📖 ZKIZ Archives

馮仁昭四圍超：阿嬌搬屋被屈戀胡鴻鈞

1 : GS(14)@2015-11-08 23:54:16

資料圖片








情路坎坷嘅鍾欣潼（阿嬌圖）同前度韓國男友K先生（權寧一）分手兩年，有報道話佢同巨聲幫胡鴻鈞撻着兩個月，仲話小鮮肉胡鴻鈞日前上阿嬌喺九龍塘嘅香閨，共度咗20粒鐘，但報道只係影到兩人各自出入，冇合照。究竟阿嬌係咪真係鍾意嗒「新鮮方塊酥」？經理人霍汶希（Mani）喺電話否認：「阿嬌啱啱搬去嗰度，估唔到傳埋啲咁嘅新聞，真係好搞笑，當然唔係啦。」撰文：馮仁昭





來源: http://hk.apple.nextmedia.com/entertainment/art/20151106/19361316
PermaLink: https://articles.zkiz.com/?id=293775

馮仁昭四圍超：千嬅拖林德信佛山開騷

1 : GS(14)@2015-11-10 08:43:50

楊千嬅啱啱完咗巡迴演唱會佛山站，林德信（Alex）做嘉賓，Alex笑話最開心可以拖到千嬅隻手，千嬅就笑問觀眾Alex係咪好靚仔，個樣似唔似爸爸林子祥都咁靚。今次巡演千嬅新加兩件戰衣，又特別點唱咗陳奕迅嘅《十年》，佢話每次唱首歌，唱到一半一定喊，因為歌詞太到位。另外，佢而家忙緊宣傳新戲《哪一天我們會飛》，千嬅話好多朋友睇完都話好感動。撰文：馮仁昭





來源: http://hk.apple.nextmedia.com/entertainment/art/20151110/19366361
PermaLink: https://articles.zkiz.com/?id=293813

馮仁昭四圍超：黃宗澤答應飲杏兒喜酒

1 : GS(14)@2015-11-11 08:49:16

黃宗澤噚晚喺將軍澳出席無綫嘅節目巡禮，講到舊愛胡杏兒婚訊，佢話：「梗係要請我啦，唔係唔請呀？但要睇我嗰日喺唔喺香港。」有人叫佢搶親，佢話：「《上海灘》許文強呀？」咁佢有冇酸溜溜？佢笑住答：「如果嗰晚食糖醋排骨咪會酸囉！」無綫亦宣佈81台翡翠台畫面將改以高清播放，高清翡翠台就改名為「J5」，夜晚播財經節目。撰文：馮仁昭





來源: http://hk.apple.nextmedia.com/entertainment/art/20151111/19367606
PermaLink: https://articles.zkiz.com/?id=293818

馮仁昭四圍超：基仔婚禮林峯被「失蹤」

1 : GS(14)@2015-11-13 08:44:52

古巨基同太太Lorraine前晚喺中環補辦婚宴，基仔喺台上真情剖白，之後仲唱咗自己作曲嘅《我與你》，最後仲深情擁吻。而鄭希怡個寶貝女梁浸浸就喺台下成為眾人焦點，皆因佢任抱唔嬲可愛到暈。


林峯


另外，前晚TVB節目《娛樂頭條》個個出席基仔婚禮嘅賓客名都講晒，淨係冇講離咗巢嘅林峯嗰名，唔知係講漏定突登。撰文：馮仁昭





來源: http://hk.apple.nextmedia.com/entertainment/art/20151113/19370535
PermaLink: https://articles.zkiz.com/?id=293837

馮仁昭四圍超：準新郎Eric笑談婚禮

1 : GS(14)@2015-11-13 08:46:55

王菀之（小圖）前日宣佈同拍拖2年嘅Figure王蘇卓航（Eric）喺呢個月28號結婚，消息傳出後唔少人都戥佢哋開心，準新郎Eric噚日下晝單拖離開牛頭角屋企，心情勁靚嘅Eric俾人追問婚禮，佢話：「準備緊，搞掂晒會通知大家。」之後笑笑口坐車去觀塘返工。此外，森美噚日喺中環出席活動時話：「喺朋友口中知道，佢冇請飲但我做姊妹都得。」撰文：馮仁昭





來源: http://hk.apple.nextmedia.com/entertainment/art/20151113/19370520
PermaLink: https://articles.zkiz.com/?id=293840

馮仁昭四圍超：陳慧琳EQ高少醜聞

1 : GS(14)@2015-11-13 08:47:29

陳慧琳（Kelly）日前接受汪曼玲有線節目訪問，入行20年極少負面新聞，佢話：「我唔識太複雜去諗嘢，亦唔鍾意熱鬧，性格好悶。」Kelly仲自認EQ甚高好少發火：「我從來都冇『我好紅』呢個諗法，人哋幫你做嘢，仲要諗人唔好？最緊要係尊重人。」講到當年接受人工受孕，Kelly話過程痛苦，諗起都驚：「有兩個聽話嘅囝囝已經好好，我唔會再人工受孕。」撰文：馮仁昭





來源: http://hk.apple.nextmedia.com/entertainment/art/20151113/19370530
PermaLink: https://articles.zkiz.com/?id=293841

