你都咪話唔頭痕。「家姐，printer返咗稿喇」。除咗份通告之外，無乜人睇嘅「大書」——即係份年報（順帶一提，「細書」即係中期報告，薄身好多），先至最揦脷。大書通常遲通告半個月出，你以為一月頭開始做已經好早？哈，舊年十二月頭我哋已經要同designer house傾design，用咩風格同style，要配合乜嘢相。太似舊年嗰本又唔得，完全唔似樣又唔得，有時真係勁羨慕本嘢可以hea出嗰啲同業。同designer house傾掂晒啲design就開始同printer合作，我哋一路掟啲內容畀佢哋，佢哋就放落個template，偏偏呢啲位先keep住出事。「喂點解呢一頁啲字size係9，下一頁明明係同一個section但size變咗8？」「跨版兩個框點解會爭咗3mm？好明顯喎」。「喂我入畀你嗰張圖line graph，灰色線同藍色線點解掉轉咗㗎？」就係呢啲嘢都會執成兩個幾月，而且越多內容入落去就會越多錯，到cut off嗰日我同Connie要落printer幾乎不能倖免。幾乎要sign off一刻先發現appendix啲細表左上角「千美元」字體有啲大有啲細，統一番嗰廿幾個表嘅size，再等得printer改同print同翻check，sign off得嚟已經1點，然後聽日準時返工唔該。當然呢啲一年只得嗰一次，而且拎住本墨水味勁攻鼻嘅大書時，其實又真係鬼死咁有滿足感。代各公司奉勸所有股東一句，收到公司啲大書睇多兩眼呀，有血有汗㗎真係。雖然講到咁大工程，業績同年報呢啲畢竟只係定期工程，有晒框架有晒時間表跟住去做。最驚反而係啲預計唔到嘅嘢，例如啲客出事畀唔到錢，或者發生工業事故，無得準備嘅事先係最得人驚。同做人一樣，返工放工辛苦有咩大不了？至少所有嘢都係預計之中。2016年有唔少生離死別，但至少世界照常運作，我同你都好哋哋繼續做到隻狗咁，其實已經好感恩。感性完繼續chur業績，家姐我農曆年尾嗰幾日仲要飛日本㗎，呵呵呵！【家姐教路】新一年又開始，有啲信用卡又再接近到期日喇。唔用就記得同銀行講定唔續，唔係又一張新卡會送到。最近好多卡都有哩數優惠，唔少人都開多咗新卡。提提你哋，越多信用卡，信貸紀錄會越差㗎，你張張都定期找數都係咁話。信貸紀錄越差，去銀行借按揭、借私人貸款個息都會高啲㗎。關家姐
http://fb.com/kwangajei本欄逢周三刊出
來源:
http://hk.apple.nextmedia.com/financeestate/art/20170104/19885422
大媽不聽勸 廣場舞照跳
1 :
GS(14)@2017-01-05 08:07:05【安徽】■市民昨戴着口罩在廣場跳舞。路透社
河南衞輝市霧霾嚴重霧鎖全城，甚至有人走在對面都看不清，在一個小廣場內，一群大媽卻無懼霧霾，在強勁的音樂節拍下繼續大跳廣場舞，情景如人氣美劇《陰屍路》（Walking Dead）翻版。有好心大爺勸阻：「都是不怕死的人。」跳舞大媽反擊：「謝謝領導的關懷！滾吧！」
【北京】■街頭大型螢幕顯示北京各區昨日空氣污染嚴重。美聯社
醫生霧霾詩 惹國際關注
同濟大學附屬上海市肺科醫院胸腔外科副主任趙曉剛，寫了一首關於肺部磨玻璃影的英文詩，透過擬人化手法，用肺部磨玻璃影的口吻，道出對霧霾的喜愛，凸顯霧霾對肺腑健康的危害，諷刺在中國嚴重霧霾下人民產生的肺部病變，作品日前獲刊於美國權威胸腔外科雜誌《CHEST》，引起國際輿論。
途經重災區 高鐵白變灰
嚴重霧霾令市區灰濛濛之外，內地有攝影師前日在北京南站拍攝從上海抵京的高鐵，該列車穿越了華東、華北全部重霧霾區，沿途未經雨水沖刷，因高鐵在高速下產生空氣壓，於是令空氣中的細小顆粒物緊貼車身，原本潔白的車身到站後沾滿灰塵（左圖），讓人意識到霧霾的恐怖。
來源:
http://hk.apple.nextmedia.com/international/art/20170104/19885831
先達廣場地舖減租26%
1 :
GS(14)@2017-01-21 03:34:10【本報訊】零售慘淡，手機店林立的旺角先達廣場近年吉舖持續上升，就連鄰近正門的地下G8及G9號舖都一度丟空及短租。消息稱，這兩個商場最靚地舖，近期終於租出，月租約26萬元，比舊長租跌26%。市場消息指，旺角亞皆老街83號先達廣場地下G8及G9號舖，面積約750呎，剛以26萬元租出，呎租347元。舖位由高登大藥坊在2013年以較當時舊租高87%搶租，月租35萬元，經營三年多，去年初退租後，曾一度以短租形式每月20萬元出租。及後業主曾叫租32萬元，已較舊租平約8.6%，直至近期才租出，新租客賣時裝。住宅基座地舖近期頻獲追捧，據土地註冊處資料，將軍澳富康花園地下53至58號，涉及4個舖位，面積約666方呎，以2,600萬元成交，新買家為約基有限公司，主要董事為文景華，他是負責替領展（823）管理的外判商建華集團董事之一。
來源:
http://hk.apple.nextmedia.com/financeestate/art/20170120/19902864
Next Page