馮仁昭四圍超：《使徒行者》拍電影版古仔上馬　林峯被Out

1 : GS(14)@2015-11-25 08:18:51

由苗僑偉、林峯同佘詩曼主演嘅劇集《使徒行者》上年播出收視唔錯，內地嘅博納公司牽頭拍電影版，仲拉埋古天樂嘅天下一、寰亞合作，無綫都會投資番少少。電影版導演用番《使》劇監製文偉鴻，去咗寰亞嘅梁家樹會做監製，顧問就係王晶，演員就繼續由阿佘演番釘姐，反而飾演爆Seed嘅林峯就冇份做，而古仔同張家輝嘅黑社會人物係全新創造出嚟，吳鎮宇會做一個精明警察。故事方面，會延續劇集5個卧底之後，其實仲有第6個，所以電影版主要講述黑幫要追查混喺佢哋組織內嘅第6個卧底係邊個，咁到底係家輝定古仔呢？馮仁昭就唔踢爆喇，留番觀眾入場睇啦！


■《使徒行者》電影版繼續由阿佘演釘姐，林峯就冇份喇。劇照

或拉隊巴西取景

《使》片製作費約8,500萬元，聽講會去巴西拍外景，預算下個月中開拍，其實唔好以為會有好多錢拍，因卡士面都幾乎去咗一半製作費，家輝收2,000萬元片酬、古仔1,500萬元、鎮宇1,000萬元，加埋監製、導演同其他演員嘅支出，製作費真係要慳住使，如果計唔掂數，聽講會放棄去巴西拍外景。撰文：馮仁昭





來源: http://hk.apple.nextmedia.com/entertainment/art/20151124/19384801
PermaLink: https://articles.zkiz.com/?id=293894

馮仁昭四圍超：杏兒女僕告別單身

1 : GS(14)@2015-12-11 09:45:06

胡杏兒本月28日就出嫁，佢喺婚前約一班好姊妹包括胡定欣、李施嬅、黃智雯、人妻胡蓓蔚、姚子羚同馬賽等出埠狂歡。杏兒更穿上女僕裝配魚網絲襪。杏兒噚日將旅程照片上載社交網，又留言：「謝謝我的好姊妹們，謝謝你們為我安排的Bachelorette party，沒想到大家這麼忙最後還是能夠成行，雖然只是數天，但已經很開心，希望以後我們還有很多很多這樣在一起的機會。」撰文：馮仁昭





來源: http://hk.apple.nextmedia.com/entertainment/art/20151211/19407366
PermaLink: https://articles.zkiz.com/?id=293928

【馮仁昭四圍超】C AllStar爭五連霸遇勁敵

1 : GS(14)@2015-12-21 14:51:11

C AllStar、Kolor噚晚喺尖沙嘴出席環保聖誕樹亮燈儀式，C AllStar話今個聖誕喺內地開騷，諗住叫成員阿King扮聖誕禮物，送畀台下觀眾拆禮物。講到商台叱咤頒獎禮，佢哋已經係《我最喜愛組合》四連霸，如果攞埋今年就平到Beyond嘅五連霸，佢哋話今年多勁敵，未知點。撰文：馮仁昭





來源: http://hk.apple.nextmedia.com/entertainment/art/20151221/19419944
PermaLink: https://articles.zkiz.com/?id=293990

【馮仁昭四圍超】嫌自家製唔掂寧外購　TVB大清洗雪5劇

1 : GS(14)@2015-12-28 14:40:30

■對於同周麗淇主演嘅《流氓皇帝》傳無限期雪藏，馬國明話唔回應。資料圖片








無綫行政總裁李寶安早排下令「優化」戲劇組，助理總經理杜之克即刻做嘢，聽聞佢認為有5部劇拍得好差，所以日前開內部會議後決定將嗰5部抽起唔播，無限期雪藏。5套劇包括黎耀祥同胡杏兒主演嘅《巾幗梟雄之諜血長天》、馬國明嘅《流氓皇帝》、張兆輝同陳敏之主演嘅《性在有情》、陳慧珊嘅《波士早晨》，以及郭晉安同楊怡嘅《末代御醫》。



嘥咗7500萬

一集劇製作費約60萬元，有幾部劇去內地拍外景，每集起碼80萬元，而家5部劇夾埋115集，無綫起碼丟咗7,500萬元落鹹水海，但杜之克覺得本土製作唔掂，寧願播外購劇，好似今晚無綫黃金時段就會播內地劇《無心法師》，而無綫手頭上買咗好多部內地劇，嚟緊香港觀眾「有排嘆」！對於《流》劇被雪藏，馬國明噚日話：「未經證實，冇回應。」至於陳敏之就話：「冇聽過，如果冇得播當然好可惜，但我會尊重公司嘅決定。」



■《巾幗梟雄之諜血長天》傳被杜之克認為製作唔掂而遭雪藏。

■陳敏之（右）同張兆輝（左）嘅《性在有情》曾被指抄港視《大眾情性》。



其實除咗《巾》劇之外，咁啱其餘4部都係已離職嘅高層梁家樹旗下監製拍落嘅，而家全部入雪櫃，所謂一朝天子一朝臣，難怪早排羅家英話：「梁系已飄蓬葉落，你明白的。」撰文：馮仁昭





來源: http://hk.apple.nextmedia.com/entertainment/art/20151228/19428760
PermaLink: https://articles.zkiz.com/?id=294039
Next Page
ZKIZ Archives @ 2019